Connect with Us

Anketa Kombëtare/ 80 % e të rinjve në Shqipëri shohin papunësinë si problemin kryesor 

Aktualitet

Anketa Kombëtare/ 80 % e të rinjve në Shqipëri shohin papunësinë si problemin kryesor 

Publikuar

-

Anketa Kombëtare “Rinia në Shqipëri 2019”, e prezantuar në Samitin e 1-rë Kombëtar të të Rinjve, vetëm dy muaj përpara zgjedhjeve vendore në Shqipëri, sjell një realitet të zymtë përsa i përket problematikave të të rinjve në vend. Anketa që vjen përpara Qershorit 2019, sjell fakte për të cilat duhet të reflektojnë edhe partitë politike por edhe kandidatët e të zgjedhurit vendorë.

Në Anketën Kombëtare, të rinjtë në Shqipëri, janë shprehur në masën më të madhe, rreth 89 %, se nuk gjejnë ambient miqësor, apo disi, në të gjitha bashkitë e qyteteve, jo vetëm për të adresuar problematikat e tyre por edhe për zgjidhje. Ato shprehin një nivel të ulët të besueshmërisë që kanë ndaj institucioneve lokale, pasi në nivel kombëtar rezulton se rreth 57 % e të rinjve e vlerësojnë punën e bashkive zero përsa i përket çështjeve dhe të drejtave të të rinjve.

Të dhënat sjellin shifrat se rreth 80 % e të rinjve në Shqipëri vuajnë papunësinë, ndërsa problematika tjetër shihet ajo e varfërisë me rreth 55 % të tyre.

Një fokus kryesor në Anketë zë edhe besueshmëria e të rinjve në të gjitha partitë politike dhe dëshira e tyre për të ushtruar të drejtën e votës në zgjedhjet vendore të 30 Qershorit 2019.

Rreth 62 % e të rinjve janë shprehur se nuk besojnë fare tek asnjë grupim politik, për të trajtuar problemet dhe për të bashkëpunuar me të rinjtë.

Mbi 50 % e të rinjve nuk do të votojnë në zgjedhjet vendore të 2019, pasi ato nuk kanë besim tek asnjë parti dhe program politik, si dhe asnjëra prej tyre nuk iu ngjall më shpresë për ndryshim duke i detyruar që të rinjtë të largohen nga Shqipëria. Gjithashtu rreth 84 % e të rinjve shprehen se partitë politike janë aspak apo shumë pak të hapura për të zgjidhur problemet e të rinjve në vend, duke u shprehur se partitë politike vetëm në 35 % të rasteve konsultohen me të rinjtë në fushata elektorale.

Të pyetur në Anketën Kombëtare se cili institucion është përgjegjës për zgjidhjen e problemeve të tyre, në nivel lokal ata kanë përcaktuar bashkitë si dhe në nivel kombëtar ata kanë bërë përgjegjëse Ministrinë e Arsimit, Sportit dhe Rinisë. Buxheti i rinisë, ka zënë një tjetër hapësirë në Anketën Kombëtare “Rinia në Shqipëri 2019”. Rreth 73 % e të rinjve, thonë se buxheti i rinisë në bashkitë e tyre është i pamjaftueshëm për zgjidhjen e problematikave të tyre.

LEXO EDHE:  Qeveria tërheq mbrapsht Projekt-Ligjin e Rinisë!

Ndërkohë që Buxheti i Shtetit për të rinjtë deri më tani vlerësohet me pamjaftueshmëri në masën 65 % të tyre.

Anketa Kombëtare “Rinia në Shqipëri 2019” është përgatitur nga Rrjeti Kombëtar për të Rinjtë në Shqipëri – ANYN, Child and Youth Policy Hub, CRCA/ECPAT Shqipëri, me mbështetjen e Koalicionit për Arsimin në Shqipëri – ACE.

Qëllimi kryesor i kësaj ankete ishte evidentimi i problemeve të të rinjve në të gjithë Shqipërinë, duke u fokusuar si në çështjet vendore ashtu edhe ato kombëtare përfshirë edhe rolin e partive politike në zgjedhje. Anketa pati për qëllim edhe konsultimin me të rinjtë anë e mbanë Shqipërisë për zgjidhjet që ata mendojnë. Ajo u realizua përmes një metodologjie mikse duke zhvilluar takime konsultuese në të 12 qaqet e Shqipërisë si dhe përmes një plotësimi online të një pyetësori, ku u përfshinë në total 1210 të rinj dhe të reja.

Anketa Kombëtare do të shërbejë si një bazë e mirë të dhënash për të mbështetur prioritetet e Axhendës Kombëtare të të Rinjve 2019 -2025. Si dhe Planin Kombëtar të Veprimit për Rininë dhe politikat vendore për ta në çdo bashki të vendit.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Largimi i Shahinit ishte vendim ekskluziv i Ramës”/ Veliaj: Zgjodhi të bëjë një ndërrim në momentin e fundit

Publikuar

-

Nga

“Largimi i Shahinit ishte vendim ekskluziv i Ramës”/ Veliaj: Zgjodhi të bëjë një ndërrim në momentin e fundit

Kryebashkiaku i Tiranës, Erion Veliaj, ka reaguar pas largimit të Besa Shahinit nga posti i ministres së Arsimit dhe zëvendësimin e saj me deputeten Evis Kushi.

Veliaj ka treguar se ky ishte një vendim ekskluziv i kryeministrit Edi Rama, ndërsa theksoi se kreu i qeverisë ka vendosur të bëjë një ndërrim në momentin e fundit.

“Ky është një vendim ekskluziv i Ramës, siç është e drejta e Edi Rejës të ndryshojë skuadrën e tij. Më duket më se normale, që teksa futemi në fushatë, ata që s’do jenë pjesë e saj, të kalojnë stafetën te dikush që do jetë pjesë e fushatës.

Besoj se secila prej ministreve tona të Arsimit, edhe Evisi që i uroj suksese, krahasuar me ata që s’kanë ndërtuar asnjë shkollë, janë dita me natën. Trajneri i ekipit tonë ka zgjedhur të bëjë një ndërrim të fundit të ndeshjes. Tentativa për të bërë gjëra ndryshe është gjithmonë e lavdëruar. Mund të dështojë, por të paktën nuk je kurrë pishman se dështove”, tha kryebashkiakui Tiranës në “Real Story”.



Ndërkohë, kujtojmë se ndryshimet në qeveri i paralajmëroi pak ditë më parë edhe CNA.al, pasi raportoi se largimi i Shahinit ishte i pritshëm.

LEXO EDHE:  Rama ka vrarë shpresën e rinisë/ Pasojat janë largimi i 100 mijë shqiptarëve

LEXO EDHE:  Të famshmit që duken më mirë në të 40-at se në të 20-at

Ndonëse ajo nuk ishte e akuzuar për korrupsion, sulmet ishin të pandalura nga kritikët, analistë dhe opozita për paaaftësi dhe mediokritet në drejtimin e Ministrisë së Arsimit.

Për të mos ikur me turp Shahini deklaroi largimin duke justifikuar çdo shkarkim të pritshëm nga Edi Rama./ CNA.al

LEXO TE PLOTE

Politikë

“Nuk mund të shti në fall”/ Spiropali flet për ndryshimet në qeveri pas largimit të Shahinit

Publikuar

-

Nga

“Nuk mund të shti në fall”/ Spiropali flet për ndryshimet në qeveri pas largimit të Shahinit

Ministrja e Shtetit për Marrëdhënien me Parlamentin Elisa Spiropali, e ftuar mbrëmjen e sotme në emisionin “5 Pyetjet” nga Babaramo, ka folur për largimet në qeveri.

E pyetur nëse do të ketë ndryshime të reja, Spiropali thotë se nuk e kanë mendjen të rrinë nëpër mbledhjeje për ndryshimet e ministrave, por sipas saj qeveria vazhdon punën.



“Nuk mund të shti në fall dhe nuk mund të rrimë të presim a do ketë ndryshime apo jo. Më shumë i diskutoni ju në media këto ndryshime. Por qeveria vazhdon punën. Nuk e kemi mendjen të rrimë nëpër mbledhje dhe të bëjmë llogarinë e ministrave që ikin e vijnë. Në rast se do ketë mirë po edhe në rast se s’do ketë prapë mirë”, thotë Spiropali./CNA.al

LEXO TE PLOTE

Politikë

Murrizi ftesë politikanëve/ Kush ka këllqe të vijë të garojë krah meje në 25 prill

Publikuar

-

Nga

Murrizi ftesë politikanëve/ Kush ka këllqe të vijë të garojë krah meje në 25 prill

Deputeti Myslym Murrizi ka bërë një ftesë publikisht për politikanët, teksa po fliste për krijimin e partisë Lëvizja Demokratike Shqiptare.

Murrizi tha se kush ka këllqe dhe besueshmëri të shkojë dhe të garojë krah tij në zgjedhjet e 25 prillit.

Deputeti bëri edhe një paralajmërim për qytetarët në Ora News, të cilëve i tha se nëse janë rehat me këtë klasë politikanësh të mos e votojnë.



“Një subjekt politik, nismë e imja dhe një grupi deputetësh. Shumë shpejt janë mbledhur firmat. Do t’i drejtohemi gjykatës për të bërë regjistrimin e këtij subjekti politik. Do të garojë në 25 prill në 12 qarqe me lista të hapura. Nuk ishte ftesë publike, dhe nuk ishte show, atë e bën këshilli politik. Ishte një ftesë për të gjithë personat që aspirojnë për të luftuar dhe vazhduar betejën e çrrënjosjes së një elite politike të krimbur në para.

LEXO EDHE:  Të famshmit që duken më mirë në të 40-at se në të 20-at

LEXO EDHE:  14 njerëzit për të cilët koha ka ndaluar

Kush ka këllqe, vullnet e besueshmëri të dalë më 25 prill me emër, atësi mbiemër të vi tek Lëvizja Demokratike Shqiptare e të garojë me lista të hapura jo për Myslym Murrizin. Mua nuk më intimidon posti që dikush ka mbajtur në politikë, nuk ka as të mëdhenj dhe as të vegjël. Në funksion të asaj që kemi lançuar prej 18 muajsh në Kuvend, do të garoj vetëm me 140 kandidatë në 12 qarqe për të provuar gjithësecili nga ne sa na vlen lëkura para qytetarëve. Nëse duan qytetarët shqiptarë që të na votojnë atëherë mirë, por nëse janë rehat me rrotën dhe jo me votën atëherë lë t’i votojnë. Të mos ankohen më pas”, theksoi ai./ CNA.al

LEXO TE PLOTE