Connect with Us

A kanë shans të futen në zgjedhje PD dhe LSI tani?/ Ja si përgjigjet Astrit Patozi

Aktualitet

A kanë shans të futen në zgjedhje PD dhe LSI tani?/ Ja si përgjigjet Astrit Patozi

Publikuar

-

Astrit Patozi ka deklaruar sot se Bindja Demokratike është pro që nëse do gjendeshin hapësira ligjore, edhe PD dhe LSI të futen në zgjedhje, por kjo sipas tij nuk është i tyre.

I ftuar në A2 CNN, Patozi u shpreh se mazhoranca ka si qëllim të arrijë një tjetër marrëveshje me opozitën jashtë parlamentit, sërish në dëm të interesave të vendit.

I pyetur nga gazetarja se a kanë shans të futen në zgjedhje PD dhe LSI tani?, Patozi tha se “Unë jam i prirur të ketë. Ne duam që nëse do të gjendeshin hapësirat e duhura ligjore, ata të marrin  pjesë në zgjedhje, por PS, Balla apo Gjiknuri nuk kanë parasysh këtë, ata shpresojnë të bëjnë marrëveshje, kjo do jetë e rëndë për interesat e vendit.

Ata janë në të drejtën e tyre për të bërë luftën e tyre politike, por kjo është tërësisht absurde”.

LEXO EDHE:  Zgjedhje në qershor? Rama: Të mos vihet në diskutim nga askush

Gjithashtu ai tha se Basha dhe Rama mund të arrijnë një tjetër marrëveshje si ajo e 17 majit 2017, për të cilen tha se kishte një “dashuri” të madhe mes tyre.

“Ata mund ta bëjnë prap, si sot dy vjet kishte një “dashuri” të madhe. Por ajo marrëveshje i bëri keq PD-së dhe nëse e bën prap do ti bëjë dyfish më keq. Vota e shqiptarëve do të mbrohet, vetëm ajo do të vendosë se kush do jetë në qeveri apo opozitë”-tha Patozi./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Protestat e dhunshme në Bejrut, reagon SHBA

Publikuar

-

Nga

Protestat e dhunshme në Bejrut, reagon SHBA

Në kryeqytetin e Libanit, policia përdori gaz lotsjellës ndaj demonstruesve që u përpoqën të kalojnë një barrierë për të arritur në ndërtesën e parlamentit, ndërkohë që numri i të vdekurve nga shpërthimi së martës në portin e Bejrutit arriti në 158.

Rreth 10,000 njerëz dolën në rrugë për të protestuar kundër mënyrës se si qeveria po e trajton shpërthimin shkatërrimtar. Gjatë protestës u dëgjuan të shtëna.

Një polic u vra në përleshje me demonstruesit, njoftoi një zëdhënës i policisë.

Kryqi i Kuq tha se kishte trajtuar 117 persona të lënduar në vendin e ngjarjes, ndërsa 55 të tjerë u dërguan në spital. Në Sheshin e Dëshmorëve në qendër të qytetit shpërtheu një zjarr.

Një demostrues shkel mbi portretin e presidentit Michel Aoun

Dhjetra protestues u futën në ministrinë e jashtme, ku dogjën një portret të Presidentit Michel Aoun, të cilin shumë libanezë e shohin si përfaqësues të një klase politike që qeveris Libanin prej dekadash dhe që ata thonë se është fajtor për krizat e thella politike dhe ekonomike.

“Ne do të qëndrojmë këtu. I bëjmë thirrje popullit libanez që të pushtojë të gjitha ministritë”, tha një demonstrues përmes megafonit.

Njerëzit u mblodhën në Sheshin e Dëshmorëve në qendër të Bejrutit, disa prej tyre duke hedhur gurë. Policia u përgjigj me gaz lotsjellës, kur disa protestues u përpoqën të kalojnë barrierën në një rrugë që të çonte drejt parlamentit.

Protestuesit thërrisnin “Populli kërkon rënien e regjimit,” dhe mbanin pankarta me fjalët “Ikni, jeni të gjithë vrasës”.

“Duam një të ardhme me dinjitet, nuk duam që gjaku i viktimave të shpërthimit të shkojë kot”, tha protestuesja Rose Sirour.​

REAGON AMBASADA E SHBA



Shtetet e Bashkuara thanë se mbështesin të drejtën e demonstruesve libanezë për protesta paqësore dhe u bënë thirrje të gjitha palëve të përfshira që të përmbahen nga dhuna.

LEXO EDHE:  Dy faktet pse Ilir Meta shkon në koalicion me Edi Ramën

LEXO EDHE:  Rama ka bërë pazare, PS nuk funksionon/ Dade popozon kandidatin për kryeministër

Në një deklaratë, ambasada e SHBA në Bejrut tha se populli libanez ka vuajtur shumë dhe meriton udhëheqës që “ndryshojnë kurs, për t’iu përgjigjur kërkesave popullore për transparencë dhe përgjegjshmëri”.

Pamje e pjesshme nga porti i shkatërruar i Bejrutit

Shpërthimi i së martës, më i madhi në historinë e Bejrutit, solli shkatërrime të mëdha në qytet. Qeveria ka premtuar se do të gjejë shkaktarët dhe do t’i verë përpara përgjegjësisë.

Disa banorë, që përpiqeshin të vinin rregull në apartamentet e dëmtuara rëndë nga shpërthimi, denoncuan qeverinë, të cilën e shohin si të korruptuar, duke thënë se ajo përsëri i la në baltë.

“Nuk kemi besim te qeveria jonë,” tha studentja Celine Dibo teksa pastronte gjak nga muret e apartamentit të saj. “Uroj që Kombet e Bashkuara ta marrin nën administrim Libanin.”

Disa njerëz thanë se nuk ishin aspak të befasuar që Presidenti francez Emmanuel Macron vizitoi këtë javë lagjet e tyre, ndërsa udhëheqësit libanezë nuk e bënë këtë.

“Ne po jetojmë në nivelin zero. Shpresoj se një vend tjetër do të donte të na merrte nën administrim. Udhëheqësit tanë janë një bandë njerëzish të korruptuar,” tha psikologia Maryse Hayek, shtëpia e prindërve të së cilës ishte shkatërruar nga shpërthimi.

Partia Kataeb e Libanit, një grup i krishterë që kundërshton qeverinë e mbështetur nga Hezbollahu i lidhur me Iranin, njoftoi të shtunën dorëheqjen e tre ligjvënësve të saj nga parlamenti.

“I ftoj të gjithë ligjvënësit të japin dorëheqjen në mënyrë që njerëzit të mund të vendosin se kush do t’i qeverisë, pa iasnjë imponim,” tha kreu i partisë Samy Gemayel, duke e njoftuar vendimin gjatë funeralit të një anëtari drejtues të partisë, i cili vdiq në shpërthim. /VOA

LEXO TE PLOTE

Aktualitet

Covid-19/ Mes të infektuarve në Elbasan, edhe drejtoresha e Zyrës Arsimore

Publikuar

-

Nga

Covid-19/ Mes të infektuarve në Elbasan, edhe drejtoresha e Zyrës Arsimore

Mbyllet drejtoria Arsimore në Elbasan.

Drejtoresha ka rezultuar pozitiv me Covid-19, dhe me protokollet në fuqi, i gjithë stafi tashmë është në izolim.



Ky qytet ka pasur 19 raste të reja sot, dhe përpos drejtoreshës së arsimit, mes të infektuarve është edhe një ekonomist i njohur që ka një studio në qendër të qytetit.

LEXO EDHE:  Dy faktet pse Ilir Meta shkon në koalicion me Edi Ramën

LEXO EDHE:  Dy faktet pse Ilir Meta shkon në koalicion me Edi Ramën

Në qarkun e Elbasanit me 164 raste gjithsej, janë aktualisht aktivë 64 raste. Prej tyre 2 janë të shtrirë në spital. /CNA.al

LEXO TE PLOTE

Bota

Përhapin virusin!/ Australia nxjerr nga qarkullimi 286 lloje maskash

Publikuar

-

Nga

Përhapin virusin!/ Australia nxjerr nga qarkullimi 286 lloje maskash

Qindra lloje të ndryshme të maskave të fytyrës janë hequr nga dyqanet në Australi pasi autoritetet ngritën shqetësimin se disa prej tyre nuk mund të parandalojnë infeksionin.

Maskat kirurgjikale ose ekzaminimi, të destinuara për të zvogëluar ose parandaluar transmetimin e sëmundjes, konsiderohen pajisje mjekësore, kontrollohen nga Administrata e Mallrave Terapeutike dhe duhet të përfshihen në regjistrin e mallrave terapeutikë përpara se të dalin në shitje.



LEXO EDHE:  Zgjedhje në qershor? Rama: Të mos vihet në diskutim nga askush

Që nga e enjtja, 286 lloje të maskave, mes të cilave edhe ato kirurgjikale ishin hequr nga regjistri, si pjesë e një shqyrtimi pas tregut të shkaktuar nga shqetësimet se shumë maska ​​nuk plotësojnë standardet rregullatore dhe nëse përdoren në mjediset mjekësore, mund të nxisin përhapjen e sëmundjes. /CNA.al

LEXO TE PLOTE