Connect with Us

Horoskopi javor/Paolo Fox tregon si do të jetë kjo javë për shenjat e zodiakut

Aktualitet

Horoskopi javor/Paolo Fox tregon si do të jetë kjo javë për shenjat e zodiakut

Publikuar

-

Dashi: Venusi, i cili do të jetë në shenjën tuaj deri të mërkurën, do t’ju dhurojë rrezet e tij të fundit të pozitivitetit. Shfrytëzojini ato që të fitoni më tepër pushtet! Duke nisur nga dita e premte, planeti Mars, që është në shenjën e Gaforres, do të shkaktojë tensione në punë. Mos i merrni gjërat personale, por tregohuni objektivë! E hëna do të jetë ditë me fat.

Demi: Planeti Venus do të hyjë në shenjën tuaj ditën e enjte dhe do t‘i qëndrojë besnik Uranit, i cili është në shenjën tuaj prej muajsh tashmë. Ka ardhur koha që t’i jepni një kthesë të re jetës suaj dashurore. Marsi, i cili gjendet në shenjën e Gaforres, nga e premtja do t’ju detyrojë t’i përkushtoheni më tepër punës. Dita juaj me fat do të jetë e marta.

Binjakët: Ditët e para të javës do të jenë disi të vështira, për shkak të Hënës në shenjën e Virgjëreshës. Këto ditë do të ndiheni të lodhur dhe më të ndjeshëm. Gjatë mesit të javës gjërat do të përmirësohen, falë Hënës te Peshorja. E mërkura do të jetë ditë me fat. Marsi do të largohet nga shenja juaj të premten, prandaj do ta ulni pak ritmin në punë.

Gaforrja: Pavarësisht se miku juaj Saturn ju qëndron gjithmonë përballë, Venusi dhe Marsi do të pozicionohen pa u ndier në anën tuaj. Planeti i dashurisë do të kalojë të enjten në shenjën e Demit, duke ju ndihmuar kështu të realizoni disa dëshira. Të premten, Marsi do të kalojë në shenjën tuaj dhe do t’ju japë atë shtysën e cila ju ka munguar kohët e fundit. E shtuna do të jetë ditë me fat.

Luani: Venusi, që është në shenjën e Demit, prej ditës së enjte, së bashku me Uranin, do ta trazojnë jetën tuaj sentimentale. Sa më mendjehapur të tregoheni ndaj ndryshimeve, aq më pak telashe do të keni. E mërkura do të jetë ditë me fat. Hëna tek Akrepi do t’ju bëjë më të ndjeshëm gjatë fundjavës. Uleni dozën e ironisë ndaj vetvetes.

Virgjëresha: Planeti i Venusit në bashkëpunim me Uranin do t’ju ndihmojnë të shkëputeni nga disa marrëdhënie të paqarta, të cilat nuk i përmbushin synimet tuaja. Marsi, i cili ka kaluar në shenjën e Gaforres, do t’ju japin një shtysë në jetën profesionale, duke ju ndihmuar të bëni një zgjedhje të rëndësishme. E diela është dita juaj me fat.

Peshorja: Java do të rrjedhë mjaft e qetë. Por këtë qetësi do ta prishë vetëm kalimi i Marsit te Gaforrja, diçka që mund t’ju bëjë të ndiheni të lodhur fizikisht dhe të stresuar në punë. Merrini gjërat me radhë, pa u ngutur dhe pa u shqetësuar. Pikërisht ky është sekreti. E hëna do të jetë ditë me fat.

LEXO EDHE:  Horoskopi i dashurisë/ Kush do të jenë shenjat më me fat këtë fundjavë?

Akrepi: Marsi, që gjendet te Gaforrja, do t’jua shtojë pasionin prej ditës së premte dhe do t’ju bëjë të ndiheni romantikë dhe të frymëzuar. Kjo gjë do të reflektohet edhe në punë. Duke nisur nga e enjtja, Venusi do t’jua vështirësojë disi gjërat. Nëse vazhdoni t’i kundërshtoni të tjerët, do të mbeteni vetëm. Dita juaj fatlume do të jetë e hëna.

Shigjetari: Kalimi i Venusit të enjten në shenjën e Demit, do të bëjë që dashuria të marrë një rrugë më të qetë, ndryshe nga ç’jeni mësuar zakonisht. Në sferën profesionale do të tregoheni pa dyshim më të vendosur dhe mirënjohës ndaj Marsit, i cili nuk do t’ju kundërshtojë më duke nisur nga e premtja. E mërkura është dita juaj me fat.

Bricjapi: Duke nisur nga dita e enjte, Venusi dhe Urani do t’i japin hov jetës suaj sentimentale, e cila ka qenë mjaft e trazuar kohët e fundit. Marsi, që është në opozitë me shenjën tuaj, mund t’ju bëjë grindavecë të premten. Bëni kujdes me tonin e zërit, nëse nuk doni të grindeni me të gjithë. E hëna do të jetë dita juaj fatlume.

Ujori: Venusi që gjendet te Demi dhe planeti juaj udhërrëfyes, Urani, mund të shkaktojnë tensione në dashuri të enjten, sidomos nëse bëni rezistencë të kotë ndaj një ndryshimi. Hëna në shenjën e Akrepit do t’ju bëjë më të ndjeshëm dhe pasionantë gjatë fundjavës. Dita me fat do të jetë e enjtja.

Peshqit: Duke nisur nga dita e enjte, Venusi dhe Urani do t’ju ndihmojnë të konkretizoni një histori dashurie. Të premten, Marsi do t’ju bëjë pasionantë dhe energjikë, veti të cilat do t’i përdorni edhe në punë. E premtja është gjithashtu dita juaj fatlume. Në fundjavë, Hëna tek Akrepi premton çaste plot pasion.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Horoskopi 6 Korrik 2016

LEXO EDHE:  Horoskopi i dashurisë/ Këto tre shenja do t’ja bëjnë “bam” në 2019-tën

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Horoskopi i dashurisë/ Këto tre shenja do t’ja bëjnë “bam” në 2019-tën

LEXO EDHE:  Horoskopi i dashurisë/ Kush do të jenë shenjat më me fat këtë fundjavë?

 

LEXO TE PLOTE
Lajme të Rekomanduara: