Connect with Us

Skandal- “Ekselenti” me shkollë të mesme që u punësua na administratë u vendos “haraç” minatorëve  

Aktualitet

Skandal- “Ekselenti” me shkollë të mesme që u punësua na administratë u vendos “haraç” minatorëve  

Publikuar

-

qeveria e re Rama3 ne elbasan

Konfederata e Sindikatave të Shqipërisë ka denoncuar sot një rast, sipas tyre të emërimeve korruptive në administratë.

Në një deklaratë për mediat, KSSH, thotë se Fiqiri Xibri falë punës tij ndër vite për të përçarë sindikatat mesa duket është shpërblyer teksa njerëz të kabinetit Kryeministrit kanë detyruar Ministren Anila Denaj ta emërojë atë Administrator të Dosjeve të Pensioneve në arkivën e ISSH.

KSSH  thekson se Fiqiri Xibri, kryetar i një sindikate fantazëm që nuk ka asnjë anëtar u vendos gjobë minatorëve të Shqipërisë, teksa u kërkon atyre të plotësojnë një formular dhe të paguajnë një tarifë prej 10 mijë lekësh për të përfituar statusin e minatorit.

Sipas KSSH, ky përbën një skandal dhe shkelje të rëndë ligjore dhe duhet të ndërhyjë prokuroria.

“Ky përbën një skandal dhe shkelje të rëndë ligjore dhe Konfederata e Sindikatave të Shqipërisë I kërkon Prokurorisë dhe Policisë Shtetit të nisë një hetim pasi kemi të bëjmë më një rast zhvatjeje flagrante nga një njeri pa moral dhe pa nivel që prej vitesh njollos emrin e sindikatave dhe minatorëve.

Miratimi i statusit të minatorit është drejt finalizimit falë këmbënguljes dhe punës ndër vite të Konfederatës së Sindikatave dhe BSPSH dhe çdo përpjekje për të përfituar në kurriz të kësaj kategorie fisnike duhet të marrë përgjigjen e merituar nga organet e drejtësisë dhe Konfederata e Sindikatave do tu drejtohet policisë dhe prokurorisë për të denoncuar këtë abuzim.”-thuhet në deklaratë.

Më tej, KSSH thotë se vendos në dispozicion të medias edhe njoftimin e “Sindikatës Minatorëve 91” që kërcënon publikisht mbi 12 mijë ish minatorë që nëse nuk plotësojnë formularët pranë kësaj sindikate dhe nuk paguajnë gjobë tek Fiqiri Xibri nuk përfitojnë statusin e minatorit.

Po ashtu, KSSH thotë se ky kërcënim vjen nga njeriu që është filmuar dhe ka dalë në mediat më të rëndësishme duke shpërndarë para për pjesëmarrës në protesta, ky kërcënim vjen nga një leve e sigurimit të shtetit që këto 30 vite është vetëpërdorur nga çdo qeveri dhe disa oligarkë për të përçarë sindikatat dhe për të përçarë minatorët.

Gjithashtu, KSSH ka një apel edhe për zv.kryeministrin Erion Brace.

“Zv. Kryeministrit Erion Braçe që ka premtuar një administratë dinjitoze Konfederata e Sindikatave të Shqipërisë i kërkon një sqarim ne emër të  gjithë minatorëve shqiptarë për këtë skandal.”-thuhet ndër të tjera në deklaratën e KSSH.

Deklarata e plotë e KSSH:

Fiqiri Xibri, ekselenti me shkollë të mesme që u punësua na administratë u vendos “haraç” minatorëve dhe një apel për Braçen.

Fiqiri Xibri kryetar I një sindikate fantazëm që nuk ka asnjë anëtar u vendos gjobë minatorëve të Shqipërisë, teksa u kërkon atyre të plotësojnë një formular dhe të paguajnë një tarifë prej 10 mijë lekësh për të përfituar statusin e minatorit.

Ky përbën një skandal dhe shkelje të rëndë ligjore dhe Konfederata e Sindikatave të Shqipërisë I kërkon Prokurorisë dhe Policisë Shtetit të nisë një hetim pasi kemi të bëjmë më një rast zhvatjeje flagrante nga një njeri pa moral dhe pa nivel që prej vitesh njollos emrin e sindikatave dhe minatorëve.

Miratimi I statusit të minatorit është drejt finalizimit falë këmbënguljes dhe punës ndër vite të Konfederatës së Sindikatave dhe BSPSH dhe çdo përpjekje për të përfituar në kurriz të kësaj kategorie fisnike duhet të marrë përgjigjen e merituar nga organet e drejtësisë dhe Konfederata e Sindikatave do tu drejtohet policisë dhe prokurorisë për të denoncuar këtë abuzim.

LEXO EDHE:  Miratimi i statusit/ Minatorët paralajmërojnë përshkallëzim të protestës

KSSH vendos në dispozicion të medias edhe njoftimin e “Sindikatës Minatorëve 91” që kërcënon publikisht mbi 12 mijë ish minatorë që nëse nuk plotësojnë formularët pranë kësaj sindikate dhe nuk paguajnë gjobë tek Fiqiri Xibri nuk përfitojnë statusin e minatorit.

Ky kërcënim vjen nga njeriu që është filmuar dhe ka dalë në mediat më të rëndësishme duke shpërndarë para për pjesëmarrës në protesta, ky kërcënim vjen nga një leve e sigurimit të shtetit që këto 30 vite është vetëpërdorur nga çdo qeveri dhe disa oligarkë për të përçarë sindikatat dhe për të përçarë minatorët.

 Ky mashtrues kalibri duke përdorur disa minatorë arriti të shkojë deri në postin e Këshilltarit të Ministrit të Punës, ministri që ndër të tjera u mbyll edhe falë këshillave të këtij njeriu, që ende shpreson se mund të nëpërkëmbë dhe njollosë emrin e minatorëve, të cilët shumë shpejt do pajisen me status. KSSH u kërkon ish minatorëve të mos bien pre e shantazhit këtij njeriu dhe të vijnë pranë nesh e të denoncojnë çdo mashtrim tjetër të tij pasi ne do ti mbështesim në betejën e tyre ligjore.

Fiqiri Xibri falë punës tij ndër vite për të përçarë sindikatat mesa duket është shpërblyer teksa njerëz të kabinetit Kryeministrit kanë detyruar Ministren Anila Denaj ta emërojë atë Administrator të Dosjeve të Pensioneve në arkivën e ISSH.

Ky është një skandal në kufijtë e absurditetit dhe dikush duhet të përgjigjet për këtë, pasi ai rezulton se prej vitit 1994 është në pension.

Fiqiri Xibri ka kërkuar këtë post pasi të gjithë dinë se dosja e tij e daljes në pension është dyshimtë dhe ai është justifikuar se dosja është djegur në minierën e Valiasit në vitet 1990, ndërkohë objektivi I tij është rehabilitimi I dosjes tij të pensionit përmes falsifikimit.

Ky individ kobure e ndryshkur e ish Sigurimit Shtetit pasi “u lodh e sakrifikoi për të drejtat” e minatorëve ia doli që më në fund të vetëpunësohet sërish në administratë. Si mund ti besohet një pozicion I tillë në ISSH një personi me arsim të mesëm profesional në një kohë kur të shkolluarit me master e doktoraturë jashtë vendit enden rrugëve të papunë, këtë vetëm ata që kanë marrë përsipër ta shpërblejnë për veprimtarinë e tij antisindikale e dinë.

Nëse Rama, Braçe e Ministrat çdo ditë në ekrane na flasin se si ekselentët po punësohen në administratë, por në realitet një mashtrues me shkollë të mesme elektrike pozicionohet në një post kyç në një institucion shtetëror  dhe madje konflikt të pastër interesi, atëherë kemi të bëjmë me një problem të madh.

Zv. Kryeministrit Erion Braçe që ka premtuar një administratë dinjitoze Konfederata e Sindikatave të Shqipërisë I kërkon një sqarim ne emër të  gjithë minatorëve shqiptarë për këtë skandal.

Kryeministri Edi Rama të distancohet nga ky abuzim i këshilltarëve të ngushtë të tij  dhe të tregojë se nisma e tij për një administrate me ekselentë dhe punonjës shembullor nuk është muhabet kafenesh, rrjetesh sociale dhe premtim elektoral por një domosdoshmëri që do finalizohet deri në fund.

Epoka e talljes dhe djersën e minatorëve ka përfunduar !

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Punonjësit e uzinës së naftës në Ballsh 6 muaj pa marrë pagat/ Pse nuk proteston Arlind Qorri?

LEXO EDHE:  Miratimi i statusit/ Minatorët paralajmërojnë përshkallëzim të protestës

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Punonjësit e uzinës së naftës në Ballsh 6 muaj pa marrë pagat/ Pse nuk proteston Arlind Qorri?

LEXO EDHE:  Dita botërore e Sigurisë në Punë/ Në Shqipëri vdesin dy punonjës, institucionet në gjumë

 

LEXO TE PLOTE
Lajme të Rekomanduara: