Connect with Us

Oligarku i shëndetësisë/ Nga një mjek i thjeshtë, sot zotëron miliona euro pasuri

Aktualitet

Oligarku i shëndetësisë/ Nga një mjek i thjeshtë, sot zotëron miliona euro pasuri

Publikuar

-

Të dhënat e siguruar nga “Gazeta Shqip”, nëpërmjet bilanceve dhe dokumenteve të depozituara në Qendrën Kombëtare të Biznesit, ekspozojnë një oligark të krijuar rishtazi në sektorin e shëndetësisë.

Bëhet fjalë për Klodian Allajbeun, i cili deri në vitin 2007, pasuria e tij ishte modeste, ndërsa sot ai qarkullon miliona euro falë spitaleve private dhe koncesioneve të përfituara nga qeveria e majtë.

Është vetëm 41 vjeç dhe sot zotëron 5 spitale private, një seri biznesesh për pajisje mjekësore, 2 koncesione shëndetësie, kompani për prodhim energjie elektrike si dhe monopolin e tregut ushqimor në Tiranë.

Asnjë institucion financiar në Shqipëri nuk ka hetuar sesi ky njeri që doli nga hiçi, arriti të bëhej kaq i pasur në harkun e pak viteve.  Sot një qytetar i thjeshtë, nëse i tejkalon 50 mijë euro pasuri të dyshimta bëhet menjëherë objekt hetimi i Drejtorisë së Parandalimit dhe Pastrimit të Parave. Por kjo nuk ndodh për Allajbeun.

“Gazeta Shqip” do të listojë në këtë shkrim të gjithë pasurinë e Allajbeut. Fillimisht mjeku kardiolog me origjinë nga Berati e ka nisur me një klinikë të vogël private, ku nëpërmjet kredisë bleu pajisjen e koronografisë dhe prej aty nisi bypass-et. E gjithë vlera e pajisjeve ishte 700 mijë dollarë, por çuditërisht pas 6 muajsh ai shet vetëm 30 % të investimit për 3 milion euro.

Sot e kësaj dite, mbetet e paqartë por edhe e dyshimtë, sesi një biznes që vlen 700 mijë dollarë, shitet pas 6 muajsh 30% e tij, pra 210 mijë dollarë për 3 milionë euro.

Por pasuria e tij nuk ndalet me kaq!

Falë mbështetjes së qeverisë së djathtë, kardiologu krijon Spitalin Amerikan në Tiranë. Nga një mjek i një familje të thjeshtë, tashmë Klodian Allajbeu do të zotërojë një spital me vlerë disa milionë euro.

Spitali Amerikan do të merrte një pjesë të pronës së Spitalit Ushtarak, nëpërmjet një procesi privatizimi nga qeveria Berisha. Plot 15 mijë m2 është sipërfaqja që përfiton Allajbeu, ndërkohë që me kalimin e viteve ai ka kryer disa ndërtime pa leje.

Në një raport të posaçëm, Kontrolli i Lartë i Shtetit, konstatoi se Spitali Amerikan kishte pushtuar ambiente të tjera të Spitalit Ushtarak jashtë kontratës, si dhe kishte bërë ndërtime të paligjshme, përfshirë edhe një urë.

Por teksa qindra veta janë arrestuar edhe për ndërtimin e një çatie pa leje, për Allajbeun ligji duket se nuk ka qenë i barabartë. Ndaj tij nuk është marrë asnjë masë për këtë vepër penale.

Edhe pse bilancet financiare të Spitalit dilnin me humbje, Allajbeu e zgjeroi aktivitetin në sektorin e shëndetësisë, duke hapur edhe dy spitale të tjera, Spitali Amerikan 2 përballë QSUT-së dhe një tjetër, Spitali Amerikan 3, në krah të fabrikës së Birrës Tirana.

LEXO EDHE:  Mega-Skandali/ Gerd Hoxha “vret” Ardit Gjoklajn jashtë landfillit të Sharrës?

