Connect with Us

Horoskopi i ditës, 13 prill 2019

Aktualitet

Horoskopi i ditës, 13 prill 2019

Publikuar

-

DASHI 21. mars – 20. prill

Nëse marrëdhënia juaj me partnerin është ftohur kohet e fundit sot duhet te bëni te pamundurën për ta ndryshuar situatën. Nëse i lini gjerat pas dore situata edhe mund te ndërlikohet. Beqaret do kenë një dite te favorshme dhe do arrijnë te bëjnë për vete cilindo person qe do i vene syrin. Nëse me shpenzimet nuk e shtrëngoni rripin situata mundet edhe t’iu dale jashtë kontrollit.

DEMI 21. prill – 21. maj

Gjate kësaj dite kane për te fryre stuhi te fuqishme ne jetën tuaj ne çift. Nuk do keni te njëjtat shije me partnerin dhe do doni te veproni sipas mendjes tuaj. Ky do jete gabimi me i madh. Beqaret duhet te ruajnë sa me shume qetësinë sepse duke u nxituar nuk do bëjnë zgjedhje te mira. Ne planin financiar duhet te reflektoni disa here para se te veproni ne mënyrë qe mos gaboni.

BINJAKET 22. maj – 21. qershor

Sado qe te mundoheni sot, Jupiteri nuk do ju lejoje qe ta përmirësoni marrëdhënien tuaj ne çift. Ne shume momente debatet do jene te vazhdueshme. Ju beqaret duhet te hiqni dore nga disa kërkesa strikte sepse ashtu nuk keni për ta gjetur dike qe te kaloni jetën. Me shpenzimet tregohuni te kujdesshëm sot q1e edhe e nesërmja te mos ketë aspak probleme.

GAFORRJA 22. qershor – 22. korrik

Nëse jeni ne një lidhje, ka mundësi qe jeta juaj te filloje te stabilizohet. Do jeni te gatshëm te hapni rruge dhe për gjerat qe ju kane munduar do flisni lirshëm. Jeta e beqareve do jete e zakonshme dhe pa ndonjë takim te veçantë. Me mire le te presin edhe pak kohe për ndryshime. Me financat nuk do keni aspak probleme dhe do ndiheni te qete edhe kur te kryeni shpenzimet e nevojshme.

LUANI 23. korrik – 22. gusht

Dite shume elektrizuese do jete kjo e sotmja për ju qe keni një lidhje. Nuk do jeni te drejtpërdrejtë dhe do bëni gjera qe ne fakt partnerit nuk do i pëlqejnë aspak. Beqaret me shume mundësi do përjetojnë emocione te këndshme fale takimeve qe do realizojnë. Do e kenë vete ne dore te ardhmen. Ne planin financiar mos kërkoni te pasuroheni pa u përpjekur sepse kjo nuk është e mundur.

VIRGJERESHA 23. gusht – 23. shtator

Dite e mbushur me bashkëpunim dhe mirëkuptim do jete kjo e sotmja për ata qe janë ne një lidhje. Nuk do doni te shkëputeni për asnjë çast prej atij qe keni ne krah. Beqaret nuk do mundin dot te fillojnë një lidhje te qëndrueshme dhe kjo do i mërzitë paksa. Financat nuk do jene te qëndrueshme kështu qe çdo gabim i vogël mund te kushtoje shtrenjte.

PESHORJA 24. shtator – 23. tetor

Marrëdhënia juaj ne çift nuk do ece aspak mire sot dhe ne disa momente mund te mendoni edhe për ndonjë ndarje. Mos u nxitoni sepse keni për t’u penduar mjaft. Beqaret nuk do e gjejnë dot dashurinë e tyre te madhe edhe pse ne fakt nuk do rreshtin se e kërkuari. Ne planin financiar do jene femrat ato qe do kenë me tepër fat. Meshkujt duhet te bëjnë pak kujdes.

AKREPI 24. tetor – 22. nëntor

Dite premtuese di jete kjo e sotmja për ata qe janë ne një lidhje. Do keni një marrëdhënie te shkëlqyer me partnerin dhe nuk do preferoni te shkëputeni asnjë çast prej tij. Beqaret me ne fund do gjejnë një person interesant me te cilin do ja vleje te krijohet një lidhje. Buxheti do ekuilibrohet tej mase sepse do dini si te veproni ne çdo moment. Jepuni këshilla edhe miqve.

SHIGJETARI 23. nëntor – 21. dhjetor

Mos e lini asnjë moment pas dore partnerin tuaj sot sepse disa persona mund te përfitojnë nga kjo dhe mund t’ua marrin nga duart. Beqaret do tregohen me te arsyeshëm, do dini ke te joshin dhe me çfarë mënyre. Ka mundësi qe sot te ndodhin gjera te mëdha. Ne planin financiar situata mund t’iu dale tërësisht jashtë kontrollit sepse do shpenzoni pa u menduar aspak.

BRICJAPI 22. dhjetor – 20. janar

Juve qe jeni ne një lidhje do filloni te bëni projekte afatgjata sot me atë qe keni ne krah dhe marrëdhënia ne çift do jete e shkëlqyer. Beqaret nuk do dine si ta bëjnë për vete një person qe pëlqejnë dhe do vazhdojnë te mbeten te vetmuar si me pare. Financat nuk do jene aspak te qëndrueshme sepse keni kohe qe nuk dini si t’i menaxhoni te ardhurat.

UJORI 21. janar – 19. shkurt

Juve qe jeni ne një lidhje mund te bëni edhe çmenduri gjate kësaj dite vetëm qe marrëdhënia ne çift te ece sa me mire te jete e mundshme. Do bini dakord për shume gjera. Beqaret nuk do mendohen dy here, por do hidhen direkt ne krahët e atij qe pëlqejnë. Ne planin financiar do keni fat me shumice dhe gjendja do filloje te stabilizohet tej mase. Vazhdoni ne këtë rruge.

PESHQIT 20. shkurt – 20. mars

Ka rrezik te keni konflikte ne çift gjate kësaj dite dhe nuk do ndiheni mire për asnjë moment. Secili prej jush do e ngrejë zërin fort dhe do doje qe te dale e veta. Beqaret me ne fund do arrijnë ta gjejnë dashurinë dhe do fillojnë një lidhje te qëndrueshme. Ne planin financiar mos kërkoni te pasuroheni menjëherë, por bëni durim. Shume shpejt gjerat do stabilizohen.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Horoskopi i ditës, 13 tetor 2017

LEXO EDHE:  Horoskopi i ditës, 29 prill 2019

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Horoskopi i ditës, 13 tetor 2017

LEXO EDHE:  Horoskopi i ditës, 11 dhjetor 2019

 

LEXO TE PLOTE
Lajme të Rekomanduara: