Connect with Us

Nga Mero Baze/ Paligjshmëria e kërkesës së PD-LSI për komisionerë

Aktualitet

Nga Mero Baze/ Paligjshmëria e kërkesës së PD-LSI për komisionerë

Publikuar

-

opinion nga mero baze

Partia Demokratike dhe Lëvizja Socialiste për Integrim, në frymën e respektimit të rezultatit të dalë nga Zgjedhjet e vitit 2017, duhet të dorëzonin edhe ato listat e tyre për komisionerë në KZAZ dhe komisionet vendore.

Por tashmë është publik dhe faktik, mospjesmmarrja në zgjedhje e këtyre dy subjekteve politike, ndaj dhe kjo duhet të reflektohet deomos tek prioritetet që duhet të ketë procesi zgjedhor në raport me të drejtat e humbura të dy subjekteve politike.

PD dhe LSI së pari kanë humbur me dëshirë të drejtën për të votuar anëtarët e tyre, dhe bashkë me të dhe të drejtën për t’u zgjedhur. Këto dy subjekte politike, kanë privuar politikisht mbështetësit e tyre nga e drejta për të zgjedhur dhe për t’u zgjedhur, dhe nuk mund t’i japin vetes, të drejtën të diktojnë një proces ku nuk janë më pjesë e tij.

Së dyti, PD dhe LSI nuk janë më parti parlamentare, siç kërkon Kodi Zgjedhor. Kur filloi ngritja e infrastrukturës së procesit zgjedhor këto parti u thirrën për të marrë pjesë në zgjedhje dhe në ndërtimin e KZAZ, PD dhe LSI, e refuzuan këtë, duke ja bashkangjitur këtë vendim, vendimit politik për bojkotim të zgjedhjeve.

Pra partite që kishin të drejtën, e kanë humbur atë me vetëdije dhe me vendim të qartë politik. Dhe vendet bosh në këto raste sipas ligjit plotësohen nga KQZ.

Së treti ka pasur një rezolutë në Kuvend nga deputeti Bashkim Fino, i cili pas vendimit politik të PD- LSI për bojkot të zgjedhjeve, i propozoi Grupit Parlamentar të Partisë Socialiste, që të tërheqë listat për komisionerë të dorëzuara në KQZ dhe komisionet zgjedhore të bëheshin të departizuara meqë PD dhe LSI nuk do merrnin pjesë në zgjedhje. Partia Socialiste e hodhi poshtë rezolutën e propozuar nga Fino, duke i dhënë shanse PD- LSI të hyjë në zgjedhje dhe ta presë për komisionerët. Ky afat tani ka kaluar dhe ndërtimi i administratës zgjedhore ka filluar pa PD- LSI.

LEXO EDHE:  A do zgjasë Ruçi kundra Donaldit më shumë se Sala kundra Marizës?!?!?!?!?!

Së katërti, ka një kërkesë legjitime nga Bindja Demokratike, si parti e përfaqësuar në Parlament dhe pjesëmarrëse në zgjedhje, për t’u përfaqësuar në komsione zgjedhore. Dhe kjo kërkesë është shumë më legjitime se kërkesa e PD-LSI për të pasur komisionerë në zgjedhje, pasi Bindja është dhe në zgjedhje, dhe në Parlament, ndërsa PD-LSI, as në zgjedhje, as në Parlament, por do të jetë në komisione.

Si përfundim mund të themi se debati ligjor është bërë fakt, pasi “kzaz”-ët janë ngritur. KQZ ka bërë emërimin e komisionerit të katërt, që duhet për korum. Me arsyetimin që PD dhe LSI nuk janë më parti parlamentare me vendim unanim, KQZ duhet të refuzojë listat për komisionerë që PD-LSI mund të dërgojë në KQZ dhe të vazhdojë plotësimin e komisioneve siç e parashikon ligji, në rast mungese.

Në KQV reflektohet përfaqesimi si në KZAZ-të përkatëse. KQZ nuk ka më hapësira ligjore në dispozicion për të rimarrë në shqyrtim çështjen. Dispozita ligjore për caktimin e anëtarëve të KZAZ është përdorur dhe e ka ezauruar funksionin e vet për këto zgjedhje. KQV-të pasqyrojnë përfaqësimin e forcave në KZAZ. Dhe KQV-të i miratohen në çdo KZAZ, jo në KQZ

Partia Demokratike dhe Lëvizja Socialiste për Integrim, nuk kanë nevojë të numurojnë votat e një procesi ku nuk marrin pjesë. Ajo që ata kanë nevojë është të fusin paramilitarë në qendra votimi për të prishur procesin. Kaq është i gjithë propozimi i tyre.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  PD: Pr.ligji për SPAK/ Ekzekutivi mund të ndërhyjë në mënyrë të pakontrolluar në emërime

LEXO EDHE:  Akuzat mes Berishës dhe Artan Hoxhës/ Baze: Ky është rasti kur dhunuesit e gazetarëve adhurohen

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  25 pyetjet e Berishës për Azem Hajdarin dhe përjashtimi i fundit nga PD

LEXO EDHE:  Fadromat e Unazës se Re dhe modeli i zhvillimit të Shqipërisë

 

LEXO TE PLOTE
Lajme të Rekomanduara: