Në vlerësimin e dhenë lidhur me qënien apo jo të datës 30 qershor, të çdekretuar nga presidenti i Republikës si datë e mbajtjes së zgjedhjeve për pushtetin vendor, analisti Aleksandër Çipa ka thenë se nuk preferon ta quaj të tillë. Dhe jo sepse është i ndikuar nga hedhja poshtë e datës së mbajtjes së tyre prej Dekretit presidencial, por prej faktit se edhe pse do mbahen në 30 qeshor votuesit nuk kanë çfarë zgjedhin.

“Nuk do ta quaja datën 30 qershor datë zgjedhjesh, sepse nuk kemi çfarë të zgjedhim.  30 qershori nuk jep as fitues dhe as humbës. Nuk dalin dot më këshillat bashkiakë, si do të zgjidhen përderisa nuk ka palë? Nuk ka sesi. Nuk i merr dot 100% edhe sikur të dojë. Maxhoranca ndjek një vendim politik për të mos i shërbyer vakumit që la pala tjetër, sepse nuk ka njeri në këtë vend që i jep të drejtë opozitës për ikjen nga institucionet,” ka thenë Çipa i qenë pjesë e panelit të emisionit “Tempora”, ku si temë diskutimi është “30 qershori shansi i fundit”. /CNA.al

Gazetari Dritan Kaba i njohur si ish argat i ish kryeministrit Fatos Nano dhe shërbëtor i Presidentit të Republikës Ilir Meta në një postim në rrjetet sociale ka bërë moral për zgjedhjet e 30 Qershorit.

Kaba shkruan se kush thotë që shkoj në zgjedhje për bukën le ta hajë atë bashkë me turpin pasi sipas punëtorit të Metës kur ta pyesin fëmijët se çfarë bëri për Shqipërinë nuk do të dinë sit i përgjigjen.

Postimi i plotë:

MOS E HANI BUKËn BASHKË ME TURPIN!

Kush thotë që shkoj në zgjedhje për bukën, ta hajë atë bashkë me turpin!

Kur ta pyesin fëmijët çfarë bëre, që unë të jetoja në vendin tim i lirë dhe të mos e braktisja atë prej votës tënde, si do i përgjigjen?!

Kur ta pyesin nipat nëpërmjet skype nga ana tjetër e botës çfarë bëre kur u rivendos diktatura e krimit, që na largoi nga njëri-tjetri, për shkak të votës tënde, çfarë do i përgjigjen?!

Kur ta pyesin mbesat o gjysh a kishe turp, kur haje bukën e rrogës tënde dhe mijëra të tjerë largoheshin nga vendi, për shkak të votës tënde, për mbështetjen që i dhe një shteti të kalbur çfarë do i pegjigjen?!

Kur të ulen me miqtë në lagje, që për shkak të votës së tij, janë të pashpresë, të papunë, bukë dhe fëmijët i kanë marrë arratinë se nuk durojnë dot sundimin e kriminelëve, çfarë do i përgjigjen?!

Si do ulen në tavolinën e bukës duke përtypur ushqimin e siguruar nga vota që dhanë për të mbajtur në këmbë një sistem, që megjithëse janë në punë, po i merr lirinë, po i shkel dinjitetin me këmbë, po i kthen në skllevër me pagesë, pa i dalë në përfytyrim ai minutë që shkuan dhe hodhën votën për ta ngritur në piedestal këtë monstër kriminale?!

Si mundet t’ju shkojë buka në stomak pa u sëkëlldisur duke menduar që për atë bukë, shitën dinjitetin?!

Mos e hani atë bukë me turp!

Mos e ndjeni veten fajtor gjithë jetën para fëmijëve tuaj.

Mos e hani atë bukë, që do iu përziejë stomakun gjithë jetën.

P.S. këto rradhë nuk janë për adhuruesit e diktaturës. Pinjollët e bllokut, bijtë e etërve, që iu thurrin këngë diktatorëve. Njerëzve që kur kanë lindur e kanë lënë dinjitetin në martenitet bashkë me placentën. Si dhe atyre që vuajnë nga Sindroma e Stockholmit./CNA.al

Pa sens juridik, situatë skandaloze që po na shpie drejt një konflikti të pashmangshëm e me një kosto shumë të madhe, e ka vlerësuar situatën në të cilën shqiptarët po shkojnë drejt zgjedhjeve vendore, politologu Afrim Krasniqi.

I qenë pjesë e emisionit “Tempora”,ku temë diskutimi është “30 qershori shansi i fundit”,  Krasniqi ka thenë gjthashtu se me anën e çdekretimit të datës së mbajtjes së zgjedhjeve Presidenti i dha një shans për dialog protagonistëve politik të përfshirë në këtë betejë pa sens. Një shans të humbur, vlerëson Krasniqi.

“Nuk është juridike kjo që po ndodh. E trishtueshme është se shqiptarët po shohin përmes ekranit të televizorit se Shqipëria po shkon drejt një situate skandaloze, drejt një konflikti të pashmangshëm me një kosto shumë të madhe, duke humbur të gjithë shanset dhe miqtë e Shqipërisë në botë. Ne që punojmë me të huajt e shohim çdo ditë e më shumë. Ka një skepticizëm në bllok ndaj gjërave si po ecën Shqipëria dhe prespektiva e saj. Dhe është e frikshme, e dhimbshme dhe e papranueshme sesi kjo skemë ndodh dhe nuk bëhet asgjë për ta ndaluar. Të gjithë këta aktorë, presidenti, kryetar opozite, maxhorance janë pjesë e fajit kush më shumë e kush më pak dhe të gjithë këta artifica teknike nuk janë as zgjidhje, as thelbi i problemit dhe as  arsyeja pse ndodhim në krizë”, ka deklaruar politologu Krasniqi, duke vijuar:

“Që kur ka dalë dekreti i presidentit unë e kam gjykuar si akt politik. Përsa kohë nuk ka Gjykatë Kushtetuese askush tjetër nuk ka autoritetin për ti thënë presidentit e ka mirë apo gabim, pavarësisht se kam bindjen personale që nuk është kompetencë e presidentit për të nxjerrë një dekret të tillë. Megjithatë ishte shans për të bërë dialog politik. Dhe arsyetimi i tij, që mund të përdorej si shans për dialog politik, nuk është vetëm arsyetim i një pjese publiku në Tiranë por është dhe arsyetim i një nga kancelarive kryesore ndërkombëtare. Palët nuk e përdorën dhe sot kemi shkuar aty ku nuk kemi vetëm një president në presidencë, por dhe president në KQZ, një në kryeministri dhe një në opozitë. Secili e lexon Kushtetutën dhe ligjin siç e dëshiron”./CNA.al