Connect with Us

Kryeministria si vend i shenjtë/ Nuli i Lulit udhërrëfyesi i pelegrinazhit

Aktualitet

Kryeministria si vend i shenjtë/ Nuli i Lulit udhërrëfyesi i pelegrinazhit

Publikuar

-

zbulohen tre femrat me te cilat kaopet mat muli

Tre muaj më parë, në 16 Shkurt, nisi aksioni i protestave të opozitës për rrëzimin e kryeministrit Edi Rama. Aksion ky që u shoqërua me djegien e mandateve, një ditë më pas, dhe me zhvillimin e disa protestave përpara godinës së Parlamenit, të cilin demokratët e quajnë “Parlamenti i Krimit”.

Që nga 16 Shkurti e deri më tani opozita ka organizuar një sërë protestash, 5 prej të cilave kombëtare, janë zhvilluar me 16 Shkrut, 16 Mars, 13 Prill, 11 Maj dhe 13 Maj, këto të fundit u zhvilluan në harkun e 48 orëve për shkak të rrjedhës që mori protesta e 11 Majit.

Kreu i Partisë Demokratike, Lulzim Basha në mbyllje të protestave kombëtare këndon himnin e flamurit dhe nuk harroi ti thotë protestuesve që Rama ka rënë, deklaratë kjo ku Basha bie ndesh me veten pasi, kur i thërret sërish qytetarët në protestë u thotë se është koha për ti dhënë goditjen e fundit Ramës.

Përveç protestave kombëtare, opozita e udhëhequr nga Lulzim Basha dhe Monika Kryemadhi, kanë organizuar edhe protesta të tjera, që nuk kanë rezultuar edhe aq efektive. Fillimisht opozita vendosi të protestojë sa herë të zhvillohet seanca plenare, të protestohet përpara godinës së Parlamentit për të penguar zhvillimin e seancave plenare. Këto protesta u shoqëruan me fragmente dhune.

Pas disa kohësh, mesa duket opozita u lodh nga kjo formë protestash para Kuvendit dhe në formë simbolike, aty protestonin të rinjtë e FRPD-së.

Më tej, opozita vendosi që përshkallëzimin e protestave ta tregojë çdo të Enjte me bllokimin e disa prej akseve kryesore në vend për një kohë të caktuar, por edhe kjo lloj forme proteste u zhvillua vetëm dy herë.

Një tjetër formë që opozita vendosi të përshkallëzojë protestën ishte edhe pengesa që i duhej bërë kryeministrit Edi Rama gjatë vizitës që ky i fundit bënte nëpër qytete, por edhe kjo lloj forme qe pa rezultat, pasi u zhvillua vetëm dy herë. Në Shkodër me udhëheqjen e Flamur Nokës i njohur si Nuli i Lulit dhe në Elbasan me udhëheqjen e Endri Hasës ose i njohur ndryshe si deputeti i vezëve.

LEXO EDHE:  Situatë e qetë para Kryeministrisë/ Ende nuk ka filluar grumbullimi i protestuesve

Protestat e opozitës kanë sjellë edhe një risi të çuditshme dhe pakuptueshme, kur Luli krah Monës edhe Mulit i udhëheq protestuesit të sillen rreth godinës së Kryeministrisë. Kjo lloj mënyre i ngjan ritualit fetar të besimtarëve muslimanë që sillen rreth e rrotull gurit të Qabesë në Mekë, të cilin e kanë vend të shenjtë, por mesa duket Kryeministria qenka vendi i shenjtë për Lulin.

Interesant është fakti që protestë pas proteste përsëritet i njëjti skenar, pas fjalës së Bashës në podium ngjitet Mul Noka (Nuli i Lulit) që i bën thirrje protestuesve që të gjithë bashkë të marshojnë nga Kryeministria tek Kuvendi. Edhe kjo lëvizje i ngjan një pelegrinazhi fetar që udhëhiqet nga Muli.

Shumicën e rasteve protestat e opozitës janë shoqëruar me fragmente dhune mes protestuesve dhe Policisë, çka ka sjellë edhe dëmtime të të dyja palëve, por edhe shoqërime e arrestime të protestuesve. Protesta e vetme që nuk solli dhunë ishte ajo e tre ditëve më pare e cila kishte një skenar të përcaktuar nga Lulzim Basha dhe u zhvillua një marshim protestë. Ndërkohë nuk dihet ende skenari i protestës së 25 Majit që do të zhvillohet nga opozita./CNA.al

Rrëzimi i Edi Ramës/ Lulzim Basha nuk lodhet së gënjyeri

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Denoncimi i Flamur Nokës/ 3 ton drogë në Rrëshen, Policia nuk pranon të ndërhyjë

LEXO EDHE:  Çadra e dytë e opozitës para portës së Drejtësisë

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Pse ju tha pështyma në gojë “Lolit dhe Colit”?!

LEXO EDHE:  Debate dhe përplasje të ashpra në mbledhjen e Opozitës/ Qërohuni bashkë me LSI –në

 

LEXO TE PLOTE
Lajme të Rekomanduara: