Connect with Us

Deklarata e fortë e Spartak Ngjelës/ Berisha, Rama, Meta dhe Basha janë “ngelës”

Aktualitet

Deklarata e fortë e Spartak Ngjelës/ Berisha, Rama, Meta dhe Basha janë “ngelës”

Publikuar

-

ngjela deputetet e opozites deshmore

Avokati i njohur Spartak Ngjela, i ka cilësuar si “ngelësa” në politikë, ish-kryeministrin Sali Berisha, kryeministrin Rama, presidentin Meta si dhe kreun e PD-së, Lulzim Basha.

Në një postim në rrjetet sociale, Ngjela shkruan se politika është një shkollë, e cila ka qenë e pamundur të mësohej nga katërshja Berisha, Rama, Meta dhe Basha.

“Politika është shkollë. Por kjo shkollë ka qenë e pamundur të mësohej nga katërshja Berisha, Rama, Meta dhe Basha. Këta asnjëherë nuk iu drejtuan racionalizmit, por vetëm gënjeshtrës dhe kërcënimit me destabilizim të Shqipërisë. Po vallë, a e kuptojnë dot këta gjykimin racional! Jo, nuk e kuptojnë dot. Prandaj, që të katërt, gjithmonë kanë sunduar me anë të manipulimit të zgjedhjeve dhe me korrupsion. Sepse kanë dashur të sundojnë dhe jo të menaxhojnë shtetin shqiptar.”-shkruan ndër të tjera Spartak Ngjela.

Sipas Ngjelës, asnjëherë këta nuk luajtën për interesin kombëtar, kurse tani janë në prag të falimentimit.
“Është kjo arsyeja që, që të katërt, janë duke ecur drejt likuidimit të tyre.”-thekson avokati Ngjela.

Postimi i plotë i Ngjelës:

Politika është shkollë. Por kjo shkollë ka qenë e pamundur të mësohej nga katërshja Berisha, Rama, Meta dhe Basha. Këta asnjëherë nuk iu drejtuan racionalizmit, por vetëm gënjeshtrës dhe kërcënimit me destabilizim të Shqipërisë. Po vallë, a e kuptojnë dot këta gjykimin racional! Jo, nuk e kuptojnë dot. Prandaj, që të katërt, gjithmonë kanë sunduar me anë të manipulimit të zgjedhjeve dhe me korrupsion. Sepse kanë dashur të sundojnë dhe jo të menaxhojnë shtetin shqiptar. Asnjëherë këta nuk luajtën për interesin kombëtar. Kurse tani janë në prag të falimentimit.
Është kjo arsyeja që, që të katërt, janë duke ecur drejt likuidimit të tyre. Po si?

I. Politika amerikanë dhe ajo gjermane tani kanë gjithçka në dorë në Shqipëri. Dhe ky ishte shpëtimi i Shqipërisë dhe shqiptarëve pas dyqind vjetësh luftë për të shpëtuar ekzistencën e tyre të kërcënuar me shfarosje etnike.
Amerikanët, në vitin 2016, formuluan kushtetutën shqiptare antikorrupsion dhe antitirani në Shqipëri. Kushtetuta përmban në vetvete procedurën e likuidimit të korrupsionit të lartë shtetëror.
Berisha që e ndjeu menjëherë rrezikun e likuidimit të tij penalisht, me shumë pasion kërkoi të krijonte një krizë tërësore në Shqipëri edhe pse me forcë u detyrua të votonte kushtetutën. Ai ka tani tre vjet që po i luan të gjithë gurët e destabilizimit të Shqipërisë, dhe ka dështuar.
Por, çfarë po ndodh me Ramën?

II. Rama, në dy vjet rresht, ndonji thuajse pasiv, ndërsa tani ndihet i mpirë politikisht në funksion të reformës, të cilën ai kuptohet që nuk e do.

Kurse politika amerikane veproi ndryshe. Në funksion të Reformës në Drejtësi, asaj i erdhi përshtat djegia e mandateve të deputetëve të Partisë Demokratike. Duke i dominuar tani hordhitë antireformë të Saliut, ajo po e dominon dhe Ramën me politikë.
Likuidimi i të korruptuarve të PD-së kuptohet që erdhi nga akti naiv i Berishës.

Berisha pasi iu imponua deputetëve të PD-së që këta të dilnin nga Parlamenti duke djegur mandatet e deputetit, menjëherë deklaroi: “ka krizë elektorale, janë manipuluar zgjedhjet”, dhe prandaj duhet të dekretoheshin zgjedhjet e reja parlamentare.
Por memjëherë politika amerikane deklaroi që nuk ka krizë dhe, edhe Parlamenti është legjitim, edhe zgjedhjet e vitit 2017 janë legjitime.

Por, pasi pranoi me deklarim që nuk ka krizë dhe as jolegjitimitet të Parlamentit, me një politikë shumë të hollë, politika amerikane përkrahu zëvendësimet në Parlament me deputetët e rinj të listave të pritjes, të cilët ishin të votuar njëlloj si edhe ata që lanë mandatet.

E gjithë kjo lojë e saktë politike, në raport të drejtë edhe me personalitetin e lartë që ka fjala e politikës amerikane në Shqipëri, nuk i dha fare ushqim opozitarizmit jashtë Partisë Demokratike dhe i mpiu protestat, të cilat tani janë të reduktuara deri në mospërfillje.

Mbas kësaj, politika amerikanë, e mbështetur edhe nga politika gjermane, e dominoi vetë politikën shqiptare duke e likuiduar menjëherë opozitën antireformë nga Parlamenti, sepse, siç e thamë më lart, ajo hapur përkrahu deputetët e rinj zëvendësues. Realisht me kërë kundërpërgjigje elokuente ndaj politikës së Berishës, politika ndërkombëtare e dominoi përfundimisht vetë Parlamentin për ta vendosur atë kryekrejt në shërbim të Reformës në Drejtësi.

lll. Kjo ishte lëvizja me të cilën politika amerikane dominoi dhe vetë Ramën, sepse, pas riformulimit të Parlamentit, Rama nuk ka më asnjë justifikim për Reformën në Drejtësi. Deri tani Rama justifikohej se nuk kishte vota në Parlament. Kurse ndërkohë ndihet i mpirë politikisht, sepse e ka kërcënuar me fakte kompromentuese edhe Zëri i Amerikës.

Mpirja e Ramës, në fakt, para katër ditësh, i dha forcë KLP-së që të avancojë drejt përfundimit të SPAK-ut. Ngritja e SPAK-ut krijon realisht mundësinë juridike për fillimin e luftës antikorrupsion në rrethet e larta të politikës shtetërorë. Dhe kjo në vetvete do të hapë epokën e re të shoqërisë shqiptare, jo vetëm në Shqipëri, por edhe në Kosovë, në Mal të Zi dhe në Maqedoni. Eliminimi i klasës së korruptuar politikë në Tiranë, do të ndryshojë menjëherë vetë politikën e shtetit shqiptar me Serbinë dhe Maqedoninë, gjithmonë në favor të bashkimit kombëtar të të gjithë botës shqiptare në Ballkanin Perëndimor.

Ka njëqind vjet që politika shqiptare ka luajtur kundër interesit shqiptar dhe në favor të fqinjëve pushtues. Eliminimi masiv i klasës së korruptuar të politikës shqiptare, krijon realisht strukturën e Arbërisë moderne. Edhe sot, korrupsioni në Tiranë dhe në Shkup, është ai që errëson zhvillimin shqiptar. Madje, po ta shohësh me vëmendje analitike, edhe korrupsioni i politikës së lartë në Prishtinë nuk luan në interes të bashkimit shqiptar, se kuptohet që luan për interes të Beogradit.

Por eliminimi tërësor i klasës së korruptuar politike në Tiranë, hap menjëherë historinë e re të shqiptarizmit në të gjithë Ballkanin Perëndimor, sepse menjëherë fillon likuidimi i krerëve shqiptarë të korruptuar në Prishtinë dhe në Shkup.
E kuptoni tani se përse likuidimi i korrupsionit të lartë politik në Tiranë është domosdoshmëri historike për zhvillimin gjithëshqiptar në Ballkanin Perëndimor? Dhe, e kuptoni gjitashtu se përse politika e Perëndimit të lartë është e interesuar kryekrejt për ta mbaruar me sukses në Shqipëri Reformën në Drejtësi?/ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE

Aktualitet

Teuta i ‘rrëmben’ Kukësit Stivi Frashërin

Publikuar

-

Nga

Ende s’është bërë zyrtare, por Stivi Frashëri do të jetë largimi i radhës te skuadra e Kukësit. Burime të sigurta pranë futbollistit bëjnë me dije për newsport.al që titullari i portës verilindore nuk do të vijojë më bashkëpunimin me nënkampionët.

28-vjeçari korçar preferon të ndërrojë ambient në sezonin e ri dhe të njëjtat burime tregojnë se është arritur akordi me “Djemtë e Detit”. Pra, në edicionin e ri futbollistik ai do të mbrojë katërkëndëshin e skuadrës së Bledi Shkëmbit.

Kujtojmë që “gardiani” i njohur është prej dy vitesh pjesë e Kukësit. Paraqitjet e tij me verilindorët kanë qenë relativisht pozitive, por shpesh herë nuk ka mundur t’i shpëtojë edhe kritikave.

Ka një CV të pasur pasi ka kontribuar me skuadra me emër si Flamurtari, Tirana, ndërsa është formuar te ekipi i Bylisit. Tashmë pritet të shihet se si do të vijojë aventura e tij e re në portën e durrsakëve.

LEXO TE PLOTE
Lajme të Rekomanduara: