Connect with Us

“Rama kundër pronës private”/ Tabaku i përmend vendimet e Strasburgut

Aktualitet

“Rama kundër pronës private”/ Tabaku i përmend vendimet e Strasburgut

Publikuar

-

Ish deputetja e PD-së, Jorida Tabaku, në një postim në rrjetet sociale ka reaguar në lidhje me atë që ka bërë qeveria Rama kundër pronës publike dhe private në 6 vite qeverisje.

Tabaku duke iu referuar raportit të Gjykatës Europiane të Strasburgut shkruan se Shqipëria zë vendin e parë në Europë përsa i takon çështjeve të pronësisë.

Sipas Tabakut, gllabërimin e pronës publike e gjejmë tek rasti i kompanisë “Fusha Shpk” e cila do të merrte në pronësi tokën tek teatri kombëtar.

Postimi i Tabakut:

Cfarë ka bërë qeveria Rama kundër pronës private dhe publike në 6 vite!

Gjykata Europiane e Strasburgut; vetëm vitin e kaluar 14 milionë Euro dëme për shtetin, i jep të drejtë pronarëve të ligjshëm!

Në raportin e fundit të Gjykatës Europiane mbi çështjet në gjykim dhe vendimet e saj, Shqipëria zë vendin e parë sa i takon çështjeve të pronësisë. Plaga e buxhetit të shtetit, ekonomisë por edhe pronarëve vazhdon të lëngojë ndërsa drejtësia kërkon të zbatohet. Fatkeqësisht, qeveria dhe njerëzit që drejtojnë atë në gjashtë vite kanë prodhuar vetëm ligje që nuk shërojnë plagët por i përkeqësojnë.

Vendimi i parë i qeverisë Rama ishte ai i tjetërsimit të 18 000 Ha prone të vendosura nga qeveria e fundit demokratike në dispozicion të pronarëve për kompensim fizik, të cilat i kaluan ministrisë së bujqësisë dhe që kurrë nuk u vendosën në përdorim. Vendimi i dytë ishte dhe më arbitrar, votimi i një ligji investimesh strategjike me përcaktimin që prona e pronarit merret nga shteti për një shumë qesharake dhe i falet investitorit. Një ligj që ka hapur një sërë problemesh sidomos në brigjet e jugut të Shqipërisë. Më pas do të vinte radha e ligjit të Kompensimit të Pronave, që nuk u kthente kurrgjë pronarëve dhe u kompensonte vetem një pjesë të vogël të shumës së pronës. Kjo e fundit llogaritej mbi çmimin e pronës në vitin 1945. Pra një pronë në mes të Bllokut do të vlerësohej me çmimin e vitit 1945 dhe do të kompensohej jo 100% nga qeveria me atë çmim. Sot pronarët po detyrohen të firmosin kontrata për kompensim të vetëm 20% të vlerës së pronës.

Natyrisht, çdo vendim i qeverisë në dëm të pronës private shoqërohej me një gllabërim të saj ndaj pronës publike. Shembullin më të mirë të kësaj lidhje e gjejmë në Ligjin Fusha. Ky ligj special i destinuar për firmën FUSHA shpk që do të prishte teatrin kombëtar, do të mundësonte ndërtimin e 8 kullave atje ku sot ndodhet godina historike e teatrit. Gjithashtu shkatërrimin e pedonales, për të cilën BE ka shpenzuar 2 mln euro.

Qeveria qendrore dhe kryeministri, vendosën të nxjerrin në punë parlamentin për të firmosur një dhuratë që kish bërë ndërmend t’ia jepte Fushës. Ndërsa kryebashkiaku Veliaj, imitoi deri në detaj shefin e tij duke shkelur me të dyja këmbët ligjin e pushtetit vendor. I dhuroi kompanisë Fusha shpk një sipërfaqe në pronësi të Bashkisë Tiranë pa 2/3 e votave në Këshill Bashkiak. Pjesa e mbetur e sipërfaqes, është në pronësi të pronarëve privatë të cilët nuk i kanë dhënë asnjë firmë për ndërtim kompanisë Fusha shpk. Por, siç duket Fusha do të përdorë pushtetin e qeverisë për t’ua marrë me përdhunë.

Hapi i radhës i qeverisë Rama, në kurriz të pronarëve, është krijimi i Korporatës së Investimeve Shqiptare. Një projektligj që kanalizon çdo pronë publike (dhe private që është në administrim publik) të qytetarëve në duart e kryeministrit (Arkitektit real të këtij projektligji). Kjo korporatë, për të qenë mbi ligjin pasi është një feud personal i kryeministrit, do të jetë e përjashtuar nga Ligji i Prokurimit Publik. Korporata e Investimeve Strategjike është gjetja më e fundit djallëzore me të cilin Kryeministri angazhohet për të fundit herë për të marrë çdo lloj prone publike dhe private në vend.

Pikërisht nën frymën e projektligjit për Korporatën e Investimeve Strategjike si dhe ligjit të Investimeve Strategjike u shkrua dhe VKM 708 e datës 27.02.2019, në të cilën qeveria rishtetëzonte pronat private në jug të vendit. Do të ishte fati me pronarët, pasi në mungesë të një Gjykate Kushtetuese (që mungon prej 1 viti), qeveria Greke ndërhyri duke pyetur deri edhe komisionerin Hahn për problemin e pronave në Shqipëri. Ndërkohë që qeveria shqiptare vazhdon të mashtrojë delegacionin e BE dhe shqiptarët mbi plotësimin e kushteve të vendosura, ku prona është prioritet kyç. Pasi në fund të ditës, kushti i pronës nuk është plotësuar nga qeveria Rama dhe fatkeqësisht për pronarët sjellja e qeverisë ndaj pronës private është përkeqësuar.

Aktualisht, qeveria e ka shtyrë edhe për pak kohë implementimin e VKM-së që do t’i hapte rrugë thjeshtëzimit të kalimit të këtyre pronave në buxhetin e kompanisë personale të kryeministrit Rama. E cila nëse do të krijohet do të jetë pronarja më e madhe në Shqipëri, duke shndërruar kështu Edi Ramën në hajdutin më të madh të pronave në rajon.

E të mos harrojmë VKM pa fund që japin me 1 euro pronat e pronarëve bizneseve në përdorim, asnjë vendim real për kthim prone në 6 vite të funksionimit të agjensisë dhe dhjetëra shtëpi që shemben në shkelje të ligjit duke flakur banorët jashtë tyre.

Ka ardhur koha që prona të vlerësohet dhe pronari të respektohet. Projekti i PD jo vetëm që nuk lidhet me tjetërsimin e pronës dhe as shtetëzimin e tij për interesa personale. Përkundrazi, projekti jonë për pronën dhe tokën lidhet pashmangshmërisht me ekonominë dhe rigjallërimin e saj. Prona e pronarit të mos jetë më plaçka e zilisë që qeveria dëshiron ta gllabërojë, por të jetë e drejta që e gëzon i zoti. Parimi jonë ndaj pronës është po aq i shenjtë sa ndaj Zotit, familjes dhe atdheut./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Makina përplas këmbësoren/ Në gjëndje të rëndë 47-vjeçarja

Publikuar

-

Nga

Një ngjarje e rëndë  ka ndodhur ditën e sotme  në “Patos fshat”.

Një mjet tip “Audi” ka përplasur këmbësoren A.M 47-vjeçe.

Drejtuesi i mjetit është larguar nga vendngjarja.

Mësohet se A.M ndodhet në gjëndje të rëndë në spital./CNA.al

LEXO TE PLOTE

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE