Connect with Us

Dashuri, tensione, diskutime!/ Ja çfarë ka parashikuar astrologu i famshëm italian për ditën e sotme

Aktualitet

Dashuri, tensione, diskutime!/ Ja çfarë ka parashikuar astrologu i famshëm italian për ditën e sotme

Publikuar

-

cna lajme horoskop

Njihuni me parashikimin e astrologut italian Paolo Fox, për punën, shëndetin dhe ndjenjat, si do të ecë dita për të lindurit e çdo shenje.

Dashi

Në këtë moment është më mirë që të flisni, vetëm nëse është vërtetë e rëndësishme. Kjo pasi rrezikoni që të thoni gjëra për të cilat mund të pendoheni. Është dita kur yjet favorizojnë instinktin dhe racionalitetin. Duhet të bindni dikë për dobitë e një projekti tuaj. Ndërsa në dashuri, gjithçka do të ecë më së miri, ku qielli do të jetë mjaft i favorshëm.

Demi

Në këtë moment është më mirë që të bëni një hap pas, lidhur me disa gjëra që po zvarriten. Shumë prej jush gjatë vitit të kaluar, kanë hequr dorë nga një projekt i rëndësishëm për shkak të zhvillimeve të papritura. Urani në shenjën tuaj, mund të sjellë ndryshime të cilat mund t’iu çorientojnë. Në sferën sentimentale, parashikohet që të ketë tensione, ndaj tregohuni të kujdesshëm.

Binjakët

Nëse krahasojmë fillimin e kësaj jave me atë të javës së kaluar, diferenca është e dukshme. Tashmë ka nisur përmirësimi, ku do të jetoni emocione të bukura, sidomos në një histori që për ju ka shumë rëndësi. Për binjakët historitë që zgjasin më shumë i lodhin dhe për këtë arsye mund të ketë edhe tensione.

Gaforrja

Kjo e enjte do të jetë e mbushur me tension dhe nervozizëm. Përgjithësisht kur ndjeni negativitet përreth, prireni që të izoloheni. Por në këtë moment bëni mirë që të shmangni diskutimet, pasi mund të shkaktojnë debate shterpë.

Luani

Ndikimi pozitiv i Venusit do të bëjë që të ndiheni më mirë. Kjo është një periudhë e cila mund të shkaktojë edhe tensione, ndoshta për shkak të ndonjë vonese. Kjo nuk do të thotë se gjërat nuk do të zgjidhen, thjesht duhet pak durim. Bëni kujdes lidhur me investimet, pasi mund të pendoheni.

LEXO EDHE:  Horoskopi i ditës, 20 shtator 2020

Virgjëresha

Në këto momente po ju besoni miqve të vërtetë, të cilët ju vlerësojnë për atë që jeni. Ndoshta dikush ju ka lënduar dhe nuk është treguar siç duhet me ju, por kjo nuk do të thotë se nuk duhet t’iu besoni edhe të tjerëve. Parashikohet një periudhë e favorshme për dashurinë. Çiftet në krizë, mund të gjejnë rrugën e duhur drejt pajtimit dhe emocioneve të bukura. Parashikohet një periudhë pozitive, edhe për gjithë ata që kanë një projekt interesant.

Peshorja

Hëna e pranishme në shenjën tuaj do të bëjë që të ndiheni disi në faj, për shkak të ndonjë vesi më shumë. Në sajë të sensit të masës dhe reflektimit, do të arrini që të rikuperoni.

Akrepi

Venusi në kombinim me Uranin, do të sjellin stuhi në dashuri. Këshillohet që të mos kërkoni me çdo kusht që të ziheni, por të jeni sa më objektiv, diplomatë dhe të hapur për dialog.

Shigjetari

Ndikimi i kundërt i Marsit, do të bëjë që të hasni në polemika të shumta. Nëse keni ndonjë pengesë për të kapërcyer, veproni tani pasi nesër mund të jetë shumë vonë dhe pengesat do të jenë më të mëdha.

Bricjapi

Ndikimi i Hënës dhe Saturnit në shenjën tuaj, do të bëjë që dita të jetë e mbushur me ulje-ngritje. Nuk do ju shpëtoni dot kritikave dhe shigjetimeve të të tjerëve.

Ujori

Venusi dhe Urani të pranishëm në shenjën tuaj, do të sjellin ndryshime të papritura në jetën tuaj në çift, shkruan noa.al. Dikush prej jush do të arrijë që ta çojë një lidhje drejt zyrtarizimit, ndaj përgatituni!

