Aktualitet
“Ndonjëherë dhe unë jam e zhveshur”/Këngëtarja e njohur “acarohet” me njerëzit që i kritikojnë fëmijët
Këngëtarja e njohur Pink publikoi këtë fundjavë një foto të fëmijëve të saj, e cila shkaktoi një reagim të madh në rrjet për shkak se djali i saj ishte nudo.
E ftuar në “The Elle Show” ajo ka folur për mënyrën si është ndjerë dhe vendimin që ka marrë:
“Dikush shkoi aq larg sa të thonte se dikush duhet të telefonojë shërbimin për fëmijë… shumë gjëra të ndyra. Dhe kam qarë shumë pas kësaj. Nuk do i postoj më. 2 vjeçarët nuk pëlqejnë të veshim pampers të lagur nga uji, dhe mesa duket në një pikë e hoqi. Unë nuk e mendoj ashtu. Ne jetojmë në një fermë. Fëmijët e mi janë të zhveshur, është gjë që ndodh. Ndonjëherë dhe unë jam e zhveshur.”
Ajo gjithashtu mori kritika dhe për një video të djalit të saj duke luajtur me makina ku dëgjohet se thotë: “Dreqin”.
“Dhe i kuptoj njerëzit që thonë që duhet të jem më e kujdesshme sepse jam në syrin publik dhe duhet ta kisha menduar më parë- kanë të drejtë. Por ka një mënyrë më të sjellshme për ta thënë këtë. Ka një mënyrë të këndshme për të komunikuar online. “- u shpreh Pink.
Këngëtarja gjithashtu u shpreh se do ndalojë së postuari dhe foto të vajzës, sepse është koha e duhur:
“Është një kohë e mirë, ajo është 7 vjeç tashmë. Është koha ta tërheq nga bota dhe ta lë të jetojë jetën e saj më të mirë.”
Politikë
“Spitali i Fierit si thesi i miellit për zgjedhje”/ Shehi: Rama nuk e do vendin në BE, Veliaj Kryehajdut
Kreu i LZHK-së dhe kandidati për deputet në listat e Tiranës, Dashamir Shehi, ka ngritur akuzat se kryeministri Edi Rama nuk e do vendin në Bashkimin Evropian, pasi pretendon se ka prirje autokrate.
Një një reagim për faqen “Brryli Broadway”, ku iu përgjigj pyetjeve edhe të ndjekësve, Shehi e krahasoi Spitalin turk të Fierit si thesin për blerje votash në zgjedhje.
“Spitali turk i Fierit është si thesi i miellit për zgjedhje. Ne kemi nevojë për ide, e financim të ideve tona. Për ne shqiptarët Evropa është politikë, demokraci, është shtet ligjor, për gjeneratat e reja Evropa është përpektivë. Evropa duhet të jetë tezë definitive. Duhet të sillemi në mënyrë evropiane. Të bëjmë ligje që i afrohen BE dhe t’i zbatojmë. Të kemi një kulturë politike që BE të mos na shohë me dyshim, se askush nuk e fut dikë të dyshimtë në oborrin e tij. Rama nuk e do Evropën, pasi e pengon në pushtetin absolut. Sovraniste si Erdogani, Putini apo ky i Hungarisë, i bezdis Evropa këta. Larg Evropës është kjo puna e patronazishtëve, a ndodh në ndonjë vend të Evropës, jo por këtu po”, u shpreh ai.
Duke komentuar të rinjtë në politikë, Dashamir Shehi deklaroi se kryebashkiaku i Tiranës Erion Veliaj është shembulli më i keq i të rinjvë të korruptuar.
“Puna e vjedhjes është genetike, vjen nga shumë faktore. Nuk e quaj meritë personale faktin që s’kam vjedhur, disa e quajnë budallëk. Nuk kam pishmanllëk për modestinë time materiale. Pashë një foto të vjetër të MJAFT-it, kishin dalë më Kadarenë para 15 vitesh. Mjafto të shohësh këtë foto për të kuptuar sa iluzion është pastërtia e rinisë në politikë, shihi sot ata janë kryehajdutë, shih kryetarin e Bashkisë sot dhe vartësit e tij. I ndershmi në politik të madhe është ai që është ulur në karrige të madhe dhe është çuar i ndershëm”, theksoi kryetari i LZHK-së./ CNA.al
Politikë
Kryemadhi refuzon ambasadorët/ Nuk shkon në takimin për zgjedhjet në Elbasan
Ambasadori i BE-së Luigi Soreca, ambasadorja franceze Elisabeth Barsacq dhe ambasadori gjerman Peter Zingraf, do të mbajnë një takim me kandidatët për deputetë të këtij qarku, në zgjedhjet e 25 prillit.
Mësohet se takimi do të mbahet ditën e nesërme dhe të pranishëm do të jenë numri 2 i PS-së Taulant Balla, Gazment Bardhi i Partisë Demokratike dhe Rudina Hajdarin e Nismës “Thurje”.
Por bëhet me dije se në këtë takim nuk do të shkojë Monika Kryemadhi, e cila kandidon në këtë qark nën siglën e LSI-së.
Sipas mediave, ajo ka refuzuar të shkojë në takimin me ambasadorët pa dhënë asnjë arsye për mosprezencën e saj./ CNA.al
Politikë
LSI rënie drastike/ Ja kush parti pritet të fitojë me 25 prill në Elbasan
Nëse qytetarët do të votonin sot në qarkun e Elbasanit, sipas sondazhit të Piepolit PS do të merrte 52-56 % të votave e përkthyer në 8-9 mandate.
Koalicioni PD-Aleanca për Ndryshim do të merrte 37-41 % të votave e përkthyer në 4-6 mandate.
LSI ka rënë me 0.5% krahasuar me matjen më 7 prill.
Ndërkohë që Rudina Hajdari e renditur e para në qarkun e Elbasanit nën siglën e partisë ‘Nisma Thurje’ nuk do mund të merrte një mandat nëse zgjedhjet do të zhvilloheshin sot, edhe pse pritet të marrë deri në 2.5% të votave.
