Connect with Us

Denoncimi i Fiks Fare/ I sëmuri merr stafilokokun në sallën e operacionit, mjekët kthejnë lekët

Aktualitet

Denoncimi i Fiks Fare/ I sëmuri merr stafilokokun në sallën e operacionit, mjekët kthejnë lekët

Publikuar

-

Fiks Fare denoncoi skandalin që ka ndodhur në Spitalin Rajonal Lezhë, ku pacientët që u janë nënshtruar ndërhyrjeve kirurgjikale gjatë fundit të muajit të kaluar janë infektuar me stafilokok.

Këta pacientë, pas komplikacioneve që kanë patur pas ndërhyrjes në spitalin e Lezhës, janë rioperuar përsëri ne këtë spital e më pas në Qendrën Spitalore Universitare Nënë Tereza, ku janë paraqitur me infeksion të rëndë.

Emisioni Fiks Fare solli ankesën e familjarëve të një 15 vjeçari i cili ishte operuar nga apendesiti në datën 24 prill në Spitalin Rajonal të Lezhës, dhe që pas 5 ditësh për shkak të shqetësimeve dhe temperaturës shumë të lartë e kanë sjellë në QSUT, ku i është nënshtruar një tjetër operacioni.

Halla e 15 vjeçarit tregon se mjeku kirurg që e ka bërë operacion në Tiranë u ka treguar se kolegu i tij nga spitali Lezhë i ka treguar se kanë probleme me sallën e operacionit. Këtë gjë familjarët e 15 vjeçarit e konfirmojnë me takimin që zhvillojnë me mjekun e në QSUT-së, Kolan Henri, i cili u pohon se mjeku i Lezhës ka fajësuar kushtet në të cilat operojnë dhe sallën e operacionit.

Familjarët nuk e lanë me kaq por takuan dhe dy mjekët kirurgë që operuan 15 vjeçarin në Lezhë, të cilët u treguan se kanë qenë tre raste që kanë patur të tilla komplikacione . Ata shihen në videot e publikuara nga Fiks Fare ku dëshmojnë se kanë ndërprerë edhe punën , operacionet për shkak të sallës së operimit. Ata për dy ditë nuk kanë kryer asnjë operacion , por shprehen se i kanë kërkuar drejtorisë së spitalit ekzaminimin e sallës së operacionit.

Gazetarët e Fiksit shkuan në Lezhë, ku shefi i pavionit të Kirurgjisë në bisedë me ta tha pohoi se para dy javësh nga ekzaminimi që i është bërë sallës ka rezultuar me bakterin stafilokok. Ky grup bakteresh mund të shkaktojë një sërë sëmundjesh infektive në indet e ndryshme të trupit. Por para kamerave shefi i pavionit Ndue Çupi u shpreh se u ndalën për të riparë sterilitetin e sallës së operimit pa e përmendur se ajo ishte e kontaminuar me stafilokok.

Kurse nëndrejtoresha e spitalit Lezhë Valbona Prenga tha për Fiksin se menjëherë pas shqetësimit të ngritur nga mjekët janë bërë disa ekzaminime në sallë, ekzaminime të bëra nga mikrobiologia e spitalit ku kanë rezultuar sterile. Ajo u shpreh se janë në pritje të përgjigjeve edhe për dy a tre analiza të tjera , e më pas do u drejtohet inspektoriatit dhe ministrisë që të bëhen edhe njëherë ekzaminimet e duhura. E pyetur nga gazetarët e

Fiksi për praninë e bakterit stafilokok në sallë të operacionit ajo thotë se nuk ka dijeni për këtë ekzaminim dhe këtë rezultat. “Nuk kam dijeni por nëse është e vërtetë duhet të ndalemi dhe përgjegjësit të marrin ndëshkimin e merituar” tha Valbona Prenga.

Fiks Fare u interesua edhe për mënyrën se si sterilizohej salla e operacionit pranë spitalit Lezhë dhe se kush e bente atë. Shoqëria e cila duhet të bëjë sterilizimin e mjeteve dhe dezinfektimin e sallës është Saniservis, e cila e ka marrë këtë shërbim me Konçesion Partneritet Publik Privat nga Ministria e Shëndetësisë në 2015-ën. Emisioni Fiks Fare kërkoi informacion nëse është bërë dezinfektimi i sallës së operacionit në Spitalin Rajonal Lezhë në datat 20 dhe 24 prill, por që kjo kompani ende nuk ka kthyer një përgjigje.

Mjekët tregojnë të vërtetën, pasi kthejnë lekët e marra për operacionin

Pasi 15- vjeçari u detyrua të operohej sërish në QSUT, mjekët që e operuan në spitalin e Lezhës treguan të vërtetën edhe pse me dhimbje. Familjarët u kërkojnë llogari për gjendjen e adoleshentit dy mjekëve të cilët për operacionin që kryen u paguan. Shefi pavionit Ndue Çupi dhe kirurgu Çesk Gjergji ishin paguar nga familjarët me 5000 lekë secili. Meqë operacioni shkoi keq të dy mjekët u detyruan tu kthenin lekët familjarëve.

Ndue Çupi gjatë takimit me familjarët kthen lekët në një zarf të bardhë dhe u thotë se nuk ishte faji i atyre por i sallës ku është bërë operacioni. “Këtë kafen që më keni dhënë t’ia çoni djalit” shprehet Çupi. Njëri prej familjarëve tenton të hap zarfin , por shefi pavionit e ndalon duke i thënë sërish për t’ia çuar 15 vjeçarit.

