Connect with Us

Sulm vdekjeprurës në Kaliforni

Aktualitet

Sulm vdekjeprurës në Kaliforni

Publikuar

-

Në Poway të Kalifornisë hebrejtë ishin mbledhur në Sinagogë për të marrë pjesë në shërbesën fetare ditën e fundit të pashkëve. Por një person hyri dhe vrau një grua dhe plagosi tre vetë.

Në Poway të Kalifornisë hebrejtë ishin mbledhur në Sinagogë për të marrë pjesë në shërbesën fetare të Pashkëve, ditën e fundit të saj, të shtunën, kur një person i armatosur hyri brenda dhe hapi zjarr mbi besimtarët, duke lënë të vrarë një grua dhe plagosur tre të tjerë.

Personi, i cili u largua nga sinagoga me një makinë dhe u kap më pas nga policia u identifikua si John Earnest, 19 vjeçar nga San Diego. Ai mendohet të jetë autori i një “manifesti”, sipas të cilit personi po ashtu i ka venë zjarrin muajin e kaluar një xhamije.

Kryetari i Bashkisë në Poway, Steve Vaus, tha për televizionin CNN, tha se kemi të bëjmë me “vrasje të kryer nga urrejtja”. Ai iu referua thirrjeve të përdorura nga vrasësi gjatë hyrjes në sinagogë. Vaus, tha se vrasësi e ka pasur sinagogën si objektiv të sulmit. “Unë mësova se ai ishte dikush që ishte mbushur me urrejtje në zemër, urrejtje për komunitetin tonë hebre.” Sipas njoftimeve të mediave katër viktimat u vendosën në vend të sigurt.

Sherifi i San Diegos shpjegoi se policët u thirrën të shkonin në shtëpinë e Zotit në Poway, pak para orës 11:30. Në sinagogën e lëvizjes ortodokse Shabad, duhet të kishte filluar festa hebreje e pashkëve, e cila përkujton largimin e izraelitëve nga Egjipti dhe çlirimin nga skllavëria. Festa që zgjati një javë përfundoi ditën e shtunë me një darkë.

Edhe ministria e Jashtme në Jeruzalem bëri të ditur se ka patur shumë të plagosur. Konsullata në Los Anxhelos është duke parë nëse mes të prekurve ka edhe izraelitë. Stacioni lokal njoftoi se mes të plagosurve ndodhet edhe rabini që ishte duke mbajtur shërbimin fetar.

Sherifi tha se FBI dhe policia janë duke hetuar “pjesëmarrjen e mundshme” të vrasësit në një zjarr të vendosur në qendrën islamike në Secondido, më 24 mars, rast gjatë të cilit nuk ka pasur njerëz të lënduar. Sherifi tha se arma automatike që ka përdorur Earnest, u bllokua pasi raundit të parë të qëllimeve dhe se ai nuk ka pas kryer më parë vepra kriminale.

Trump dërgon ngushëllime

Presidenti amerikan Donald Trump shprehu nga Shtëpia e Bardhë, “keqardhje të thellë”. “Aktualisht duket të jetë krim i kryer nga urrejtja, por ngushëllime gjithë të prekurve, ne do hetojmë të mësojmë gjithçka,” tha Trump. Kongresmenia demokrate, Alexandria Ocasio-Cortez tregoi “se është zemërthyer” nga sulmi i ndodhur. “Ne kemi përgjegjësi, që të mbrojmë dhe duam fqinjët tanë,” tha ajo.

Deputeti demokrat nga Kalifornia, Mike Levin, kërkoi që t’ i jepet fund urrejtjes dhe dhunës.

USA Kalifornien Schüsse in Synagoge (Reuters/J. Gastaldo)Sinagoga në Poway

Ngarja të kujton vrasjet në Pitsburg

Gjashtë muaj më parë një radikal i djathtë vrau 11 vetë në sinagogën “Pema e jetës” në Pitsburg, shtetin federal të Pensilvanisë. Ajo ka qenë sulmi më i rëndë kundër një komuniteti hebre në SHBA. Vrasësit është aktualisht duke iu bërë procesi. Në vitin 2008, në një seri aktesh terroriste në Mumbai të Indisë, u sulmua Shtëpia e Shabatit, dhe u vranë gjashtë vetë./ DW

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Skandal me njoftimet e PD/ Basha urdhëron sulm ndaj kritikëve

LEXO EDHE:  Zjarret apokaliptike në Kaliforni/Shkrumbohet shtëpia e aktores së famshme

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Berisha: Piktori dështak kundër një këngëtari të talentuar

LEXO EDHE:  Kalifornia "pushtohet" nga flakët/ Regjistrohen viktimat e para

 

LEXO TE PLOTE
Lajme të Rekomanduara: