Connect with Us

Shënim/ Për fitoren e Bechettit, humbjen e Ramës dhe xhepat e popullit

Aktualitet

Shënim/ Për fitoren e Bechettit, humbjen e Ramës dhe xhepat e popullit

Publikuar

-

Dje mediat raportuan lajmin se biznesmeni italian ka fituar një gjyq kundër shtetit shqiptar, me një vlerë që shkon të paktën 110 milion euro.

Kryesisht akuza e ndërtuar në media, duket se është kundër kryeministrit Rama, qëndrimit të tij politik dhe kostot e shkaktuara biznesmenit, gjatë mbylljes së televizionit Agon Channel dhe bizneseve të Bechetti në Shqipëri, të cilat ishin aktive dhe pasive si dhe me shumë problematike në disa dekada.

Por, përtej këtij lajmi në rrjet dhe në media plasi një gëzim i madh, a thua se kishte rënë Edi Rama nga pushteti. A thua se shqiptarët kishin fituar 110 milionë euro, dhe shteti shqiptar do të ishte më i pasur.

Njerëzit festojnë, kryesisht afër Lulit apo afër opozitës, se kishte rënë qeveria, se kishte rënë Edi Rama dhe kishte fituar Bechetti.

Por, çfarë ka fituar Bechetti vërtetë dhe çfarë ka fituar Edi Rama.

Së pari, për të gjithë ata që gëzojnë do të ishte më mirë të hidhëroheshin, sepse ato janë 110 milion euro, të cilat nuk i ka humbur Edi Rama, por i ka humbur shteti shqiptar, i kanë humbur xhepat e shqiptarëve.

Edi Rama sot është, nesër nuk është. Edi Rama nesër mund të lërë detyrën e kryeministrit dhe ikën, vjen dhe Luli në pushtet dhe bashkë me 110 milion eurot, bëhen 126 milion euro që duhen paguar nga taksat e shqiptarëve në xhepat e Bechettit apo vjehrrit të Lulzim Bashës.

Pa folur pastaj për lekët e bizneseve, të PPP-ve, apo korrupsionit të Edi Ramës në pushtet, që nesër mund të sjellë pasoja në buxhet, me prishje të kontratave, siç ka pretenduar Lulzim Basha, apo me akte të tjera që mund të kenë shkak-pasojë, edhe me ndihmat e gjykatave të arbitrazhit, të cilat jo pak herë i kanë futur disa qindra milion euro kosto shtetit shqiptar.

Për ata që gëzojnë se ka fituar Bechetti, duhet të hidhërohen, sepse do të paguajnë nga xhepat e tyre, 110 milionë euro dhe nuk është Edi Rama ai që do t’i paguajë nga xhepi i tij, për këtë duhet të jeni të gjithë të sigurtë dhe nuk ka fituar Bechetti kundër Edi Ramës, por ka fituar Bechetti kundër xhepave të shqiptarëve.

LEXO EDHE:  Qeveria e errësirës u miratua në një parlament të ngrysur si fytyra e Ruçit/ Paloka ironizon Ramën

Për ata që janë të hidhëruar për humbjen ndaj Bechettit, që e kanë konsideruar si çështje politike apo që kanë inatin se pse biznesmeni italian qëndronte fort kundër kryeministrit Rama, duhet të marrin një mësim.

“Për inat të sime vjehrre, nuk flihet me mullixhiun”, pasi jetojmë në kapitalizëm, jemi në demokraci dhe nga inati politik për shkak të një karrigeje që mban mund t’i shkaktosh vendit një kosto kolosale.

Prandaj, ndoshta për të dyja palët është koha që të bashkohen për të kërkuar një të vërtetë, për të kërkuar ndërhyrje të fortë në ligj. Për çdo kosto të shkaktuar shtetit, apo dëmi nga zyrtarë të lartë politik, me veprime dhe mosveprime të cilat sjellin kosto dhe pasoja për buxhetin e varfër të shqiptarëve, ata duhet të mbajnë përgjegjësi ligjore dhe penale. Pra, që të mos guxojnë kush të rrëmbejë policinë dhe të shkojë të mbyllë një televizion, dhe pasaj të paguajnë shqiptarët dhjetëra milion euro. Apo të mos guxojë kush të ndërtojë një pallat pa leje, ose me leje të shitur në tregun e rërës dhe pastaj të shkojë e të marrë disa miliona euro xhepave të shqiptarëve.

Por, të gjitha palët, që përfshihen sa majtas apo djathtas, që si hajdutë dhe xhepistë zhvasin buxhetin e shtetit shqiptar, i cili në fakt është buxheti i xhepave të varfër të shqiptarëve që vidhen dhe i rrjepin çdo ditë jo ata qytetarët e thjeshtë, por i rrjepin politikanët dhe kasta që drejton vendin, me veprimet dhe mosveprimet e tyre të qëllimshme, që pasojat i kanë si kjo e Bechettit nëse është e vërtetë apo si ajo e vjehrrit të Lulzim Bashës, që në fakt tashmë është e provuar./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Nuk është Lulzim Basha/ Gazetarja zbulon kush do jetë përballë Ramës

LEXO EDHE:  Demaskohet turi i llogaridhënies/ Rama “del zbuluar” në Fier

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Qeveria e errësirës u miratua në një parlament të ngrysur si fytyra e Ruçit/ Paloka ironizon Ramën

LEXO EDHE:  “Opozita është shumë vonë”/ Mustafaj jep alarmin e fortë

 

LEXO TE PLOTE
Lajme të Rekomanduara: