Connect with Us

Nga Elvana Gjata tek Arilena/VIP-at shqiptarë që mbijetuan në tregun muzikor pavarësisht pengesave

Aktualitet

Nga Elvana Gjata tek Arilena/VIP-at shqiptarë që mbijetuan në tregun muzikor pavarësisht pengesave

Publikuar

-

Këngëtarët e momentit, të cilët kanë punuar shumë për të arritur këtu ku janë sot, kaluan emocione, mbase dhe netë pa gjumë për të nxjerrë në pah talentin dhe vendosmërinë e tyre për atë që duan.Ata treguan që nuk ka rëndësi se si pozicionohesh në një talent show sepse ylli që ke në ballë mund të të shkëlqejë kurdoherë, mjafton që të punosh fort dhe ta meritosh fjalën artist.

Këngëtarët që do t’ju tregojmë më poshtë kanë arritur të mbijetojnë në tregun muzikor shqiptar.

“Ethet e së premtes mbrëma”, “The Voice”, ose “X Factor”, jane 3 nga emisionet më të ndjekura në ekranin shqiptar  të cilët kanë nxjerrë këngëtarë që sot janë shumë të pëlqyer nga publiku.

Mjafton të përmendim Elvana Gjatën, Xhensila Myrtezajn, Ronela Hajatin, apo Rona Nishliun dhe  mund të thuhet se “Ethet” ka qënë shkolla e parë e mirëfilltë muzikore në vend që ka krijuar artistët të cilët kemi mundësinë ti dëgjojmë sot.

Elvana Gjata

Ronela Hajati

Orgesa Zaimi

  Samanta Karavella

 Vesa Luma

Rona Nishliu

Greta Koçi

Linda Halimi

Flaka Krelani

 Xhensila Myrtezaj

 Kejsi Tola

 Olta Boka

Fifi është një nga këngëtaret më të suksesshme dhe më të kërkuara në treg. Tashmë është duke shijuar suksesin e këngës “Akoma”, por rrugëtimi i saj muzikor ka filluar që në audicionet e fshehura të “The Voice” kur ishte vetem 17 vjeçe. Ishte Sidrit Bejleri ai i cili besoi në zërin e Fifit dhe e mori në skuadër të tij. Duke parë suksesin e saj tani, besojmë se Sidriti nuk është zhgënjyer nga zgjedhja e tij e bërë vite më parë.

Një nga personazhet më interesantë në showbizin shqiptar, është Alban Ramosaj. Me mijëra ndjekës në rrjetet sociale, tashmë Albani është kthyer në një nga këngëtarët më të kërkuar në vend. Paraqitja e tij në “The Voice” dukej të ishte një start mjaft i mirë për më të voglin e “Ramosajve”, pasi që nga ajo kohë, Albanit iu hapën shumë dyer në industrinë muzikore.

Një ndër këngëtarët më të mirë të baladave, shumë i kërkuar në Kosovë dhe Shqipëri, gjithashtu një djalë mjaft simpatik. Ylli Limani fillimisht u paraqit në skenën e “The Voice” për ti lënë më pas vendin skenave të ndryshme në vend. Zëri i tij melodioz u pëlqye shumë gjatë talent show-t, por duhet thënë se fama që Ylli ka momentalisht është tejet e madhe falë talentit të tij.

Janë një ndër çiftet më të dashur për publikun shqiptar. Venera Lumani dhe Lind Islami e nisën karrierën e tyre muzikore njëkohësisht në “The Voice”. Falë këtij konkursi dyshja tashmë kanë krijuar një lidhje dashurie dhe vazhdojnë të jenë mjaft aktivë në skenën muzikore shqiptare.

Marsela Çibukaj 

Marsela Çibukaj, është një nga zërat më të mirë të muzikës live. Ajo gjithashtu ka qënë pjesë e “The Voice” duke shkuar deri në finale madje duke u renditur e dyta.

Duke qënë se sfidat bëhen duke kënduar live ajo çka del në pah tek konkurentët është pikërisht zëri, ndërsa në rastin e “X Factor” është dhe performanca ajo që luan shumë vlerë.

Arilena Ara është një tjetër këngëtare e cila u bë e njohur nga talent show “X Factor”. Në një moshë të vogël, Arilena mahnitit të gjithë me vokalin e saj duke u shpallur si fituesja e kompeticionit në vitin 2013.

Mund t’ju këtë shpëtuar si detaj por këngëtari i njohur Bruno, ka qënë pjesë e “X Factor” si konkurent. Në “X Factor Albania 1” Bruno ishte pjesë e grupit X, që u prit mjaft mirë nga publiku. Duket se vetëm këngëtarit i shkëlqeu “ylli” pasi tashmë ai njihet si Bruno i grupit “Threedots”./CNA.al

LAJMI PARAARDHËS

Trajneri i Kombëtares mbërrin në Tiranë/ Pas pak bëhet prezantimi i tij

LAJMI PASARDHËS

"Si mund të studiosh juridik pa pasur gjimnaz?"/Kim Kardashian "masakrohet" nga komentuesit

KLIKO PER TE KOMENTUAR

Leave a Reply

Your email address will not be published. Required fields are marked *

Aktualitet

Duhet mbushur arka/ Juventusi nxjerr në shitje tre emra të mëdhenj

Publikuar

-

Pas një vale blerjesh, te Juventusi po mendojnë edhe për merkaton në dalje.

Bardhezinjtë kërkojnë që të rigjenerojnë të ardhura dhe sipas mediave italiane, kanë nxjerrë në merkato 3 futbollistët e parë.

Bëhet fjalë për Gonzalo Higuain, Joao Cancelo dhe Mario Mandzukic, me treshen që nuk bën pjesë në planet e Maurizio Sarrit për sezonin e ri.

Sulmuesi argjentinas është afër firmës me Romën. Mbrojtësi i djathtë pëlqehet nga Manchester City, ndërsa për kroatin ka një interes nga Evertoni. Nga shitja e tyre, Juventus pretendon që të përfitojë rreth 80-100 milionë euro.

LEXO TE PLOTE

Aktualitet

Dikur ishte ikona e Real Madridit/ Tani rrezikon 4 vite burg

Publikuar

-

Raúl González Blanco, ikona e Real Madridit dhe trajneri aktual i Real Madrid Castilla, është një hap larg që të gjykohet për krim ekonomik dhe do të vazhdojë të hetohet për paaftësi paguese, përvetësim dhe krim të koorporatave. Sipas gazetës “El Mundo” në vitin 2008 ka falimentuar një nga kompanitë e tij për të shmangur borxhin. Ai rrezikon nga një deri ne katër vite burg nëse shpallet fajtor për krime ekonomike.

Gjyqtarët urdhëruan që procesi kundër tij të vazhdoj. Kompania “Aurantia” pretendon nga Raul një borxh prej 7.17 milionë euro, duke përjashtuar interesin, për një investim të dështuar në një projekt për energjinë e rinovueshme në Cádiz.

Ata e akuzojnë atë për zbrazjen e kompanisë së tij të aksioneve të “Europa Scar Sport (ESS)” për të kursyer borxhin. Deri tani, legjenda e Madridit ka pohuar se nuk ka kryer parregullsi. “Aurantia” gjithashtu ka denoncuar vëllanë e tij Carlos Redondo dhe nënën e tij, Maria Luisa Blanco, të cilët ai i quajti administrator të ndërmarrjes së falimentuar pas transferimit të aseteve në kompani të tjera.

Ai është legjendë e Realit të Madridit, me 228 gola në 550 ndeshje, ndërsa ka shënuar 44 gola në 102 takime me përfaqësuesen e Spanjës. Por përpara ligjit të gjithë janë të barabartë dhe Raul do të mbaj përgjegjësi nëse shpallet fajtor.

LEXO TE PLOTE

Aktualitet

Tronditet Kukësi, Valdet Rama largohet për arsyen e çuditshme

Publikuar

-

Nga

Kukësi përmbylli sezonin e tashmë ka plot 6 futbollistë pa kontrata. Ata janë Valdet Rama, Besar Musolli, kapiteni Ylli Shameti, Simon Rrumbullaku, Stivi Frashëri e Ardian Cuculi. Të gjithë këta futbollistë të Kukësit janë mjaft të lakmuar në merkato e ofertat në drejtim të tyre nuk kanë munguar.

Kjo listë me gjashtë emra ndahet në dy kategori, të afruar rishtazi po me shumë potencial si Valdet Rama, futbollistë stabël si Simon Rrumbullaku, Stivi Frashëri e Ardian Cuculi, e emblema si kapiteni Shameti dhe ndihmëskapiteni Musolli.  Kur për një pjesë të mirë prej tyre klubi ka besim se do qëndrojnë, e kundërta ndodh me ish-yllin e Kombëtares Valdet Ramën, shkruan “Panorama Sport”.

LARGIMI

Sulmuesi 31-vjeçar ishte një nga afrimet më të mira në emër dhe potencial i të gjitha kohërave te Kukësi, aq sa dhe pse lojtari kishte më shumë se një vit pa luajtur, i gjithë opinioni sportiv në vend e trumbetoi me të madhe afrimin e tij te Kukësi. Dhe pse Rama vetë nuk pranoi të prezantohej më si “yll” dhe me shumë bujë, ai zgjodhi të punojë në fushë. Dhe ia doli.

Për diçka më tepër se një muaj ai arriti të debutojë me Kukësin, e më pas punoi duke luajtur 10 takime në Superiore e duke shënuar 2 gola. Luajti 4 takime në Kupën e Shqipërisë ku shënoi 1 gol e dy në Kupat e Europës. Pra, dhe pse kishte më shumë se një vit pa luajtur, ai e arriti shpejt formën fizike dhe performoi mjaft mirë te Kukësi, ku në pak kohë u bë një prej shtyllave të ekipit. Kontrata e Ramës ishte 6 muaj me të drejtë rinovimi për një vit me Kukësin, por nga burime të sigurta pranë lojtarit, gazeta mëson se ai nuk do të jetë më pjesë e Kukësit për sezonin e ri. Nuk do të rikthehet më te Kukësi.

Gazeta mëson ekskluzivisht dhe arsyen se pse 31-vjeçari është krisur me klubin. Rama është paguar korrektësisht me data dhe çdo gjë sipas kontratës deri në momentin e përfundimit të Kupës së Shqipërisë. Ai ka pasur një bonus prej 5 mijë eurosh për të marrë nga Kukësi si pasojë e fitimit të Kupës së Shqipërisë, të cilën nuk e ka marrë. Ky veprim i pakoordinuar dhe i papaguar në kohë përmes drejtuesve të klubit ka bërë që futbollistit t’i mbetej hatri dhe të mendonte largimin. Kjo jo për shumën, por për gjestin.

Tashmë mbetet për t’u parë çfarë do të ndodhë, por një rikthim i Ramës duket i pamundur. Në adresë të 31- vjeçarit kanë ardhur disa oferta mjaft interesante nga Gjermania, Kroacia, Kazakistani e Katari, madje dhe nga klube të tjera shqiptare, sidomos prej dy ekipeve të kryeqytetit, të cilat mbeten për t’u vlerësuar nga Rama dhe menaxheri i tij. Drejtori Nexhipi është angazhuar për të negociuar me sulmuesin e krahut, por do ta ketë mjaft të vështirë ta bindë.

LEXO TE PLOTE