Rreth 36 kg marijuanë janë sekuestruar këtë të enjte në kufirin greko-shqiptar.

Operacioni për  kapjen e sasisë së lëndës narkotike është zhvilluar në Sajadhe të Igumenicës.

Gjatë operacionit policor është ndaluar një mjet ku janë sekuestruar 28 pako me 35 kg 950 gram marijuanë. Ndëra policia ka vënë në pranga shoferin 44-vjeç.

Gjithashtu është ndaluar një mjet i dytë që shërbente për kontrollin e rrugës ku janë arrestuar një burrë 50-vjeç dhe një grua 40-vjeç. Ndërsa në këtë makinë të dytë janë sekuestruar 3 telefonë celularë./CNA.al

Kryetari i Partisë Demokratike, Lulzim Basha, është ndalur sot në qytetin e Vorës. Para banorëve  kreu demokrat u shpreh se nuk do të ketë zgjedhje me krimin.

“Nuk do të ketë më zgjedhje me hajdutët, ato do të jenë pa Edi Ramën kryeministër, zgjedhje pa krimin, qeveri tranzitore që bashkiakët që do të dalin nga këto zgjedhje të mos jenë peng i krimit, por i qytetarëve.

Kjo betejë bëhet për të çliruar Shqipërinë. Për të çliruar ekonominë. Për t’i dhënë shans çdo shqiptari  të jetojë me dinjitet dhe punë të ndershme dhe jo me vjedhje dhe sevilizëm.

Shikoni çfartë bën Edi Rama. Pesë kandidatë të pandehur. Valbona Sako, Agron Malaj, Dionis Ymeraj, Pjerin Ndreu. Duhet të ishin para drejtësisë, por sot garojnë në zgjedhje.

Kemi edhe kandidatin e Shijakut që duhet të ishte sot para drejtësisë.

Edi Rama do të diktojë përsëri zgjedhje me krimin”, shtoi më tej Basha./CNA.al

Francesca Costa, mamaja e talentit të Romës Nicolò Zaniolo, ka rënë pre e një grabitjeje në zonën rezidenciale Eur në Romë, ku dy persona me motor dhe me fytyrë të mbuluar e ndalën dhe i morën çantën.

Francesca, e cila është bërë e famshme muajt e fundit falë aktivitetit në rrjetet sociale, ka sqaruar në polici se dy grabitësit ishin italianë. Është hera e dytë brenda pak javësh që mamasë së Zaniolos i ndodh diçka e tillë, sepse në prill i vodhën makinën.

Për këtë arsye, sot Nicolò ka shkruar një mesazh në Instagram, ku në një farë mënyre paralajmëron ndonjë zhvillim madhor, duke qenë se ka kohë që flitet për largim nga Roma, për shkak të ofertave shumë të rëndësishme.

“Mamaja ime falënderon për herë të dytë ata që vodhën diçka që nuk u përket. Tepër e lehtë të shohësh një femër vetëm, ta kërcënosh me më pas t’i rrëmbesh gjërat e saj… Më pas mos u ankoni…”.