Connect with Us

Ishin me fat/16 vajzat e panjohura që u martuan me VIP-at shqiptarë

Aktualitet

Ishin me fat/16 vajzat e panjohura që u martuan me VIP-at shqiptarë

Publikuar

-

Dashuria e çifteve të showbizit, lidhjet e tyre të fshehta ose jo, dasmat madhështore e ceremonitë private, janë ndër temat më të komentuara që ngjallin interes të madh për publikun. Shumë figura të ekranit kanë lidhur jetët e tyre me personazhe aspak të njohur për publikun.

Brikena Krasta

Bashkëshortja e moderatorit Adi Krasta, Brikena, e cila ka qenë drejtoreshë në Ministrinë e Kulturës. Çifti janë të martuar prej 23 vitesh.

Ines Fevziu

Bashkëshortja e moderatorit Blendi Fevziu, Ines. Blendi ka rrëfyer se ata janë dashuruar me shikim të parë tek Bordura e Hotel Dajtit, kur ajo ishte 15-vjeç dhe moderatori në vit të parë, por u është dashur të presin 11 vite që të ritakoheshin dhe të krijonin lidhjen e tyre.

Atena Popi

Bashkëshortja e moderatorit Eno Popi, Atena. Çifti janë njohur nga kolegë të përbashkët, pasi Atena kishte profil pune në media. Fillimisht, Eno kishte dëgjuar për Atenën nga Elona Duro, e cila e lavdëronte vazhdimisht. Më pas, ata dolën me një grup miqsh e nisën të afroheshin me njëri-tjetrin. Eno dhe Atena janë së bashku prej 9 vitesh.

Enida Çani

Bashkëshortja e Arian Çanit, Enida, profesioni i të cilës është stomatologe. Çifti janë së bashku pre 24 vitesh.

Monica Cana

Bashkëshortja e Lorik Canës, Monica. Loriku ka treguar se ata janë takuar për herë të parë në Romë, mirëpo nuk mundën të komunikonin dhe këmbyen vetëm numrat e telefonit.

“Në fillim kisha një ide që patjetër nusen duhet ta merrja nga vendi im por ajo më ka ndryshuar krejtësisht mendjen, duke menduar që ishte personi më fantastik që kam njohur. Në disa raste ajo është bërë edhe më shqiptare se shqiptarët.”- ka rrëfyer Loriku për bashkëshorten gjatë një interviste. Ish-kapiteni dhe Monica janë të martuar prej 5 vitesh.

Sadina Binaj

Bashkëshortja e aktorit të humorit Florian Binaj, Sadina. Ajo ka fituar Miss Universe Albania në vitin 2007 dhe me Florin është njohur në lice, kur Flori ishte në vitin e fundit për pikturë, ndërsa Sadina në vitin e parë. Mes çiftit dashuria ka lindur që me shikimin e parë dhe ata janë bashkë prej 15 vitesh.

“Sa e pamë njëri-tjetrin, kemi heshtur për 2-3 sekonda pa folur fare dhe në tru na ka kaluar mendimi “Ky/kjo është”. Ishte dashuri me shikim të parë.”- ka rrëfyer aktori gjatë një interviste.

Keisi Lusha

Bashkëshortja e reperit Stresi, Keisi. Marrëdhënia e tyre e dashurisë ka nisur në njërën prej lagjeve të Tiranës, 3 vite e gjysmë më parë. Mamaja e Keisit i kishte kërkuar Stresit t’ja ruante vajzën nga ngacmimet e djemve të tjerë të lagjes, por ishte Stresi ai që e ngacmoi Keisin derisa ata u lidhën së bashku. Çifti e mbajti të fshehtë për disa kohë marrëdhënien e tyre të dashurisë, derisa në shkurt të vitit të kaluar shpallën fejesën, e më pas u kurorëzuan në gjendjen civile edhe me martesë.

Andrra Destani

Bashkëshortja e Sinan Hoxhës, Andrra Destani. Tashmë Andrra është një prej figurave më të njohura të showbizit dhe numëron më shumë ndjekës se Sinani, por ku çifti u martua në gusht të vitit 2015, ajo ishte krejt e panjohur për publikun shqiptar.

Gresa Arifi

Bashkëshortja e reperit Lyrical Son, Gresa. Ata janë të martuar prej 5 vitesh dhe janë bërë prindër të dy vajzave, Eva dhe Erika.

Dorela Ademi

Bashkëshortja e Vedat Ademit, Dorela, e cila është ekonomiste. Ata janë njohur për shkak të muzikës, pasi vëllai i Dorelës luante në bandën e Vedatit. Çifti janë të martuar prej 11 vitesh  dhe janë bërë prindër të dy djemve.

Ariana Fejzullahu

Bashkëshortja e Ermal Fejzullahut, Ariana. Çifti janë njohur në moshë të vogël në një lokal në Prishtinë, kur Ermali ishte 19-vjeç dhe një vit më pas janë martuar. Ata numërojnë plot 11 vite së bashku dhe shumë shpejt do të bëhen prindër për herë të katërt.

Miranda Berisha

Bashkëshortja e Lumi B, Miranda. Çifti janë njohur që në shkollë të mesme dhe janë të martuar prej 7 vitesh. Ata janë prindër të një djali të quajtur Blin.

Charlotte Kadiu

Bashkëshortja franceze e balerinit Kledi Kadiu, Charlotte, e cila është gjithashtu balerinë. Pas disa vitesh lidhje dhe bashkëjetesë, ata u martuan më 28 qershor të 2018-ës. Çifti janë gjithashtu prindër të një vajze të quajtur Lea, e cila erdhi në jetë para se Kledi dhe Charlotte të kurorëzoheshin me martesë.

Rina Bytyqi

Bashkëshortja e Enis Bytyqit, Rina. Këngëtari e mbajti të fshehtë marrëdhënien me partneren deri në momentin që kurorëzoi me martesë dashurinë, në muajin gusht të vitit të kaluar.

Arbnora Xhaka

Bashkëshortja e Taulant Xhakës, Arbnora, e cila prej shumë vitesh jeton në Zvicër. Çifti u fejua në janar të vitit 2018.

Leonita Xhaka

Bashkëshortja e Granit xhakës, Leonita, me prejardhje nga Kosova. Ata janë të martuar së bashku që prej vitit 2015./Burimi:xing.al

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

 

LEXO TE PLOTE