3 apartamente dhe djalin me biznes/ Kryekomisari i Rilindjes punësoi gruan në Ministri – CNA
Connect with us

Aktualitet

3 apartamente dhe djalin me biznes/ Kryekomisari i Rilindjes punësoi gruan në Ministri

Publikuar

-

Zgjedhjet vendore do të mbahen me 30 Qershor 2019, ndërkohë që nga mazhoranca janë lakuar, madje dhe zyrtarizuar kandidatët për kryebashkiak në disa qarqe.

Njëri prej tyre është edhe deputeti socialist Pjerin Ndreu, kandidimi i të cilit për Bashkinë Lezhë, u zyrtarizua në Kongresin e PS.

Kujtojmë se PS është akuzuar në vijimësi nga opozita se në zgjedhjet e shkuara, ka pasur kandidatë për kryebashkiakë me të kaluar kriminale dhe me pasuri të dyshimtë.

Pjerin Ndreu

CNA.al do të kalojë në filtër një për një kandidatët e zyrtarizuar por edhe të lakuar nga Partia Socialiste për bashki të ndryshme.

Pjerin Ndreu, më herët, madje edhe në kohë të qeverisë së parë të Partisë Demokratike, ka vijuar të punojë në Policinë e Shtetit.                                                    Në periudhën e qeverisjes socialiste, 1999-2002, ai ka qenë Drejtor Policisë së Qarkut Gjirokastër, Drejtor i Policisë Kufitare Shkodër, ndërsa në vitet 2002-2004, ka mbajtur poste të larta në Policinë e Shtetit si zv.Drejtor i Përgjithshëm dhe Drejtor i Policisë së Qarkut Tiranë.

Gjatë një vëzhgimi të bërë mbi pasurinë e deklaruar nga deputeti Pjerin Ndreu, përgjatë viteve 2013 -2017, CNA.al konstaton se ka një ndryshim mes pasurisë së vitit 2013 fillestare dhe asaj të viti 2017.

Referuar të dhënave të Open Spending Albania, në vitin 2013, ai ka deklaruar se ka në bashkëpronësi një apartament në Tiranë, me sipërfaqe 130 m2,  blerë në vitin 2002, në vlerën 2 000 000 lekë si dhe një apartament banimi me sipërfaqe 68 m2 në Lezhë, blerë në vitin 2012, në vlerën 1 226 556 lekë.

Në vitin 2014, ka deklaruar tre burime të ardhuash, si pagën e tij, të bashkëshortes dhe djalit. Këtë vit, ai deklaron se ka shpenzuar  për shkollimin e djalit 3 200 euro.

Edhe bashkëshortja e deputetit Ndreu, ashtu si pjesa më e madhe familjarëve të zyrtarëve të Rilindjes, punon në institucion shtetëror. Në vitin 2015, ai ka deklaruar të ardhurat e bashkëshortes si Specialiste Auditi në Ministrinë e Integrimit, në shumën 699 887 lekë. Në të njëjtin vit, ai ka deklaruar edhe para cash, 2 000 000 lekë, por ka blerë dhe një apartament në Golem. Gjithashtu ai ka deklaruar se ka borxh të papaguar ndaj vëllait  në shumën 3 400 000 lekë. Përveç borxhit ndaj vëllait, ai deklaron se po shlyen dhe një kredi bankare për blerje apartamenti marrë më 19.06.2015 me principal 50 000 euro. Detyrime të papaguara në vitin 2015, ai deklaron se ka edhe ndaj Entit të Banesave në vlerën 1 218 792.

Në vitin 2016 ka deklaruar se i kaluar djalit për zhvillimin e biznesit, 2 000 000 lekë si dhe të ardhurat nga paga, ndërsa në vitin 2017 deklaron se është fokusuar në shlyerjen e borxheve dhe kredive.

Viti 2013

Bashkëpronar me 50% i një ap. banimi me sip. 130 m2 në Tiranë, blerë në vitin 2002, në vlerën 2 000 000 lekë.

Pronar i një ap. banimi me sip. 68 m2 në Lezhë, blerë në vitin 2012, në vlerën 1 226 556 lekë.

Para cash, 1 000 000 lekë.

Hua marrë me 6.04.2003 me prinicipal, 50 000 euro.

Viti 2014

Të ardhura nga paga si deputet, 2 405 923 lekë.

Bashkëshortja të ardhura nga paga, 700 000 lekë.

Djali të ardhura nga paga, 24 400 lekë.

Bashkëshortja pronare e një Fiat punto e blerë në shumën 50 000 lekë.

Detyrime vjetore për shkollimin e djalit në vlerës 3 200 euro.

LEXO EDHE:  Fotot-Fitore e madhe/ Pas 6 vitesh në pushtet, më në fund Rilindja mbylli një aks rrugor

Viti 2015

Të ardhura nga paga si deputet, 2 421 142 lekë.

Bashkëshortja, të ardhura nga paga si Specialiste Auditi në Ministrinë e Integrimit, 699 887 lekë.

Para cash, 2 000 000 lekë.

Detyrime të papaguara në vlerën 3 400 000 lekë ndaj vëllait tim sipas vendimit të gjykatës të datës 20.04.2014 lidhur me ap. banimi me sip. 68 m2 blerë nga Enti i Banesave për 1 218 792 lekë.

Detyrime të papaguara në vlerën 48 762 euro për kredi bankare për blerje ap. marrë më 19.06.2015 me principal 50 000 euro.

Detyrime të papaguara në vlerën 1 218 792 ndaj Entit të Banesave.

Djali, depozituar për zhbllokim garancie për ushtrim aktiviteti, 2 500 000 lekë.

Detyrime të paguara nga vëllai në emër dhe llogari të personit tim në vlerën -3 400 000 lekë sipas vendimit të gjykatës të datës 20.04.2014 lidhur me ap. banimi me sip. 68 m2 blerë nga Enti i Banesave për 1 218 792 lekë.

Detyrime të paguara në vlerën -2 421 euro për kredi bankare për blerje ap. marrë më 19.06.2015 me principal 50 000 euro.

Viti 2016

Të ardhura nga paga, përfitimet e tjera financiare dhe bonuset si deputet, 2 442 642 lekë.

Të ardhurat e bashkëshortes nga paga si specialiste auditi në Ministrinë e Integrimit, 699 887 lekë.

Djali të ardhura cash nga aktiviteti Ndreu-Inv, 150 000 lekë.

Gjendje cash e pakësuar me 2 000 000 lekë , kaluar djalit për zhvillimin e biznesit.

Detyrime të të papaguara,sipas deklaratës noteriale, të datës 10.12.2015, në vlerën 3 400 000 lekë.

Djali, zhbllokuar llogaria e garancisë për licensim zyre këmbimi valutor dhe kthim huaje të tretëve, 2 500 000 lekë.

Djali, gjendje llogarie bankare, të biznesit Ndreu-Inv, 2 000 000 lekë.

Shlyer në vitin 2016 -4 890 euro për kredi bankare për blerje ap. në Golem marrë më 19.06.2015 me principal 50 000 euro. Detyrimi i mbetur më 31 dhjetor është 46 245 euro.

Shlyer në vitin 2016 -136 300 lekë. Detyrimi i mbetur më 31 dhjetor është 1 082 492 lekë.

Vitit 2017

Të ardhura nga paga neto dhe përfitimet e tjera financiare si deputet, 1 881 240 lekë.

Bashkëshortja, Znj. Arlinda Ndreu, të ardhura nga paga si specialiste auditi në Ministrinë e Integrimit, 820 016 lekë.

Të ardhura pas shlyerjes së borxhit dhënë djalit në vitin 2016, shuma 1 100 000 lekë. (Në vitin 2016 i ka dhënë djalit 2 000 000 lekë për zhvillimin e biznesit i cili i ka kthyer një pjesë të huasë).

Detyrim për t’u shlyer ndaj vëllait sipas deklaratës noteriale dt. 10.12.2015, shuma 3 400 000 lekë. Nuk është shlyer asnjë këst.

Kredi bankare për blerje apartamenti në Golem, Kavajë marrë më 19.06.2015 në shumën 50 000 euro. Detyrimi i shlyer për vitin 2017, shuma 4 939 euro, detyrimi i mbetur pashlyer, 43 652.29 euro.

Detyrim për t’u shlyer ndaj një personi të cilit i është marrë një hua në shumën 50 000 euro. Nuk është shlyer asnjë këst.

Bashkëshortja, Znj. Arlinda Ndreu, pronare me 20 % e një apartamenti me sip. 90 m2, me vlerë 19 400 lekë, privatizuar nga shteti dhe paguar nga prindërit.

Djali, Z. Alvin Ndreu, pakësim i llogarisë bankare të aktivitetit Ndreu-Inv pas kthimit të një pjese të huasë marrë babait, 1 100 000lekë.

Djali, Z. Alvin Ndreu, aksioner me 10 % (me vlerë 10 000 lekë) në shoqërinë “Innovation Cosulting”.

Shpenzime për shlyerjen e kredisë për blerje apartamenti për vitin 2017, shuma 4 939 euro.

Shpenzime për një detyrim të shlyer gjatë vitit 2017, shuma 1 542 060 lekë./CNA.al

 

 

 

Aktualitet

Nga Andi BUSHATI/ Një kapak për të fikur ‘kazanin” e kritikave

Publikuar

-

By

samitti

Disa diplomatë, OSBE-ja, shoqatat ndërkombëtare të lirisë së shtypit dhe ato shqiptare të të drejtave të njeriut, po reken më kot të ngrejnë zërin, kurndër ligjit drakonian që Edi Rama ka hartuar kundër mediave online.

Ky draft, i miratuar tashmë në Këshillin e Ministrave, parashikon gjoba marramendëse (mbi 8 mijë euro) që janë baraz me falimentimin e një mediaje me buxhet të ulët dhe me me financim fraxhil. Por, sikur kjo të mos mjaftonte, në ligj i jepet e drejta AMA-s (autoriteti shqiptar i mediave), të urdhërojë heqjen e lajmeve, të marrë paratë e gjobave pa pasur ende një vendim gjykate, në emër të luftës ndaj lajmeve të pavërteta.

Kjo në fakt nuk është një lëvizje surprizuese e Edi Ramës për të kontrolluar dhe mediat e reja, kryesisht të drejtuara nga gazetarë, ashtu sikurse kontrollon katër- pesë pronarët e vetëm të TV-ve në vend.

Në vitin 2015, ai u tërhoq pas presionit të fortë ndërkombëtar nga ideja për të rikthyer dënimin e shpifjes nga Kodi Penal, i cili parashikonte burg për gazetarët. Pak më pas ai hartoi një projekt ligj të ashpër për të përfshirë edhe aktivitetin mediatik në kuadër të tregëtisë së shitblerjeve online. Krahas sharjeve, fyerjeve dhe përbuzjes për gazetarët, ai shtoi, në mënyrë të fshehtë, në paketën fiskale fundvitin e shkuar, taksën mbi raklamën, vetëm për mediat online, duke e çuar nga zero (siç e kanë TV dhe gazetat) në 20%, për të alternuar masat represive me ato financiare.

Prej disa muajsh presioni është edhe më i madh. Përgjimet fundidit të botuara nga BILD, skandalet e tenderave me dokumenta fallco të zbuluara nga mediat, parlamenti i mbushur me karagjozët e një opozite fallco dhe organizimi i zgjedhjeve lokale monopartiake e kanë bërë edhe më akute shtypjen e çdo burimi informacioni të lirë dhe të pavarur.

Pikërisht, në këtë kuadër, pothuajse kanë përfunduar tratativat për të mbyllur emisionin “Të Paekspozuarit”, i cili vetëm sezonin e kaluar, transmetoi i pari përgjimet Dako – Avdylaj dhe tenderin e Unazës së re.

Presionit të butë nuk i ka shpëtuar as edhe një program shumë më neutral dhe i balancuar si “Opinion”. Vetë Edi Rama, shefi i tij i shtypit Endri Fuga dhe Engjëll Agaçi, kanë ushtruar presion gjatë një darke pas zgjedhjeve në restorant Padam, ndaj gazetarit Blendi Fevziu, duke i kërkuar më pak prezencë të opozitës, më pak jehonë për temat e saj dhe duke i kujtuar gjithashtu se kjo shkon në drejtim të kundërt me benefitet që mer pronari i televizionit.

LEXO EDHE:  Fotot-Fitore e madhe/ Pas 6 vitesh në pushtet, më në fund Rilindja mbylli një aks rrugor

Pikërisht, në këtë kuadër, u shpall dhe tentativa për të ringjallur paketën anti shpifje aq shumë të dashur nga Edi Rama, e cila kërkon të thajë edhe ato oaze të vogla lirie që lindën në peisazhin mediatik shqiptar vitet e fundit.

Ndaj kësaj tentative kanë ngritur menjëherë zërin, OSBE, Shoqatat ndërkombëtare të gazetarëve dhe ndonjë diplomat i lartë europian.

Por, qasja e tyre, po aq sa është e dobët, po aq duket edhe naïve.

Pasi problemi që Shqipëria ka sot, nuk është ai i një lideri autoritar që kërkon të luftojë fyerjen dhe shpifjen përmes një pakete drakoniane dhe me masa që janë në kufijtë e ligjshmërisë.

Problemi real është se ne po rëshkasin drejt një regjimi diktatorial, me parlament njëngjyrësh dhe me zgjedhjet ku voton dhe fiton një partie e vetme.

Në një situatë të tillë, kur gjithçka po rokulliset drejt monizmit është e pa imagjinueshme ecja paralel me një media të lirë dhe me një drejtësi të pavarur. E para është e dënuar të shkatërrojë edhe këto të fundit. Bota nuk njeh asnjë rast, kur pushteti personal, ndarja arbitrare e parave publike, grabitja e votave dhe e tenderave të kenë bashkëjetuar me një sistem drejtësie të ndershëm dhe me një media profesionale.

Prandaj, sado përkrahëse të duken, vërejtjet dhe protestat e mefshta që janë dëgjuar këto ditë kundër paketës “anti shpifje”, ato nuk përbëjnë një zgjidhje. Sepse, në situatën e re ku kemi mbëritur, në pyetje nuk është më dilema se si do zbutet dhuna e pushtetit ndaj medias së lirë, por nëse është e munduar të ekzistojë një e tillë, përkrah diktaturës që po tenton të instalohet. Pikërisht për këtë, pa ndarë qëndrimin për qorsokakun drejt të cilit po e gremis vendin Rilindja, është donkishoteske të shpresosh se mund ta arrish kompromisin e një kohabitacioni paqësor mes saj edhe shtypit./Lapsi.al

LEXO TE PLOTE

Aktualitet

“Gojëmjaltë dhe zemërbehar”/ Muharrem Meko “ringjit” në skenë aktorin 92-vjeçar

Publikuar

-

Muharrem Meko, drejtor i RTSH Korça, përmes një postimi në rrjetet sociale, ka njoftuar ringjitjen në skenë të aktorit 92-vjeçar, Koço Qendro.

Ndoshta rast unikal në historinë e artit skenik, edhe pse 92 vjeç, s’i ndahet që s’i ndahet skenës. Ai  do të shkojë së shpejti në Gjirokastër me “Kopracin”, por edhe pjesmarrës në “Koko-Fest” , këtu në Korçë”-shkruan Meko.

Postimi i plotë

Gjithnje gojemjalt e zemer behar; si per te me zbutur kur une e qortoj se perse s’ me ben nje zile e t’i dergoj nje makine ta sjelle, me fut krahun e me terheq per nga kafja, nderkohe qe Tonin Frroku nis ta ” pershendes” me batutat e tij gjithe kolor ; – e si ka kene zotnia juj, o partizani i EAM-t…?

S’ rreshtin batutat mes tyre…Koçua folë e qesh me gjithe shpirt, duke na krijuar nje atmosfere aq gazmore …

LEXO EDHE:  Fotot-Fitore e madhe/ Pas 6 vitesh në pushtet, më në fund Rilindja mbylli një aks rrugor

Ndoshta rast unikal ne historine e artit skenik, edhe pse 92 vjeç, ne skene e bashkebisedimm, çfaq tiparet e nje aktori ne moshen me vitale te tij; memorje, energji e logjike !
S’i ndahet qe s’i ndahet skenes- na tregon se së shpejti do te shkojne ne Gjirokaster me “Kopracin”, do te jete pjesmares ne “Koko-Fest” , ketu ne Korçe etj…si edhe per monografine e sapo perfunduar, kushtuar Dhimiter Trajçes…qe sipas tij, mbetet ikona dhe themeluesi i Teatrit te pare partizan ne shqiperi …por edhe atij korçar !

