Qeveria sulmon koncensionarin/ Tabaku: Rama loboi fort për të

10 Prill 2019, 18:40, Aktualitet CNA
Qeveria sulmon koncensionarin/ Tabaku: Rama loboi fort për të

Ish deputetja e Partisë Demokratike, Jorida Tabaku në një postim në rrjetet sociale ka reaguar për akuzat që qeveria i bën koncesionarit.

Sipas Tabakut, ka qenë qeveria e Ramës që ka lobuar për ta marrë koncensionari aktual aeroportin e Rinasit.

Tabaku thekson se koncensionari është shqetësimi i fundit në rastin e kësaj vjedhje pasi përgjegjësi kryesor është shteti.

Postimi i plotë i Tabakut:

Duket shumë qesharak reagimi i qeverisë ndaj TIA-s a thua se nuk ishte ky kryeministër dhe qeveria e drejtuar prej tij ajo që loboi fort që kompania që sot ka kontratën e koncesionarit të Rinasit tia merrte investitorit serioz gjermano-amerikan dhe për më tepër duke ia shtuar me dy vite kontratën duke i dhënë koncesionarit aktual pa asnje mundim dhe 20 mln euro shtesë.

Ne Prill të 2016 ne e denoncuam këtë aferë korruptive që një kompani off shore-guaskë me pronar që nuk njiheshin, morrën një aset strategjik kombëtar me koncesion. Paraqitëm të dhëna që tregonin se qeveri më të përgjegjshme si ajo e Greqisë, nuk ia dha aeroportin e Athinës kompanisë që sot ka koncesionin e Rinasit. A mos vallë pazari me këtë kompani mbaroi e duan te sjellin klientin e rradhës apo kanë alibinë gati për të hequr fajin nga vetja?!

Gjithsesi, koncesionari eshte shqetesimi i fundit sepse ne rastin e vjedhjes spektakolare ka vetëm një përgjegjës; shteti dhe strukturat e tij. Policia e shtetit është njoftuar për lëvizjen e vlerave monetare si e përcakton rregullorja, policia e shtetit sot ka sport institucional të sulmojë opozitën e qytetarët por jo të kryejë detyrën. Banditët që territorizojnë vendin dhe investitorët përfitojnë nga një qeveri që angazhohet të sulmojë qytetarët ndërsa lë të lirë bandat. Kriminelët janë të predispozuar të vjedhin dhe kryejnë akte të dhunshme kur qeveria bashkëpunon me krimin e orgnaizuar dhe e konsideron atë Partner të Përhershëm Potencial (PPP). Krimi është trimëruar se sot krimi është në pushtet!

Shenim: Në foto pjesë nga udhëzimi i dt 05.03.2018

Lajmet e fundit nga