Së fundmi, biznesi i familjes Allajbeu është shtuar edhe me blerjen e Spitalit Hygeia, ndërsa po përflitet se është në tratativa për të blerë Spitalin Salus.

Pra, një oligark i vërtetë që pothuajse ka monopolizuar tërësisht sektorin shëndetësor privat në Shqipëri. Kjo ka bërë që tarifat e spitaleve private të jenë të kripura, për shkak të mungesës së konkurrencës.

Koncesionet “Allajbeu”

Përveç sektorit shëndetësor, Klodian Allajbeu, i cili njihet si Klodi i “Spitalit Amerikan”, është futur edhe në linjën e koncesioneve shëndetësore. Fillimisht ai nisi të ofronte shërbimin e dializës tek Spitali Amerikan për pacientët, duke përfituar nga fondet shtetërore të FSDKSH.

Më pas, qeveria vendos që shërbimin e dializës ta kthejë në koncesion. Fituesi dukej i paracaktuar, dhe ky ishte Klodian Allajbeu. Vlera e koncesionit ishte 63.5 milionë euro.

Zyrtarisht fituese e këtij koncesioni ishte bashkimi i kompanive mes Spitalit Amerikan me 15% dhe Evita me 85% e cila kontrollohej nga vajza e xhaxhait të Klodian Allajbeut. Më pas, kompania Evita nëpërmjet disa lëvizjeve të dyshimta shitet tek Arimo B.V, një kompani guacë në Holandë.

Pak vite më pas, në prill të 2017  jepet me koncesion shërbimi i Laboratorëve në Shqipëri, me vlerë 70 milion euro, për 10 vitet e ardhshme. Koncesioni kishte të bënte me administrimin e analizave të 18 spitaleve publike shqiptare. Qeveria shpalli fitues të koncesionit të laboratorëve bashkimin e kompanive  AB Laboratory Solutions B.V, Arimo B.V dhe Vendeka European Investiment B.V e cila është në pronësi të Klodian Allajbeut 100%.

Emri i Vendeka-s dhe pronarit të saj është zbuluar rastësisht duke hetuar mbi abuzimet e Tregut Agro Ushqimor të Tiranës: Allajbeu i ka transferuar Vendeka-s, pra shoqërisë së tij në Holandë, aksionet e shoqërisë Agromark, pronare e 33% të Tregut të Tiranës.

Pikërisht, Holanda është edhe pika që i bashkon këto dy koncesione në një dorë të vetme, atë të Klodian Allajebut. Shoqëria Arimo B.V. që kontrollon shumicën e PPP mbi hemodializat dhe shoqëria Vendeka janë të regjistruara në të vërtetë në të njëjtën adresë: Nassaulaan 2 A, 2514 JS, Hagë.

Deri më 17 janar 2017 të dyja shoqëritë janë administruar nga e njëjta shoqëri holandeze, Capita Asset Services. Të njëjtën ditë, të dyja ndryshojnë administrator dhe i besojnë administrimin ITPS, një tjetër shoqërie  holandeze.

Por koncesioni i laboratorëve është i shoqëruar nga një tjetër skandal, pasi një prej kompanive që është shpallur fituese nuk u paraqit asnjëherë për të diskutuar detajet e marrëveshjes./ Gazeta Shqip

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Aktualitet

Artan Hoxha tregon sa kohë ka Llalla që të paraqitet, ndryshe shpallet në kërkim ndërkombëtar

Publikuar

-

Nga

Gazetari Artan Hoxha  i ftuar në ‘Opinion” tha se ish-kryeprokurori Adriatik Lllalla,  ka një javë kohë të paraqitet vetë pranë autoriteteve shqiptare, në të kundërt Llalla do të shpallet në kërkim ndërkombëtar.

“Llalla ka një javë kohë të paraqitet vullnetarisht. Policia e Shtetit ka vënë në dispozicion…Llalla nuk mund të fshihet kollaj, dhe fshehja nuk e ndihmon atë, e penalizon. Unë besoj që Llalla do të paraqitet brenda kësaj jave.

LEXO EDHE:  Me dy paga, 15 000 euro kursime/ Gjyqtarja e Tiranës, e pastrehë dhe me kredi

LEXO EDHE:  Apartamente nga Tirana në Pogradec dhe Orikum/ Sa ka përfituar Dashamir Shehi nga politika



Llalla po s’u kap për 5 vjet, parashkruhet vendimi”, u shpreh gazetari Hoxha./CNA.al

LEXO TE PLOTE

Aktualitet

Çështja Llalla/ Klodiana Lala zbulon pasuritë e sekuestruara të ish-kryeprokurorit

Publikuar

-

Nga

cna lajme aktuale

Ish-kryeprokurori Adriatik Llalla u dënua sot me vendim të formës së prerë me 2 vite burg dhe 5 vite përjashtim nga funksionet publike nga Apeli i Gjykatës së Posaçme Kundër Korrupsionit.

Njëkohësisht gjykata ka vendosur të sekuestro mbi disa prona të Llallës, të cilësuara si pasuri të pajustifikuara.

Gazetarja Klodiana Lala ka deklaruar në studion e emisionit “Opinion”, se ndër pasuritë e pajustifikuara të ish-kryeprokurorit janë renditur: Një shtesë kati e padeklaruar në banesë, 22.300 metër katror tokë në zonën midis Pallatit të Brigadave dhe Teg dhe një apartament në zonën e Durrësit.



Ndër akuzat e ngritura ndaj ish-kryeprokurorit Adriatik Llalla janë parë të pajustifikueshme edhe shpenzimet që ai ka kryer në një spital në SHBA, ku bashkëshortja e tij ka sjellë në jetë fëmijën e tretë.

LEXO EDHE:  I vendos aparat në zemër pa qenë nevoja/ Spitali Amerikan mashtron pacientin

LEXO EDHE:  Zbardhet pasuria e deputetëve të PS, transaksionet miliona euro të Koço Kokëdhimës, Majko-Blushi-Çuko-Ndreu më të varfrit

Gazetarja Klodiana Lala deklaroi në seancat e shkuara ku ka qenë i pranishëm, vetë Llalla kishte kërkuar që të thirrej si dëshmitar një biznesmen amerikan, për të cilin pretendoi se ka paguar shpenzimet cash në këtë spital.

 “22.300 metër katror që janë blerë nga zoti Llalla në periferi, një zonë që mund të konsiderohet e ardhmja në ndërtimin e vilave. Sipas SPAK rezulton që i ka blerë me një çmim të ulët i ka rivlerësuar dhe I ka shitur me një çmim 6 herë më shumë nga sa i kishte blerë”, tha Lala./ CNA.al

LEXO TE PLOTE

Aktualitet

Kush e ka radhën pas Adriatik Llallës”/ Përmeti paralajmëron arrestime të bujshme

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Ish deputeti Andi Përmeti, duke komentuar  rastin e Adriatik Llallësh në “Repolitix” deklaroi se do të ketë ndëshkime të tjera në rradhët e zyrtarëve të lartë.

Sipas tij do të ndëshkohen ministrat, madje dhe zyrtarë të vjetër.



“Unë besoj që e kanë niveli më i lartë që janë ministrat. Të PS PD dhe LSI. Besoj se do ketë zyrtarë të lartë që do shkojnë në SPAK. Do jenë dhe zyrtarë të vjetër, për të dhënë atë mesazhin që mund të bësh çtë duash por do  ndëshkohesh. Njerëzit duhet të fillojnë të ketë frikë dhe të thonë se nuk mund të vazhdohet gjithmonë kështu, duhet të marrë fund pandëshkueshmëria”, tha Përmeti./CNA.al

 

LEXO TE PLOTE