Ç te them tjeter per Koçon, pervecse vizitat e tij ne Rtsh Korca, jane evente e perjetohen me mbresa, prej te gjitheve./CNA.al

LEXO TE PLOTE

Aktualitet

Socialistët kërkojnë shkarkimin nga BSH/ “Bombat” e Malajt kundër Veliajt

Publikuar

-

Ish ministri i Ekonomisë dhe Financave, Arben Malaj, dikur deputet i Partisë Socialiste, është shfaqur herë pas herë kundër politikave të mazhorancës në pushtet, e veçanerisht kryebashkiakut Erion Veliaj.

Mjafton “ti hedhësh një sy” postimeve të tij në rrjetet sociale, kundër Veliajt, për të kuptuar dhe arsyen e vërtetë të kërkesë të njëzetë e tetë deputetëve të Partisë Socialiste për shkarkimin e Malajt nga posti i anëtarit të Këshillit Mbikëqyrës të Bankës të Shqipërisë.

CNA.al risjell në kujtesë disa pjesë nga postimet e Malajt përgjatë muajve të fundit, ku sulmon kryebashkiakun Erion Veliaj.

“Tirana nuk e meriton te qeveriset nga arrogante, nga ata qe 46 muaj kane qeverisur me gjoba dhe arrogance dhe dy muaj perpara zgjedhjeve sterlodhen te paraqiten si engjej. Genjeshtrat i kane kembet e shkurtra , njerezit e thjeshte dhe taksapaguesit e kane ndjere cdo dite arrogancen dhe babezine.”

“Eshte e vertete qe tamaja e madhe te le pa gje? Ky rast duhet bashkuar me ate te milliona pemeve te mbjella 🙂 . Askush nuk duhet te gezoj qe trajton me kaq nenvleftesim dhe arrogance popullin e vendit te tij.
Shume shpejte do te mesohet se sa jane borxhet e papaguara te bashkite te cilat me ligj ndalohen te kene buxhet me deficit.”

“Nqs do te ishim strukur perballe arrogances se Veliajt residentet do te paguanin 218 milion leke per parkim diku tjeter, I hoqen gjobat per zgjedhjet apo Veliaj e kuptoi qe me shpifje nuk na trembi dot.?? Veliaj perbetohet se eshte evropian, por qeverise si Haxhi Qamili.”

LEXO EDHE:  Fotot-Fitore e madhe/ Pas 6 vitesh në pushtet, më në fund Rilindja mbylli një aks rrugor

“Cfare te mbjellesh do te korresh” kete shprehje te mencur te popullit shqiptare injoroi Veliaj kur shpifte kunder socialisteve, dhe kur padurimi per pushtet jo vetme politik e ka cuar ne kete standart te trishtueshem qeverisjes. Tiranes por edhe Shqiperise nuk i duhen kryetar bashkie thjeshte te kryetareve te partive.”

“Shpifja ka qene e vetma arme e suksesit te Veliajt. ajo e ngriti ne karriere dhe ajo do ta rrezoi. Veliaj hyri ne politike si kryetar i strukturave ”paramilitare shpifese kunder socialsiteve”. Goditi kedo qe nuk i pelqente shefit te tij. Shpifi pa pike turpi per kedo, fallsifikoj deklaratat e pasurive te deputeteve te PS.”

Kur ne vitim 2005 ne Harvard pashe disa lypesa qe diten kerkonin lemoshe dhe naten flinin ne hyrje te bibliotekes(COOP) apo ne cepa rrugesh, me mentalitetin shqiptare pyeta nje profesorin tim pse nuk i hiqni?

Pergjigjia e tij me vlen dhe sot. “Arben, studentet e Harvardit duhet ta njohin jeten ashtu sic eshte”.
I gjeta lypsat aty edhe ne 2019.”CNA.al

Akuzoi Veliajn/ Socialistët kërkojnë shkarkimin e Arben Malajt

LEXO TE PLOTE
Reklama
Reklama

Trending