LEXO PA REKLAMA!

SHKARKO APP

"Shqiptarët nuk do ta pëlqejnë"/Filmi me gangsterin shqiptar bën namin në Amerikë

20 Prill 2019, 08:40, Aktualitet CNA
"Shqiptarët nuk do ta pëlqejnë"/Filmi me gangsterin

John Rezaj, i cili nuk ka mbaruar për aktrim dhe e ka kaluar pjesën më të madhe të jetës së tij duke u shmangur nga të qenit në qendër të vëmendjes, e ka gjetur veten duke u bërë shokë me njerëzit e industrisë së filmave dhe është bindur të jetë personazhi kryesor në filmin ?Albanian Gangster?.

Filmi, i cili u xhirua për 12 ditë në Bronx, Queens dhe Brooklyn, tregon historinë e Leon (z. Rezaj), ish-pjestar në krimin e organizuar, i cili fiksohet me vrasjen e informatorit që e dërgoi në burg kur ishte i ri, pasi e takon në një lokal.

Megjithatë pavarësisht aktrimit të shkëlqyer të shqiptarit, ky i fundit ka pasur një mosmarrëveshje pas përfundimit të xhirimeve. Z. Rezaj nuk e pëlqeu titullin që zoti Brown i kishte vendosur filmit.

?Do të më gjykojnë nga titulli?, ka thënë ai.  ?Shqiptarët nuk do ta pëlqejnë aq shumë?.

John Rezaj quhet shqiptari me muskuj dhe tatuazhe që njihet thjesht si ?John? ose ?J.R.? dhe që nuk dëshiron aspak ta quajnë ?Gangsteri shqiptar?.Tani filmi ka përfunduar dhe ka marrë disa çmime në festivale prestigjioze si ai i Film Festival në Beverly Hills.

Megjithatë, zoti Rezaj, një emigrant 49-vjeçar, familja e të cilit u largua nga Shqipëria kur ishte i vogël, ka shumë miq dhe bashkëpunëtorë në rrethet e ndryshme shoqërore, disa prej të cilëve janë më pak të kujdesshëm ndaj ligjeve shtetërore në SHBA sesa të tjerët, shkruan ?New York Times?.

Në vitin 2016, ai ndihmoi një regjisor të ri që donte të mësonte më shumë për gangsterët shqiptarë.

Të dy u takuan dhe biseduan ndaj regjisori Matthew A. Brown filloi të zhvillonte një histori imagjinare për një gangster shqiptar. Pastaj një ditë, Z. Brown i bëri zotit Rezaj një pyetje të madhe: A do ta luante ai personazhin kryesor?

 

 

Burimi: New York Times

 

Lajmet e fundit nga