LEXO PA REKLAMA!

SHKARKO APP

Plas “lufta” mes Çim Pekës dhe Ben Blushit/ Top Story bën gati padinë

18 Prill 2019, 08:46, Aktualitet CNA
Plas “lufta” mes Çim Pekës dhe Ben Blushit/ Top Story

Me datë 28 shkurt 2019, portali i gazetarit Çim Peka publikoi një shkrim, në të cilin prtendohej se emisioni investigativ Top Story u bënte presion për ti zhvatur disa kompanive, në bazë të investigimit që kishte bërë.

Ndër të tjera në shkrimin e publikuar nga portal i Çim Pekës, thuhej se ?Top Story” është një emision në dukje investigativ i cili që prej ditës së parë, është shëndrruar në një kamzhik me të cilin po goditen ata që janë armiqtë e  pushtetit të Ramës, të jashtëm e te brendshëm. Për këtë mjafton të shikosh emision që i kushtohet Fatmir Xhafajt i cili vetëm pak kohë pasi u shkarkua nga Rama pasi tentoi të arrestonte Vangush Dakon, u telendis njëherë e mirë në “Top Story” me fakte e prova. Disa prej tyre aq intime saqë mund te ishin vetëm produkt i zyrës së propagandës së Edi Ramës. Por ndërkohë që Ben Blushi e ka vënë jo vetëm “Top Story”, por të gjithë “Top Channel” në shërbim të Edi Ramës dhe ky nuk është më sekret, duket se ai ka menduar që të bëjë edhe disa “gola” për hesapet e tij personale. Dokumenti që ka siguruar  Syri.net dhe mban firmën e kryeredaktorit të “Top Story” Endrit Habilaj dhe vulën zyrtare te Top Channel është vetëm një pjesë që tregon sesi Ben Blushi vepron me “bllokun e tij personal” duke i bërë presipn bizneseve që të paguajnë haraç. Dhe jo një haraç dosido, por nga 200 mijë euro për kokë për 4 kompani ose 800 mijë euro ne total. Sepse tashmë Beni ecën vetë, dhe me bllok në dorë madje…?.

Por, ndërkohë ka ardhur reagimi i emisionit Top Story, i cili thotë se është duke përgatitur padi për gazetarin Çim Peka.

Top Story pretendon se rasti konkret i publikuar nga syri.net, tregon më së miri se si ky portal është vënë në shërbim të shpifjes, me një shkrim të sponsorizuar nga biznesmeni Çausholli.

Sikurse pretendon emisioni, Çausholli nëpërmjet shoferit të tij personal i ka dërguar një letër ministres së Financave Anila Denaj, por jo në emrin e vet. Në letrën e nisur ministres Denaj, biznesmeni Nadir Çausholli kishte vendosur emrin e autorit të programit Top Story, Endrit Habilaj.

Top Story thotë se Nadir Çausholli nëpërmjet letrës dërguar ministres Denaj ka përdorur emrin e gazetarit Endrit Habilaj për të shantazuar pronarin e televizionit Ora Neës Ylli Ndroqi.

Pra, Top Story pretendon se nëpërmjet kësaj letre, Çausholli kishte ndezur një konflikt mes Top Channel dhe Ora News, duke përdorur emrin e një gazetari.

Emisioni Top Story po ashtu deklaron se ka tentuar të kontaktojë me biznesmenin në fjalë si dhe me gazetarin Çim Peka.

Por, sipas tyre përgjigja e këtij të fundit ishte jashtë çdo standardi gazetarie. Nëpërmjet komunikimit me telefon, Çim Peka tha se këtë shkrim e kishte për lexuesit e tij, ndërsa na intimidoi se ndaj drejtuesve të Top Channel kishte përgjime.

?Është duke u përgatitur dhe shumë shpejt do të depozitohet kërkesa për padi si ndaj syri.net, duke kërkuar shpërblim përkatës në varësi të zërave të dëmeve që ka konsumuar dhe Top Channel është në kushtet për ta vërtetuar katërcipërisht shpifjen që përmban ai lajm, që ka shkaktuar dëm të rëndësishëm në imazhin e Top Channel?, tha Lulzim Alushaj, avokat i Top Story.

Lajmet e fundit nga