Aktualitet
Sulmi ndaj Kryeministrisë dhe Parlamentit/ Lleshaj: Akte më të rënda se grabitja në Rinas
Ministri i Brendshëm Sandër Lleshaj, nga foltorja e Kuvendit ka folur për arrestimet e protestuesve.
Sipas tij arrestimet janë bërë në kuadër të përmbushjes së përgjegjësive nga policia e shtetit.
“Nëse kemi një devijim të një polici të caktuar nuk duhet të etiketohet e gjithë policia e shtetit. Arrestimet e protestuesve kanë ardhur në funksion të përmbushjes së përgjegjësisë së policisë shtetit”, ka thënë Lleshaj.
Sipas të njëjtit, ka pasur tentativa gjatë protestës për të sulmuar institucionet kushtetuese siç janë Parlamenti dhe Kryeministria.
“Kemi pasur tentativa për të sulmuar me dhunë të mirëfilltë institucionet kushtetuese të shtetit shqiptar, si Kryeministrinë dhe Parlamentin. Këto janë sulme shumë herë më të rënda se sa grabitja në Rinas”, ka thënë Lleshaj, duke justifikuar kështu arrestimet e protestuesve./CNA.al
Politikë
Rama nxjerr pamje nga Rruga e Arbrit/ Edhe pak dhe ëndrra 100-vjeçare është realitet
Kryeministri Edi Rama pritet të zhvillojë sot takime elektorale në Dibër.
Përmes një video që ka publikuar në ‘Facebook’, Rama ka nxjerrë pamje nga Rruga e Arbrit.
Sipas Ramës, edhe pak ngelen nga koha kur kjo ëndërr 100-vjeçare të bëhet realitet. Në video shihet tuneli i këtij aksi që ende është në ndërtim e sipër.
“Për Dibër nga Rruga e ArbëritEdhe pak dhe ëndrra 100 vjeçare është realitet💪”, shkruan Rama./CNA.al
Aktualitet
BKH pa hetues/ Aida Hajnaj thirrje për kandidim
Drejtoresha e Byrosë Kombëtare të hetimit, Aida Hajnaj ka bërë thirrje të gjithë të interesuarve që të kandidojnë për tu bërë pjesë e institucionit që ajo drejton.
Për tu plotësuar përfundimisht BKH duhet të ketë 60 anëtarë. Ndaj vijon procesi i rekrutimit për 32 pozicionet “Hetues”, të pa plotësuara.
Kujtojmë se 28 kandidatet e BKH të përzgjedhur nga SPAK kanë nisur trajnimet me prokurorë e partnerë ndërkombëtarë. Kandidatët do të duhet të kalojnë testin fizik fillimisht dhe më pas një seri kontrollesh./ CNA.al
Politikë
“Jo tërmet, por qamet më 25 Prill për horrat në pushtet”/ Luan Rama paralajmëron nga Vlora
Zëvendës kryetari i Lëvizjes Socialiste për Integrim, Luan Rama nëpërmjet një postimi në rrjetet sociale ka paralajmëruar se më 25 Prill do të jetë ditë e madhe në qytetin e Vlorës.
Rama thekson se Vlora do të jetë qamet dhe jo tërmet për horrat e pushtetit, ndërsa shton se LSI-ja ka mbështetje dhe përkrahjen e qytetarëve në këtë qark.
“Çfarë force e çfarë dashurie, çfarë energjie dhe çfarë vendosmërie për të fituar në zgjedhjet e 25 prillit ka në të gjithë votuesit e LSI-së në Vlorë. Një takim emocionues në rajonin nr. 2 të qytetit, si dëshmi e mbështetjes dhe e përkrahjes qytetare, me bindjen se LSI do të fitojë në Vlorë dhe Vlora do të fitojë me LSI-në. Ndaj jo tërmet, tërmet, por qamet, qamet do të jetë 25 prilli për horrat e pushtetit”– shkruan Rama./CNA.al
