Këtë vit shumë shqiptare kanë “pushtuar” Kanën dhe sigurisht nuk mund të mbeste pas edhe blogerja Aurela Hoxha e cila parakaloi mbrëmjen e djeshme në tapetin e kuq të Festivalit të Kanës.

E veshur me një fustan të verdhë të “Balenciaga” , Aurela dukej shumë sensuale, por të gjithë ata që panë fotot menduan, cfarë ka ndodhur me Aurelën ?

Ajo dukej shumë ndryshe në fytyrë. Make up i rënduar apo operacione plastike? Vendoseni ju.

 

Me vendimin numër 62 që mban datën 3 Tetor 2018, trupa gjykuese e Komisionit të Pavarur të Kualifikimit e përbërë nga  Genta Tafa (Bungo) kryesuese, Suela Zhegu anëtare dhe Pamela Qirko Relatore, vendosi që të konfirmojë në detyrë gjyqtarin e Gjykatës Aadministrtaive të Apelit, Tiranë Artur Malaj.

Por vetëm dy muaj vonë, referuar një rekomandimi të ONM, Komisioneri Publik, ankimoi vendimin e KPK -së për Malajn.

Shkak për këtë ankimim, është bërë pasuria.

Në fakt, për pasuri të dyshimtë kishte vënë alarmin edhe Drejtoria e Sigurimit të Informacionit të Klasifikuar.

Por, KPK, pavarësisht fakteve që ka ofruar DSIK e ka konfirmuar në detyrë gjyqtarin Malaj.

Nuk është hera e parë që KPK përfshihet në skandal dhe konfirmon në detyrë subjekte me pasuri të dyshimtë, apo me lidhje kriminale.

CNA.al ka siguruar ekskluzivisht, raportin me numër 4857,  të përpiluar nga Drejtoria e Sigurimit të Informacionit të Klasifikuar.

Në raportin e DSIK thuhet se Malaj në kohën që ka drejtuar Gjykatën e Vlorës, ka dhënë vendime gjyqësore, kundrejt shpërblimeve në euro dhe para.

Gjithashtu ai ka shfrytëzuar detyrën që ka pasur për të përfituar pasuri të patundshme.

Gjatë periudhës, që Malaj ushtronte detyrën e kryetarit të Gjykatës së Rrethit Gjyqësor Vlorë, dyshohet se ka ulur dënimin për shtetasin A.Z., kundrejt një shume eurosh.

Gjithashtu Malaj rezulton se ka ulur dënimin nga burg me gjobë, kundrejt një shume lekësh dhënë nga i akuzuari për shfrytëzim prostitucioni, z. D. L. Çështja është gjykuar nga Artur Malaj pa short.

Po, në cilësinë e kryetarit të Gjykatës së Rrethit Gjyqësor Vlorë, dyshohet për bashkëpunim në përfitime të paligjshme me znj. Klodina Gjyzaj, gjyqtare pranë gjykatës së Vlorës. Zonja në fjalë ka marrë pa short çështjen civile  nr.402 datë 17.07.1997 dhe dyshohet të ketë zvarritur gjykimin.

Gjyqtarja Klodiana Gjyzaj, në dhënien e vendimit civil me nr 1513, datë 23.09.2005 në bashkëpunim dhe në interes të kryetarit të Gjykatës së Vlorës Artur Malaj jep në pronësi, me parashkrim fitues një pronë publike në qytetin e Vlorës. Sipas informacioneve rezulton se shtëpia objekt i vendimit civil është ndërtuar pa leje ndërtimi në vitet 1995-1996 nga babai i Artur Malajt.

Kryetari i Gjykatës së Rrethit Gjyqësor Vlorë ka përdorur pozitën e tij me qëllim përfitimin e një pronë, (truall, pronë shtetërore) në qytetin e Vlorës.

Pas verifikimeve të kryera në vazhdimësi nga institucionet verifikuese rezulton gjithashtu se shumat monetare që Malaj kërkonte për favoret gjyqësore dorëzoheshin disa ditë përpara se të jepeshin vendimet përfundimtare gjyqësore, me qëllim favorizimin e tyre.

Shumat e përfituara nga aktivitetet e paligjshme janë investuar  në fushën e ndërtimit në emër të personave të tretë.

“Në konfirmim të konstatimit për papërshtatshmëri në vijimin e ushtrimit të detyrës për subjektin e rivlerësimit Z. Artur Malaj, gjykojmë të merren parasysh elementët që evidentojnë përfshirjen e tij në veprimtari korruptive, pasi në frymën kundër — korrupsion të ligjit 84/2016, vlerësohet se integriteti profesional është përcaktues për pastërtinë e flgurës së subjekteve të rivlerësimit”, i sugjeron DSIK, Komisionit të Pavarur të Kualifikimit.

Sipas DSIK, situata pasqyron korrupsionin sistematik në vetë sistemin e drejtësisë, ku në rastin në fjalë përfshihen në veprime korruptive dy gjyqtarë, në bashkëpunim me njëri-tjetrin, në shkelje të detyrës dhe nëpërmjet personave të tretë. Kjo veprimtari e paligjshme i përmbahet përcaktimit të pikës 8 të nenit 3 të ligjit 84/2016, ku perfshihen veprat penale të nenit 75/a të Kodit të Procedures Penale i organizuar, trafilcimi dhe korrupsioni”.

Informacionet që disponohen në ngarkim të Z. Artur Hamdi Malaj për veprimtari korruptive, evidentojnë rrethanat e konstatimit të faktit se ekziston kontakt i papërshtatshëm, sipas përcaktimit të pikës 6, të nenit 3, të ligjit nr. 84/2016, në formën e talcimit të qëllimshëm, në papajtueshmëri të plotë me ushtrimin e detyrës së subjektit të rivlerësimit.

“Në këndvështrimin e përgjithshërn të kontrollit të pastërtisë së figurës së një subjekti rivlerësimi, në rastin tonë, në cilësinë e Kryetarit të Gjykatës së Rrethit Vlorë, çdo dyshim i arsyeshëm për kryerje ose moskryerje të veprimeve, në kundërshtim me ligjin, në mospërmbushje të rregullt të detyrës dhe kur këto veprime apo mosveprime sjellin përfitime materiale ose jomateriale të padrejta për atë vetë si funksionar publik, apo për persona të lidhur me të, duke dëmtuar interesat e ligjshëm të shtetit apo të personave të tjerë, vlerësojmë se cënohet pastërtia e figurës së subjektit në fjalë dhe shkalla e besueslunërisë së tij.

Në përfundim vlerësohet se, veprimtaria korruptive e subjektit të rivlerësimit cënon drejtpërdrejt pastërtinë e figurës, çfarë përmbush plotësisht përcaktimin e germës c të nenit 37, të ligjit 84/2016, ku z. Artur Malaj vlerësobet si individ i mundshëm për t’u vënë nën presion nga strukturat kriminale

Grupi i Punës konfirmon konstatimin pir papërshtatshmëri për vazhdimin e detyrës të subjektit të rivIerësimit Z. Artur Hamdi Malaj”, thuhet në raportin e DSIK.

Aktualisht çështja e Malajt është në Kolegjin e Posaçësm të Apelimit, por data e seancës nuk është caktuar ende.

Trupi gjykues i KPA që do të hetojë Malajn përbëhet, kryesuesja Rezarta Schuetz, relatori Sokol Çomo dhe anëtarët, Ina Rama, Natasha Mulaj e Ardian Hajdari./CNA.al

Gjyqtari që mbahet mend për kërcënimin/ Rehatohet në Tiranë me detyrë dhe me pasuri

 

“Çmendi” me pasurinë/ Gjyqtari milioner “kapet” nga ndërkombëtarët

 

Vettingu/ Gjyqtari Artur Malaj konfirmohet në detyrë

 

Ish-kreu i grupit parlamentar të PD, Edmond Spaho foli sot lidhur me Akadaminë e Shkencave dhe krimin politik, që sipas tij, po i bëhet këtij institucioni.

“Në shqipëri nuk ka demokraci.  Pushteti politik kërkon që të sundoj elitën.

Do të angazhohet me vullnet të plotë politik për të garantuar që organet kompetente të hetojnë çdo abuzim financiar, administrativ dhe statutor në Akademinë e Shkencave deri më tani dhe në vazhdim;
Do të angazhohet për refuzim në bllok të procesit fals dhe kriminal zgjedhor aktual duke e konsideruar një uzurpim ilegjitim të institucionit publik.” tha Spaho.

Spaho iu referua kryeministrit e Edi Rama duke e quajtur mashtrues dhe kundër frymës europiane.

“Iu bëj thirrje të gjithë intelektualëve të bëhen pjesë e lëvizjes së pandashme për votën e lirë.” tha Spaho ndërsa u bëri thirrje për të marrë pjesë në protestën e nesërme të gjithë atyre që janë prekur nga krimi politik.

Deklarata e plotë e Edmond Spahos

Zgjedhjet farsë në Akademinë e Shkencave janë një atentat kriminal ndaj çdo vlere demokratike, qytetare, intelektuale dhe institucionale, të mishëruara nga shpirti i vetëdijes kombëtare që përfaqëson ky institucion. Kjo është një tjetër dëshmi sesi pushteti i injorancës dhe i krimit kërkon të sundojë me çdo çmim mbi elitën dhe ndërgjegjen më të lartë të dijes shqiptare.
Farsa e zgjedhjeve në Akademinë e Shkencave është paralajmërimi i asaj çka Edi Rama ka planifikuar më 30 qershor. Në Shqipëri nuk ka më demokraci. Autoritarizmi është kudo, në çdo institucion dhe në çdo nivel.
Partia Demokratike shpreh sot angazhimin publik ndaj të gjithë rrethit akademik shqiptar, ndaj intelektualëve dhe çdo qytetari se :

Do të angazhohet me vullnet të plotë politik për të garantuar që organet kompetente të hetojnë çdo abuzim financiar, administrativ dhe statutor në Akademinë e Shkencave deri më tani dhe në vazhdim;
Do të angazhohet për refuzim në bllok të procesit fals dhe kriminal zgjedhor aktual duke e konsideruar një uzurpim ilegjitim të institucionit publik;
Do të angazhohet për të zhbërë ilegjitimitetin dhe paligjshmërinë e çdo Kryetari dhe të çdo Kryesie të zgjedhur në kundërshtim me ligjin sikurse po ndodh, siç ka ndodhur apo mund të ndodhë edhe më pas, duke iu imponuar anëtarëve të Akademisë dhe rrethit të intelektualëve;

Do të angazhohet, sapo të ketë përgjegjësinë qeverisëse, që organet e specializuara dhe Kuvendi i Shqipërisë, të çliruar nga krimi, të fillojnë një proces reformimi të vërtetë të Akademisë së Shkencave dhe jo mashtrues si ky i sotmi, duke mos e njohur projektligjin aktual, të formuluar nga grupi uzurpator në Akademinë e Shkencave. Ai është hartuar pa asnjë profesionalizëm, kundër frymës europiane dhe perëndimore, në mungesë të plotë konsultimi dhe transparence, si edhe përmes censurës qeveritare të mendimit të gjere universitar.
Manipulimi kriminal me zgjedhjet në Akademinë e Shkencave është simbol tragjik i emergjencës demokratike me të cilën përballet vendi ynë. Partia Demokratike nuk mund të pranojë kurrsesi farsën zgjedhore në Akademinë e Shkencave, manipulimin e shkencës dhe të vërtetës intelektuale, abuzimin me çdo vlerë e ambicie për Shqipërinë si gjithë Europa.

U bëjmë thirrje të gjithë intelektualëve dhe përfaqësuesve me dinjitet të shkencës dhe dijes të kontribuojnë fuqishëm në lëvizjen e pandalshme të shqiptarëve të bashkuar për standarde europiane, për liri, demokraci dhe shtet të së drejtës, për kufizimin dhe ndarjen e pushteteve, për votën e lirë dhe zgjedhje demokratike, për Shqipërinë si gjithë Europa./CNA.al