Connect with Us

Sot në “Vrasje të vogla”/ Merve braktis Serhanin, Oja e vendosur për ta shpëtuar nga burgu

Life Style

Sot në “Vrasje të vogla”/ Merve braktis Serhanin, Oja e vendosur për ta shpëtuar nga burgu

Publikuar

-

Nihal telefonon Merven për t’i thënë se Pelin i ka kërkuar që t’i shesë Burxhusë një shtëpi në lagjen e tyre. Nihal vendos të mbajë anën e Merves në luftën e heshtur mes Pelinit dhe Merves.

Merve i tregon Serhanit se pas arrestit të tij e gjithë lagjia ka sulmuar shtëpinë e tyre duke kërkuar pasurinë e humbur në firmën e tij, por Oja e ka ndihmuar për të shpëtuar nga situata. Serhanit i bëhet qejfi.

Merve i shpreh Serhanit besimin se ai është i pafajshëm dhe e pyet për fajtorin e vërtetë. Serhan nuk i tregon Merves për dyshimet e tij rreth Rizasë për të mos e lënduar, por Merve e ka kupton pasi i kujtohet akuza e Ojas ndaj të vëllait.

Merve bën gati valixhet e saj dhe të Milës herët në mëngjes dhe arratiset sëbashku me Milën përpara se Serhan të zgjohet. Serhan del në rrugë për të kërkuar Milën dhe Merven duke shkelur jashtë shtëpisë edhe pse nuk i lejohet duke qenë nën arrest. Pelin përpiqet të kopjojë çdo sjellje të Merves.

Tajlan kritikon Pelinin duke i thënë se është verbuar nga dëshira për pushtet. Pelin e quan Tajlanin një mashkull të papërgjegjshëm dhe të paaftë për të plotësuar dëshirat e saj luksoze. Tajlan heq dorë prej Pelinit dhe ajo dëshpërohet. Profesori shikon Pelinin e mërzitur në shkollë dhe e siguron atë se është një femër e arrirë.

Pelin qan në krahët e profesorit duke gjetur ngushëllim tek ai. Burxhu i tregon Pelinit se Nihal nuk pranon t’i gjejë një shtëpi. Edip mërzitet kur shikon entuziazmin e Ojas për lirimin e Serhanit. Oja shokohet kur mëson se Merve ka fikur telefonin dhe telefonon Serhanin.

LEXO EDHE:  Larg luksit/ "Merve" nuk është aspak siç e njihni në serial, ja jeta e saj e vërtetë

Serhan i tregon Ojas i përlotur se Merve dhe Mila e kanë braktisur. Edip dhe Oja i shkojnë Serhanit për mbështetje. Edip i kthen Serhanit të njëjtin kërcënim përmes cigareve puro. Oja dhe Serhan mbeten vetëm në shtëpinë e tij. Oja ndihmon Serhanin të rruhet. Serhan i puth dorën Ojas.

Merve dhe Mila kanë shkuar në shtëpinë ku fshihet Galip. Oja është e vendosur të shpëtojë Serhanin nga burgu dhe mëson se mund ta shpëtojë atë vetëm duke gjetur Galipin. Merve i rrëfen Rizasë se ka hequr dorë përfundimisht prej Serhanit pasi fundi i tij është në burg. Ajo shtiret sikur është e mërzitur me Rizanë që nuk e ka paralajmëruar që më herët për skemën e mashtrimit në kompani.

Riza shtiret si i pafajshëm para Merves, por ajo e ballafaqon duke e përgëzuar për zgjuarsinë e tij. Oja vendos të gjejë Galipin përmes të dhënave të tij mjekësore. Merve i rrëfen Rizasë se Serhan e ka tradhëtuar. Riza shtiret sikur e mbështet, por vihet në siklet nga prania e Merves dhe Milës.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Horoskopi i fundjavës/ Dashuria dhe financat, zbuloni surprizat për 12 shenjat e zodiakut

Publikuar

-

Dashi

Duhet të mundoheni që të kapni fluturimthi mundësitë që do ju ofrohen. Shpesh nuk i vini re dhe i lini që t’iu ikin. Ndërkohë që kjo është periudha më e mirë për të përfituar nga mundësitë që ju ofrojnë yjet, pasi në muajt në vijim do të mblidhni frytet e asaj që po bëni tani. Sa i takon ndjenjave, ka disa dyshime që kanë nevojë për sqarim.

Demi

Do të përballeni me disa probleme të sferës sentimentale, ndaj mundohuni që të sqaroni çdo dyshim, pasi gjatë muajit në vijim, gjërat do të komplikohen mjaft. Po ashtu mundohuni që të mbani nën kontroll financat, pasi së fundmi keni shpenzuar shumë.

Binjakët

Si fundjavë që është keni nevojë për një periudhë pushimi për tu rigjeneruar, e keni vërtetë nevojë pas ngarkesës që keni kaluar dhe për të kuptuar se cilat janë gjërat më të mira që duhet të bëni. Ndoshta do ju duhet një ndryshim jo për fajin tuaj, por për shkak të situatave që ju rrethojnë.

Gaforrja

Ju pret një e shtunë mjaft e favorshme, e mbushur me entuziazëm dhe që duhet jetuar në çdo moment. Shmangni çdo lloj diskutimi, pasi nuk ia vlen që të shkatërroni një ditë si kjo. Bëni mirë që ti kushtoni më shumë kohë mirëqenies tuaj dhe dashurisë.

Luani

Ju pret një ditë rikuperimi, në raport me ato që keni lënë pas, kur jeni përballur me një sërë shqetësimesh. Fatmirësisht çdo gjë ka kaluar, dhe do të keni mundësi që të merrni më shumë kënaqësi.

Virgjëresha

Ndiheni disi të lodhur, ndaj përfitoni nga kjo fundjavë për të pushuar dhe relaksuar, edhe pse ngarkesat nuk do të mungojnë. Bëni kujdes ndaj raporteve ndërpersonale dhe shmangni diskutimet.

Peshorja

Duhet të mundoheni të organizoni më mirë kohën tuaj. Po lini pas dore ndjenjat dhe me gjasë nuk do e shihni sa doni njeriun tuaj të zemrës. Gjatë kësaj fundjave janë mjaft të favorizuara raportet ndërpersonale, ndaj përfitoni që të zgjeroni miqësitë. Në punë do të përballeni edhe me disa probleme.

LEXO EDHE:  Merve sigurohet që Oja ka vdekur/ Çfarë do të ndodhë në serinë e sotme të “Vrasje të vogla”?

LEXO EDHE:  Merve dhe Elif bashkohen për t'i bërë keq Ojas/ Çfarë do të ndodhë sot në "Vrasje të vogla"

Akrepi

Kjo ditë do të sjellë rikuperim të ndjeshëm, ku më në fund mund të lini pas problemet e ditëve të kaluara. Mundohuni që të udhëtoni, pasi lëvizjet janë mjaft të favorshme. Në dashuri kërkoni më shumë siguri.

Shigjetari

Ju pret një ditë pozitive gjatë së cilës duhet të sqaroni situata. Nëse së fundmi keni pasur probleme në sferën profesionale, tashmë gjërat do të ecin më mirë. Mundohuni që të gjeni më shumë kohë për vete dhe për partnerin/en!

Bricjapi

Jeni në një fazë rikuperimi, edhe në sferën sentimentale, pasi në këtë fazë të muajit, mund të ketë lajme të bukura në dashuri. Kjo gjë do të varet shumë prej teje dhe nga dëshira për të çuar përpara një histori. Kushtet për ta bërë janë të gjitha, duhet vetëm pak më shumë entuziazëm, shkruan noa.al.

Ujori

Do të jeni të detyruar që të punoni pak më shumë lidhur me një projekt tuajin, pasi puna do të jetë e kënaqshme. Do të përballeni me ndonjë problem të vogël financiar, ndaj duhet ta mblidhni dorën për shpenzimet. Gjeni pak më shumë kohë për tu relaksuar pasi stresi nuk do të jetë vetëm psikologjik.

Peshqit

Ju pret një ditë me fat dhe e mbushur me emocione pozitive, në sajë të ndikimit të Hënës. Qielli do të jetë i mbushur me fitore dhe kënaqësi. Duhet të tregoheni të kujdesshëm ndaj dikujt, i cili për shkak të xhelozisë ndoshta kund të flasë keq pas kurrizit.

LEXO TE PLOTE

Aktualitet

Afërdita Dreshaj feston 33 vjetorin e lindjes/ Bashkëshorti i saj i bën urimin e veçantë

Publikuar

-

Ditën e sotme, këngëtarja shumë e dashur për publikun Afërdita Dreshaj feston 33 vjetorin e lindje së saj. Dhuratat e para Afërdita i ka marrë që ditën e djeshme nga e motra.

Këngëtarja ka marrë shumë urime nga miqtë dhe familjarët e saj por ai që ka tërhequr gjithë vëmendjen është urimi i bashkëshortit të saj Jakub Kindl, i cili shkruan fjalët më të bukura dhe të ndjera për gruan e tij.

“Gëzuar ditëlindjen për një njeri special i cili po i sjell shumë gëzim zemrës sime. Jam falenderues për çdo moment që kalojmë bashkë dhe shpresoj që lumturia jonë mos të mbarojë asnjëherë”,- ka shkruar sportisti në postimin e tij në ‘Instagram’ së bashku me një galeri fotosh të Afërditës gjatë momenteve më speciale të tyre.

LEXO TE PLOTE

Aktualitet

Marrëveshje 70 milionë dollarëshe/ Aktori i famshëm tundohet nga oferta e gjigantit të filmave

Publikuar

-

Aktori i famshëm, Eddie Murphy, flitet se do të marrë një shumë të madhe parash nga gjiganti i filmave, Netflix.

Sipas TMZ 58 vjeçari do të rikthehet sërish te komeditë dhe po negocion një marrëveshje, e cila vlen rreth 70 milionë dollarë.

Kjo ofertë e majme vjen si pasojë e famës dhe suksesit që ka patur në filmat e mëparshëm./CNA.al

LEXO TE PLOTE
Lajme të Rekomanduara: