Connect with Us

Nga Xhovani SHYTI/ Vettingu zbulon të afërmit “zemërgjerë” të gjyqtarëve dhe prokurorëve

Aktualitet

Nga Xhovani SHYTI/ Vettingu zbulon të afërmit “zemërgjerë” të gjyqtarëve dhe prokurorëve

Publikuar

-

Ndërkohë që statistikat tregojnë se më shumë se 30 % e konflikteve gjyqësore, midis pjesëtarëve të farefisnive, ka në bazë pretendimet rreth ndarjes së pronësive, gjetjet e nxjerra nga vetëdeklarimi i gjyqtarëve dhe prokurorëve, në kuadër të procesit të vettingut, tregojnë të kundërtën.

Tregojnë se, përkundrazi, të afërm farefisnor, madje edhe pjesëtarë të krushqive, të këtyre dy kategorive të sipërpërmendura, nuk janë  as “dorështrënguar” dhe as “zemërngushtë”, por “zemërgjerë” me shumicë. Madje ka një përqasje pothuajse të barabartë midis 30 % të çështjeve gjyqësore, me bazë konfliktin ndërfisnor, dhe përqindjes së të afërmve “zemërgjerë” të gjyqtarëve e prokurorëve .

Të afërmve që të “prekur në shpirt” nga gjendja  financiare e njerëzve të tyre të një gjaku, apo rreth kryshqie, që e ushtrojnë aktivitetin në sistemin e drejtësisë  të mos ngurrojnë ti ofrojnë miliona.

Madje me llaf goje dhe jo duke aplikuar sistemin “kolateral” noterial të huadhënies, të cilin, trupat gjykuese të konflikteve të këtij lloji e sjellin si argument  bazë në dhënien e vendimeve në favor të palëve ndërgjyqësore.

Vëllezërit, motrat, vjehrri, vjehrra, prindërit, kunatat, kunetërit, bashkëjetueset, kushërinjtë etj., del të jenë “donatorë” asetesh justifikuese për ta.

Ish gjyqtari i njerës prej trupave elitare të gjyqësorit, B. D., i ka deklaruar komisioneve të vettingut se, ndër të tjera, disponon si pronë një apartament me sipërfaqe 146 metër katrorë dhe një garazh 15 metra katrorë, në Tiranë. Të dyja sqaron se i ka blerë kundrejt vlerës 180 mijë euro. Në justifikim të burimit të të ardhurave gjyqtari i lartë kishte deklaruar se 120 mijë euro i kishte marrë kredi, ndërsa 35 mijë euro qenë kursime ndër vite të tijat dhe bashkëshortes. 25 mijë eurot e tjera B.D. pretendonte se ja kishte marrë hua vëllait dhe kunatit.

Në verifikimet e ndërmarra, KPK konstatoi se në datën e aktit noterial të huamarrjes së deklaruar, kunati nuk kish qenë në Shqipëri dhe ndonëse edhe në këtë rast gjyqtari i lartë e ndryshoi deklarim duke thënë se 10 mijë euro i kishte marrë nga babai i kunatit, KPK verifikoi paaftësinë paguese të këtij të fundit për të dhuruar para…

Po e stisur doli se ishte dhe huaja prej 15 mijë euro, që B.D. e kish vetëdeklaruar si të marrë nga i vëllai, i cili jetonte në Greqi, e që, sikurse vërtetoi KPK nuk kishte patur fuqi paguese për ti dhenë hua të vëllait gjyqtar nga që, pikërisht në kohën e pretenduar për huamarrjen kishte blerë një shtëpi për vete për 40 mijë euro.

Po të njëjtin argument justifikimi përdori gjyqtari B.D. edhe për pronësinë e një apartamenti në plazhin e Golemit, për të cilin tha se e kishte në përdorim pasi ajo ishte pronë e një tjetër vëllai. Gjë që nuk vërtetohej nga kontrata e energjisë elektrike që figuronte të ishte në emër të tij dhe e paguar vetëm prej tij.

Megjithatë, pavarësisht të gjitha dyshimeve, Komisioni i Pavarur i Kualifikimit (KPK) e konfirmoi në detyrë gjyqtarin B.D., të cilin Kolegji i Posaçëm i Apelimit (KPA) e nxori jashtë sistemit të drejtësisë.

Sipas të dhenave zyrtare rezulton se gjatë vitit të parë të aplikimit të procesit të vettingut, Mars 2018, 2019 që shënon dhe nisjen e Reformës në Drejtësi, nga Komisioni i Pavarur i Kualifikimit (KPK) dhe Kolegji i Posaçëm i Apelimit (KPA) janë dhënë mbi 100 vendime, në vlerësim të gjyqtarëve dhe prokurorëve.

Procesi i vettingut përmbledh në vetëvete dhënien e vlerësimit për tre element:  kontrollin e pasurive,  lidhjet e mundshme me botën e krimit dhe aftësitë profesionale.

Veprimtaria e dy strukturave KPK dhe KPA mbikqyret nga Operacioni Ndërkombëtar i Monitorimit (ONM), i cili vëzhgon të gjithë procesin, jep vlerësimin, e rikthen proçedurën për të dyshuarit që kanë kaluar pa justifikuar njërin nga tre kriteret.

Duke u rikthyer tek statistikat zyrtare, po përmendim se ndër vendimet e dhena nga KPK,KPA, 54  prej tyre janë vendime shkarkimi për 34 gjyqtarë dhe 20 prokurorë.

Motivi që sundon marrjen e një vendimi të tillë ekstrem për më shumë se 80% të rasteve është mosjustifikimi i burimit të pasurive, fshehje e tyre, dhe deklarimi i rremë.

Po ashtu, nga vendimet e dhena janë konfirmuar në detyrë 49 subjekte të sistemit të drejtësisë,  kurse një vendim për kryeinspektoren e Këshillit të Lartë të Drejtësisë qëndron ende pezull, nga që ajo as u shkarkua dhe as nuk u konfirmua në detyrë.

Ndërkohë që më shumë se 700 punonjës të tjerë të Sistemit të Drejtësisë pritet të dalin, në ditët vijuese, para trupave të vettingut, ajo që bie në sy në këtë betejë një vjeçare është fakti se kontrolli i pasurive është elementi që dominon me shumicë marrjen e vendimit përjashtues nga sistemi të 54 ish gjyqtarëve dhe prokurorëve.

Ata nuk kanë mundur ti justifikojnë burimet ligjore të pasurive të luajtëshme e të paluajtëshme, si dhe llogaritë e majme bankare, edhe pse për këtë qëllim kanë përdorur trukimin e deklaratave pasurore ofruar komisioneve kompetente përkatëse të vettingut.

Fitimi i të ardhurave marramendëse me burim dorovitjen e parave nga të ftuarit në dasëm, fitimi i këtyre shumave nga lojrat e bixhozit, atyre të fatit si dhe llotot, por dhe dhuratat e kreditë bankare, janë vetëm pak pika në detin e burimit justifikues të pasurive të deklaruara nga gjyqtarët e prokurorët e skanuar, ndërsa marrja e shumave borxh prej të afërmve “zemërgjerë” është sunduese.

Një tjetër rast i ngjashëm është edhe ai i prokurorit të Prokurorisë së Apelit të Tiranës. L.K., që kish vetëdeklaruar si pronë një apartament me sipërfaqe 145 m2, me vendndodhje Njësinë bashkiake nr.10 Tiranë, një dyqan me sipërfaqe 132 m2, si dhe një apartament tjetër në Elbasan.

Për apartamentin 145 m2, Prokurori, fillimisht, kishte deklaruar se e kish blerë pas shitjes së një apartamenti në Elbasan për 4.8 milionë lekë. Më vonë e kish justifikuar burimin e shumës së blerjes, me marrjen e një kredie prej 55,000 eurosh, ndërkohë që në deklaratën  e vettingut pretendonte se e kish paguar për 52,000 USD.

Përveç tre shumave të deklaruara nëpër formularë të ndryshëm, akti i shitblerjes së apartamentit, me djalin e xhaxhait të tij, kishte të shënuar vlerën 2.5 milionë lekë.

Mospërputhje dhe deklarim të  rremë konstatoi KPK edhe për bleren e dyqanit prej 132 m2, ku në deklaratën vettingut, si burim të ardhurash prokurori L.K., kish përmendur shitjen e apartamentit në Elbasan, ndërsa në deklaratën periodike të depozituar në ILDKPKI kish deklaruar si burim blerjeje të ardhurat nga llotaritë sportive dhe një hua prej 1.5 milionë lekë të marrë nga një shtetas.

Për vlerën e dyqanit hetimi i KPK gjeti mospërputhje midis deklaratave periodike të ILDKPKI, asaj të vettingut, si dhe klasifikimit të të ardhurave nga “Xhoi Lloto”. Sipërfaqen e dyqanit në vitin 2003 Prokurori e kish deklaruar 86 m2, kurse në deklaratën vettingut 132 m2.  Po për burimin e pronësimit të këtij dyqani ekzitonte një kontratë dhurimi, midis ndërtuesit dhe bashkëshortes së Prokurorit.

Përveç këtyre, prokurori L. K., akuzohej se nuk kish deklaruar shumat 20 mijë dollarë e 20.300 euro depozita bankare të qena në emër të bashkëshortes, si dhe një makinë të blerë nga vajza e tij.

Në mungesë të një të dhëne zyrtare, burime mediatike flasin për  rreth 30-40% të gjyqtarëve dhe prokurorëve, të cilët në vite të ndryshme kalendarike, kanë deklaruar disponimin e shumave të konsiderueshme të parave, si dhe pasurive të paluajtshme, me burim qënien dhuratë apo marrjen borxh prej njerëzve të afërt.

Burimin justifikues për blerjen e një apartamenti me sipërfaqe 112.36 m², me vlerë 140.450 euro, ish gjyqtari i Gjykatës Kushtetuese, F. H. e ndau në dy pjesë. Përveç kredisë ai deklaronte se 28.500 euro ia kish marrë borxh kunatit. Por ai u shkarkua pasi KPK konstatoi  se vetëdeklarimi i ish Gjyqtarit nuk e justifikonte dot pasurinë e paluajtëshme dhe disa shuma  të konsiderueshme monetare të mbledhura, sipas tij, nga dasma e disaviteve më parë.

Në verifikim të pretendimeve KPK, i asistuar edhe nga përfaqësuesit e Operacionit Ndërkombëtar të Monitorimit (OMN), morrën në pyetje kunatin të cilit i kërkuan justifikimin e dhënies së kësaj shume.

“Për sa më sipër u mor dëshmia nga Z. A. G., i cili u paraqit pranë ambienteve të Komisionit të Pavarur të Kualifikimit, ku dha deklaratën e tij, pasqyruar në procesverbalin e mbajtur, më datë 21.02.2018, në të cilën konfirmoi huanë e dhënë sipas deklarimit të subjektit të rivlerësimit. Nga verifikimi i dokumentacionit në dosje, rezultoi se nga Z. A. G., nuk është depozituar asnjë dokument për justifikimin e ligjshmërisë së burimit të krijimit të pasurisë, të cilën ai e ka dhënë hua”,- thuhet në vendimin përfundimtar të Komisionit superior të vettnigut, i cili e përjashtoi F.H., nga rradhët e sistemit të drejtësisë.

Ashtu sikurse ndërmorri të njejtën vendim për reth 30 % të homologëve të tij gjyqtarë e prokurorë që megjithë trukimin nuk ja dolën të jutifikojnë pasuritë e vendosura në rrugë të dyshimta.

Është një praktik hetimi që pritet të aplikohet edhe për më shumë se shtatëqind gjyqtarët e prokurorët, të cilët pritet t’i nënshtrohen procesit të vetting-ut, sipas përparësisë së përcaktuar nga ligji dhe shortit të hedhur nga Komisioni i Pavarur i Kualifikimit./CNA.al

 

Për të rejat më të fundit behuni pjesë e grupit tonë në facebook : City News Albania

1 Koment

Komentoni

Adresa juaj email nuk do të bëhet publike. Fushat e domosdoshme shënohen *

Politikë

Murrizi bën deklaratën e fortë/ ‘Brenda tetorit do të ketë arrestime të ish-ministrave nga SPAK!’

Publikuar

-

Nga

cna lajme politike

Ish deputeti Myslim Murrizi i ftuar në emisionin “Pa Protokoll”, ka bërë një deklaratë të fortë ku tha se javën tjetër do të ketë arrestime të ish ministrave nga SPAK.

Ai tha se ka informacione se do të ketë arrestime të ish ministrave që sipas tij mund të jenë të lidhur me incerenatorët.



“Do të ketë arrestime ish ministrat javën që vjen ose brenda muajit tetor. Kam informacioneve që flas, se unë nuk shoh filaxhan, Nuk di të them se të kujt partie kanë qenë, por hajduti nuk ka parti. Por do ketë arrestime të ish ministrave. 

Po të vini re në Kuvend u shty komisioni hetimor për incerenatorët, ndoshta dhe ata kanë informacion se SPAK mund të ketë vepruar para tyre dhe mund të arrestojë ndonjë ish ministër dhe për këtë ata kanë thënë pse duhet ta ngremë presim deri seancën tjetër”, tha Murrizi./CNA.al

LEXO TE PLOTE

Kosova & Rajoni

Arrestohet ish-zyrtarja e lartë e ministrisë së Brendshme të Serbisë

Publikuar

-

Nga

Ish -sekretarja shtetërore e Ministrisë së Punëve të Brendshme të Serbisë, Diana Hërkaloviq, është ndaluar të premten (15 tetor), njoftoi Radio Televizioni i Serbisë (RTS).

Sipas informacioneve jozyrtare banesa e saj është duke u bastisur dhe ajo po merret në pyetje, raporton RTS.

Ende nuk është deklaruar policia dhe ende nuk ka asnjë informacion për arsyet e ndalimit të saj.

Diana Hërkaloviç u emërua në pozitën e Sekretares së Shtetit në Ministrinë e Brendshme në vitin 2017.

Në atë kohë, funksioni i ministrit mbahej nga Nebojsha Stefanoviq – ministri aktual i Mbrojtjes i Serbisë. Hërkaloviq përshkruhej si bashkëpunëtorja e tij më e afërt.

Në fund të majit 2019, Hërkaloviç dha dorëheqjen nga pozita e saj pa dhënë arsye.

Vuçiq padit vetveten

Emri i saj u përmend përsëri në media në janar të këtij viti 2021, kur u raportua se Hërkaloviq ishte një nga të personat që është marrë në pyetje për çështjen e përgjimit të presidentit të Serbisë, Aleksandar Vuçiq.

Ministria e Brendshme dhe Prokuroria as nuk i konfirmuan dhe as i mohuan këto pretendime, dhe Dijana Hërkaloviq nuk ka folur asnjëherë për këtë.

Në mesin e vitit 2020, tabloidet pro-qeveritare filluan të shkruajnë për lidhjet e supozuara të Hërkaloviç me një klan kriminal në Serbi. Por, policia dhe prokuria nuk kanë dhënë informacione lidhur me këtë.



Zyra e Prokurorit për krim të organizuar në Beograd ka akuzuar Veljko Bellivukun dhe grupin e tij në një rast të profilit të lartë. Bellivuk dhe 30 persona të tjerë ishin të dyshuar dhe nën hetim për pesë vrasje të rënda, trafikim të armëve dhe të drogës, një kidnapim dhe një dhunim seksual. Bellivuk u arrestua më 4 shkurt 2021 dhe më shumë arrestime vazhduan më vonë, në një rast që shokoi publikun serb.

Diana Hërkaloviq u mor në pyetje për këtë rast dhe mediat raportuan se ajo u pyet për lidhjet e saj me Bellivukun.

Sidoqoftë, avokati i saj Nenad Tasiq i tha portalit Insider se policia i bëri pyetje në lidhje me rrethanat e rrezikimit të sigurisë së presidentit, Aleksandar Vuçiq dhe familjes së tij, dhe se ajo mohoi se kishte ndonjë njohuri për këtë.

Gjithashtu, avokati deklaroi se Hërkaloviq u pyet për njohjen e saj me Slavisha Kokez, ish -presidentin e Federatës së Futbollit të Serbisë. Kokeza u mor në pyetje nga policia për lidhjen e supozuar me grupin e Bellivukut, të cilën ai e mohoi.

Pas arrestimit të Bellivukut, presidenti i Serbisë e quajti atë dhe bashkëpunëtorët e tij një “degë” të klanit kriminal malazez dhe vuri në dukje se në Serbi ishin krijuar dy grupe kriminale.

Gazetarë hulumtuesë në Serbi kanë raportuar se Bellivuk dhe disa anëtarë të grupit të tij pretendohet se gjatë seancës gjyqësore deklaruan se Presidenti i Serbisë, Aleksandar Vuçiq dhe bashkëpunëtorët e tij i kanë kërkuar [Bellivukut] më shumë shërbime.

Këto shërbime përfshijnë kontrollimin e huliganëve të futbollit dhe protestave antiqeveritare.

Presidenti i Serbisë si dhe ministri i Punëve të Brendshme, Aleksandar Vullin i mohuan këto pretendime.

Opozita në Serbi kërkoi hetim në këto pretendime që e lidhin Bellivukun me zyrtarë të lartë shtetërorë./Rel

LEXO TE PLOTE

Kosova & Rajoni

Moti i keq ‘gjunjëzon’ Greqinë Veriore/ Përmbytet aeroporti i Athinës, mbyllen shkollat

Publikuar

-

Nga

Greqia Veriore është përfshirë nga nga moti i keq, duke shkaktuar përmbytje të shumta.

Në Selanik dhe Kalkidiki trafiku është ndërprerë plotësisht ndërsa ujërat kanë përmbytur shumë zona.

Rruga nacionale Selanik-Kavala në lartësinë e Retinës është gjithashtu e mbyllur.



Në të njëjtën kohë, lumi Anthemountas është tejmbushur, duke çuar në përmbytjen e aeroportit të Pereas, ndërsa ka bllokime të trafikut.

Gjithashtu dhe shkollat pothuajse ​​në te gjithë Greqinë Veriore u mbyllen sot.

Deri më tani nga moti i keq në vendin fqinj ka humbur jetën një i moshuar makina e të cilit u rrëmbye nga uji.  Ndërkohë që Korfuzi ka shpallur edhe gjendjen e emergjencës./CNA.al

LEXO TE PLOTE