Connect with Us

Luftë kundër dhunës seksuale në rajonet e krizave

Aktualitet

Luftë kundër dhunës seksuale në rajonet e krizave

Publikuar

-

Me nismën gjermane Këshilli i Sigurimit të OKB kërkon me një rezolutë që komuniteti botëror të luftojë më ashpër dhunën seksuale në rajonet e krizave. SHBA detyruan reduktimin e tekstit duke kërcënuar me veto.

Këshilli i Sigurimit të Kombeve të Bashkuara pranoi të martën (23.04) një rezolutë kundë dhunës seksuale në konflikte. Për projektrezolutën votuan 13 vende. Rusia dhe Kina abstenuan. Qeveria gjermane përgatiti tekstin e rezolutës me synimin për ta bërë luftën kundër perdhunimeve në luftra më efektive dhe më të shpejtë.

Ministri gjerman Heiko Maas e quajti rezolutën “gur themeli”. Megjithatë teksti u reduktua me presionin e bërë nga SHBA dhe vende të tjera. Ambasadori gjerman në OKB, Christoph Heusgen, tha se në përgjithësi është “shumë i lumtur” për rezolutën e aprovuar: “Ne nuk i arritëm të gjitha synimet tona, por ne arritëm shumë.”

Aprovimi i rezolutës u parapri nga bisedime të ashpra për pjesë të caktuara të saj. Me presionin e bërë nga SHBA, Kina dhe Rusia nga rezoluta u hoqën pjesët që kërkonin krijimin e mekanizmave fiks ndërkombëtarë për përndjekjen e dhunës seksuale, si dhe krijimi i një grupi pune nga OKB që të merret me çështjen.

USA New York - UN Sicherheitsrat zu sexueller Gewalt (Getty Images/D. Angerer)Këshilli i Sigurimit të OKB diskuton rezolutën kundër dhunës seksuale në konflikte

Kritikat e Francës për SHBA

Përfaqësuesit e SHBA nuk donin po ashtu formulimet që kishin të bënin me shëndetin seksual dhe të drejtat e riprodhimit, sepse druhen se ato mund të kuptohen si nxitje e abortit. Meqenëse delegacioni amerikan kërcënoi me vendosjen e vetos, këto pjesë u hoqën nga rezoluta.

Në rezolutë merren parasysh edhe sanksione speciale që OKB mund të vendosë kundër dhunës seksuale në konfliktet e armatosura. Po ashtu shteteve të prekura iu kërkua kujdes më i madh për viktimat.

Ambasadori francez në OKB, François Delattre, kritikoi ashpër SHBA. “Qeveria franceze është “e tmerruar” nga qëndrimi i SHBA”, tha ai duke thënë se është për të ardhur keq që në diskutimin e një rezolute për dhunën seksuale janë bërë kërcënime me vendosjen e vetos kundër saj.

USA New York - UN Sicherheitsrat zu sexueller Gewalt (Getty Images/D. Angerer)Ministri gjerman i Jashtëm Heiko Maas drejton seancën në OKB

Ministri gjerman i Jashtëm, Heiko Maas tha para aprovimit të rezolutës në një debat të hapur në Këshillin e Sigurimit, se mungesa e trajtimit juridik të dhunës seksuale ka nxitur deri tani një “kulturë të keqe të mungesës së dënimit”. Po aq i rëndësishëm sa dënimi i autorëve është kujdesi për viktimat.

Sekretari i Përgjithshëm i OKB, António Guterres tha se dhuna në shumë rajone krize të botës është taktikë lufte. “Pjesa më e madhe e krimeve nuk informohen, nuk hetohen dhe nuk dënohen kurrë nga gjykata,” tha Guterres. Grupe të armatosura, ekstremistë dhe terroristë ushtrojnë nënshtrimin e grave dhe vajzave, për shembull nëpërmjet skllavërimit dhe martesës së detyruar.

Guterres i bëri thirrje të gjitha qeverive që të bëjnë më shumë për mbrojtjen e grave në zonat e krizës. Nëse gratë lidhen më shumë me politikën, ekonominë, jetën sociale si dhe misionet e bisedimet e paqes, atëherë arrihet të sigurohet që kjo temë të ketë më suhmë peshë. Kombet e Bashkuara e kanë dënuar tashmë dhunën në konflikte në disa rezoluta. Dhuna seksuale shihet nga e drejta ndërkombëtare si krim lufte.

Avokatja aktiviste për të drejtat e njeriut, Amal Clooney, që po ashtu mori pjesë në takimin e Këshillit të Sigurimit, theksoi kërkesën për përndjekjen me forcë të dhunës seksuale duke bërë paralele me procesin e Nurembergut kundër krimeve naziste. “Ky është momenti juaj i Nurembergut,” tha ajo duke i drejtuar një apel Këshillit të Sigurimit. Shtetet anëtare duhet ta shfrytëzojnë shansin për “t’u pozicionuar në anën e duhur të historisë”, tha ajo.

UN-Sicherheitsrat Resolution zu Sexualverbrechen Amal Clooney (Reuters/C. Allegri)Amal Clooney dhe Nadia Murad në Këshillin e Sigurimit

“Akte barbare”

Fjalën e morrën edhe mbajtësit e Çmimit Nobel të Paqes, Nadia Murad dhe Denis Mukwege. Mukwege kërkoi luftë më të vendosur kundër këtyre “akteve barbare”. Të nevojshme janë jo vetëm mekanizmat e paralajmërimit dhe reagimet e shpejta, për të luftuar këtë krim, theksoi mjeku kongolez, që lufton për të drejtat e grave të përdhunuara. Murad, e cila është mbajtur e burgosur dhe përdhunuar nga luftëtarët e milicisë terroriste të “Shtetit Islamik” (IS) kërkoi që autorët të dërgohen në bankën e të akuzuarve në gjykatën ndërkombëtare.

Mbas aprovimit të rezolutës, shumë vende bënë deklarata mes të cilave edhe përfaqësuese nga Serbia. Përfaqësuesja e Serbisë foli për angazhimin e qeverisë së saj në luftimin e dhunës seksuale. Ajo nuk e zuri asnjëherë në gojë Kosovën.

Ambasadorja e Shqipërisë në misionin e OKB, Besiana Kadare i kërkoi Sekretarit të përgjithshëm të OKB, Antonio Guterres të përfshijë Kosovën në raportin e dhunës seksuale në konflikte. Një delegacion grash nga Kosova, i kryesuar nga ish presidentja Ahtifete Jahjaga dhe Feride Rushiti morën po ashtu pjesë në aktivitetet e organizuara në OKB për shoqërinë civile./ DW

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

 

LEXO TE PLOTE
Lajme të Rekomanduara: