Connect with Us

Shoqëria Përmbarimore Italiane kërcënon shqiptarët

Aktualitet

Shoqëria Përmbarimore Italiane kërcënon shqiptarët

Publikuar

-

Një Shoqëri Përmbarimore Italiane, “SGA spa”, kërcënon shqiptarët, klientë të “Veneto Banka” sh.a., e falimentuar në Itali nga ana e Qeverisë italiane, se do t’i sekuestrojë garancitë hipotekore të tyre pranë bankës së falimentuar.

Po kush është kjo Shoqëri dhe nëpërmjet kujt operon në Shqipëri, duke kërcënuar shqiptarët? Pranë redaksisë sonë ka mbërritur një kopje e shkresës ku “Tranzit” shpk, pjesë e “ABI Bank”, për llogari të “SGA spa”, në Itali, kontakton klientin e ish-Bankës “Veneto”, me një tekst kërcënues ku i bëhet e ditur se brenda 10 ditëve garancia e tij do të ekzekutohet. Një procedurë mjaft e dyshimtë kjo ku, siç edhe bëhet e ditur nga organet kompetente, shoqëria përmbarimore italiane nuk mund të ekzekutojë prona jashtë territorit italian. Në të kundërt, gjithmonë nëse ndodh, atëherë kemi të bëjmë me një aferë të pastër korruptive dhe të padrejtë, ku Gjykata shqiptare bëhet palë me këto shoqëri të dyshimta Përmbarimore, që, çuditërisht, vijnë në Shqipëri dhe kërcënojnë shqiptarët, klientë të një banke të falimentuar jo për fajin e tyre apo të bankës së tyre që kishin një Kontratë Kredie në Shqipëri.

“Tranzit shpk” është shoqëria shqiptare që duket se ia ka bërë gjërat e lehta kësaj shoqërie përmbarimore italiane, duke i ofruar shërbim përmbarimor në Shqipëri për t’ju shmangur detyrimeve financiare. Po a do ta bënte dot të njëjtën gjë një shoqëri përmbarimore shqiptare këtë procedurë në Itali? E sigurt që do kishim të bënim me një reagim ligjor dhe procedura përmbarimore objekt hetimi për prokurorinë italiane.

Po me sa duket në Shqipërinë tonë të dashur për të huajt si “SGA spa”, që kërcënon shqiptarët, Qeveria shqiptare duket se bëhet palë me bankat, madje i motivon ato t’u nxijnë jeten shqiptarëve, klientë të bankave të huaja apo shqiptare. Me kredi me superinteresa të larta, objekt hetimi nga ana e Autoritetit të Konkurencës, që “rrjepin” shqiptarët çdo ditë, kjo nën heshtjen e Qeverisë Shqiptare dhe natyrisht “OK” e institucionit të Bankës së Shqiperise.

LEXO EDHE:  Shqiptarët braktisin vendin/ “Rama fërkohet me Soros”

Të gjitha këto institucione e sigurt që gëzojnë aq shumë kur klienti i një banke është në vështirësi financiare për të paguar. “Erdhi peshku i rradhës”, thonë ndoshta me gezim me njëri-tjetrin. Të gjithë janë palë me Bankat dhe Shoqëritë e Mbledhjes së Borxheve të Këqija dhe deri në fund me Përmbarimin. Ekzekutojnë me shumë shpejtësi kolateralin, gjejnë gjuhen dha akordin me Gjykatat Shqiptare, dhe kështu hallexhiu shqiptar, kreditor i në banke ngelet një ditë në qiell të hapur.

E gjitha kjo është një aferë e pastër e cila me sa duket është kuptuar mjaft mirë nga Shoqëria Përmbarimore Italiane, SGA spa. Ajo nuk ofron negociime apo ristrukturime kredie për ta ndihmuar klientin shqiptar, sepse qëllimi i saj është ekzekutimi i kolateralit nëpërmjet TRANZIT shpk, pjesë e ABI Bank. Situata besojmë se është e kuptueshme. Jo pa qëllim Banka e Shqipërisë ka dhënë miratimin që këto dy Shoqëri, njëra italiane dhe tjetra shqiptaro-ruse-amerikane, të bashkëpunojnë për të ekzekutuar garancitë e shqiptarëve në bankë italiane në Shqipëri e falimentuar në Itali.

SHËNIM. Në artikullin tjetër do t’ju vendosim në dispozicion kontratën e SGA spa, Shoqërisë Përmbarimore Italiane me TRANZIT shpk.

Letra që u çojnë klientëve për ti çuar në Ekzekutim edhe pse është shoqëri italiane përmbarimore dhe s’ka të drejtë të vijë në Shqipëri të kërcënojë shqiptarët.

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Thaçi kujton Holokaustin/ “Krenarë për ndihmën që kemi dhënë”

LEXO EDHE:  Në pritje të një oferte për ndërrim sistemi

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Thaçi kujton Holokaustin/ “Krenarë për ndihmën që kemi dhënë”

LEXO EDHE:  Grabisnin makina/ Pranga dy shqiptarëve në Itali

 

LEXO TE PLOTE
Lajme të Rekomanduara: