Connect with Us

E denoncoi në polici/ Bashkëshorti rreh barbarisht të shoqen

Aktualitet

E denoncoi në polici/ Bashkëshorti rreh barbarisht të shoqen

Publikuar

-

Ish kryeministri Sali Berisha ka publikuar denoncimin e avokates Vasilika Hysi për mos zbatimin e urdhërit të ndalimit nga ana e policisë.

Hysi shkruan se shtetasja L. Dida është rrahur barbarisht nga bashkëshorti i saj dhe pavarësisht denoncimit të njëpasnjëshëm, ai ka vazhduar të ushtrojë dhunë.

Postimi i plotë:

Me urdher mbrojtje por keqtrajtohet çnjerezisht nga ish bashkeshorti.

Ne kete vend mbrojtje te sigurte kane vetem banditet.

Lexoni mesazhin e avokates se gruas se dhunuar! sb

Pershendetje.

Më vjen keq që me këtë letër do t’u drejtohem të gjitha institucioneve ligjezbatuese dhe atyre te mbrojtjes se atyre grave që janë të pambrojtura dhe viktime e krimit dhe dhunes ne familje.

Seri sa do te vazhdoj mungesa e vemendjes se institucioneve shteterore si Policia e Shtetit, Zyrat e Sherbimit Social, ne rastet e dhunes ne familje???

Marr shkas nga rasti i fundit per ngjarjen e ndodhur ne Zejmen Lezhe,

Shtetasia L. Dida, e keqëtrajtuar dhe dhunuar nga bashkeshorti i saj , me urdher mbrojtje te leshuar nga gjykata Lezhe, por te pa vene ne ekzekutim nga institucionet ligjezbatuese si Policia Shtetit dhe Zyra e Sherbimit Social Lezhë.

Pas marrjes se urdherit te mbrojtjes rrihet barbarisht nga bashkeshorti i saj .

Shtetasia L.Dida në datë 10.04.2019 ka paraqitur kërkesën për urdhër të menjëhershëm mbrojtje në Gjykatën e Rrethit Gjyqësor Lezhë ku gjykata ka vendosur … I padituri të mos i afrohet paditësës L.Dida përtej një distance 50 m. 2. I padituri të mos cënojë, ngacmojë apo kontaktojë me paditësen Liza Doda. 3. I padituri të mos kërcënojë paditësen. 4. I padituri të mos kryejë vepër të dhunës në familje ndaj paditëses”, për një afat 12 muaj.

Sipas shpjegimeve para gjykatës në momentin e urdhërit të mbrojtjes, paditesia ka deklaruar se ka rreth 10 vite me konflikte dhe mosmarrëveshje. Ka rreth më shumë se 3 vite që e ka nxjerrë në oborr te banesës.. Këto veprime i bën në mënyrë që te largohej nga shtëpia .

E ka dhunuar disa herë edhe në sy të fëmijëve ku ka ushtruar dhunë edhe ndaj tyre. E ka lënë të flej jashtë shtëpisë me netë të tëra. I eshte drejtuar policisë ku ka deklaruar se ky person edhe mund ta vrasi., por asnje mas.

Sipas deklarimeve te znj.Dida në Gjykatë nga punonjesit e policisë nuk eshte marre asnje mas në lidhje me ankesat e saj. Mosveprimi i tyre ka sjell deme te vazhdueshme ne shendetin e saj, ku ka përfundur edhe në gjendje kome për shkak të dhunës së ushtruar vite më pare.

LEXO EDHE:  Trafiku i drogës/ Zbulohet si transportohet kanabisi nga Himara

Se fundmi mbasi Znj.Dida mori guximin dhe ju drejtua gjykates , sa po ra ne dijeni dhunuesi (bashkeshorti i saj) te keti vendimi gjyqësor e masakroj bashkeshorten e vet duke e lene ne gjendje te rende shendetesore.

Femrat ndihen të pambrojtura edhe me vendime gjykate. Policia, prokuroria, zyra sociale, nuk funksionojnë në këto raste, vendimet e gjykatës nuk zbatohen dhe nuk ekzekutohen.

Praktikisht jam në një gjëndje të pambrojtur de facto. Dhe si ankuesia janë shumë femra të tjera në Shqipëri.

Duhet të ndryshohet sistemi i mbrojtjes ndaj gjinisë më të dobët, të përkrahet e të promovohet në shoqëri, e jo të dhunohet sa herë të mundet si gjini më e dobët fizikisht.

Ministria Manastirliu publikon shpesh lajme per Mbrojtje për gratë viktima të dhunës, por cila eshte mbeshtetja sociale per keto raste ne realitet ?? Azgje vetem lajme dhe reklama televizive.

Fjalet e Ministres

“Sot një grua që denoncon dhunën është shumë më e mbrojtur sepse me ndryshimet ligjore që miratuam në Kuvend, garantojnë urdhrin e menjëhershëm të mbrojtjes për gratë viktima të dhunës në 24 orët e para të denoncimit…

Ne fakt Znj.Didi, e besoi dhe denoncoi dhunen ne daten 10 prill 2019, “u mbrojt nga ndryshimet ligjore” dhe ne daten 16 prill 2019 ne mesnat u gjend ne gjendje te masakruar ne Spitalin rajonal te Lezhes.

A mundet Ministria te spjegoj arsyen pse nuk u vu ne zbatim urdhri i mbrojtjes dhe kush jane pergjegjesit e kesaj situate???

Mjafte me.

Rastet e dhunës në familje janë shndërruar në një fenomen shqetësues për shoqërinë tone dhe institucionet duhet te mbajne pergjegjesin ligjore per zbatimin e ligjit, dhe jo te bejne lajme sa per reklam te zgjidhjes se problemeve.

Bashkelidhur do të publikojme foto te znj.Dida per te ndihmuar ato gra te tjera që vuajn dhunen ne familje dhe ndergjegjesuar organizmat shteterore per zbatimin e ligjit.

Cfar beri policia e shtetit per zbatimin e Urdhrit te Mbrojtjes???? Azgje.

Cfar beri Zyra e Sherbimit Socail Lezhë për zbatimin e Urdhrit te Mbrojtjes??? Azgje.

Cfar beri gjykata per dergimin e vendimit te Urdhrit te Mbrojtjes ne insitucionet e posacme Brenda 24 oreve??? Azgje.

Institucionet ligjezbatuese keto, nuk munden ne kohe te marrin masat.Cfar mund te thote znj.Ministre?? Mjaft me , mjaft vetem me reklama pasi cdo dite ka nje numer te konsiderueshem grash te dhunuara, I zbatoni ato që keni shkruar e publikuar.

Ju faleminderit

Avokate Vasilika Hysi /CNA.al

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Trafiku i drogës/ Zbulohet si transportohet kanabisi nga Himara

LEXO EDHE:  Sali Berisha i përgjigjet publikisht Vangjush Dakos/Kam dokumente, skandali ku fshihen miliona euro të pista!

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Kush e kërkon “kokën” e Saimir Tahirit/ Ish-kryeministri zbardh skenarin

LEXO EDHE:  Arben Imami i përgjigjet Berishës: Basha asgjë për bashkimin e PD-së

 

LEXO TE PLOTE
Lajme të Rekomanduara: