Nuk ekzekuton vendimin/ Zyra e Përmbarimit ofron avokat për të apeluar gjobën – CNA
Connect with us

Aktualitet

Nuk ekzekuton vendimin/ Zyra e Përmbarimit ofron avokat për të apeluar gjobën

Publikuar

-

“Fiks Fare” denoncoi mbrëmjen e sotme rastin e një qytetari i cili kishte marrë një gjobë në biznesin e tij, të cilën nuk kishte mundur ta paguante vullnetarisht.

Por, Zyra Përmbarimore e cila duhet të ekzekutonte shlyerjen e gjobës që tashmë kapte shifrën prej 840 mijë lekësh i ofron mundësinë e apelimit të gjobës, nëpërmjet avokatit i cili është pjesë e kësaj zyre përmbarimi, “Kodra Bailiff Service”.

Qytetari kishte pasur një lokal në Qarkun Berat,në të cilin Inspektorati Shtetëror Shëndetësor, pas një kontrolli i kishte vendosur një gjobë prej 500 mijë lekësh. Pas 3 vitesh, kjo gjobë së bashku me kamatë-vonesat kishte shkuar në vlerën e 840 mijë lekëve. Gjykata Administrative e Shkallës së Parë Vlorë kishte lëshuar një urdhër-ekzekutimi të kësaj gjobe në qershor të vitit 2016, për të cilën ishte pajtuar Shoqëria e Përmbarimit “Kodra Bailiff Group”.

Qytetari fillimisht ishte telefonuar nga një person, i cili e kishte thirrur për të zgjidhur problemin e gjobës. Në takim me personin që e kishte telefonuar, vëllai i denoncuesit kishte parë se bëhej fjalë për përmbaruesin dhe një avokat i cili punonte në këtë zyrë përmbarimi. Të cilët i kishin thënë qytetarit se mund ta apelonin vendimin dhe të mos paguante aq shumë lekë. Pas kësaj qytetari u drejtua në emisionin Fiks Fare për ndihmë. Ky i fundit solli me zë dhe figurë pazaret që bëheshin në zyrën e përmbarimit, ku avokati dhe përmbaruesi e orientoni mbi mënyrën si do apelonin vendimin, dhe se qytetari do të dilte i fituar pasi nga 840 mijë lekë do paguante vetëm 150 mijë lekë.

Pas këtyre fakteve gazetarët e Fiksit shkuan në Shoqërinë Përmbarimore Kodra Bailiff Service , ku kërkuan të takojnë përmbaruesin dhe avokatin,por të dy nuk u gjendën në zyrë. Punonjësja pasi foli me përmbaruesin në telefon dhe u tha gazetarëve se ai ndodhej në terren , u kërkoi një numër kontakti që përmbaruesi të mund t’i kontaktonte. Por i vënë në dijeni se gazetarët e Fiksit e kishin kërkuar pas pak minutash përmbaruesi Eduard Miftari telefonoi gazetaren, pasi kjo e fundit i shpjegoi arsyen se përse do ta takonte ai mohoi kategorish të kishte bërë biseda për avokat. “ Ka qene Bledi avokati bashkë me atë djalin E…, por në momentin që është hapur biseda për t’u apeluar gjoba unë jam ngritur nga tavolina” shprehet ai në bisedën telefonike. Ndërkohë që në bisedën e bërë në zyrën përmbarimore është përmbaruesi që ka thirrur avokatin dhe që ia ka sugjeruar personit ankues. Gjithsesi ai në përfundim të telefonatës duke gjetur edhe arsye për mos të takuar gazetaren i pohon se avokati Bledi nuk është më pjesë e zyrës së tij.

Biseda në zyrën e përmbarimit me Eduard Miftari

Punonjësja – Hajde. Si jeni? Ti je E……?
Qytetari-Mirë. Po.
Punonjësja-Ke mjet identifikimi me vete?
Qytetari-Po.
Punonjësja-Tani, ti ke marr një gjobë. Ke pas një lokal apo jo? Nuk e di e ke më apo jo?
Qytetari-Jo.
Punonjësja-Të ka vendosur një vlerë pesë milion. Sepse ti nuk ke marrë miratimin prej organeve të Inspektoriatit për funksionimin. Nuk ke marrë leje, shkresë nuk e di çfarë. Kjo është përmbarimi “Kodra”, domethënë ne jemi pjesa e ekzekutimit të vendimit. E kupton, gjykata ty për këtë gjobë që ka vendosur atë ditë inspektorati, të ka lëshuar një urdhër ekzekutimi. Që thotë që përmbarimi ta ekzekutojë menjëherë, sepse ti ke pasur afat një muaj ta paguash vullnetarisht. Dhe në momentin që gjykata e ka lëshuar, tani mua më vjen pala kreditore, Inspektoriati që ty t’ka ardh atë ditë, mua më vjen këtu më një kërkesë e më thotë, në bazë të këtij urdhri ekzekutimi , bëj ekzekutimin, lidh kontratë me mua. E kupton?
Qytetari-Tani çfarë do bëjmë?
Punonjësja-Kjo parashikon edhe kamat vonesat. Gjithsesi që ne të gjejmë një zgjidhje të mirë të mundshme. Është ajo që të hedhësh në gjyq këtë, me një nga avokatët tanë këtu. Do ngresh në gjykatë, do paguash vetëm pjesën e avokatisë. Do paguash shërbimin që ne do të ofrojmë, që të bësh kundërshtimin domethënë, që ti nuk e pranon. Ne mundohemi të kërkojmë pavlefshmërinë e këtij, që ata ta fshijnë fare si gjobë.
Vjen përmbaruesi i dosjes.
Përmbaruesi-Ça bën, mirë?
Qytetari-Përshëndetje.
Përmbaruesi-Çfarë do na propozosh o zotëri, që të propozojmë ne?
Qytetari-Të fshini gjobën edhe.. Të ishte mundësia të fshihej gjoba.
Përmbaruesi-Ne nuk jemi për të fshirë gjoba sa për informacion njëherë, që ta fillojmë muhabetin tamam, ne jemi për të mbledhur gjobat. Tani problemi e di ku është, se ju i merrni me sportivitet gjërat. Ti ha gjobën, ti e merr me sportivitet, e para punës, edhe nga mënyra si po shprehesh tani, jo fshije, ti se ke marr seriozisht gjobën njëherë e para punës. Sa ka vajtur? Uuu 5 milion gjoba? Ke? Çfarë pasurish ke ndonjë gjë?
Qytetari-Unë vetëm qenin kam.
Përmbaruesi-Ne jemi zotëri vetëm për të mbledh gjobat. Ka hapësira për avokati. Ke takat të paguash avokat?
Qytetari-Po varet se sa…
Përmbaruesi-Jo varet se sa, se lekët e veta do t’i kërkojë avokati. Jep një numër kontakti.
Në zyrë vjen edhe avokati.
Përmbaruesi-O Bledo . Ej për avokati, çfarë mund të bëhet për këtë? Është nga Berati, Kuçova.
Qytetari-Si je?
Avokati-Po, unë di që ai ka të drejtë të apelojë, Siç e kemi, siç kemi fol për atë, siç e kemi fol me vëllain.
Qytetari-Problemi qëndron që nëse bëhet ajo siç ke fol me vëllain, fshihet gjoba? Ka ndonjë garanci?
Avokati-Garanci, çfarë garancie?
Qytetari-Që të hiqet nga sistemi.
Avokati-Po prandaj po themi prandaj e diskutuam se kemi mundësi
Qytetari-Sa mund të zgjas?
Avokati-Ajo është punë avokatie sa mund të zgjas. Ça ke? ( pyet avokati përmbaruesin) .
Përmbaruesi-Po jo mo qenka gjobë e madhe. Nejse po pranuar për këtë që ofrohet flisni për avokatinë, dhe ça të them unë. Kshu s’ke zgjidhje, përmbarimi… s’ka.
Avokati-Jo mo s’ka.
Përmbaruesi-S’ka, s’ke ça zgjidhje t’i japësh asaj.
Avokati-Prandaj i thash dhe vëllait, si doni ta bëjmë? Kemi këtë zgjidhje, që ne me një fjalë , këto lekë që po paguan tashti, të zbutësh atë 8 milion-shin. A kupton? Se nga 8 milion, të shmangësh 6, sa i thonë 6 e ca, s’janë pak për mendimin tim. Megjithatë ju mendojeni vetë si e keni.
Qytetari-Jo , dakord, nuk jam në kundërshtim me këtë, problemi qëndron si do garantohem? Do garantohem unë që kjo do fshihet, ose hajd hajd se po i paguaj ato lekë.
Avokati-Me vendim gjyqësor pra. E vetmja gjë është me vendim gjyqësor. Do shkosh në gjyq, do fitojmë.
Qytetari-Do shkoj unë në gjyq?
Avokati-Jo ti mo vlla do shkoj avokati, ti s’ke punë. Ti vetëm do bësh një deklaratë që do mbrohesh nga filan avokat, edhe s’ke asnjë problem tjetër pastaj. Ti mund të vish vetëm njëherë pastaj në qoftë se na duhesh të vish edhe një herë po s’besoj.
Qytetari-Po si, ndonjë letër ndonjë gjë do marr?
Avokati-Çfarë letre?
Qytetari-Që është fshirë gjoba ose…
Avokati-Po patjetër o vëlla do marrësh, do marrësh vendimin gjyqësor edhe pushimin nga ana e përmbarimit pastaj. Tani nuk e di unë me ça mendje ke ardhur. Puna është t’i kishim dhënë drejtim sa më shpejtë, se dhe në duhet ta dimë ça do bëjmë. Nuk e di s’e mbaj mend tani sa i pata thënë vëllait, më duket se i kam thënë një milion e gjysmë. Nejse tani , tani po e shoh , po e shikoj me vëmendje edhe po të them te 900 mijë lekë është tarifa përmbarimore, që këto janë të detyrueshme që unë të ti marr edhe plus avokatia, te një e gjysmë.
Qytetari-Këto një milion e gjysmë me këste apo …
Avokati-Jo, jo. Në dorë të gjitha,
Qytetari-Se para se të bëhet puna, si mund ti jap unë lekët.
Avokati-Tani ne jemi zyrë, nuk është se do ikim. Jemi sot, ne kemi 10 vjet që rrimë merremi me këtë punë. Merre numrin tim pastaj, merr numrin tim personal, ta kesh.
Qytetari-Puna është kur mund ta lëmë, se unë tani s’kam.
Avokati-Kur do ti mo, më thuaj kur do. Sa më shpejt, aq më mirë është. Mbaro punë, hajde të pres unë këtu, merre numrin tim.
Qytetari-Të marr në telefon më vonë në qoftë se..
Avokati-Ok. Në rregull.
Qytetari-Bledi apo jo?
Avokati-Bledi po. Ok , ti e di.
Qytetari-Mirupafshim.
Telefonatë me përmbaruesin Eduard Miftari
Gazetarja: Eduard , si je?
Përmbaruesi: Ça bën si je?
Gazetarja: Unë erdha pranë zyrave tuaja në fakt, për tju takuar por nuk ju gjeta, më thanë që ishit në terren dhe u detyrova të lë numrin e telefonit.
Përmbaruesi: Jam jashtë Tirane aktualisht por më lajmëruan nga zyra, ndaj ju mora edhe unë.
Gazetarja: Ok. Ne po interesohemi për një çështje
Përmbaruesi: Po
Gazetarja: Për një zotëri me emrin E… A…, i cili ka patur një gjobë nga ISHSH-ja, dhe që duhet ta ekzekutonit ju.
Përmbaruesi: Po
Gazetarja: Do doja në fakt t’ju takoja nga afër, nuk e di kur ju e keni të mundur?
Përmbaruesi: Po, t’ju marr unë për një orë, një orë e gjysmë?
Gazetarja: Ok.
Përmbaruesi: Sa të mbaroj punë dhe do t’ju marr në telefon.
Telefonohet pas 2 orësh sërish përmbaruesi
Gazetarja: Eduard, nuk e di ju jeni në Tiranë tani?
Përmbaruesi: Tani sa jam kthyer por po shkoj çik në shpi unë, kam djalin pa qejf.
Gazetarja: Bëhet fjalë për atë qytetarin, që kishte 8 milionë lekë
Përmbaruesi: Po
Gazetarja: Dhe që ju duhet ta ekzekutonit këtë vendim
Përmbaruesi: Po
Gazetarja: She nuk e di si është proceduar? A është ekzekutuar, apo e keni ju në praktikën tuaj që i ofroni ju një avokat këtij zotërisë për të apeluar çështjen dhe për të mos ja paguar shtetit këto lekë?
Përmbaruesi: Atëherë, duhet të keni një gjë parasysh, jua garantoj me jetë se nga ana ime nuk i është ofruar asnjë lloj avokati, asnjë lloj gjëje. Në qoftë se unë si përmbarues i kam premtuar gjënë më të vogël…dhe ta garantoj me jetë se jam çuar nga tavolina dhe kam thënë zotëri nuk gjej avokat.
Gazetarja: Pra është bërë kjo bisedë me ju, por ju i keni thënë se nuk merremi me avokat.
Përmbaruesi: Dëgjo donte djali për avokat, donte ky zotëria, unë i thash nuk merrem me avokat. Edhe ne zyrë ka qenë edhe E…edhe Bledi
Gazetarja: Po ka qenë dhe Bledi, ka qenë dhe Bledi, dhe Bledi është avokati.
Përmbaruesi: Asnjëri nga këto nuk janë pjesë e zyrës sonë më. Garantoj me jetë se nuk është bërë me mua bisedë një gjë e tillë./ Top Channel

KLIKO PER TE KOMENTUAR

Leave a Reply

Your email address will not be published. Required fields are marked *

Aktualitet

Rama miting, PD marshim/ Policia “blindon” Shkodrën

Publikuar

-

By

Bashkia e Shkodrës nuk ka dhënë leje për takimin elektoral të kryeministrit Edi Rama në këtë qytet, por kjo gjë nuk e ka penguar këtë të fundit të bëjë gati takimin e tij.

Forca të shumta policie kanë mbërritur në jryeqendrën e Veriut për të mbrojtur takimin e kryeministrit Edi Rama.

Mirëpo në të njëjtën kohë me takimin e kryeministrit bashkia e Shkodrës dhe militantë të PD-së kanë paralajmëruar një marshim.

Në një prononcim për mediat kryebashkiakja e Shkodrës Voltana Ademi e ka quajtur takimin e Ramës si të paligjshëm.

“Takimi i sotëm është i paligjshëm. Kam informuar i9nstancat për paligjshmërinë e takimit. Fushata zgjedhore nga kriminelët në pushteNuk ka zgjedhje nuk ka për të pasur edhe fushatë . Kaq shumë policë nuk janë parë në fushata elektorale. Qyetarët kanë të gjithë të drejtat e tyre të marshojnë”,-u shpreh Ademi./CNA.al

LEXO TE PLOTE

Aktualitet

Video-Situatë e tensionuar në aksin Lezhë-Shkodër/ Militantë të PD-së pritë Ramës

Publikuar

-

By

Kryeministri Edi Rama pritet të zhvillojë një takim elektoral rreth orës 19:00 në qytetin e Shkodrës.

Për këtë takim elektoral bashkia e Shkodrës nuk ka dhënë leje dhe në kundërvënie të tij ka paralajmëruar një marshim.

Por krahas kësaj, militantë të Pd-së dhe LSI-së i kanë zënë pritë kryeministrit Rama në aksin Lezhë-Shkodër në afërsi të kryqëzimit të Dajçit.

Në këtë zonë kanë mbërritur edhe forca të shumta policie të cilët janë përplasur me protestuesit për ti larguar ata nga rruga./CNA.al

Takimi i Ramës në Shkodër/ Militantët e PD-së bllokojnë rrugën

LEXO TE PLOTE

Aktualitet

“Qelitë po mbushen me të burgosur politik”/ Altin Goxhaj “shuplakë” Avokates së Popullit

Publikuar

-

avokati altin goxhaj Basha i sherben Sorosit

Avokati i njohur Altin Goxhaj, ka reaguar përmes një postimi në rrjetet sociale lidhur mbi arrestimet e antarëve të opozitës.

Goxhaj shkruan se çdo formë represive ndaj popullit opozitar është arrestim, dhunim dhe burgim politik.

Ndërsa i kujton  avokates së Popullit Erinda Ballanca, mos reagimin e saj lidhur me arrestimet e anëtarëve të opozitës.

Reagimi i plotë

Deklarata që do të duhej të bënte sot një Avokat i Popullit ns do të kishim një të tillë (jo kjo Avokotja e Popullit të Pallatit të Lulit) mbi mbushjen e dhomave të paraburgimit me popullin opozitar:
QELITË PO MBUSHEN ME TË BURGOSUR POLITIK!!!
NDAJ JEMI NË NJË REGJIM DIKTATORIAL!

Analiza:
Përplasjet e qytetarëve opozitar dhe zyrtarëve të opozitës me policinë dhe KZAZtë nuk janë vepra penale por reagim politik në mbrojtje të Kushtetutës dhe rendit kushtetues në vakumin kushtetues të krijuar nga Rilindja me Reformën Soros në Drejtësi!
Nuk është faji i popullit dhe protestuesve që ka ka një Vrimë të Zezë Kushtetuese që prodhon “Zgjedhje” (apo më saktë Votime) AntiKushtetuese që cënojnë rëndë të drejtat dhe interesat kushtetuese të shtetasve.

Kjo përcakton ligjërisht që çdo arrestim, proçedim apo akuzë për dënim penal është absolutisht i paligjshëm pasi qytetarët kanë të drejtë të mbrojnë rendin kushtetues kur ai cënohet nga pushteti, pasi është e vetmja garanci që ka çdo qytetar që pranon të bashkëjetojë në një komunitet.

Tani kthehemi te argumenti kryesor:
Përderisa çdo përballje e qytetarëve me policinë shkaktohet nga vakumi kushtetues që shkaktoi Rilindja dhe Soros me Reformën në Drejtësi, atëherë
NUK KEMI VEPRA PENALE
por
VEPRIME POLITIKE DEMOKRATIKE TË QYTETARËVE

Kujtesë: “Veprimi politik demokratik” në shkencat politike nuk presupozon zbatim të përcaktimeve ligjore mbi ndalimet apo lejimet në Kodin Penal. Ns do të ishte kështu Muri i Berlinit nuk do të binte kurrë, 8 Dhjetori nuk do rrëzonte diktaturën komuniste, India nuk do kishte fituar pavarësinë nga Britania, afroamerikanët nuk do fitonin të drejta të barabarta në shumë shtete të SHBA!

Pra të proçeduarit, arrestuarit, të paraburgosurit e shumtë (qindra) nuk janë keqbërës apo të izoluar për shkak se janë shoqërisht të rrezikshëm dhe duhen izoluar për të mos cënuar sigurinë e rendit publik dhe aq më pak t’a kenë shkelur dhe cënuar atë.

Objektivi, targeti i popullit opozitar janë institucionet antikushtetuese (që po cënojnë të drejtat politike të qytetarëve) dhe jo dyqanet, shtëpitë apo institucionet publike apo pronat e komunitetit.

Duke qenë se jemi përballë një aksioni politik dhe përballje demokratike dhe jo veprave penale, ÇDO ARRESTIM, DHUNIM, BURGIM dhe çdo formë represive ndaj popullit opozitar është ARRESTIM, DHUNIM DHE BURGIM POLITIK.

Duke qenë se që prej 1990-1991 me ndryshimet kushtetuese është hequr akuza dhe burgimi politik, në Shqipëri sot konsiderohet lligjërisht se po MBUSHEN BURGJET DHE KOMISARIATET ME TË BURGOSUR POLITIK ndërsa prokuroritë janë kthyer në Hetuesinë e dikurshme bashkë me gjykatat e diktaturës.

Për këto arsye i gjithë zinxhiri komandues dhe zbatues ka shkelur Kodin Penal për privimin e paligjshëm nga liria të shtetasve dhe duhen dënuar në rastim më të parë, ndërsa të gjithë të paraburgosurit duhet të lirohen menjëherë!!!)
____________________
Por siç e kuptoni, kjo deklaratë nuk ka dalë, nuk del dhe as mund të dalë nga Avokatja e Popullit të Pallatit të Lul Sorosit, e cila u vu nga Luli në 17 Maj 2017 që të jetë Avokatja e Rilindjes dhe Sorosit!!!/CNA.al

 

LEXO TE PLOTE
Reklama
Reklama
Reklama
Reklama
Reklama

LAJMET E FUNDIT

Aktualitet20:48 - 19 Qershor, 2019

Trump premton dëbime masive të imigrantëve të paligjshëm

Presidenti Donald Trump, i cili nisi zyrtarisht fushatën për rizgjedhje, thotë se autoritetet amerikane të emigracionit do të fillojnë deportimin...

Aktualitet20:38 - 19 Qershor, 2019

Kapet sasia më e madhe e drogës në historinë e SHBA

Autoritetet federale njoftuan të martën se kanë sekuestruar sasinë më të madhe të drogës në historinë e SHBA. Bëhet fjalë...

Aktualitet19:08 - 18 Qershor, 2019

A i ka mbajtur Presidenti Trump premtimet e bëra?

Ndërsa demokratët vazhdojnë përplasjen njëvjeçare për të parë se kush do të sfidojë Presidentin Donald Trump në zgjedhjet 2020, presidenti...

Aktualitet18:47 - 18 Qershor, 2019

Erdogan e quan “martir”/ Funerali i ish presidentit egjiptian, Mohamed Morsi

Ish presidenti egjiptian Mohamed Morsi, udhëheqësi i parë i zgjedhur në mënyrë demokratike në vend, i cili u detyrua më...

Aktualitet18:39 - 18 Qershor, 2019

Shtetet e Bashkuara ratifikojnë marrëveshjen e ekstradimit me Kosovën

Ministri i Drejtësisë në Kosovë, Abelard Tahiri, tha të martën se ka marrë një letër të nënshkruar presidenti i Shteteve...

Aktualitet18:26 - 18 Qershor, 2019

Gjoka bën deklaratën që nuk pritej: Më mirë që na ra Debreceni

Kukësi do të përballet me Debrecenin në turin e parë të Europa League dhe në kampin verilindor e kanë pritur...

Aktualitet19:48 - 17 Qershor, 2019

Ndërron jetë në sallën e gjyqit ish Presidenti i “Pranverës Arabe”

Mohamed Morsi, ish presidenti i  Egjiptit, i dalë pas lëvizjes së njohur si “Pranvera Arabe”, që rrëzoi nga froni presidencial...

Aktualitet19:04 - 17 Qershor, 2019

Vizitë në Sarajevë/ Palmer: Rusia po bllokon Ballkanin Perëndimor

Zëvendësi i ndihmësit të Sekretarit amerikan të Shtetit për Evropën, Matthew Palmer ka deklaruar se SHBA angazhohet për një raport...

Aktualitet18:37 - 17 Qershor, 2019

Vendimi pritet të shtyhet/ Mogherini: Çelja e negociatave të bëhet sa më shpejt

Federica Mogherini, përfaqësuesja e lartë e BE-së për Politikën e Jashtme edhe njëherë ka kërkuar nga vendet anëtare të BE...

Aktualitet18:31 - 17 Qershor, 2019

Maqedoni e Veriut, hidhet poshtë varianti i zgjedhjeve të parakohëshme

Kryeministri maqedonas Zoran Zaev bëri të ditur të dielën në mbrëmje se nuk do të ketë zgjedhje të parakohëshme parlamentare...

Aktualitet18:18 - 17 Qershor, 2019

“I ke dhënë ndonjë gjë a si ke dhënë”/ Qytetari i ankohet drejtorit të Ramës se nuk ka marrë lekët e votave

Në audiopërgjimin nr.5, publikuar nga gazetari i “Bild”, zbulohet biseda mes drejtorit në ministrinë e Brendshme Arben Keshi me dy persona...

Aktualitet14:13 - 17 Qershor, 2019

Lëvizja pa viza/ Avramopoulos: Kujdes, BE do të marrë masa

Numri i hyrjeve legale të azilkërkuesve në BE po rritet. Veçanërisht persona nga Amerika Latine dhe Ballkani Perëndimor e kanë...

Aktualitet12:00 - 17 Qershor, 2019

Presionet dhe sinjalet/ Grindje serioze mes Iranit dhe Britanisë së Madhe

Edhe Britania e Madhe beson se Irani qëndron pas sulmeve ndaj dy anijeve. Kjo ka shkaktuar pakënaqësi në Teheran, i...

Aktualitet09:04 - 17 Qershor, 2019

Humb jetën një pushuese në Vlorë

Një trup i pajetë është gjetur mëngjesin e sotëm në plazhin e vjetër të Vlorës. Viktima është identifikuar si Shoha...

Aktualitet19:36 - 16 Qershor, 2019

BE damkos Rusinë për dezinformim

Gënjeshtra, teori komplotiste, #hashtag-e me urrejtje. Në zgjedhjet europiane të majit janë përdorur instrumenta dezinformimi me origjinë në Rusi, shprehet...

Aktualitet18:11 - 16 Qershor, 2019

Operacioni “Krasta”/ Jepet vendimi për Suela Mustën

Gjykata e Elbasanit ka vendosur sot masën “Arrest shtëpie” për gazetaren Suela Musta e arrestuar nga policia gjatë operacionit të...

Aktualitet10:33 - 16 Qershor, 2019

Thaçi për L’Express/ Në Hagë shkoj vetëm si dëshmitar

Presidenti i Kosovës, Hashim Thaçi ka folur  për 20-vjetorin e çlirimit të Kosovës në të përjavshmen francese “L’Express”. Ndër të...

Aktualitet10:27 - 16 Qershor, 2019

Negociatat me BE/ Zaev: Ne kërkojmë datën, jo anëtarësimin e menjëhershëm

Maqedonia e Veriut është njëri nga vendet e Ballkanit Perëndimor që mori dritën jeshile nga Komisionit Europian për të filluar...

Aktualitet12:33 - 15 Qershor, 2019

Marrëveshja Kosovë-Serbi/ Senatori amerikan: Vuçiç e di që do jetë e dhimbshme

Ron Johnson, senatori amerikan, ka thënë se e beson vullnetin e Presidentit të Kosovës Hashim Thaçi dhe Presidentit serb Aleksandër...

Aktualitet09:06 - 15 Qershor, 2019

Ballkani dhe krimet e luftës

Radioja kombëtare e Gjermanisë „Deutschlandfunk“ (DLF) me rastin e 20 vjetorit të fundit të luftës në Kosovë transmetoi disa reportazhe...

Aktualitet22:05 - 14 Qershor, 2019

Bllokohet puna në doganën e Kapshticës/ Serverat jashtë funksioni

Prej 6 orësh pika doganore e Kapshticës është jashtë çdo funksioni. Sipas informacioneve paraprake, serverat janë jashtë funksioni, ndërsa më...

Aktualitet18:50 - 14 Qershor, 2019

Emërohet shefi i hetimeve në Prokurorinë Speciale të Kosovës

Emërohet shefi i hetimeve në Prokurorinë Speciale pranë Gjykatës Speciale për Krimet e Luftës në Kosovë. Prokurori me francezo-amerikan Alex...

Aktualitet19:32 - 11 Qershor, 2019

Miratohet dorëheqja e Nikolla Gruevskit nga posti i deputetit

Parlamenti i Maqedonisë së Veriut ia miratoi dorëheqjen nga posti i deputetit Nikolla Gruevskit, ish-kryeministrit të arratisur në Hungari. Ky...

Aktualitet09:20 - 11 Qershor, 2019

Foto-AKU bën “namin” në pikat kufitare/ Sekuestrohen lëngje frutash, pije energjike dhe kripë

Autoriteti Kombëtar i Ushqimit vijon me rigorozitet kontrollet e mallrave ushqimore në Pikat e Inspektimit Kufitar me qëllim parandalimin e...

Aktualitet19:06 - 10 Qershor, 2019

Greqia në zgjedhje të parakohëshme/ Pavlopulos pranon kërkesën e Tsipras për shpërndarjen e Parlamentit

Kryeministri grek, Aleksis Tsipras i ka kërkar Presidentit të Greqisë shpërbërjen e parlamentit grek për ta çuar vendin në zgjedhje...

Aktualitet23:06 - 9 Qershor, 2019

Vëllimi “Deti nuk ka portë”/ Ku mund ta gjesh heroin poetik të Aleksandër Çipës

Nga Josif Papagjoni -Për Aleksandër Çipën kam pasur një simpati, që rridhte brenda meje si ai mushti, së paku i...

Aktualitet22:49 - 9 Qershor, 2019

Nga përdorues kokaine tek gara për kryeministër/ Njihuni me Michael Gove

Pretendenti për kryeministër në Britaninë e Madhe, Michael Gove, ka dhënë një prononcim të çuditshëm për gazëtën prestigjoze “Daily Mail”....

Aktualitet21:05 - 8 Qershor, 2019

Ujë dhe gaz lotsjellës ndaj protestuesve/ Tensionohet situata tek Kuvendi

Është tensionuar situata tek Kuvendi. Protestuesit kanë hedhur shashka e kapsolla ndaj policisë. Ndërkohë që për të shpëndarë turmën, polica...

Trending

Read previous post:
Arrestohet 26 vjeçari shqiptar në Itali/ Transportonte drogë me makinë

Policia italiane ka arrestuar një shqiptar pasi u kap me drogë në makinë. Kokaina me peshë 3.5 kg ishte fshehur...

Close