Connect with Us

Fiks Fare publikon skandalin/ Kryetari i Bashkisë Lezhë “lë” pa pronë qytetarët

Aktualitet

Fiks Fare publikon skandalin/ Kryetari i Bashkisë Lezhë “lë” pa pronë qytetarët

Publikuar

-

skandali

Ish kryetari i Komunës Rrilë në Lezhë, Fran Frroku, ka regjistruar pronat e tij mbi pronat e komshinjve. Fizikisht nuk e ka zotëruar asnjëherë, por, sipas tij, në hipotekë figuronte shtet, ndaj ai e kompensoi veten aty.

Sot, Fran Frroku, kryetari i Bashkisë Lezhë, e di shumë mirë që prona u takon komshinjve, por nuk pranon t’ua kthejë. Ai premton se është i gatshëm të përballet në gjykatë dhe do pranojë çfarëdo vendimi të marrë ajo pa e ankimuar. Ndërkohë që fqinjët kanë frikë të përpallen me të në gjykatë, ndaj kanë kërkuar ndihmën e Fiks Fare.

Në Fiks Fare u ankua Vera Leka, pasi ish-kryetari i Komunës Rrilë, aktualisht kryetar i Bashkisë Lezhë, ka regjistruar në hipotekë si të tijën tokën që zonja Leka e ka blerë para 20 vitesh. Ajo zotëron dokumentin e shitblerjes me 4 dëshmitarë të pranishëm, aktualisht tre janë gjallë dhe në fund dokumenti mban vulën e ish-Komunës Shënkoll. Vera ka blerë nga një fshatar tjetër i zonës rreth 2 dynym e 700 metra. Ajo nuk e ka regjistruar pronën në hipotekë, pasi personit të cilit ia ka blerë është në kërkim për një krim të kryer në familje.

Sa herë që ka shkuar në hipotekë për ta regjistruar i kanë thënë që numri i kësaj pasurie nuk ekzistonte. Por, vetëm pak kohë më parë, Vera dhe familjarët e saj mësuan po nga ZVRPP Lezhë se tokës së saj i kishte dalë pronari. Madje, ky numër pasurie që nuk gjendej nga hipoteka tashmë ekzistonte dhe në emër të kryetarit të Bashkisë Lezhë, Fran Frroku. Kryetari ishte pronari i 1300 metrave katror tokë, pjesë e dy dynym e 700 metrave që kishte blerë Vera. Kryetari Frroku e ka pasur vetëm me letra si pronë, pasi për të shfrytëzuar prej 20 vitesh e bën familja Leka.

Nga ana tjetër, kryetari i Bashkisë Lezhë pronën prej 1300 metra katrorë e ka fituar me ligjin 7501. Kur ka drejtuar ish-Komunën Rrilë, si kompensim i një toke tjetër që shteti ia kishte marrë, kompensoi veten me 1300 metra tek toka e komshinjve. “Unë e njoh familjen dhe e di që ata e kanë blerë dhe nuk kam asnjë gjë kundra tyre, i gjithë faji është i ZVRPP Lezhë, pasi asokohe kur jam interesuar më ka dhënë informacion që kjo tokë është tokë shtet dhe unë kam filluar procedurat për kompensim”, shprehet kryetari bashkisë Frroku.

Duke regjistruar pronën, Frroku ka krijuar mbivendosje jo vetëm me fqinjën, por edhe me banorë të tjerë të zonës, por që kanë frikë të flasin para kamerës së Fiksit.

Ai shprehet për Fiks Fare se nga angazhimet e tjera që ka pasur nuk i është dashur ta shfrytëzojë fizikisht tokën, por që me certifikatë e ka pronë të tijën dhe i ka paguar rregullisht taksat e saj. Zgjidhja e vetme që kreu i Lezhës jep për këtë rast është se familja Leka t’i drejtohet gjykatës dhe ai do të mbështesë pa e ankimuar çdo vendim që do marrë drejtësia.

“Unë tokën nuk mund t’ua fal pasi shteti nuk më kompenson më, por jam i gatshëm të mbështes vendimin e gjykatës cilido qoftë ai”, shprehet Frroku.

E pyetur nga Fiksi se pse Vera nuk i drejtohet dyerve të drejtësisë, ajo shprehet se nuk mund ta përballojë dot gjyqin dhe pse duke pasur përballë kryetarin e bashkisë, njeri me pushtet politik, frika për ta humbur tokën është shumë e madhe.

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Ish-futbollisti austriak del bllof/ Zbulohet e vërteta e akuzave ndaj Takaj dhe Skënderbeut

Publikuar

-

Nga

Lajmi që u përhap me shpejtësi këtë javë nga të gjitha mediat ishin akuzat e Sanel Kuljiç, ish-futbollisti i kombëtares austriake, që pretendon se drejtuesit e Skënderbeut janë të përfshirë në trukime ndeshjesh në kampionatin austriak. Madje, ai shkon dhe më tutje ku thotë se i rrezikohet jeta.

Për këtë arsye, Gerhard Takaj, djali i presidentit Ardian Takaj, ka udhëtuar drejt Austrisë dhe ka dhënë për gazetën “Krone”, e cila publikoi intervistën e Kuljiç, provat se korçarët nuk kishin gisht në këtë mes.

Takaj, përmes ndërmjetësimi të Roland Luçit, ish-futbollist shqiptar që jeton në Austri prej 30 vitesh tregon se Kuljic e ka bërë gjithë këtë gjë për interesa dhe përftim personal.

