Connect with Us

Reagon Bashkia Sarandë/ E vërteta për denoncimin e dy ndërtuesve

Aktualitet

Reagon Bashkia Sarandë/ E vërteta për denoncimin e dy ndërtuesve

Publikuar

-

Në redaksinë e CNA.al, me datë 8 prill 2019 ka mbërritur një denoncim në lidhje me një leje ndërtimi të dhënë nga Bashkia e Sarandës, një biznesmeni. Denoncuesi theksonte se leja në fjalë është dhënë kundër çdo kriteri urbanistik, për më tepër duke sfiduar  hapur KKRTSH.

Sipas denoncuesve Dritan Shehu dhe Besnik Hoxhaj, biznesmeni Nexhip Sulejmani, ka marrë një leje për ndërtim nga Bashkia e Sarandës dhe  leja është marrë si një shtesë e objektit të tij ekzistues.  Por, normalisht leja në zonën e qendrës së Sarandës merret vetëm nga KKRTSH, por Sulejmani e ka marrë lejen më 11.3.2019, në Bashkinë e Sarandës.

Por ndërkohë ka ardhur reagimi i Bashkisë së Sarandës, e cila hedh poshtë pretendimet e denoncuesit të mësipër.

Në një reagim për CNA.al, Bashkia Sarandë deklaron se “çdo gjë është e sajuar nga personat denoncues, në rastin më të keq qëllimisht apo e pasaktë kryekeput në rastin më të mirë.

Sipas Bashkisë së Sarandës, dokumentacioni tekniko-ligjor i paraqitur nga denoncuesit është i manipuluar.

“E vetmja e dhënë që perputhet më të vertetën është se, Leja e Ndertimit e dhënë nga Bashkia Sarandë për ndërtimin e bërë objekt denoncimi, mban Nr. 170, datë 11.03.2019. Kjo leje quhet abuzive, quhet në shkelje të kritereve urbanistike dhe në sfidë ndaj KKRTSH-së.

Për këtë na duhet të sqarojme se qysh në muajin mars të vitit 2018, Bashkia Sarandë ka të aprovuar (botuar edhe ne Fletoren Zyrtare) Planin e saj të Përgjithshem Vendor. Pas këtij momenti, të gjitha lejet shqyrtohen dhe miratohen në bashki dhe jo në KKRTSH. Konfirmojmë me përgjegjësi të plotë edhe publikisht se Leja Nr.170, datë 11.03.2019, është dhënë konform gjithë procedurave ligjore dhe Planit te Pergjithshem Vendor ne fuqi.”-thuhet ndër të tjera në reagimin e Bashkisë së Sarandës.

Gjithashtu, bashkia sqaron se është pyetur zyrtarisht për këtë leje edhe Agjensia e Zhvillimit të Territorit dhe është dhënë konfirmim për vazhdimin e procedurave përkatëse ligjore nga ana e bashkise Sarandë, për pajisje me Leje Ndërtimi (e nënshkruar nga personi përgjegjës).

LEXO EDHE:  Vdekja tragjike e punëtorit/ Reagon KSSH

Më tej, në deklaratë thuhet se “Përsa i përket pretendimit se punimet po kryhen në cënim të pronës së paditësve, bëjmë me dije se janë brenda kondicioneve urbane dhe në respektim të largësisë 5.4 m, referuar VKM 408/2015 per “Miratimin e Rregullores së Zhvillimit të Territo-rit”. Distancat minimale të lejuara midis ndërtimit dhe kufirit të pronës (ndryshuar me VKM nr.231, datë 21.3.2017), me për-jashtim të rastit kur parashikohet ndryshe në Planin e Përgjithshëm Vendor, përcaktohet si gjatësia e vijës pingule nga faqja e strukturës së ndërtimit me kufirin e pronës, e barabartë kjo me numrin e kateve mbi tokë të ndërtimit plus 1 m (d = Nr. kateve +1m) ku: d – është distanca minimale e ndërtimit nga kufiri i pronës dhe Nr. k – numri i kateve. Në rastin konkret kemi të bëjmë me 4 kate mbi tokë + 1 m+ 5 m. Distanca në fakt është mbajtur 5.4 m (më shumë se sa distanca e përcaktuar më lart).”

Por ashtu, në deklaratë thuhet se “është totalisht në kompetencën e Bashkisë të japë leje zhvillimore të tilla, pikërisht pasi nuk shkel apo injoron asnjë kriter urbanistik dhe nuk anashkalon apo sposton asnjë organ tjetër vendimmarrës.”

Bashkia e Sarandës vë në dispozicion edhe vendimin e Gjykatës Administrative të Shkallës së Parë Gjirokastër, që mban datën 9 prill 2019, e cila ka vendosur rrëzimin e kërkesës së paditësve Dritan Shehu e Besnik Hoxha, duke legjitimuar keshtu konformitetin ligjor dhe procedurial te dhenies se kesaj lejeje nga ana e Bashkise Sarandë.

“Për çdo të interesuar që dëshiron të marrë infomacion më të detajuar, Bashkia Sarandë, vendos në dispozicion kopje shkresore të të gjithë dokumentacionit ne fjale.

Bashkia Sarande do të ushtrojë në vijim të gjithë të drejtën e saj legjitime, për ta ndjekur këtë çështje ligjërisht dhe për të paditur për kallëzim të rremë dhe prishje të imazhit personat denoncues.”-përfundon deklarata e Bashkisë së Sarandës./CNA.al

Denoncim-Bashkia e Sarandës injoron KKRTSH/ Zbulohet skandali me lejet e ndërtimit

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Politikë

Mustafaj: Beteja mes Bashës dhe Berishës do të përfundojë në gjykatë

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Ish-ministri i Jashtëm, Besnik Mustafaj, duke komentuar situatën në PD, tha se beteja mes Sali Berishës dhe Lulzim Bashës mund të përfundojë në dyert e gjykatës.

 “Kuvendi është shprehja më e lartë e sovranitetit. Më thonë që kanë votuar më shumë se 60% e demokratëve. Mendoj se në fund rezultatet ndryshimet e statutit dhe zgjedhja e kryetarit të ri mund të shkojë në gjykatë,” u shpreh ai në emisionin “Log”.



Mustafaj tha ndër të tjera se Berisha ka përshkallëzuar mesazhet e tij, ndërkohë që sot bëri me dije se Gjykata e Parisit ka pranuar padinë e tij dhe se do të kandidojë për kryetar.

“Do të kemi një proces. Rreziku më i madh që ishte deri tani nëse gjykata do ta pranonte këtë çështje. Ata mendojnë se është një çështje që duhet gjykuar. Në këtë kuptim besoj sesi procedurë është kapërcyer pengesa kryesore. As unë nuk kam bërë ndonjë verifikim më shumë. Por jam i sigurt se nuk do të bënte bllof me këtë. Berisha ka thënë një lajm të vërtetë. Berisha mesa di unë nuk ka paditur pse u shpall ‘non grata’, por ka paditur Blinken se në tëitterin e  tij bën disa akuza për të, disa gjëra që kërkojnë prova për t’u vërtetuar.”/CNA.al

LEXO TE PLOTE

Aktualitet

Artan Hoxha nxjerr zbuluar politikanët/ Ky është programi që komunikojnë, nuk përgjohet

Publikuar

-

Nga

Gazetari investigativ, Artan Hoxha ka deklaruar mbrëmjen e sotme se është kërcënuar nga kriminelë përse ka dhënë intervistë për SKY.

Në një intervistë për emisionin Opinion të Blendi Fevziut në Tv Klan, Hoxha tregoi edhe një rast kur grupet kriminale dhe autoritetet amerikane instaluan të njëjtin program.

Po tregoj vetëm një rast që kanë përdorur grupet e krimit të organizuar. Ka qenë Encrochat, që u dekriptua. Ky aplikacion përdorej nga 60 mijë njerëz. Nga ai operacion u pa se Shqipërët e përdornin. Madje pjesa më e madhe ishin shqiptarë. Dhe kur erdhën më panë që unë kisha një Sky më thanë si ka mundësi sepse mafia shqiptare u godit. Nuk u godit u thashë sepse Encrochat nuk përdoret më por përdoret Sky. Kështu unë kisha kohë që komunikoja me ata të Amerikës Latine. U detyrua qendra e Sky që të bënte deklaratë e të thoshte se aplikacioni nuk ishte thyer. Ata në Amerikën Latine më thanë na prishe punë, pse e the këtë. Dhe çfarë ndodhi, në Mars u thye Sky dhe u kapën 28 ton kokainë. Na u ndërpre dhe komunikimi. Çfarë bënë? Autoritetet amerikane instaluan një tjetër program dhe të gjithë grupet kriminale e instaluan. U zbuluan 300 grupe më vonq dhe u kapën 150 milionë dollarë”, deklaroi Hoxha.

LEXO EDHE:  Akuzat për mashtrim bankar/ Reagojnë vëllezërit indianë: Si qëndron e vërteta

LEXO EDHE:  Ndërtimi pas Presidencës/ Prokuroria nis hetimet ndaj mikut të Ramës



Hoxha zbuloi po ashtu programin e ri me të cilin komunikojnë kriminelët dhe politikanët. Bëhet fjalë për Signal.

Ministrat, zyrtarët dhe politikanët kanë aplikacion të ri tashmë. Ata nuk përdorin më whatsApp. po të takon një politika, gjëja e parë që thotë është ‘a ke Signal ti?’. Përdorin Signal për të komunikuar, është më i sigurtë”, tha Hoxha./CNA.al

LEXO TE PLOTE

Politikë

Propozimi i PD për hetim të politikanëve/ Murrizi: Basha e Rama po i fusin hajdutët në Kuvend

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Ish deputeti Myslim Murrizi ka komentuar propozimin e PD për vettingun në politikë.

Në një reagim për media, Murrizi deklaroi se politika nuk mund të pastrohet ngavetvetja, duke theksuar se SPAK ka të gjitha kopetencat për të dërguar politikanë të korruptuar në burg.



Unë njoh hajdutë nga të dyja palët dhe kanë ndyrë që tu jap dorën në rrugë. Por politika nuk mund të pastrohet nga vetvetja. Pse kush i fut hajdutët në kuvend që duhet një ligj? A nuk i fut vetë Basha dhe Rama?

Kush e pengon SPAK-un që të dërgojë politikanë në burg? Vettingu është njollë një biografi. Unë nuk jam kundër Vettingut. Kush janë deputetët që do ta bëjnë këtë vetting?”, tha Murrizi./CNA.al

LEXO TE PLOTE