Ndërkohë kirurgu Gjergji u thotë familjarëve se lekët jua ka kthyer një të afërmeje të tyre. “ Lekët t’i kam kthyer, ia kam dhënë Florës (infermiere e afërme e familjes), Erdha t’ia jap djalit por kishte njerëz dhe ngjante keq” shprehet kirurgu Gjergji.

Aktualitet

Dështoi me Partizanin dhe Skënderbeun, nuk do e besoni çfarë ka bërë sot Agostinelli

Publikuar

-

Nga

Andrea Agostineli është një prej trajnerëve italianë që janë munduar që të lënë gjurmë në futbollin në vendin tonë, por pa shumë sukses. Tekniku italian zbarkoi në Shqipëri disa vite më parë duke marrë fillimisht drejtimin e Partizanit për një gjysmë sezoni, e më pas edhe atë të Skënderbeut.

Në të dy rastet, eksperienca nuk përfundoi me fund të lumtur pasi ai u largua pa lënë shumë shenjë me skuadrat në fjalë gjatë vitit 2016. Që atëherë, ai provoi që të kthehej aktiv në pankinë, vetëm duke firmosur në verën e kaluar me një skuadër në Kongo. Por edhe ajo ishte një aventurë e dështuar, ndaj duket pasi ka braktisur idenë për të qenë një trajner i suksesshëm, Agostineli ka ndërmarrë një rrugëtim të ri, shkruan “Vipsport.al”.

Pak ditë më parë, një grup biznesi ku ai është një ndër përfaqësuesit, që ka shfaqur interes për të blerë klubin e Lukezes në Serinë C. Klubi i vogël është nxjerrë në shitje pas problemeve të shumta financiare dhe disa grupe që janë interesuar për ta blerë, me atë që ka figurë përfaqësueses Agostinelin një prej tre kryesorëve. Me sa sa duket, nëse ia del të jetë pjesë e ofertës fituese, Agostineli do të nisë një rrugëtim të ri si drejtues klubi, me shpresën që të ketë më shumë fat se sa në karrierën si trajner.

LEXO TE PLOTE

Aktualitet

Ditmiri “viktimë” e Asamblesë së PS/ Shpërthen analisti i njohur

Publikuar

-

Nga

bushati shkund opoziten

Analisti Andi Bushati ka komentuar vendimet e marra nga Asambleja e Partisë Socialiste duke u ndalur në mënyrë të veçante tek shkarkimi i Ditmir Bushatit.

Sipas tij, shkarkimi i Bushatit erdhi pasi ai nuk ka qenë 100% me linjën e Ramës.

“Ditmir Bushati nuk është disident në radhët e PS, por socialsit i vendosur, i devotshëm, shumë më radikal se disa të tjerë, por fakti që s’ka qënë 100% me linjën e Ramës, por edhe për ndarjen e Kosovës, atij i kushtoi vendin, postin brenda partisë.”

Bushati komentoi ndër të tjera dhe postin që ministri i Brendshëm, Sandër Lleshaj, mori brenda partisë.

“Kur figura si Sandër Lleshaj, e mbani mend kur tha në daljen e tij të parë publike se s’jam njeri politik, po e bëj këtë detyrë në emër të vlerësimit që kam për Ramën?

Pra në këtë mënyrë ai u katapultua në qeveri, tani do të hyjë edhe në parti. Këtu jemi në një sistem ku vendos vetëm lideri.

Rama mori ca njerëz anonimë, si Lleshaj e Cakaj, e tha këta do jenë ministra, po këta po iu imponohen edhe PS. Ky është sistem putiniano-erdoganesk, dhe jo qeveri demokratike”, tha ai në rubrikën “Opinion” në studion e lajmeve në News 24/ CNA.al.

 

LEXO TE PLOTE

Aktualitet

Merr “flakë” Presidenti/ Meta: Ministrja e Drejtësisë, gënjeshtra banale

Publikuar

-

Nga

Presidenti i Republikës Ilir Meta në intervistën për emisionin “Tempora”i quajti “gënjeshtra banale” deklarimet e ministres së Dresjtësisë, Etilda Gjonaj të bëra një javë më parë, kur u shpreh se, për dy vite me radhë 2017- 2018, Presidenti kishte bllokuar shortin e Këshillit të Emërimeve në Drejtësi.

“Më duket krejt absurde që të merrem me gënjeshtra kaq banale. Mund t’ju vë në dispozicion letrën publike që unë i kam dërguar në postin e Presidentit ambasadores së Bashkimit Europian dhe EURALIUS-it, ku pikërisht duke treguar vullnetin tim për të hedhur shortin për KED-në si President, i kam bërë të qartë se këtu ka disa probleme, që ne duhet të takoheshim që në fillim të nëntorit, që t’i zgjidhim. Duke pasur parasysh përse dështoi KED-ja e një viti më parë ku unë përsëri e hodha shortin si kryetar i Kuvendit dhe dihet ajo, se është sqaruar se kush e eliminoi. Dhe ky takim është bërë. Unë kam shprehur vullnetin për të hedhur shortin, por para se të hidhnim shortin, duhet të bënim takime me të gjithë drejtuesit e institucioneve: me kryetarin e Kuvendit, me kryetarin e Komisionit të Ligjeve, me përfaqësuesit e Prokurorisë dhe të gjithë institucionet që kanë të drejtë të propozojnë në KED, në mënyrë që të evitonim debatet se jo ky institucion i ka respektuar kriteret sipas Kushtetutës, sipas ligjit, jo ky nuk i ka respektuar, sepse kuptohet që Presidenti i Republikës është një institucion, i cili çdo detyrë duhet ta përmbushë me shumë përgjegjësi dhe larg kontestimeve apo debateve që krijojnë probleme. Situata ka qenë ekstra”, ka deklaruar presidenti Meta./ CNA.al

LEXO TE PLOTE