“Babai im është i frikësuar dhe ndjehet i shqetësuar për sigurinë e tij. Mohoj të kemi ndonjë kontakt apo njohje me Kjuliç. Kush e di se çfarë gjëje tjetër janë në gjendje të bëjnë njerëz si Kuljiç, me aludime të tilla? Ai akuzohet për zhvatje dhe shpifje”.

Kuljic, në tetor të vitit 2014 u përfshi në skandalin më të madh të basteve në Austri. Ai akuzua për mashtrime, zhvatje dhe për kërcënime. Në fund te hetimeve dhe gjykimit u dënua me 5 vite burg.

“Ai e di se ne ende po luftojmë kundër vendimit të UEFA-s, e di se çdo gjë që ku përmendemi negativisht është e keqe për ne. Ai dhe personat që e mbështetin deshën të përdorin këtë metodë për të na zhvatur para. Ndaj ne po flasim me avokatë në Austri, duam ta padisim për zhvatje dhe shpifje dhe prishje imazhi”, vazhdon Takaj.

Gjithashtu ai foli edhe për videon ku dukej Kjuliç në “Tropikal Resort”.

“Si mund të jetë i frikësuar një person kur vjen në hotelin e Presidentit dhe stadiumin e tij? Kjo është apsolutisht qesharake”, shprehet Takaj.

CNA.al publikon ekskluzivisht dy videot në fjalë, ku duket qartë që askush nuk i ka bërë presion apo kërcënuar siç pretendon ai.

Kjo nuk është hera e parë që ekipin e Skënderbeut dhe drejtuesit e tij mundohen t’i përbaltin sa më shumë brenda dhe jashtë vendin, për suksesin që arritën në Kupat e Europës duke bërë krenar gjithë shqiptarët, por duke zemëruar edhe disa të të tjerë. Nuk duhet shumë për të kuptuar që qëllimi i këtyre gazetave, mediave dhe personazheve të tyrë komikë është të zhvatin ku dhe sa të mundin para, pa pyetur për dëmin moral, monetar dhe jo vetëm mbi palët e përmendura në to. /CNA.al

https://sport.cna.al/2019/09/12/akuzat-per-kercenim-nga-austria-reagon-ardjan-takaj/

https://sport.cna.al/2019/09/12/skandali-i-trukimeve-media-austriake-permend-presidentin-e-skenderbeut/

 

LEXO TE PLOTE

Aktualitet

Denoncimi: Drejtori makinën e shkollës ja ka dhënë gruas

Publikuar

-

Nga

Ish-kryeministri Sali Berisha, ka denoncuar drejtorin e një shkolle në Durrës që sipas qytetarit dixhital makinën e shkollës ja ka dhënë gruas.

Postimi i plote i Berishes:

Drejtori i shkolles se mesme profesionale ben te lumtur nusen me nje makine te shkolles.
Akuzohet per vjedhje dhe shperdorime te tjera.

Lexoni mesazhin e mesuesit dixhital. sb

Zoti berisha pershendetje.jam nje mesues qe jap mesim ne shkollen profesionale beqir cela durres.doja te ndaja me ju dhe me publikun disa mangesi te qellimshme ne kete shkolle.kjo shkolle qe nxjerr nxenes profesionist qe i sherbejne tregut te punes ne shqiperi dhe jashte saj .ka 3 vite qe drejtohet nga nje drejtor z fatmir merkuri i cili eshte nje militant i partise socialiste qe nuk ka arsim perkates per kete fetyre ose me sakt nuk e ka mbaruar akoma shkollen e larte.eksperienca e tij ne arsim eshte 0.ai u vu ne detyre pasi sherbeu si ushtare i betuar i Vangjush Dakos .puna e tij e meparshme ka qene shiste kepuce ne tregun e durresit.keto vite ai e ka kthyer kete shkolle ne baze te partise socialiste.ku ka punesuar ne vende te mesuesve profesionist militante partie pa arsimin perkates dhe pa njohuri ne lenden qe ato japin mesim.kuptohet vet sa te pregatitur po dalin nxenesit keto vitet e fundit.nje tem tjeter eshte vjedhja e fondeve qe vijne per kete shkolle .posi asaj i duhet nje baze materiale e konsiderueshme per cdo vit shkollor.keto materiale qe blihe i ngarkohen mrsuesve te praktikes me 6 apo 8 fishin e vleres reale.domethene nje kif kamje makine nga 23.000 leke tereja vjen ne shkolle me nje vlere 90. 000 leke te reja .keto manipulime apo vjedhje sido qe te quhen.ai i kryen me magazijeten e shkolles dhe me ndrejtoren Z M Zh dhe keto te dyja militante ke partise socialiste.pervec ketyre te larte permendura drejtori i shkolles ka nxjerr n ga shkolla nje makine golf 5 dhe ja ka dhene ne perdorim nuses se tij.gje qe absolutishte nuk lejohet.nje sasi e konsiderueshme nafte dhe benzine duhet te vije ne shkolle.por tollonat shiten rruges .shume mesues te lidhur me drejtorine kryejne mit marrje nxenesve per te kaluar klasen.etj me respekte doktor dhe te lutem anonim .besoj ky mesazh nuk do bjeri ne vesh te shurdher.

LEXO TE PLOTE

Aktualitet

Makina përplas këmbësoren/ Në gjëndje të rëndë 47-vjeçarja

Publikuar

-

Nga

Një ngjarje e rëndë  ka ndodhur ditën e sotme  në “Patos fshat”.

Një mjet tip “Audi” ka përplasur këmbësoren A.M 47-vjeçe.

Drejtuesi i mjetit është larguar nga vendngjarja.

Mësohet se A.M ndodhet në gjëndje të rëndë në spital./CNA.al

LEXO TE PLOTE
Lajme të Rekomanduara: