Connect with Us

Nga Mero Baze/ Kërcënimet, që Berisha shpreson se i dëgjon SHBA

Aktualitet

Nga Mero Baze/ Kërcënimet, që Berisha shpreson se i dëgjon SHBA

Publikuar

-

mero baze

Nga gjithë mallkimet e djeshme të Sali Berishës dhe rolin e tij si “kasandër” për të ardhmen e Shqipërisë pa të, vlen të qartësohen dy pika. Kërcënimi i tij ndaj Hashim Thaçit dhe kërcënimi i tij ndaj Lulzim Bashës, si një mënyrë që SHBA të dëgjojë hallin e tij.

Ndaj të parit, Sali Berisha lëshoi akuza të rënda, që lidhen me ato që ai i quan vrasje të kundërshtarëve politikë në Kosovë, mbështetës apo anëtarë të LDK-së, gjatë dhe pas luftës së Kosovës. Shpresa e tij është se mund t’i ringjallë konfliktin civil në Kosovë me këtë stil, ndëra thotë se Hashim Thaçi duhet të shkojë në Hagë.

Kjo është një temë e ndjeshme në opinionin publik në Kosovë, pasi e vërteta është se ka pasur vrasje politike, kryesisht të krahut të UÇK-së mbi LDK-në, sidomos në vitet e para pas luftës. Kërcënime për vrasje dhe disa likujdime politike ka pasur dhe gjatë luftës.

Dhe unë, si gazetar që jam marrë gjatë me Kosovën, kam qenë në disa lista vdekjesh nga celula politike që nuk i mora kurrë seriozisht. Me marrëzinë e tyre dhe indoktrinimin enverist, disa celula politike në Kosovë kanë hartuar lista likujdimesh kundërshtarësh politikë dhe disa prej tyre dhe janë ekzekutuar.

Nga Enver Maloku, tek Xhemajl Mustafa, si figurat më të rëndësishme, por dhe disa veprimtarë lokalë apo korrespondentë të shtypit, janë ekzekutuar dukshëm për arsye politike, dhe ky është një debat që në Kosovë duhet të bëhet me kurajo dhe pa paragjykime.

Por likujdimet ishin frymë e krahut të luftës, si revansh ndaj konsolidimit politik të LDK. Nuk ishin vetëm njerëz të Thaçit ata që kërcënonin, por dhe ata që janë sot në partinë e Ramush Haradinaj apo Albin Kurtit. Së paku, Hashim Thaçi është distancuar prej tyre dhe ka bërë gjeste pajtimi, që e kanë frenuar këtë shëmti që po çonte vendin në luftë civile. Ka nderuar Ibrahim Rugovën dhe ka kërkuar hetim për ngjarjet, qoftë dhe formalisht.

Të tjerët që Berisha i pret dhe në zyrë dhe i shpall aleatë, si Ramush Haradinaj apo Albin Kurti, po harrohen prej tij.

Haradinaj, rrethi familjar dhe politik i të cilit së paku janë nën akuzë për disa nga këto vrasje politike, biles në disa raste hasmëria i ka shkuar deri në familjen e tij, nuk di pse është harruar nga Sali Berisha. Dhe më tej akoma Albin Kurti, lideri i “Vetëvendosjes”, i cili ka në parti të tij njerëz që bënin dikur lista likujdimesh, nuk i ka dënuar kurrë ato vrasje, vetëm pse janë bërë nën stilin enverist të likujdimit të kundërshtarit. Bile ai shkon e përkulet me adhurim tek varri i Izetbegoviçit në Sarajevë, babain nacionalistë mysliman të Bosnjës, por ende nuk ka shkuar të vërë një tufë lule e të nderojë Ibrahim Rugovën, qoftë dhe në shenjë pajtimi kombëtar.

LEXO EDHE:  Edhe plak matuf, edhe dixhital/ Ndreu "dhëmbë për dhëmbë" me Berishën

Por Sali Berisha nuk do ta shikojë këtë gjë. Ai biles bën sikur ka harruar, që në kulmin e likujdimeve politike të LDK-së, ai vetë e ka pasur mik Hashim Thaçin dhe e priste në zyrë në Tiranë, si karshillëk ndaj Rugovës, që nuk e priste Berishën në Prishtinë. Xhavit Halitin po ashtu e ka pasur në paradhomë dhe punonte me njerëzit e tij.

E gjithë kjo hipokrizi lidhet vetëm me gjuhën e koduar të Berishës ndaj amerikanëve, për shkak të izolimit që ata i kanë bërë. Ai do t’u tregojë atyre, se ka fuqi të ndezë luftë civile në Kosovë, duke vënë në qendër të saj atë që ai me mendje të vet e quan njeri të amerikanëve në Kosovë, duke e etiketuar si kriminel lufte, për t’u hakmarrë ndaj asaj që SHBA i bën Berishës në Tiranë, duke e izoluar dhe duke e cilësuar si shkakun e problemeve.

E gjithë pjesa tjetër është hipokrizi.

I njëjtë është dhe mesazhi për Lulzim Bashën, për përplasje civile në Shqipëri. Kërcënimi që Berisha bën “o luftë deri në vdekje, o do shuhemi”, duke kërcënuar Bashën se mos bën ndonjë marrëveshje me Ramën nën ndikimin e amerikanëve, është thjesht mesazhi i tij për SHBA, që pa Sali Berishën nuk mund të bëhet asnjë pazar.

Është paniku i një njeriu të braktisur dhe të izoluar, që e di nga e ka problemin, dhe përpiqet t’i tregojë SHBA, se ai është në gjendje t’u shkaktojë probleme, edhe në Shqipëri, edhe në Kosovë.

Në Shqipëri duke mos lejuar paqen sociale dhe tentuar të shkatërrojë sistemin me dhunë dhe bojkot institucional, në Kosovë duke tentuar të rindezë luftën civile, në emër të dhembshurisë ndaj LDK, e cila ka meritën historike që ka përballuar vrasjet politike me dinjitet, duke ruajtur institucionet dhe shtetin e ri të Kosovës.

Pra kemi të bëjmë thjesht me një kërcënim të Berishës, ndaj izolimit që i ka bërë SHBA dhe disa vende Perëndimore, si aktor destruktiv politik. Dhe duke qenë burracak dhe tinzar, si gjithnjë nuk iu del ballë për ballë, por përpiqet t’iu tregojë se ku mund t’u hapë probleme.

Por këtu nuk ka shumë probleme. Ka vetëm një problem, dhe ai është Sali Berisha. Fatkeqësia për të, është se këtë e di dhe SHBA.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Politikë

“Berisha të rikthehet në krye të PD”/ Spaho i ashpër ndaj Bashës: Kemi humbur shumë beteja zgjedhore

Publikuar

-

Nga

Deputeti i Partisë Demokratike Edmond Spaho ka evidentuar krizën që ka kapur selinë blu gjatë viteve që është drejtuar nga Lulzim Basha.

Spaho shigjeton Lulzim Bashën si shkaktarin kryesor për situatën në të cilën ndodhet PD, ndërsa shtoi se kryeopozitari ka dështuar në 4 beteja zgjedhore.

Kemi humbur 4 beteja elektorale: 2015, 2017, 2019 që na tha dhe Komisioni i Venecias, që na vuri tërë fajin ne për qëndrimin që mbajtëm dhe 2021. Pra, dy palë zgjedhje lokale dhe dy palë zgjedhje të përgjithshme. Kur do të vijmë ne në pushtet? Cili drejtues i PD ka humbur kaq shumë dhe ka vazhudar të drejtojë?

Nëse ne nuk kemi të drejtën të mendojmë ndryshe dhe të flasim, atëherë partia përfundon kështu si ka përfunduar. Në një drejtim autokratik, individualist ku gjithçka merr rrugën “bëni si them unë, bëni si them unë sepse i pari këtu jam unë dhe s’ka tjetër”, tha Spaho.



Deputeti u shpreh se kreu i PD nuk e ndalon dot mbledhjen e Kuvendit Kombëtar dhe nëse zgjidhet nga anëtarësia, Sali Berisha duhet të rikthehet në krye të partisë.

LEXO EDHE:  Eduard Selami flet për herë të parë/Marrëdhënia me Berishën dhe brenga më e madhe

LEXO EDHE:  Edhe plak matuf, edhe dixhital/ Ndreu "dhëmbë për dhëmbë" me Berishën

“Foltorja i ka dhënë një goditje tërmeti Partisë Demokratike, shumë të nevojshme pasi jemi bërë një parti e mbyllur e cila drejtohet në mënyrë shumë autoritare. Në flasim që Berisha ka drejtuar si diktator, ndryshon si nata me ditën me mënyrën si drejtohet sot PD. Shumica e delegatëve të Kuvendit Kombëtar duan që të mblidhet Kuvendi Kombëtar kështu që le të vijë nëse ka mbështetjen. Por shumica, do ta shikoni kur të dorëzohen formularët e mbledhjes së Kuvendit, shumica e delegatëve mbështesin lëvizjen e Foltores e cila do t’i garantojë ndryshim PD-së. Nëse do t’i garantojmë këto për zotin Berisha, sigurisht do të jetë kryetar i partisë”, tha ai.

Përsa i përket amendamenteve kushtetuese të depozituara nga PD në Kuvend, Spaho tha se opozita nuk ka asnjë instrument që mund t’i imponohet PS për arritjen e konsensusit, përveçse votës për zgjatjen e afateve të vettingut./CNA.al

LEXO TE PLOTE

Aktualitet

370 të helmuar në Krujë/ Dalin analizat paraprake të ujit, ja çfarë u konstatua

Publikuar

-

Nga

Ndotja e ujit në qytetin e Krujës, që për pasojë solli edhe helmimin masiv të dhjetëra qytetarëve, ka ardhur për shkak të amoniakut në ujë mbi normë.

Bashkia e Krujës ka publikuar dhe reagimin e Ujësjellës Kanalizime ku thuhet se  “Nga të dhënat paraprake të analizave fiziko-kimike të deritanishme, dyshohet se reshjet e dendura të shiut ditën e shtunë pasdite dhe në orët e para të ditës së dielë, në të gjithë territorin e Bashkisë Krujë dhe në veçanti në Malësinë e Krujës ku ndodhen veprat e marrjes së ujësjellësit, të kenë sjellë kontaminimin e ujit të pijshëm, ku paraprakisht është konstatuar prezencë e amoniakut mbi normë”.

Reagimi i plotë:

REPUBLIKA E SHQIPERISË

UJËSJELLËS KANALIZIME KRUJË SHA

NJOFTIM

Në vijim të situatës së ndodhur në qytetin e Krujës, ku gjatë ditës së djeshme, e Hënë datë 25/10/2021, janë paraqitur për ndihmë mjekësore një numër i konsiderueshëm banorësh pranë Spitalit Bashkiak “Stefan Gjoni” Krujë me komplikacione shëndetësore, të cilat dyshoheshin si shkak prej konsumimit të ujit të pijshëm, sqarojmë si vijon :



Menjëherë, si masë e parë prej dyshimit të ngritur, në orën 10:30 të ditës së Hënë, Ujësjellës Kanalizime Krujë sh.a ka ndërprerë furnizimin me ujë të pijshëm për banorët e qytetit të Krujës dhe nga ana e Njësisë Vendore të Kujdesit Shëndetësor janë kryer analizat e ujit në burim, në depot e qytetit dhe në pikat fundore të rrjetit shpërndarës. Gjithashtu, nga ana e Institutit të Shëndetit Publik janë marrë mostra të ujit dhe disa kampione tek pacientët e hospitalizuar për të analizuar dhe gjetur shkaqet më të detajuara.

Nga të dhënat paraprake të analizave fiziko-kimike të deritanishme, dyshohet se reshjet e dendura të shiut ditën e shtunë pasdite dhe në orët e para të ditës së dielë, në të gjithë territorin e Bashkisë Krujë dhe në veçanti në Malësinë e Krujës ku ndodhen veprat e marrjes së ujësjellësit, të kenë sjellë kontaminimin e ujit të pijshëm, ku paraprakisht është konstatuar prezencë e amoniakut mbi normë. Gjithsesi ky rast mbetet për tu verifikuar pasi analizat periodike te kryera nga laboratorët e NjVKSh përpara kësaj periudhe, kanë rezultuar të jenë në norma optimale. Dje janë analizuar edhe mostrat e ujit nga veprat e marrjes në Shkretë dhe në burimin e Livadheve, ku parametrat fiziko – kimike të të cilëve kanë rezultuar të jenë vazhdimisht brënda normave. Sot, janë analizuar nga NjVKSh mostrat e marra nga depozitat e qytetit të cilat kanë rezultuar brënda normave të lejuara. Gjithsesi, jemi në pritje edhe të analizave më të detajuara mikro – biologjike nga ISHP, të cilat do të japin të dhëna më të detajuara të normave të komponentëve të ujit dhe do të shërbejnë për çertifikimin e furnizimit në vijim të popullatës me ujë të pijshëm.

Përsa i përket furnizimit të popullatës me ujë të pijshëm në ditët në vijim, sqarojmë se UKK Krujë po vijon me dezinfektimin e depove të qytetit me anë te proçesit të klorinimit, ndërkohë analizat fiziko–kimike dhe ato mikrobiologjike do të çertifikojnë ri-fillimin e furnizimit me ujë të pijshëm për banorët.

Në mënyrë që të shmanget çdo rast i mëtejshëm kontaminimi, kërkohet që të mos konsumohet uji në depozitat familjare dhe dhe të bëhet zbrazja e tyre me qëllim pastrimin përfundimtar të rrjetit deri në pikat fundore.

Ndërkohë që autorizimi i përdorimit të ujit të pijshëm do të njoftohet nga UKK Krujë dhe Bashkia Krujë, pas çertifikimit të analizave përfundimtare nga ISHP të pikave fundore të shpërndarjes në të gjitha zonat e qytetit të Krujës.

Ekipi i punës i ngritur për manaxhimin e situatës me specialistët e UKK Krujë, Spitalit bashkiak të Krujës, Njësisë Vendore e Kujdesit Shëndetësor si dhe Institucioneve të tjera lokale dhe Qendrore, janë në gatishmëri për t’Ju përgjigjur kësaj situate deri në normalizimin e saj, situate e cila fatmirësisht po shkon drejtë stabilizimit pas komunikimeve të fundit me Spitalin Bashkiak.

 

LEXO TE PLOTE

Aktualitet

Vjedhin energji elektrike për mbijetesë/ 115 persona janë nën akuzë

Publikuar

-

Nga

Më shumë se 8 persona vihen nën hetim nga prokuroria çdo ditë, si pjesë e aksionit kundër vjedhjes së energjisë të filluar dy javë më parë nga policia pas sinjalizimeve të OSHEE-së.

115 persona janë nën akuzë, një pjesë e tyre janë në arrest. Shumica e tyre janë përdorues familjarë.

Avokati Edvis Gorishti tregon se shumica e të arrestuarve për ndërhyrje në sahat, e bëjnë për arsye të kushteve ekonomike.

“Është e vërtetë që janë shtuar rastet në gjykatë gjatë 2 javëve të fundit. Un kisha një masë sigurimi të dielën dhe për të mbrojturin prej meje i cili ishte arrestuar në flagrancë për shkak se kishte ndërhyrë në sahat, gjykata caktoi masën detyrim paraqitje. Kjo është për shkak të rrethanave familjare dhe kushteve ekonomike”, u shpreh Edvis Gorishti.

LEXO EDHE:  Eduard Selami flet për herë të parë/Marrëdhënia me Berishën dhe brenga më e madhe

LEXO EDHE:  Berisha: Rama-Meta, klani kriminal, terror banditesk ne Vore

Shumica e shkelësve janë banues në zona ta varfra të vendit, përfshi periferinë e Tiranës.



Euronews Albania ka parë dosjen e akuzës kundër një qytetari të arrestuar. Dëshmia e tij është emocionale.

“E kam bërë duke qenë se jetoj në kushte shumë të vështira, pasi kam bashkëshorten shumë të sëmurë. Muajit e fundit deri edhe para katër ditësh ka kryer disa operacione, është invalide dhe qëndron në karrocë”, u shpreh qytetari.

Vjedhja e energjisë dënohet deri në 3 vite burg. Për ata që e përsërisin apo bashkëpunojnë në grup, dënimi rritet deri 5 vite burg.

Entit Rregullator i Energjisë pohon se gjatë vitit 2020, 60% e humbjeve të energjisë kanë ardhur nga vjedhja. Vlera e tregut e energjisë së vjedhur gjatë vitit 2020 është vlerësuar nga Euronews Albania në rreth 32,3 milionë euro./euronews

LEXO TE PLOTE