Connect with Us

Nga Mero Baze/ Kur shqiptarët bëjnë sikur “qajnë”, për Kosovën

Aktualitet

Nga Mero Baze/ Kur shqiptarët bëjnë sikur “qajnë”, për Kosovën

Publikuar

-

opinion nga mero baze

Në pranverën e vitit 1995, Ibrahim Rugova kishte vendosur të takonte partitë e opozitës në Tiranë. Pas përdorimit që Berisha i kishte bërë emrit të tij për referendumin e dështuar për Kushtetutën, ai shikonte nevojën e vendosjes së kontakteve me partitë e tjera politike. Kishte planifikuar të takonte Partinë Socialiste, Socialdemokratët e Gjinushit dhe Partinë Demokratike. E shoqërova si gazetar në të tre takimet.

Në dy prej tyre, ndodhën dy incidente që e shpjegojnë më së miri si e njeh Shqipëria, Kosovën.

E para ishte tek Partia Socialidemokrate.

Në takim ishte Skënder Gjinushi, Paskal Milo dhe Gaqo Apostoli.

Gjinushi dhe Milo ishin shumë të qartë në bisedë, të kthjellët për Kosovën, të kujdesshëm politikisht dhe dukej se e dinin me kë flisnin dhe përse flisnin. I treti ishte Gaqo Apostoli. Për të folur dhe ai një fjalë, si dy udhëqësit e tjerë, ai pyeti Rugovën.

-Zoti president, aty në Gostivar ndodhi një ngjarje e rëndë. Si e përballuat, se me sa dëgjova, u vra dhe dikush, se ngriti flamurin?

Rugova që ishte mësuar me mos-njohjen e Shqipërisë për Kosovën, e kaloi me sportivitet.

-Po kam dëgjuar, tha. Në kthim do ndaloj të takoj kryetarin Gligorov dhe t’ia theksoj se është e rëndësishme të mbrohen të drejtat e shqiptarëve në Maqedoni.

-Ah… po, se Gostivari është i Maqedonisë, tha Gaqua, dhe çdo gjë kaloi me një të qeshur.

E dyta ishte me Tritan Shehun. Rugova u takua formalisht dhe me Tritan Shehun, meqë ai ishte kryetar në detyrë i PD. Pas takimit, isha tek Vila 31 ku rrinte Rugova, dhe sekretari i tij më thotë se ky Tritan Shehu është i çmendur.

-Pse, i thashë?

-Kqyr mor ça ka shkru në komunikatë shtypi, thotë, dhe më vuri para një faks të shkruar me makinë shkrimi, ku thuhej se “biseduam me presidentin Ruogva për arritjen e autonomisë së Kosovës….”

-A është mor normal ky njeri?

Më kapi gazi pasi përfytyrova Tritanin me tre telefona në dorë, një duke i thënë sekretares shkruaj, tjetrin duke fol me Doktorin, e tjetrin për ndonjë pazar.

Fola me Berishën për gafën e komunikatës, me qëllim që të frenonte trasmetimin në TVSH.

Dy minuta më vonë mori sekretarja e Tritanit të më sqaronte dhe mua si gazetar, se ishte një lapsus ajo puna e autonomisë, pasi Tritani mbante mend që ja kanë heq autonominë Kosovës dhe nuk e dinte që ja kishin kthyer…..

LEXO EDHE:  Çfarë e “sëmuri” sot kryetarin e PD-së?

Mu kujtuan këto histori, ndërsa shoh këtë dalldinë e analistëve dhe politikanëve periferikë dhe histerikë të Shqipërisë, të cilët befas janë kujtuar për Kosovën dhe kanë zbuluar se dikush po e copton dhe po e shet.

Mes tyre pashë dhe Tritanin dje në një panel, që së bashku me Mesilën kishin gjetur dhe armikun, që quhej Baton Haxhiu.

Problemi nuk është se thonë broçkulla për publikun shqiptar, se publiku shqiptar, është pak a shumë si ata, për Kosovën. As e njeh mire Kosovën dhe as merakoset shumë për hallet e saj. Po ashtu, as Edi Ramën nuk është se e dëmtojnë politikisht.

Por problem i këtyre debateve të cekëta televizive, të shpifura, qesharake, banale, histerike, dhe pa asnjë përmbajtje, është se ato shikohen në Kosovë. Dhe atje befas, ata që na adhurojnë si toka mëmë, që mendojnë se ne e kemi mendjen tek ata, që mendojnë se jemi “ëngjëll mbrojtës” për ta, dhe akoma më shumë, ata që mendojnë tani në Kosovë, se dikush në Shqipëri po i shpëton nga humbja e Veriut dhe fitorja e Preshevës, befas shikojnë një tufë idiotësh histerikë që thonë broçkulla për Kosovën.

Është e dhimbshme ta shikosh si shqiptar i Kosovës këtë diarenë e ligjërimit publik të Shqipërisë për Kosovën, nga politikanë të cekët, sharlatanë, nga gra histerike që bëjnë si burra të fortë, dhe mbi të gjitha nga gazetarë që kurrë nuk janë marrë me Kosovën, që kur i shikon se çfarë thonë, të krijohet ideja që Kosova është një livadh i Ramushit, që do t’i shesë Hashimi me këtë Batonin, por ai s’do, se kështu i ka pas ik një livadh në Dukagjin, për llogari të Malit të Zi.

Është më mirë ta dëshpërosh Kosovën, duke i thënë nuk kemi punë me ju dhe vrisni veten, se sa t’u thuash “ne po të dalim zot” dhe ata befas shikojnë, që “ëngjëjt mbrojtës” të Kosovës, nuk e kanë haberin as për Kosovën dhe as për problemet e saj. Thjesht tregojnë se Shqipëria as e njeh, as e kupton dhe as nuk di si ta ndihmojë Kosovën. Pasi gjithonë, i duhet ta përdorë për hallet e saj.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

5 plumba për 30 sekonda/ Del video e ekzekutimit të 39-vjeçarit në Elbasan

Publikuar

-

Nga

5 plumba për 30 sekonda/ Del video e ekzekutimit të 39-vjeçarit në Elbasan

Publikohet videon e ekzekutimit të 39-vjeçarit Emiljano Ramazani një ditë më parë në Elbasan. Në pamjet e filmike që pa publikuar “ABC News” duket autori me kapuç që del nga një makinë e parkuar dhe ndjek automjetin e viktimës.

Ai ecën drejt tij i armatosur, ndërkohë që makina e tij zhvendoset nga një tjetër person. Pasi kryen krim gjakftohtë autori rikthehet në automjet dhe largohet nga vendngjarja. E gjithë ngjarja ndodh për 30 sekonda.

Ramazani u ekzekutua poshtë pallatit të tij. 39-vjeçari u ndoq nga autorët nga palestra për në banesë, ndërsa u qëllua teksa ishte në automjetin e tij. Ai ishte një emër i njohur për drejtësinë pasi është arrestuar disa herë për trafik narkotikësh.

LEXO EDHE:  Replikë me Mero Bazen/ Ku ndryshon Berisha nga Rama, për lirinë e medias



Në vitin 2012 gjatë operacionit të koduar “Tabakane 2”, Emiliano Ramazani i njohur edhe me nofkën “Rramani” dhe “Ili” u arrestua së bashku me 5 të tjerë pasi prokuroria kishte prerë fletë arresti për prodhimit dhe mbajtjes së lëndëve narkotike të kryer në bashkëpunim në formën e shitjes më shumë se një herë.

LEXO EDHE:  Çfarë e “sëmuri” sot kryetarin e PD-së?

Nuk dihet se si i ka shpëtuar drejtësisë 39-vjeçari pas këtij arrestimi por dihet se edhe në vitin 2017, gjatë operacionit “Porosia e Fundit” Rramani u arrestua për të njëjtën vepër penale.

LEXO TE PLOTE

Politikë

Rama u tregon që marrëveshja votohet në 23 dhe listat më 30 korrik/ Opozita: Gënjen

Publikuar

-

Nga

Rama u tregon që marrëveshja votohet në 23 dhe listat më 30 korrik/ Opozita: Gënjen

Opozita e Bashkuar ka dalë në një deklaratë për mediat pas marrëveshjes së firmosur nga opozita parlamentare dhe mazhoranca.

Opozita thotë se ndryshimi i njëanshëm kushtetues për ndalimin e koalicioneve zgjedhore zhbën të dyja marrëveshjet politike për zgjedhjet, atë të 14 Janarit dhe atë të 5 Qershorit.

Sipas tyre, marrëveshja e sotme tregon planin e kryeministrit Edi Rama për të miratuar dhe më pas për të zhbërë marrëveshjet e mëparshme me ndryshime kushtetuese.

Opozita e cilëson dakordësinë e sotme si akt tinëzar dhe të paprecedentë, ndërsa nuk tregon nëse do të shkojë ose jo në mbledhjen e Këshillit Politik të thirrur për nesër.



“Akti i sotëm është dëshmi e planit diabolik të Edi Ramës që të miratojë fillimisht për fasadë Marrëveshjen e 5 Qershorit, të vërë në lojë partnerët tanë strategjikë, SHBA dhe BE dhe vetëm 1 javë më vonë ta zhbëjë marrëveshjen me ndryshime të njënashme kushtetutese, që ndalojnë koalicionet si subjekt zgjedhor.

Edi Rama gënjen, kur thotë se po hap listat, sepse pjesën fituese të tyre, 1/3 e listës, e mban të mbyllur, duke dalë zbuluar se i vetmi qëllim është ai i ndalimit të koalicioneve si subjekt zgjedhor.  Zhbërja nga Edi Rama i marrëveshjeve të 14 Janarit dhe 5 qershorit përbën një akt të rrezikshëm me pasoja të paparashikueshme për stabilitetin e vendit.

LEXO EDHE:  Kosova dhe Serbia, të shtrënguara të arrijnë marrëveshje brenda një viti

LEXO EDHE:  Replikë me Mero Bazen/ Ku ndryshon Berisha nga Rama, për lirinë e medias

Ky akt i paprecedentë në 30 vite pluralizëm është, po kështu, një thyerje e rëndë e besimit të partnerëve strategjikë SHBA dhe BE që u investuan, përshëndetën dhe vazhdojnë të insistojnë në zbatimin e Marrëveshjes së 5 qershorit pa asnjë ndryshim dhe pa ndryshime kushtetuese që e shkatërrojnë atë.

Ky akt tinzar prej frikacaku tregon tmerrin e kryeministrit në ikje nga zgjedhjet dhe rotacioni i pashmangshëm. Opozita e Bashkuar garanton të gjithë qytetarët se do të bëjë gjithçka, që faturën e rëndë që ky akt sjell për demokracinë, stabilitetin dhe integrimin e vendit ne Bashkimin Europian, ta paguajë vetëm Edi Rama dhe jo Shqipëria e shqiptarët”, thuhet në deklaratë./ CNA.al

LEXO TE PLOTE

Politikë

Gjiknuri thërret Këshillin Politik/ Të mblidhemi nesër, do jetë edhe Rama

Publikuar

-

Nga

Gjiknuri thërret Këshillin Politik/ Të mblidhemi nesër, do jetë edhe Rama

Bashkëkryetari i Komisionit për Reformën Zgjedhore, Damian Gjiknuri, nuk ka humbur aspak kohë pas marrëveshjes së arritur me opozitën parlamentare.

Gjiknuri ka thirrur mbledhjen e Këshillit Politik për ditën e nesërme në orën 17:00, në ambientet e Pallatit të Kongreseve.

Socialisti i konfirmon opozitës joparlamentare se Komisioni Parlamentar për Çështjet Ligjore, Administratën Publike dhe të Drejtat e Njeriut ka miratuar në mbledhjen e sotme projektligjin për amendime në Kodin Zgjedhor, sipas dokumentit të dakordësuar në tryezën e Këshillit Politik.

Ndërkohë, njofton se në tryezën e Këshillit Politik do të marrë pjesë sërish kryeministri Edi Rama.



“Gjithashtu, ju informoj se Grupi Parlamentar i Partisë Socialiste ka firmosur mbrëmjen e sotme një marrëveshje me përfaqësuesit e grupeve të opozitës parlamentare (Grupi Demokrat; Grupi Demokraci dhe Drejtësi; Grupi i Pavarur) ku dakordësohet mes palëve mbështetja për kalimin në seancën parlamentare të datës 23 Korrik të projektligjit për amendimet në Kodin Zgjedhor, dokument që mori sot mbështetjen nga Komisioni Parlamentar për Çështjet Ligjore, Administratën Publike dhe të Drejtat e Njeriut. Marrëveshja e cituar më sipër ndodhet bashkëlidhur në këtë e-mail për dijeninë tuaj.

LEXO EDHE:  Çfarë e “sëmuri” sot kryetarin e PD-së?

LEXO EDHE:  Halim Kosova takohet më të rinjtë e njësisë numër 5, Basha: Rinia është zemra e PD

Duke marrë në konsideratë faktin se tanimë është përcaktuar seanca për miratimin e amendimeve në Kodin Zgjedhor, ashtu sikurse ju keni patur kohën e mjaftueshme për të shqyrtuar propozimet e opozitës parlamentare të miratuara tashmë në Këshillin e Mandateve dhe Komisionin Parlamentar për Çështjet Ligjore lidhur me ndryshimet në Kushtetutën e Republikës së Shqipërisë për sanksionimin e listave të hapura;

propozoj mbledhjen e Këshillit Politik ditën e nesermë ora 17:00 në ambientet e Pallatit të Kongreseve me rend ditë diskutimin mbi propozimet për ndryshime në Kushtetutë sa i takon sanksionimit të hapjes së listave. Nga ana e Partisë Socialiste, përveç meje, si përfaqësues në tryezë do të marrë pjesë edhe Kryetari i Partisë Socialiste Edi Rama”, deklaron Gjiknuri./ CNA.al

LEXO TE PLOTE