Peshqit

Jeta juaj sentimentale mund të marrë një shtysë të rëndësishme, në sajë të ndikimit të Uranit. Mund të zyrtarizoni një lidhje ose ta forconi më tej atë. Mos u druani, pasi do e keni çdo situatë nën kontroll.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Politikë

Vettingu në politikë/ Rushaj: Agjenda e jonë e pavarur nga ajo e PS-së

Publikuar

-

Nga

Kreu i Grupit Parlamentar të PD-së, Alfred Rushaj e ka cilësuar Vettingun e politikanëve, si një investim publik nga ana e Partisë Demokratike.

Kemi propozuar standardin e miratuar nga të gjitha konventat. Nuk është e arsyeshme që magjistratët, në këtë rast, të gjykohet intelekti i tyre në bazë të disa standardeve, ndërsa për ne të përdorët një standard tjetër. Qëllimi i Partisë Demokratike, ashtu si e kemi deklaruar është të investojmë në këtë proces publik. Prokurorët e SPAK që merren me këtë punë të bëjnë publik vendimin e tyre”, ka deklaruar Rushaj në një deklaratë për mediat.

LEXO EDHE:  Horoskopi sipas Paolo Fox/ Parashikimi i yjeve për ditën e sotme

LEXO EDHE:  Horoskopi i vitit 2021/ Këto janë shenjat që do të kenë suksesin më të madh



Më tej ai ka shtuar se çdo fjalë e përdorur në draft është marrë nga standardi i përdorur tek magjistratët, për të kaluar në të gjitha filtrat që duhet.

“Ndryshimet që janë depozituar kanë të bëjnë me një ligj të kushtetutës që përmblidhen nga një mbledhjen e përbashkët.  Agjenda jonë është e pavarur nga ajo e PS-së, ne mendojmë që duhet të shtyjmë përpara prioritetet e shqiptarëve. Prioritetet tona kanë të bëjnë më votën e lirë, reformën territoriale dhe me korrupsioni si edhe pastërtinë e figurës së politikanit shqiptar”, shtoi Rushaj.

LEXO TE PLOTE

Aktualitet

Droga në duar të policëve trafikantë/ SPAK zbardh detaje nga operacioni anti-kanabis

Publikuar

-

Nga

Prokuroria e Posaçme kundër Korrupsionit dhe Krimit të Organizuar në bashkëpunim me policinë gjyqësore pranë Drejtorisë së Përgjithshme të Policisë së Shtetit dhe Drejtorinë e Përgjithshme të Shërbimit të Çështjeve të Brendshme dhe Ankesave ka kryer hetime në kuadër të procedimit penal  nr. 251, të vitit 2020, për veprat penale “Kultivim i bimëve narkotike” kryer në kuadër të grupit të strukturuar kriminal, “Grup i strukturuar kriminal”, si dhe “Kryerje e veprave penale në kuadër të grupit të strukturuar kriminal”, parashikuar nga nenet 284 e 28/4, 333a dhe 334/1 të Kodit Penal, si dhe për veprat penale “Prodhim dhe shitje e narkotikëve”, parashikuar nga neni 283 i Kodit Penal dhe “Shpërdorim detyre”, parashikuar nga neni 248 i Kodit Penal.

Në kuadër të këtyre hetimeve njëvjeçare është arritur të dokumentohet veprimtaria e disa grupeve kriminale të përfshira në kultivimin e bimëve narkotike në zonat malore ndërmjet territorit të bashkive Pukë dhe Mirditë, të cilët kanë bashkëvepruar me njëri-tjetrin për të siguruar shitjen e lëndëve narkotike, si dhe kanë siguruar mbështetje për të vazhduar këtë veprimtari nga strukturat e policisë, të cilët i informonin për kontrollet që do ushtroheshin në zonë. Gjatë ndjekjes së këtij procedimi penal është arritur të evidentohen disa raste të aktivitetit kriminal dhe janë sekuestruar ndër të tjera provat materiale:

Në datë 02.12.2020 është sekuestruar sasia prej 37 kg e 450 gr lëndë narkotike “Cannabis sativa”.

Në datë 04.08.2021 në vendin e quajtur Qafa e Helmit mbi fshatin Shkozë, Pukë janë asgjësuar afro 4000 bimë narkotike të dyshuara ”Cannabis sativa”, të kultivuara në tre parcela dhe janë evidentuar tre ambiente të përshtatura për të qëndruar personat që kanë kultivuar bimët e dyshuara narkotike.

Në datën 01.10.2021 është sekuestruar sasia prej 12 kg lëndë narkotike ”Cannabis sativa” në zonën e fshatit Pletë, Pukë.

Në datën 01.10.2021 është gjetur vendi ku kryhej përpunimi i bimës narkotike dhe është sekuestruar ndër të tjera sasia e gatshme e lëndës narkotike “Cannabis sativa” me peshë 28 kg e 73 gr dhe një sasi tjetër e papërpunuar.

LEXO EDHE:  Horoskopi i vitit 2021/ Këto janë shenjat që do të kenë suksesin më të madh

LEXO EDHE:  Horoskopi i vitit 2021/ Këto janë shenjat që do të kenë suksesin më të madh

Mbi bazën e kërkesës së Prokurorisë së Posaçme, Gjykata e Posaçme e Shkallës së Parë për Korrupsionin dhe Krimin e Organizuar, me vendimin nr. 82 akti, datë 17.10.2021 ka vendosur caktimi i masave të sigurimit personal si më poshtë:



Për 13 (trembëdhjetë) shtetas, njëri prej të cilëve me detyrë oficer i policisë gjyqësore (si pjesëmarrës në grupin e strukturuar kriminal), masa e sigurimit personal “Arrest në burg”, parashikuar nga neni 238 i Kodit të Procedurës Penale;

Për 3 (tre) shtetas, masa e sigurimit personal “Arrest në shtëpi”, parashikuar nga neni 237 i Kodit të Procedurës Penale.

Për 4 (katër) shtetas, punonjës të policisë gjyqësore, masa e sigurimit personal “Detyrim për t’u paraqitur në policinë gjyqësore”, parashikuar nga neni 234 i Kodit të Procedurës Penale.

Nga ana e policisë gjyqësore janë ekzekutuar masat e sigurimit “arrest në burg”, për personat nën hetim L.N; Gj. K.; M.RR.; Z.L.; I.P.; L.K.; T.L.; A.K. dhe Y.V.; Ndërkohë që janë shpallur në kërkim personat nën hetim T.SH.; G.M.; G.T., si dhe K.B., ky i fundit me detyrë oficer i policisë gjyqësore. Janë ekzekutuar gjithashtu masat e sigurimit personal “arrest në shtëpi”, për shtetasit S.L. dhe E.L.

Të gjithë shtetasit e mësipërm janë me cilësinë persona nën hetim për kryerjen e veprave penale “Kultivim i bimëve narkotike”, “Grup i strukturuar kriminal” dhe “Kryerje e veprave penale në kuadër të grupit të strukturuar kriminal”, parashikuar nga nenet 284 e 28/4, 333a/1 dhe 334/1 të Kodit Penal.

Ndërkohë janë ekzekutuar dhe masat e sigurimit personal “Detyrim për t’u paraqitur në policinë gjyqësore”, parashikuar nga neni 234 i Kodit të Procedurës Penale për personat nën hetim Z.M.; A.N.; P.F.; dhe F.A., me detyrë punonjës të policisë gjyqësore, si persona nën hetim për kryerjen e veprës penale “shpërdorim detyre”, parashikuar nga neni 248 i Kodit Penal.

Ndërkohë që hetimet po vazhdojnë në kuadër të dokumentimit të veprimeve të disa punonjësve të policisë./CNA.al

LEXO TE PLOTE

Politikë

Nikollë Lesi zbardh skenarin e errët të Bashës/ “Po planifikon arrestimin e Berishës”

Publikuar

-

Nga

cna lajme politike

Botuesi Nikollë Lesi ka analizuar situatën politike në vend dhe ka bërë parashikimin e radhës.

Më anë të një editoriali në gazetën “Koha Jonë”, Lesi  parashikon zgjatjen e pushtetit të Edi Ramës, shpëtimin e Lulzim Bashës nga Sali Berisha, arrestimin e këtij të fundit dhe shkrirjen e PD-së.

Lesi është ndalur tek Foltorja e Berishës që ka ngritur peshë zemrat e demokratëve, që sipas tij janë të lodhur dhe të dërrmuar nga humbjet Berishës dhe reagimet e Bashës, i cili thotë se “Unë nuk jam nga ata që shfrytëzoj momente të tilla për të bërë garë se kush e ka autokolonën më të gjatë e kush i mbush sallat më shumë”.

Lesi shkon më tej, ndërsa shkruan se Basha po shfrytëzon të gjitha njohjet për arrestimin e Berishës.

“Lulzim Basha po luan ndryshe, pa shumë zhurmë dhe siç e njoftoi përjashtimin e Berishës  pa lajmëruar njeri në PD, dhe një ditë para, ka mundësi të veprojë edhe në skenarin që po luhet për të arrestuar ish-kryeministrin Berisha.

Burime shumë të besueshme tregojnë se SPAK po nxiton në dosjen e ish-kryeministrit Berisha, pasi janë dërguar me urgjencë shumë dokumenta nga kryeministria dhe nga ministritë e ndryshme për të gjetur fakte komprementuese ndaj Sali Berishës”, shkruan Lesi.

Shkrimi i plotë:

Konflikti mes Berishës dhe Bashës po nxjerr përditë ngjarje e fakte të reja për marrëdhëniet e tyre si dhe publiku po bëhet më i qartë se kush mbetet i pabesi në këtë rast.

Nga Dibra, dje, Berisha e sakatoi Lulzim Bashën edhe me argumenta, edhe me ironi, por kryesisht me elektorat. Rrugët e Dibrës ishin plot demokratë që priten ish-liderin e tyre, sikurse salla e tejmbushur tregoi se sa ishin të zjarrtë mbështetësit e Berishës.

Thirrjet e sallës që i drejtoheshin Sali Berishës se nuk ke nevojë për firma delegatësh, pasi ke krejt PD-në, por na udhëhiq drejt kryeministrisë që të fillojmë protestë ditë-natë deri në rrëzimin e kryeministrit Rama, pra kjo tregon se demokratët e thjeshtë, të lodhur nga varfëria dhe nga humbjet e njëpasnjëshme të kryetarit Basha në disa zgjedhje, nuk durojnë më, por duan përballje me regjimin.

Ndërkohë sot doli Lulzim Basha dhe përçmoi Berishën, bile e ironizoi kur tha se ““Kam dalë më shumë se çdo kryetar i PD në këtë 30 vite e do dal përsëri. Unë nuk jam nga ata që shfrytëzoj momente të tilla për të bërë garë se kush e ka autokolonën më të gjatë e kush i mbush sallat më shumë, se e di që ajo është një garë e lehtë për mua. Inatçorëve iu them se rruga pa krye ku janë futur dhe abuzimit që i bëjnë do iu vijë me faturën që s’ua kam dhënë këto tetë vite”, u shpreh Basha.

LEXO EDHE:  Kthjellime dhe vranësira në vend/ Parashikimi i motit për sot

LEXO EDHE:  Horoskopi i ditës, 16 nëntor 2020



Me tej Lulzim Basha shtoi se atë e mbështesin 95 përqind e demokratëve, kurse Berisha është në minorancë.

Si të mos mjaftonte kjo mënjëherë reagoi Edi Paloka, që është kryetar i Këshillit Kombëtar të PD-së. Ai shkroi në facebook:

“Lul!

Nëse ke bindjen se 95% e demokratëve të mbështesin, atëherë na e hiq këtë siklet ku na ke futur të gjithëve. Mos jep dorëheqje, nëse ke bindjen që ke vepruar drejtë dhe për këtë ke mbështetjen e 95% të demokratëve, kërko votëbesimin e tyre dhe ndale përçarjen që po thellohet çdo ditë e më shumë prej vendimit tënd personal të 9 shtatorit-tha ndër të tjera Paloka.

Por Lulzim Basha po luan ndryshe, pa shumë zhurmë dhe siç e njoftoi përjashtimin e Berishës  pa lajmëruar njeri në PD, dhe një ditë para, ka mundësi të veprojë edhe në skenarin që po luhet për të arrestuar ish-kryeministrin Berisha.

Burime shumë të besueshme tregojnë se SPAK po nxiton në dosjen e ish-kryeministrit Berisha, pasi janë dërguar me urgjencë shumë dokumenta nga kryeministria dhe nga ministritë e ndryshme për të gjetur fakte komprementuese ndaj Sali Berishës.

Natyrisht që cdo politikan apo zyrtarë i lartë duhet hetuar apo nxjerrë para drejtësisë nëse ka shkelur ligjet e vendit apo ka futur dorën në buxhetin e shtetit. E në këtë rast Sali Berisha e di vetë se cfarë ka firmosur dhe duhet të përgjigjet nëse SPAK ia verteton shkeljet. Por nxitimi nga segmente të drejtësisë apo qeverisë për ta arrestuar duket se con ujë në mullirin e Lulzim Bashës, e indirekt te kryeministri Edi Rama.

Ndaj Lulzim Basha rri me njerin sy nga SPAK dhe tjetrin nga rruga e Elbasanit që të shpëtojë vulën e PD-së.

Nëse arrestohet Sali Berisha, shpëton Lulzim Basha! Por PD-ja shkrihet ose mbetet gjithë jetën në opozitë. Dhe po kaq gjatë do kemi majë pushtetit Edi Ramën./CNA.al

LEXO TE PLOTE