LEXO PA REKLAMA!

SHKARKO APP

VIP-at beqarë të showbizzit shqiptar/Cilat janë 13 super femrat që vazhduan suksesin pas divorceve?

21 Prill 2019, 13:53, Aktualitet CNA
VIP-at beqarë të showbizzit shqiptar/Cilat janë 13 super femrat

Pavarësisht ndarjes, nënave u duhet të bëhen të forta për fëmijët e të vazhdojnë jetën të vetme, duke u kthyer në heroina që përballen vetëm me çdo vështirësi.

Njihuni me super nënat e showbizit shqiptar, që e kanë vazhduar jetën pas ndarjes të vetme me fëmijët e tyre.

1-Bora Zemani/Dy vite më parë, moderatorja e njohur Bora Zemani i dha fund marrëdhënies së saj me dj-n e njohur Vin Velin, me të cilin ka një djalë të quajtur Arbor.

2-Eneda Tarifa/Në janar të vitit të kaluar, këngëtarja e njohur Eneda Tarifa i dha fund martesës 18-vjeçare me partnerin Erjon Zaloshnja. Çifti janë prindër të një vajze të quajtur Aria.

3-Fjolla Morina është nënë e dy vajzave, Lediana dhe Alaya, baballarët e të cilave ka preferuar t?i mbajë larg syrit të publikut. Megjithatë, sherri me babain e Alayas, Kushtrim Gecin, bëri bujë të madhe në media dhe kudo u përhap lajmi se Fjolla i dha fund marrëdhënies vetëm 2 muaj pas ardhjes në jetë të vogëlushes. Tashmë Fjolla është single dhe në profilin e saj në Instagram tregon se kalon shumë kohë me vajzat e saj.

4-Këngëtarja Graciela Pashaj, e njohur si ish-bashkëshortja e Stines, u nda me këtë të fundit në dhjetor të vitit 2018. Ishte Stine ai që lajmëroi ndarjen nëpërmjet një statusi, duke treguar se ruanin ende respekt mes tyre. Çifti janë prindër të një vajze të quajtur Estia.

 

5-Dy vite më parë, bëri bujë të madhe në media lajmi i ndarjes së modeles së njohur, Adrola Dushit, me partnerin e saj, Adis Patushin. Çifti janë prindër të një djali të quajtur Troi dhe kanë treguar se bëhen gjithmonë bashkë kur bëhet djalë për Troin.

6-Në vitin 2009, këngëtarja Anjeza Branka deklaroi publikisht ndarjen nga partneri, Leonard Kodheli, me të cilin ka një djalë të quajtur Leanzo.

7-6 vite më parë, prezantuesja e njohur sportive, Hygerta Sako, i dha fund martesës me biznesmenin Artur Aligjoni, me të cilin ka një vajzë të quajtur Anais.

8-Pas një lidhjeje 9-vjeçare dashurie e cila pasoi me bashkëjetesë, Ingrit Gjoni humbi partnerin e saj, biznesmenin me origjinë nga Shkodra, Arian Selimin. Prej lidhjes së tyre erdhi në jetë një vajzë që u pagëzua me emrin Coco Antonel.

 

9-Pas 2 vitesh martesë, në nëntor të vitit 2017, modelja Erjona Sulejmani dhe futbollisti Blerim Xhemaili i dhanë fund lidhjes së tyre. Çifti janë prindër të një djali të quajtur Luan.

 

10-Në moshën 23-vjeçare, Xhesika Ndoj u bë nënë e një vajze nga lidhja e saj me të dashurin, identitetin e të cilit e ka mbajtur të fshehtë nga publiku. Megjithëse ai nuk e dëshironte një fëmijë, Xhesika ishte e vendosur t?a sillte në jetë vajzën, të cilën po e rrit e vetme, pasi zbuloi se partneri i saj kishte një familje tjetër dhe i dha fund gjithçkaje mes tyre.

 

11-Në moshën 15-vjeçare, këngëtarja e njohur Albërie Hadërgjonaj u martua me Mentor Hadërgjonaj, me të cilin ka dy vajza, Agnesa dhe Anxhelina. Megjithatë, marrëdhënia e tyre përfundoi për shkak për problemeve të shumta dhe tashmë çifti ruan një marrëdhënie korrekte.

12-Këngëtarja e njohur Eli Fara i dha fund martesës me bashkëshortin Lul Kapurani kur vajza e tyre, Marina, ishte vetëm disa muajshe. Marina mban mbiemrin e të atit dhe ligjërisht në gjendjen civile është regjistruar me emrin Roxhensa Kapurani.

13-Në nëntor të vitit 2017, Hueyda El Saied i dha fund martesës me francezin Michael Tamisier, me të cilin ka një djalë të quajtur Gabriel./CNA.al

 

Lajmet e fundit nga