LEXO PA REKLAMA!

SHKARKO APP

Per nje ristartim futbollistik/Nga Roland Luçi

25 Mars 2019, 23:15, Aktualitet CNA
Per nje ristartim futbollistik/Nga Roland Luçi

Rezultati te genjen, morem tre pike ndaj principates se Andorres, me ndihmen e amatoreve-lojtare te saj, dhe vetem kaq. Te tjerat jane statistike.

Te ishte akoma Panucci, edhe sot mbas asaj paraqitje qaramane do te thirrej ne kor “vaffanculo”, por meqe ai nuk eshte me, duhen NDRYSHIME, REFORMA, LEVIZJE shumeplaneshe duke filluar nga kampionati kombetar e deri te Perfaqesuesja si pasqyre e tij dhe jo e importit sporadik te elementeve nga jashte qe pak i lidh me Shqiperine, ashtu si duhej te ndihej i lidhur nje patriot me Kombetaren e vendit te vet.

– Duhen vendosur gjithshka mbi baza legale duke i dhene fund informalitetit te futbollit ne vend,
– Duhet gjetur forma perkatese e administrimit dhe pronesise se Klubeve te futbollit me mekanizmat perkatese te kontrollit si brenda tyre (jam shprehur dhe konkretisht disa here per kete pike), ashtu dhe nga jashte nepermjet organeve perkatese qeveritare dhe Federates se Futbollit duke penguar kumarxhinjte milionere te zaptojne perfundimisht futbollin, duke minimizuar bastveniet, shitblerjet, allishverishet qe vetem ata qe duhet ti ndalojne, nuk i shohin, bile i injorojne. Ketu e kam fjalen edhe per Prokurorine e shtetit.
– Duhen ri-ingranuar ne Kampionatin Kombetar metropolet urbane dhe sportive shqiptare, bile menjehere, fillimisht duke rritur ndjeshem numrin e ekipeve pjesemarrese ne Kampionat ne menyre qe atij ti hiqet petku fshataresk dhe te riveshi ate qytetar, tradicional, popullor.
– Rikonceptim i punes se FSHF dhe organeve te specializuara te saj si Komisioni mekatar i Disiplines dhe sektorit po aq mekatar te arbitrimit, me synim popullarizimin dhe jo vrasjen e sportit me masiv ne vend me pasoje debimin e publikut qe ate e dashuron.
– Reduktimin drastik te te huajve qe luajne ne Kampionat duke ulur ne maksimum pengesat ndaj elementit te talentuar vendas dhe penguar nga ana tjeter importin medioker.
– Meqe jemi te Kampionati: Thjeshtezoni emertimet, kthejani percaktimin kuptimplote Kategori e pare dhe lerini cic-micet me Superiore e kategori e pare, ku e kategoria e pare eshte ne fakt e dyta e keshtu me radhe te tjerat.
– Kosova tashme ka ekipin e vet Perfaqesues qe po kthehet fuqishem ne nje promovues jo vetem te sportit kosovar, por po i jep nje shtyse njohjes se metejshme te shtetit te ri shqiptar duke u bere nje faktor permanent pozitiv ne boten sportive, mediatike e deri politike europiane. E ne kete kuader lerini te qete e te lire, mos i joshni kosovaret per Kombetaren shqiptare. Ata kane shtetin dhe Perfaqesuesen e tyre ne te cilen ndihen krenare ne rolin e duhur te patriotit te shtetit te vet jashte çdo nuance komerciale qe vihet re gjithnje e me dendur ne Kombetaren tone.
– Episode te tilla si mosreagimi absurd i FSHF ndaj ultimatumit te nje futbollisti ndaj trainerit ngaqe nuk u thirr ne Kombetare, nuk duhet te ndodhin.

Mund te vazhdohet dhe me tej, ashtu si dhe ndonje pike e mesiperme shkruar emocionalisht mbas ndeshjes ne Andorre dhe mund te jete e tepert, e pasakte, e paplote.

Armando, nuk ti di planet, por nisur nga kohezgjatja e presidences tende, mund te supozohet te jete mandati yt i fundit ne krye te FSHF. Vepro me guxim e jashte kornizave servile qe te peshperiten nga ata qe presin te kuptojne se çfare mendon ti para se te thone mendimin ” e tyre”. Kohe nuk ke me bollek, do te ishte epilogu i duhur i nje investimi te madh tendin ne interes te futbollit.

Lajmet e fundit nga