Connect with Us

KQZ nuk çertifikon kandidatët e Listës serbe për zgjedhjet në komunat veriore

Aktualitet

KQZ nuk çertifikon kandidatët e Listës serbe për zgjedhjet në komunat veriore

Publikuar

-

Komisioni Qendror i Zgjedhjeve nuk i certifikoi katër kandidatët e subjektit Lista serbe, për zgjedhjet e jashtëzakonshme për kryetarët e katër komunave me shumicë serbe në veriun e Kosovës, që do të mbahen më 19 maj.

Komisioni nuk siguroi dy të tretat e votave për certifikim meqë anëtarët e tij nga radhët e lëvizjes Vetëvendosje, abstenuan në votim.

Lëvizja Vetëvendosje kundërshton rikandidimin e kryetarëve të dorëhequr të komunave veriore meqë, në dorëheqjet e tyre kishin përdorur emrin jo kushtetues të Kosovës.

Anëtari i Komisionit Qendror të Zgjedhjeve nga lëvizja Vetëvendosje, Adnan Rrustemi, tha se Lista serbe duhet të zëvendësojë kandidatët e paraqitur për zgjedhjet e 19 majit.

“Unë kam pritur që për këto 24 orë, Lista serbe do të zëvendësojë tre nga katër kandidatët të cilët kishin dhënë dorëheqje para pesë muajsh, e që deklaratat e tyre të dorëheqjes, aktet e dorëheqjes në përmbajtje e konsideronin Kosovën pjesë të Serbisë dhe i referoheshin Kosovës si “Kosovë dhe Metohi”. Unë po ashtu kam pritur nga Lista serbe që të distancohet publikisht nga përmbajtja e këtyre deklaratave. Nëse e ka të pamundur që t’i zëvendësojë, të paktën le të jap dëshmi që distancohet nga përmbajtja e dorëheqjeve”, tha zoti Rrustemi.

Çështja tashmë pritet të shqyrtohet në Panelin Zgjedhor për Ankesa dhe Parashtresa dhe se subjekti Lista serbe mund të shtrojë ankesë për mos certifikim.

Tri subjekte politike janë regjistruar për të marrë pjesë në zgjedhjet për pushtetin komunal të katër komunave veriore të Kosovës të banuara me shumicë serbe, që do të mbahen më 19 maj.

Mos certifikimi i kandidatëve të Listës serbe nxiti reagimin e autoriteteve në Serbi.

Presidenti serb, Aleksandër Vuçiç u tha gazetarëve se refuzimi i kandidatëve të Listës serbe përbën shkelje brutale të demokracisë. Ai tha se një vendim Ii tillë është shqetësues ndërsa paralajmëroi se për këtë çështje do të pres edhe mendimin e zyrtarëve evropianë gjatë takimit në Berlin të Gjermanisë.

Të katër komunat janë pa kryetarë që nga 27 nëntori i vitit të kaluar kur ish kryetarët dhanë dorëheqje në shenjë proteste ndaj vendimit të qeverisë së Kosovës për të vendosur tarifa prej 100 për qind ndaj mallrave serbe.

Tarifat qenë vënë më 21 nëntor nga qeveria e Kosovës, si kundërpërgjigje ndaj fushatës serbe kundër shtetësisë së Kosovës, duke nxitur reagimin e zemëruar të Beogradit dhe serbëve të Kosovës.

Vendosja e tarifave bllokoi edhe procesin e bisedimeve ndërmjet Kosovës dhe Serbisë, ndërsa qeveria e Kosovës refuzoi të heqë dorë prej tyre me gjithë trysninë nga Bashkimi Evropian por edhe Shtetet e Bashkuara./VOA/

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Kontrabanda e sirianëve nga Vlora në Itali/ Autori strehoi në banesë klandestinët

Publikuar

-

Nga

Vijon puna për zbardhjen e plotë të tentativës për kontrabandim të migrantëve një javë më parë.

Specialistët për Hetimin e Trafiqeve dhe Narkotikëve në DVP Vlorë, nën drejtimin e Prokurorisë, në vijim të punës për zbardhjen e plotë tentativës për kontrabandimin e migrantëve në rruge detare dhe vënien para drejtësisë të personave përgjegjës, bënë të mundur identifikimin, kapjen dhe ndalimin e autorit të dytë të kësaj ngjarjeje, shtetasi:
Q. I., 31 vjeç, banues në Trevllazër, Vlorë.

Nga veprimet hetimore të kryera ka rezultuar se ky shtetas ka strehuar në banesën e tij në fshatin Trevllazër, shtetasit e huaj emigrantë që kishin ardhur nga Tirana, të cilët do të largoheshin nëpërmjet rrugës detare në drejtim të shtetit italian, më datë 08.01.2021.

Vijojnë intensivisht veprimet hetimore, nën drejtimin e Prokurorisë, për identifikimin dhe kapjen e personave të tjerë të implikuar në këtë veprimtari të kundërligjshme.

Materialet i kanë kaluar Prokurorisë, për veprime të mëtejshme.

LEXO TE PLOTE

Kronika

Konflikti mes biznesmenëve/ Gjykata lë në arrest shtëpie Sino Llanaj dhe Albert Allmuçën

Publikuar

-

Nga

Gjykata e Tiranës ka dhënë masën e sigurisë ndaj 5 personave të arrestuar për konfliktin mes dy ortakëve në kompleksin e pallateve tek rruga “Ndre Mjeda” .

Gjykata vendos arrest shtëpie për biznesmenët Sino Llanaj dhe Albert Allmuçën. Ndërsa për tre rojet, Shkelzen Byberi, Skënder Margjeka dhe Alfred Lumani, gjykata ka caktuar masën “detyrim paraqitje”.

Ndërkohë, vijon të jetë ende në kërkim personi që qëlloi me armë biznesmenin Llanaj, duke e plagosur me plumb në këmbë.

Kujtojmë se gjatë përplasjes, u plagos një kalimtar i rastit, ndërsa roja i pallatit u sulmua me sende të forta./CNA.al

LEXO TE PLOTE

Politikë

Zbulohen dokumentet e vilave të kunatit të Bashës

Publikuar

-

Nga

CNA.al ka mundur të siguroje dokumentat zyrtare për një truall dhe kërkesën për të ndërtuar një vilë nga kunati i kreut të PD, Lulzim Basha, Erion Isufi.

Së fundmi ka pasur një debat në lidhje me vilat e kunatit të Lulzim Bashës, Erion Isufi i cili është akuzuar si njeriu që ka marrë benefite nga kreu i PD dhe foltorja e saj është përdorur për interesa klienteliste dhe krejtësisht korruptive nga Lulzim Basha.

Në një takim me disa banorë të Laprakës, disa ditë më parë kryebashkiaku i Tiranës, Erion Veliaj, tha sot se nga njëra anë Lulzim Basha flet për varfërinë, e nga ana tjetër aplikon në bashki për të marrë leje për të ndërtuar një vilë tjetër.

Veliaj deklaroi se i ka refuzuar lejen e ndërtimit një të afërmi të Lulzim Bashës, duke iu referuar kunatit të tij Erion Isufi. Për këtë u pyet në studion e “Opinion” edhe vetë Basha, i cili tregoi se kunati i tij ka paditur Veliajn në SPAK për këtë çështje.

“Për akuzën që ka bërë sot, ai i afërmi im e ka paditur në SPAK”, tha kreu i PD shkrutimisht pa u ndalur shumë te kjo çështje, ndërsa më pas mohoi akuzat e ngritura për katër vilat e tij.

Pas debatit të bërë ditën e enjte në Opinion, CNA.al ka mundur të sigurojë dokumentat zyrtare, siç mund t’i shikoni më poshtë, në lidhje me disa certefikata pronësie në emër të Erion Isufit dhe kërkesa për tu ndërtuar vila.

Më poshtë dokumentat flasin vetë:

 

LEXO TE PLOTE