Connect with Us

Trump: Prokurori Mueller veproi me ndershmëri në hetimin ndaj Rusisë

Aktualitet

Trump: Prokurori Mueller veproi me ndershmëri në hetimin ndaj Rusisë

Publikuar

-

Pasi e ironizoi për muaj me radhë Prokurorin Special Robert Mueller lidhur me hetimin për mundësinë e lidhjeve me Rusinë gjatë fushatës elektorale të vitit 2016, Presidenti Trump tha të hënën se zoti Mueller kishte vepruar në mënyrë të ndershme, duke e nxjerrë atë të pafajshëm ndaj akuzave për bashkëpunim me Moskën.

Udhëheqësi amerikan e pati cilësuar shumë herë hetimin “gjueti shtrigash”, por pas publikimit të një përmbledhjeje të raportit të zotit Mueller, u shpreh se konkluzioni i tij ishte “100 për qind ashtu siç duhej”.

Zoti Trump reagoi si fitimtar ditën pasi Prokurori i Përgjithshëm William Barr publikoi përmbledhjen e raportit të zotit Mueller lidhur me hetimin që zgjati për 22 muaj, duke thënë: “Ne nuk mund ta lejojmë t’i ndodhë kjo një tjetër presidenti amerikan.”

Presidenti tha se zyrtarët e zbatimit të ligjit që hapën hetimin para fillimit të hetimit nga zoti Mueller në maj të vitit 2017 bënë “shumë gjëra të këqija”, prandaj ata duhet të mbahen përgjegjës në një hetim të ri. Ai i cilësoi veprimet e këtyre zyrtarëve “tradhëti.”

I ulur në krah të Kryeministrit izraelit Benjamin Netanyahu, gjatë një ceremonie në Shtëpinë e Bardhë, zoti Trump nuk komentoi lidhur me mungesën e një vendimi nga zoti Mueller lidhur me çështjen nëse ai ishte përpjekur të pengonte drejtësinë, ndërsa përpiqej të parandalonte zhvillimin e një hetimi. Donald Trump u shpreh se publikimi i raportit të plotë të zotit Mueller “nuk do të më shqetësonte aspak.”

Shtëpia e Bardhë u shpreh të hënën se raporti i Prokurorit të Posaçëm Robert Muller, provon se presidenti Trump është i pafajshëm.Prokurori i Përgjithshëm William Barr publikoi të djelën një letër ku thotë se hetimi i Prokurorit të Posaçëm, Robert Mueller mbi ndërhyrjet e Rusisë në zgjedhjet e 2016-ës nuk ka zbuluar prova se Presidenti Donald Trump, apo persona të tjerë që punonin për fushatën e zotit Trump kishin bashkëpunuar në mënyrë të fshehtë me Rusinë. Lidhur me dyshimet e tjera në se Presidenti Trump ka penguar drejtësinë apo jo, raporti i zotit Muler nuk jep një përgjigje të qartë PO ose JO.

Shtëpia e Bardhë tha të hënën se hetimi i gjatë lidhur me kontaktet mes agjentëve rusë e fushatës së zotit Trump shërbeu për të shpaguar presidentin, duke thënë se konkluzionet e raportit e nxjerrin presidentit “tërësisht dhe plotësisht të pafajshëm”.

“Raporti arrin në përfundimin që është e pamundur të dilet me konkluzion. Ky raport iu dorëzua Departamentit të Drejtësisë ku u dha vendimi. Prokurori i Përgjithshëm ndoqi procesin ligjor, duke bashkëpunuar me zëvendës prokurorin e përgjithshëm, i cili ka qenë i përfshirë që në fillimet e këtij procesi dy-vjeçar absurd. Ata dolën me përfundimin se nuk kishte pengim drejtësie. Ky përfundim e nxjerr presidentin krejtësisht të pastër. Nuk di si mund ta shohësh ndryshe,” tha zëdhënësja e Shtëpisë së Bardhë Sarah Sanders.

Prokurori i Përgjithshëm William Barr nxori të dielën një përmbledhje me katër faqe mbi hetimet që filluan 22 muaj më parë lidhur me akuzat se fushata e Presidentit Trump kishte bashkëpunuar në mënyrë të fshehtë me Rusinë, për të ndikuar tek zgjedhjet në favor të zotit Trump.

Zoti Barr ia dërgoi përmbledhjen Kongresit dhe e publikoi të dielën. Prokurori i Posaçëm Mueller i dorëzoi të premten raportin e tij Departamentit të Drejtësisë.

LEXO EDHE:  FOTOT/ Ja si i pret Presidenti Obama Kryeministrat

Sipas zotit Barr, raporti i Prokurorit të Posaçëm Mueller nuk përfshin ndonjë konkluzion se Presidenti Trump pengoi drejtësinë, duke ia lënë Prokurorit të Përgjithshëm dhe zëvendësit të tij të dalin me përfundimin e tyre.

Megjithëse Prokurori i Përgjithshëm Barr thotë se raporti i zotit Mueller nuk eliminon plotësisht dyshimet mbi presidentin, para se të nisej nga Florida dje, zoti Trump tha se raporti “e nxjerr plotësisht dhe tërësisht të pastër”.

“Nuk kishte bashkëpunim të fshehtë me Rusinë. Nuk kishte pengim të drejtësisë. Nga raporti dal plotëtisht dhe tërësisht i pastër. Është për të ardhur keq që vendi kaloi nëpër këtë proces. Është për të ardhur keq që presidenti kaloi nëpër këtë proces që filloi ende pa u zgjedhur unë dhe që u hap në mënyrë të paligjshme. Shpresoj që dikush të analizojë palën tjetër,” tha presidenti.

Senatori Lindsey Graham, Kryetar i Komisionit të Senatit për Gjyqësorin komentoi në Twitter: “Bravo, zotit Mueller dhe ekipit për analizën e hollësishme të të gjitha gjërave që lidheshin me Rusinë. Tani duhet ta lëmë pas këtë proces, të merremi me qeverisjen e vendit dhe të përgatitemi ta luftojmë Rusinë dhe aktorë të tjerë të huaj në 2020-ën”.

Në një deklaratë të përbashkët me shkrim, Kryetarja e Dhomës së Përfaqësuesve, Nancy Pelosi dhe kreu i pakicës demokrate në Senat, Chuck Schumer thonë: “Duke pasur parasysh qëndrimet e njëanshme të zotit Barr gjatë karrierës së tij dhe komentet tendencioze ndaj hetimeve të Prokurorit të Posaçëm, ai nuk përfaqëson një vëzhgues neutral dhe nuk është në pozitë të nxjerrë përfundime objektive për raportin”.

Kryetari i Komisionit të Dhomës së Përfaqësuesve për Gjyqësorin, Jerry Nadler tha se komisioni i tij do të thërrasë zotin Barr për të dëshmuar:

“Është shumë e rëndësishme që Prokurori i Përgjithshëm të bëjë publik raportin e plotë dhe provat që u analizuan për këtë raport. Kongresi dhe populli amerikan duhet të kenë qasje në raportin e plotë dhe dokumentacionin mbështetës. Sa më shumë nga ky informacion të bëhet publik, aq më mirë do të jetë. Unë kam në plan të luftoj për transparencë. Do t’i kërkojmë Prokurorit të Përgjithshëm të dëshmojë para Komisionit të Dhomës së Përfaqësuesve për Gjyqësorin. Do të kërkojmë publikimin e raportit”- tha zoti Ndaler.

Shumë nga kandidatët demokratë në zgjedhjet presidenciale, ndër to Kirsten Gillibrand, Cory Booker, Kamala Harris dhe Elizabeth Warren, thanë dje se janë të pakënaqur nga publikimi i një përmbledhjeje të shkurtër, të përgatitur nga personi i zgjedhur nga vetë presidenti si Prokuror i Përgjithshëm.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Punësimi në SHBA/ Ambasada bën njoftimin e rëndësishëm, ja kushtet që duhen plotësuar

LEXO EDHE:  Si po rikthehet ISIS-i

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Impeachmenti vetëm sa e konfirmon lidershipin e Donald Trumpit

LEXO EDHE:  FOTOT/ Ja si i pret Presidenti Obama Kryeministrat

 

LEXO TE PLOTE
Lajme të Rekomanduara: