NASA bën paralajmërimin e frikshëm/ Planeti mund të goditet nga meteorët – CNA
Connect with us

Uncategorized

NASA bën paralajmërimin e frikshëm/ Planeti mund të goditet nga meteorët

Publikuar

-

Jim Bridenstine ka paralajmëruar se këtë javë planeti ynë do të kërcënohet nga meteorët. Administratori i NASA-s shprehet se: “Kjo nuk ka të bëjë me Hollyëood, as me filmat. Kjo ka të bëjë me mbrojtjen e planetit, i vetmi që dimë deri tani se mund të jetohet,”-tha ai të hënën, duke folur në Konferencën e Mbrojtjes së Planetit në Ëashington.

Gjithashtu Bridenstine ka kujtuar shpërthimin e një meteori në shkurt të vitit 2013 mbi Rusinë. Ky shpërthim meteor tronditi rajonin Urals. Më shumë se 1.000 njerëz u plagosën, duke përfshirë më shumë se 200 fëmijë.

Shumë njerëz u goditën nga xhamat e dritareve që u thyen nga shpërthimi i meteorit. “Ishte më e ndritshme në qiell sesa dielli në momentin kur hyri në atmosferën e Tokës dhe njerëzit mund të ndiejnë nxehtësinë e tij 62 kilometra larg,”-tha Bridenstine. “Kur shpërtheu 29 km mbi sipërfaqen, meteori kishte 30 herë më shumë energjinë e  bombës atomike në Hiroshimë.”

Më shumë se 4.000 ndërtesa, kryesisht blloqe apartamentesh, u dëmtuan dhe 200.000 metra katrorë xhami u thye, njoftoi agjencia e lajmeve shtetërore RIA Novosti.”Unë do të dëshiroja të thoja se këto ngjarje janë jashtëzakonisht unike, por në fakt nuk janë,”-shtoi Bridenstine.

NASA-s tregon se ngjarje të ngjashme do të ndodhin një herë në 60 vjet.

Uncategorized

Takaj po rikthen Kristi Vangjelin në ekip, ja ç’po ndodh te Skënderbeu

Publikuar

-

By

Përpjekjet e Skënderbeut në këtë moment duket se vijojnë paralelisht jo vetëm për të siguruar financat për vijimësinë e klubit dhe një projekt të saktë rreth saj, por edhe për të afruar lojtarë në merkato para se të jetë tepër vonë.

Në këtë pikë duket se drejtuesit e Skënderbeut kanë menduar që gjithçka ta nisin nga lojtarët që ishin pjesë e rëndësishme e ekipit sezonin e kaluar dhe pikërisht me ta kanë filluar bisedimet fillimisht.

Pasi ka komunikuar me kapitenin Marko Radas dhe mesfushorin Gjergji Muzaka, duket se Ardjan Takaj ka edhe një dëshirë të fundit për sa u përket tri shtyllave kryesore të ekipit. Bëhet fjalë për rikthimin e Vangjelit te Skënderbeu edhe për sezonin e radhës.

Kjo do të sillte në Korçë jo vetëm cilësinë për prapavijën dhe në tërësi për ekipin, por edhe një prej motivuesve kryesorë të lojtarëve të rinj, gjë që u pa të ndodhte edhe vitin e kaluar. Por, duket se arritja e një akordi me mbrojtësin korçar, në këto momente në Australi, mbetet një rebus i madh dhe tepër i vështirë për t’u arritur.

Burimet pranë lojtarit bëjnë me dije se Kristi Vangjeli është kontaktuar personalisht nga Ardjan Takaj, madje komunikimet mes tij dhe presidentit të Skënderbeut janë të vazhdueshme edhe pas daljes së përgjigjes së KAS-it, shkruan “Panorama Sport”.

Vetë presidenti bëhet me dije se i ka kërkuar lojtarit që të jetë sërish pjesë e Skënderbeut në vijim, gjë që Vangjeli nuk është se e ka mohuar kategorikisht. Të njëjtat burime bëjnë me dije se për të pranuar kërkesën e Takajt, Vangjeli ka kërkuar mbi të gjitha garanci financiare për sezonin në vijim dhe një pagë që nuk do të pësojë ndryshime të mëdha nga ajo e sezonit që u mbyll.

Kërkesat e korçarit kanë qenë të hapura, madje ka ngulmuar edhe te një paradhënie e mundshme për ta bërë me të lehtë arritjen e një akordi për sezonin e ardhshëm. Këto kërkesa kanë vënë në lëvizje disi presidentin e Skënderbeut, i cili e ka lënë gjithçka të hapur, duke e shqyrtuar si mundësi pasi të ketë përcaktuar planin e veprimit për sezonin e ardhshëm.

Gjithsesi, edhe nëse akordi arrihet me Vangjelin, me shumë mundësi korçari do të qëndrojë në Korçë te bardhekuqtë deri në dhjetor të këtij viti. Kjo, edhe për faktin se në Australi janë mahnitur me paraqitjet e Vangjelit në kampionat, aq shumë, saqë mund të ketë edhe ndonjë ofertë për të vijuar andej karrierën e tij si futbollit. Madje, kjo është edhe dëshira e vetë lojtarit, por jo vetëm kaq.

Përmes një kontrate në këtë kontinent të vogël, Vangjeli kërkon të tërheqë edhe familjen e tij për të ndërtuar jetën në Australi edhe më pas ta mbyllë me futbollin. Gjithsesi, e rëndësishme mbetet që bisedimet janë ende në rrugë e sipër dhe primare do të jetë që Takaj fillimisht ta garantojë zyrtarisht vijimin e projektit të tij te Skënderbeu.

LEXO TE PLOTE

Uncategorized

Sot Partizanit i duhet edhe një barazim, ja si do jetë formacioni ndaj Karabakut

Publikuar

-

By

Partizanit i mjafton të paktën një barazim me gola për të kaluar në turin e dytë në Champions. Por edhe me 0-0 dhe me fat nga “ruleta” e penalltive i jep mundësi skuadrës së trajnerit Lerda që të bëhet ” i artë”. Me një sukses në Baku, Partizani së pari arrin të përmirësojë parametrat e tij, duke rritur koeficientin; i bën më shumë publicitet, pasi eliminon një kundërshtar të fortë dhe me emër; arrin të shtojë përfitimet në Europë, pasi minimumi siguron edhe një tur tjetër në Ligën e Europës.

Nëse kualifikohen, në tyrin e dytë të Championsit të kuqtë arkëtojnë 380 mijë euro shtesë, përkundrejt 260 mijë eurove që të ofron Liga e Europës në tur të dytë. Me kalimin e Karabakut, në rastin më të keq arrijnë të përfitojnë edhe 280 mijë euro duke kaluar në turin e tretë të Ligës së Europës, shkruan “Panorama Sport”.

SEANCA E FUNDIT

Mbrëmë, të kuqtë u kanë dhënë fund përgatitjeve për azerët, seancë e cila u zhvillua në stadiumin ku Karabaku i pret. 15 minutat e para kanë qenë të hapura për mediat, ku interesimi nga azerët ka qenë shumë i madh. Më pas trajneri Lerda ka dhënë instruksionet e fundit në fushë, por jo shumë të detajuara, pasi në të tilla raste spiunimi nga kundërshtari mbetet prezent. Gjithsesi, trajneri Lerda idetë e tij për formacionin i ka pasur të qarta para se të zbresë në fushën e stadiumit “Dalga Arena”.

FORMACIONI

Pas barazimit 0-0 në “Selman Stërmasi”, trajneri Franko Lerda ka pasur në kokë 3 ide për formacionin e mundshëm për sot, por gjithsesi 9 lojtarë shikoheshin të pazëvendësueshëm. I kënaqur nga paraqitja e skuadrës në takimin e 10 korrikut në shtëpi, trajneri Lerda me sa duket ka vendosur që edhe në Baku ta nisë nga e para përballjen me Karabakun. Pra, pritet që Partizani ta nisë ndeshjen e sotme me të njëjtin rreshtim si para një jave në “Selman Stërmasi”. Praktikimi i penalltive në ditët e fundit ka lënë të kuptohet se të kuqtë më shumë do të mendojnë për fazën mbrojtëse. Një javë më parë “bunkeri” i Lerdës funksionoi, gjë e cila pritet të ndodhë edhe sot.

Duke ditur se do të jetë Karabaku ai që do ta synojë më shumë golin, pasi vetëm duke shënuar mund të shkojë te kualifikimi, nën drejtimin e teknikut italian, të kuqtë më shumë kanë punuar në fazën mbrojtëse. Ndërsa guximi dhe rrezikimi i portës kundërshtare varet nga mënyra se si lojtarët e kuq do ta përballojnë presionin dhe sa efikasë do të jenë në daljen e shpejtë në kundërsulm.

Ashtu si një javë më parë, qendërsulmuesit e mirëfilltë që kanë mbërritur në merkato, Braun dhe Solomon, mund të aktivizohen në pjesën e dytë, por gjithçka varet nga rrjedha që do të marrë takimi. Rreshtimi pritet të jetë 4-3-3, por kur kundërshtari, lojtarët anësorë të sulmit do të jenë më pranë mbrojtjes, pasi nga ata mendohet të nisë edhe manovra e shpejtë për të zënë të papërgatitur Karabakun.

LEXO TE PLOTE

Uncategorized

Nis shtrimi i tapetit në “Arena Kombëtare”, stadiumi thuajse gati

Publikuar

-

By

Edhe pak kohë kanë mbetur nga përfundimi i “Arenës Kombëtare”. Impianti modern, i cili nisi të ndërtohej në vitin 2016 tashmë ka marrë formë, teksa ka nisur puna për ndërtimin e fushës së blertë.

Deri tani ka përfunduar pothuajse 90% e punimeve dhe pritet që në muajin shtator stadiumi të jetë gati për eliminatoret e Europianit. Impianti modern do të ketë një kapacitet prej 22 mijë vendesh.

Për më tepër shikoni pamjet e mëposhtme:

LEXO TE PLOTE
Reklama
Reklama

Trending