Connect with Us

Me restorant në plazh dhe makinë luksoze/ Si ka ndryshuar pasuria e prokurorit që bën zëdhënësin

Aktualitet

Me restorant në plazh dhe makinë luksoze/ Si ka ndryshuar pasuria e prokurorit që bën zëdhënësin

Publikuar

-

Që në vitin 2016, Hipoteka nisi verifikimin e pasurive të paluajtshme për të gjithë gjyqtarët dhe prokurorët në vend.

Verifikimi në kuadër të procesit të Vettingut, për t’u paraprirë rasteve të manupulimit me pronat nga gjyqtarët dhe prokurorët.

Në filtër kanë kaluar 775 gjyqtarë dhe prokurorë, ndërkohë që ata po bënin deklarimin e pasurisë pranë ILDKPKI -së.

Në verifikim ka kaluar edhe prokurori i Durrësit Ilir Turja, e cila ende nuk është përzgjedhur nga KPK për t ‘iu nënshtruar Vettingut.

Në ILDKPKI, prokurori Turja, ka deklaruar se të ardhurat e vetme  i ka nga paga, ndërsa bashkëshortja e tij posedon një biznes bar -restorant po dhe një apartament të cilin e ka dhënë më qira.

Në formularët e deklarimit, ai nuk saktëson se si e ka përfituar bashkëshortja biznesin e ka trashëgimi apo e ka blerë dhe nëse e ka blerë sa ka kushtuar. Për më tepër ai nuk saktëson as qytetin ku bashkëshortja ka biznesin.

Por nga kërkimet nga QKB, rezulton se biznesi përkatësisht Bar-Restorant ndodhet në zonën e plazhit tek Ura e Dajlanit.

Në vitin 2009 ai ka deklaruar se bashkëshortja e tij  ka blerë një apartament banimi 73 metër katror dhe që kushton 35 000 euro, por nuk e thotë vendin kur e ka blerë në Durrës ku punon apo në Tiranë.

Gjithashtu në të njëjtin vit, deklaron se bashkëshortja e tij ka blerë një autoveturë Kia, në shumën 11 000 euro.

Viti 2003

Autoveturë, që kushton 300 000 lekë.

Viti 2004

Kredi në shumën 500 000 lekë.

Paga, 998 339 lekë.

Shpërblim, 56.129 lekë.

Viti 2005

Paga,925 161 lekë.

Shpërblim, 44 079 lekë.

Viti 2006

Paga vjetore, 991 413 lekë.

Pakësuar llogaria, në shumën 243 600 lekë.

Viti 2007

Paga vjetore, 1 054 602 lekë.

Pension ushqimor për djalin, 180 000 lekë.

Viti 2008

Paga vjetore,1 001 793 lekë

Pension ushqimor për djalin, 180 000 lekë.

Viti 2009

Apartament banimi 73 metër katror, blerë nga bashkëshortja në shumën  35 000 euro.

Autoveturë Kia, blerë nga bashkëshortja në shumën 11 000 euro.

LEXO EDHE:  Vodhi çantën me para në makinën luksoze/ Në kërkim 19-vjeçari

Kursime cash, 700 000 lekë.

Paga si prokuror, 957 604 lekë.

Paga e bashkëshortes 600 000 lekë.

Pension ushqimor për djalin, 180 000 lekë.

Viti 2010

Kursime, 300 000 lekë.

Të ardhura nga paga si prokuror, 1 016 153 lekë.

Të ardhura nga paga e bashkëshortes, 470 000 lekë.

Të ardhura nga qiraja, 40 500 lekë.

Kredi në shumën, 6 000 000 me afat 15 vjeçar, paguar 65 000 lekë.

Pension ushqimor për djalin, 180 000 lekë.

Kredia, 20 000 euro marrë nga bashkëshortja në vitin 2007, paguar 1 920 euro.

Viti 2011

Të ardhura nga paga si prokuror, 1 021 024 lekë.

Të ardhura nga paga e bashkëshortes, 315 000 lekë.

Të ardhura nga qiraja( nuk e specifikon se çfarë ka dhënë më qira),  540 000 lekë.

Bashkëshortja ka hapur një bar-restorant. (Nuk e thotë shumën sa ka kushtuar aktiviteti)

Viti 2012

Të ardhura nga paga si prokuror, 1 054 720 lekë.

Të  ardhura nga bashkëshortja,  219 600 lekë.

Të ardhura nga dhënia e apartamentit të bashkëshortes me qira, 450 000 lekë.

Viti 2013

Të ardhura nga paga si prokuror, 1 104 673 lekë.

Të  ardhura nga bashkëshortja, 228 312 lekë.

Viti 2014

Të ardhura nga paga si prokuror, 1 326 701 lekë.

Të  ardhura nga bashkëshortja, 211 860 lekë.

Viti 2015

Të ardhura nga paga si prokuror,1 384 910 lekë.

Të  ardhura nga bashkëshortja, 269 780 lekë.

Fitim i realizuar nga bashkëshortja nga biznesi i saj, një restorant, 175 884 lekë.

Të ardhura nga dhënia e apartamentit të bashkëshortes me qira, 140 000 lekë.

Viti 2016

Të ardhura nga paga si prokuror, 1 550 721  lekë.

Të  ardhura nga bashkëshortja, 266 400 lekë.

Fitim i realizuar nga bashkëshortja nga biznesi i saj, një restorant,777 417 lekë.

Të ardhura nga dhënia e apartamentit të bashkëshortes me qira, 252 000 lekë.

Pension ushqimore për djalin, 180 000 lekë.

Pagesa për arsimimin e vajzës në Kolegjin turk, 300 500 lekë./CNA.al

 

 

 

 

 

 

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Vodhi çantën me para në makinën luksoze/ Në kërkim 19-vjeçari

LEXO EDHE:  Po ju "shqepen xhepat", ja miliarderët që u pasuruan edhe më shumë gjatë 2017-ës

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Vodhi çantën me para në makinën luksoze/ Në kërkim 19-vjeçari

LEXO EDHE:  Po ju "shqepen xhepat", ja miliarderët që u pasuruan edhe më shumë gjatë 2017-ës

 

LEXO TE PLOTE
Lajme të Rekomanduara: