Connect with Us

Kompania e suksesshme shqiptare drejt zgjerimit në dy tregje të huaja

Aktualitet

Kompania e suksesshme shqiptare drejt zgjerimit në dy tregje të huaja

Publikuar

-

Pas 8 vitesh përvojë në Shqipëri dhe rajon, Jumbo, një ndër kompanitë më të sukseshme në sektorin e shitjes së organizuar të mallrave me pakicë është gati që të bëjë një hap përpara dhe të vazhdojë rritjen e saj të pandalshme, jo vetëm në rajon por edhe përtej kufijve të tij.

Retaili është një sektor që po njeh zhvillim të vazhdueshëm në rajon, ndaj Jumbo si pjesë e Grupit më të madh dhe inovator Balfin, solli konceptin e marketeve të tipologjisë ‘one stop shop’, jo vetëm në Shqipëri, por edhe me gjerë. Pra aty ku mund të blejmë një shumëllojshmëri produktesh në një vend të vetëm. Ndaj markete si Jumbo përqafohen shpejt nga konsumatori, sigurisht edhe për shkak të gamës së gjerë të produkteve që ofron dhe çmimeve ekonomike”, – shprehen drejtuesit e kompanisë lidhur me elementët që e bëjnë Jumbo-n kaq tërheqës dhe lider në sektorin e tij.

Jumbo nën emrin e Kid Zone u hap fillimisht në nëntor të vitit 2011 në qendrën më të madhe tregtare në Shqipëri, në TEG, dhe një vit më vonë, në 27 nëntor 2012 edhe në QTU.

Duke parë suksesin e madh të rrjeteve të dyqaneve të tipit “retail store” në Greqi, Qipro, Bullgari, Rumani etj, Jumbo erdhi si kërkesë e tregut shqiptar dhe si i tillë u përqafua menjëherë nga tregu vendas.

Pika më e fortë e Jumbo-s, ajo çka e bën atë të jetë ndryshe nga ofruesit e tjerë në treg është shumëllojshmëria e produkteve të kategorive të ndryshme, pasi Jumbo është për të gjithë familjen. Gama e gjerë e produkteve, cilësia dhe çmimet ekonomike e ka bërë atë të jetë lider në treg në kategorinë e lodrave për fëmijë dhe jo vetëm.

Më në detaj, në JUMBO mund të gjenden që nga lodrat për fëmijë dhe artikujt sportivë, e deri tek ato të kopshtarisë, veshmbathjet, tekstile dhe dekor, aksesorë pastrimi dhe për kuzhinë, aksesorë kurimi, produkte për bebe, aksesorë makinash, zyre dhe shkollash, si dhe materiale për party dhe kafshë shtëpiake.

Pas 8 vitesh, gati shtrirja në 2 tregje të reja

Kid Zone (Jumbo) është një kompani shqiptare, e cila prej 8 vjetësh operon në 3 tregje të ndryshme në rajonin e Ballkanit, me rreth 600 punonjës dhe 14 dyqane të mëdha. Ajo ka një plan ambicioz zgjerimi për vitin 2019, ku pritet të debutojë edhe në tregje të tjera rajonale dje jo vetëm dhe ta rrisë ndjeshëm numrin e të punësuarve, duke e çuar deri në rreth 800 të tillë.

Vetëm në Shqipëri, kompania numëron 5 dyqane dhe 215 punonjës.

Hapjet e fundit në Shqipëri kanë qenë në qytete si: Fieri, më 27 Prill 2018, Shkodra, më 8 Qershor 2018 dhe Durrësi më 17 Gusht 2018, ndërkohë që për vitin 2019 parashikohet hapja e tre dyqaneve të reja në qytete si: Elbasani, Korça dhe Vlora. Me këto hapje, numri i punonjësve në Shqipëri do të shkojë në rreth 300.

LEXO EDHE:  Policia italiane shkatërron një tjetër bandë shqiptare

Ndërkohë në Kosovë kompania numëron 6 dyqane dhe 216 punonjës, teksa brenda vitit 2019 do të hapë dyqanin e 7-të në vend, në qytetin e Pejës, duke e çuar kështu numrin total të punonjësve në 250.

Në Bosnje janë 3 dyqane, me 130 punonjës, por brenda muajit Maj, Jumbo do të hapë dyqanin e parë në Cazin dhe të 4-in për Bosnje dhe Hercegovinën, duke e çuar kështu numrin e punonjësve në rreth 165.

Një tjetër plan ambicioz i Jumbo-s është edhe zgjerimi drejt Malit të Zi, ku kompania do të debutojë në Podgoricë me dyqanin e parë në gusht të 2019-s, duke hapur kështu edhe 52 vende pune.

Risia e Jumbo-s në vazhdim do të jetë investimi në një treg të ri, përtej rajonit ballkanik, konkretisht në Moldavi.

Përgjegjësia Sociale

Jumbo, ashtu sikurse i gjithë Grupi Balfin, u është gjendur shpeshherë pranë fëmijëve në nevojë, duke qenë se është edhe një nga markat më të dashura për ta. 1 qershorin e vitit të kaluar, kompania zgjodhi ta festonte me nxënësit e komunitetit rom të shkollës “Liria” në qytetin e Shkodrës, për të cilët kishte përgatitur dhurata të posaçme. Ndërsa në fund-vitin 2017 Jumbo u dhuroi lodra fëmijëve të policëve të rënë në krye të detyrës, si dhe fëmijëve të qendrës “Pëllumbat”.

Tanimë e kthyer në traditë, edhe dhjetorin e 2018-s, festat e fundvitit e gjetën Jumbo-n pranë fëmijëve të familjeve në nevojë.

Fundvitin e 2018, në bashkëpunim me dy organizata jo-qeveritare, Vizion dhe PLGP (Planning and Local Governance Project), projekt i financuar nga USAID, Jumbo, në kuadër të politikave të përgjegjësisë sociale të Grupit Balfin, u gjend pranë fëmijëve të fshatit Blliçë në Dibër si dhe në Bulqizë, për t’u dhuruar vogëlueshëve një buzëqeshje më shumë.

JUMBO është pjesë e Grupit Balfin, grupi më i madh dhe inovator i investimeve në Shqipëri dhe një ndër më të mëdhenjtë në rajon, i njohur për investimet në qendrat tregtare TEG, QTU, SEG, zhvillimet e zonave rezidenciale dhe tregtare, në turizem me projekte si Green Coast Resort dhe Vala Mar Residences, në industrinë minerare me AlbChrome dhe Newco Ferronikeli, në atë bankare me Tirana Bank, si dhe në aktivitetet e shitjeve me pakicë me rrjetin e dyqaneve Neptun, SPAR etj.

Shifra dhe fakte:

Nr. i punonjësve të Jumbos në Shqipëri: 215

Nr. total i dyqaneve: 14

Nr. total i punonjësve: 600

Nr i shteteve ku operon: 3

Rritja e kompanisë në përqindje vitin e fundit: 24%

Numri i dyqaneve të reja parashikuar në 2019: 9

Shteti me më shumë dyqane të Jumbo: Kosova /6 dyqane

Numri i produkteve te tregtuara: 24 350

Lloji i produkteve: Home decor, tekstil, lodra, kancelari, kopshtari, sport dhe produkte sezonale.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Selektimi i kandidatëve të PD/ Tritan Kalo propozon mospasjen e “veseve” kriter bazë për pranimin

Publikuar

-

Nga

Selektimi i kandidatëve të PD/ Tritan Kalo propozon mospasjen e “veseve” kriter bazë për pranimin

Mjeku i njohur infeksionist, Tritan Kalo, ka reaguar sërish në rrjetet social, por këtë herë duke e zhvendosur vëmendjen tek politika.

Me tone ironike, Kalo shkruan se kriter për pranimin e kandidatëve, të majtë apo të djathtë, përpos testeve për drogë, alkool, bixhoz, dëshmi penaliteti duhet të jetë dhe mospasja e veseve si Mitomania, Kleptomania, Koprolalia. Pra, duhet së pari të tregojnë xhepat e tyre e të pastrojnë “biografinë” nga veset e mësipërme, pastaj të kandidojnë.



Por sipas Kalos vështirë që të “fitosh një dëshmi të besueshme të virgjërisë politike” prej këtyre idividëve, që vetëm të tillë nuk janë treguar.

“KOHË KOVIDIANE….KUJDES dhe PËRKUJDES ndaj vetes dhe të tjerëve, sepse Sars-Cov2/Covid-19 është i pranishëm kudo dhe rreziku i infektimit prej tij mjaft i lartë.…KJO DUHET TË MBETET KRYEFJALA e këtyre muajve….Keni kurdoherë besim në mirëkuptimin dhe mbështetjen tonë…..Mqse u yshta nga lajmet e kësaj mbrëmje të 12 Gushtit 2020, doja të bëja një SUGJERIM nga eksperienca jetësore e profesionale e këtyre 30 viteve të pas 31 Marsit 1991….Në këtë fushatë parazgjedhore, përpos testeve të propozuara për Drogë, Alkool, Bixhoz, emrat e Tre shokëve të Gjimnazit apo Universitetit, Anëtarësinë në PPSH, Bashkpunues i Sigurimit të Shtetit, Dëshmi penaliteti për brënda e jashtë vendit, etj., a duhen përfshirë edhe TESTET e mospasjes së veseve të mirëevidentuara e ulëritëse të POLITIQENËRVE tanë të “DEMON-KRACISË” si Mitomania, Kleptomania, Koprolalia apo ai i “gëlltitjes së një luge çorbe të qelbur nga Shërbimet e huaja”, në KRITERET BAZË për pranimin e kandidatëve të Djathtë apo të Majtë në “Parla-pa-mentin tonë Demon-kratik”?!?!…. BANORËT e Rolling Hills, të Vilave në Gjrin e Lalzit apo të Blloqeve të tjera me vila qindra-mijra eurosh përrreth Tiranës a në Bregdet, DUHET së pari të tregojnë xhepat e tyre e të pastrojnë “biografinë e tyre” nga veset e mësipërme….Vështirë që të “fitosh një dëshmi të besueshme të VIRGJËRISË POLITIKE” prej këtyre idividëve, që vetëm të tillë NUKU janë treguar ndërkohë, SORRY!….Unë vetë NUKU kam as më të voglën dromëz besimi…..Quos vadis Shqipëria ime!!!”/CNA.al

LEXO TE PLOTE

Bota

Pompeo “godet” Kinën/ Armik më i vështirë sesa Bashkimi Sovjetik i Luftës së Ftohtë

Publikuar

-

Nga

Pompeo "godet" Kinën/ Armik më i vështirë sesa Bashkimi Sovjetik i Luftës së Ftohtë

Sekretari amerikan i Shtetit Mike Pompeo tha të mërkurën në Pragë se fuqia ekonomike globale e Kinës e bën këtë vend komunist në disa kuptime një armik më të vështirë për t’u kundërshtuar sesa Bashkimi Sovjetik i Luftës së Ftohtë.

Zoti Pompeo u bëri thirrje vendeve kudo në Evropë që të bashkohen kundër Partisë Komuniste Kineze, për të cilën ai tha se përdor fuqinë ekonomike për të ushtruar ndikimin e saj në të gjithë botën.

“Ajo që po ndodh tani nuk është Lufta e Ftohtë Numër 2,” tha zoti Pompeo në një fjalim para senatit çek. “Sfida për t’i rezistuar kërcënimit të Partisë Komuniste Kineze është në disa kuptime shumë më e vështirë”.

“PKK është futur në ekonomitë tona, në politikat dhe në shoqëritë tona në mënyra që Bashkimi Sovjetik nuk mund ta bënte dot”.

Referenca për Luftën e Ftohtë vjen pas komenteve të bëra nga ambasadori i Kinës në Londër muajin e kaluar, i cili paralajmëroi se Shtetet e Bashkuara kanë vendosur të luftojnë me Pekinin në prag të zgjedhjeve presidenciale amerikane të nëntorit.

Marrëdhëniet SHBA-Kinë janë përkeqësuar me shpejtësi këtë vit për një varg çështjesh, përfshirë trajtimin e koronavirusit nga Pekini; çështjen e prodhuesit të pajisjeve të telekomit Huawei; pretendimet territoriale të Kinës në Detin e Kinës së Jugut; dhe masat shtrënguese të Pekinit në Hong Kong.



Vizita e zotit Pompeo në Republikën Çeke, ish-pjesë e bllokut sovjetik deri në vitin 1989, shënon ndalesën e tij të parë të një turneu në Evropën Qendrore, për të diskutuar mbi sigurinë në fushën e kibernetikës dhe të energjisë.

LEXO EDHE:  Policia italiane shkatërron një tjetër bandë shqiptare

LEXO EDHE:  Tragjedia në Athinë/ Rrëfehen shqiptarët që ndodhen në kamp strehimi

Ai shfrytëzoi këtë rast për të kritikuar ndikimin rus dhe kinez duke lavdëruar zyrtarët çekë për qëndresën e tyre ndaj Pekinit vitin e kaluar. Zoti Pompeo përmendi përpjekjet e Republikës Çeke për të vendosur standarde sigurie në procesin e zhvillimit të rrjeteve 5G të telekomunikimit, pas paralajmërimeve të një enti qeveritar kundër përdorimit të pajisjeve të prodhuara nga Huawei i Kinës.

Në muajin maj, Sekretari Pompeo dhe Kryeministri Andrej Babis nënshkruan një deklaratë mbi sigurinë e rrjeteve 5G, por vendi nuk ka marrë një vendim të prerë për të ndaluar blerjen e teknologjisë së firmës Huawei. Presidenti çek Milos Zeman ka bërë thirrje për lidhje më të ngushta me Kinën.

Zoti Pompeo tha se disa vendeve të Evropës do t’u duhet një kohë më e gjatë që të ndërgjegjësohen për kërcënimet, por tani ekziston një momentum pozitiv.

“Batica është kthyer (në Shtetet e Bashkuara), po ashtu siç e shoh edhe këtu në Evropë. Perëndimi po fiton, mos lejoni njeri që t’ju thotë se Perëndimi është në rënie,” tha ai.

“Ne kemi detyrimin t’u flasim njerëzve tanë qartë, hapur dhe pa frikë. Ne duhet të ndeshemi me guxim me çështjet komplekse dhe duhet ta bëjmë këtë së bashku,” tha ai./ VOA

LEXO TE PLOTE

Sociale

Pas Urës Vajgurore, një tjetër qytet kërkon të ndryshojë emrin

Publikuar

-

Nga

Pas Urës Vajgurore, një tjetër qytet kërkon të ndryshojë emrin

Pas Urës Vajgurore, një tjetër qytet në Shqipëri pritet të ndryshojë emrin.

Bëhet fjalë për qytetin e Sarandës, ndërsa ideja është hedhur nga një grup intelektualësh, të cilët kërkojnë ti rikthejnë emrin që ka mbajtur në lashtësi “Onhezmi”.

Nisma është përkrahur edhe nga disa banorë të cilët nuk kanë nguruar të shprehin qëndrimin e tyre pro në rrjetet sociale.
Emri sipas latinishtes mund të ketë dy kuptime, Onhezi ishte një erë juglindore e cila frynte dhe lehtësonte udhëtimet me varka e anije dhe kuptimi i dytë është se sipas legjendave Onkizi ishte babai i Eneas.



Gjatë pushtimit italian, Saranda është quajtur për pak kohë “Porto Eda”, për nder të vajzës së madhe të Benito Mussolinit.

LEXO EDHE:  Shqipëria me pagat më të ulëta/ Berisha: Ky është shkaku i largimit të shqiptarëve nga vendi

LEXO EDHE:  Të famshmet shqiptare që janë fiksuar pas aksesorit të kokës, që po na kthen pas në fëmijëri

Saranda do të thohë “40” në gjuhën greke, emër që e ka marrë nga manastiri i “40 shenjtorëve” në kodrën mbi qytet.

Kujtojmë që pak ditë më parë Këshilli Bashkiak i “Urës Vajgurore” votoi unanimisht pro ndryshimit të emrit për qytetin që tashmë quhet Dimal, si emri ilir i qytetit antik që ndodhet në atë zonë. Pritet të shohim nëse ky ndryshim do të ndodhë edhe për Sarandën./CNA.al

LEXO TE PLOTE