Aktualitet
Financimi me para ruse/ Dy pyetje për Lulzim Bashën
Kryetari i Partisë Demokratike, Lulzim Basha është paraqitur sot në Prokurori, për të dëshmuar në lidhje me dyshimet për kontratat e lobimit me para ruse në SHBA, në prag të zgjedhjeve të 25 qershorit 2017.
Ditën e enjte Basha u thirr për të dëshmuar, por ia mbathi drejt Brukselit, duke braktisur kështu protestën e opozitës, por edhe duke refuzuar thirrjen e prokurorisë. Për më tepër, nisi edhe një letër fyese ndaj prokurorisë, duke e cilësuar si çështje politike.
Por, sot ndryshoi mendje dhe shkoi me vrap në Prokurorinë e Tiranës me justifikimin se letra e parë ishte për t’u njohur me aktet dhe jo ligjore, dhe tashmë si person që ka dijeni.
Prandaj, ai është i pabesueshëm për demokratët, të cilët janë kundër Edi Ramës, por nuk i besojnë dot Lulzim Bashës që ndryshe flet e ndryshe vepron. Doli në një letër publike, ku thoshte prokurori politike, e drejton qeveria, etj, por sot shkon në prokurori me justifikimin se letra e parë ishte për t’u vënë në dijeni, dhe tashmë si person që ka dijeni, del dhe sfidon prokurorinë, duke thënë të bëjë publike letërporositë.
Por, ka ardhur menjëherë përgjigja e organit të akuzës.
Në përgjigje të sfidës së Lulzim Bashës, Prokuroria ka zbardhur dy letër-porositë nga SHBA dhe Skocia, duke thënë se ka prova, se PD fshehu 650 mijë $ për lobim.
“Duke marrë shkak interesimin e medias për hetimin që po zhvillohet bëjmë me dije se objekt i hetimit është vërtetësia e shpenzimeve monetare të kryera nga subjekti politik PD në fushatën elektorale të vitit 2017.
Nga hetimi kanë rezultuar dyshime të arsyeshme të bazuara në prova se
ka një diferencë thelbësore mes deklarimeve të bëra zyrtare për shpenzimet e bëra nga subjekti PD, dhe shpenzimeve reale që ky subjekt ka bërë. Ky subjekt ka deklaruar vetëm shumën prej 25 000 dollarësh, dhe nuk ka bërë deklarime për shumën prej 650 000 dollarësh”, thuhet në deklaratën e Prokurorisë.
Por, pavarësisht hetimit të prokurorisë, ka dy pyetje, të denoncuara edhe nga mediat amerikane, shkruar edhe nga Zëri i Amerikës, të cilave Lulzim Basha nuk iu është përgjigjur kurrë.
E para, kush është burimi i 650 mijë dollarëve?
Pra, ku janë gjetur këto para? Sepse Basha një herë del e thotë se i kanë paguar shqiptarët e Amerikës, e një herë nuk kemi paguar dhe ndërkohë dolën që paratë janë financuar nga kompani off-shore. Kur paguhen para nga donacione ka noter, avokatë, numra llogarie bankare etj etj dhe jo offshore.
E dyta, cila është lidhja e Lulzim Bashës me Biniatta Trade Lp, pra me kompaninë off-shore ruse dhe pse ai paguan një shumë të tillë parash nga një kompani off-shore ruse për lobim?
Këto të dyja janë pyetjet që i janë shtruar Lulzim Bashës, të cilave nuk iu ka dhënë përgjigje kurrë.
Ku i gjete lekët? Pse nga offshore ruse?
Letërporositë apo dokumentat e prokurorisë, hetimi e të tjera, janë një e vërtetë që u duhet shkuar deri në fund, por Lulzim Basha të vërtetën e madhe e ka me këto dy pyetje që nuk u është përgjigjur kurrë.
Pa folur për ato që përmendem më sipër, që të enjten na tha që nuk e njihte prokurorinë, ndërsa sot e njoh. Tani t’ju përgjigjet pyetjeve ose të marrë raport sepse duket se i ka hapur vetes shumë halle ligjore jo vetëm në Shqipëri./ CNA.al
Pse ndryshoi qëndrim për prokurorinë, Lulzim Basha?
Prokuroria zbardh dy letër porositë/ PD fshehu 650 mijë USD për lobim
Pagesat e PD për lobim/ Letërporosi jo vetëm nga SHBA, por edhe nga Skocia
Ekskluzive-Skandali me lobimet ruse fundos Bashën?/ Konkluzionet dhe shkeljet ligjore
Politikë
“Do ta ketë personale me mua”/ Kryemadhi: Banda e incerenatorëve të ketë kujdes me kërcënimet
Kryetarja e LSI-së, Monika Kryemadhi ka zhvilluar një takim elektoral në qytetin e Durrësit pasditen e sotme.
Gjatë fjalës së saj Kryemadhi nuk la pa përmendur edhe aferën e incineratorëve, ku i akuzuari kryesor i LSI-së është Lefter Koka, kandidat i Ramës në Durrës.
Ajo tha që banda e incineratorëve duhet të ketë kujdes me kërcënimet, pasi do ta kenë personale me të.
‘Kam një fjali të shkurtër për bandën e inceneratorëve. E dini shumë mirë dhe e keni vuajtur në kurriz, presonin, dhunën, intimidimin dhe frustrimin që iu është bërë. Banda e incenratorëve ta dijë mirë që të ketë kujdes se nuk ka më polici që ta liron djalin nga komisariati kur e kap me armë pa leje sa herë të ndalon.
Banda e inceneratorëve ta dijë mirë se po iu afrua grave dhe vajzave të LSI në Durrës, ta mendojë se e ka personale me Monika Kryemadhin dhe gjithë gratë e Shqipërisë. Banda e inceneratorëve ta mendojë mirë kur të përmendë emrin e LSI se ato mandate që janë mandate gjaku do ti kthehen në vuajtje shpirtërore me breza të tërë.
Banda e inceneratorëve, që do sy për të parë dhe veshë për të dëgjuar, të ketë kujdes se gropa e plehrave Porto Romano, do ti kthehet në gropën e vuajtjes për tërë jetën. Banda e inceneratorëve ti largojë duart dhe sytë jo vetëm nga LSI por nga çdo njeri që nuk i do ata. Që i përbuz, që i ka ardhur në majë të hundës, që ka neveri për ta.
Ti largojë duart dhe sytë, jo vetëm nga LSI por nga çdo njeri që nuk i do ata, që i përbuz, i ka ardhur në majë të hundës, që kanë neveri për ta, sepse ne e dimë shumë mirë se sa vuan dhe ka vuajtur Durrësi nga harikiret e tyre. Por në 25 prill qytetarët e Durrësit, gratë, burrat, të rinjtë dhe të rejat do të votojnë LSI-në, do të votojnë numrin 6 sepse duke votuar LSI keni votuar për të ardhmen e fëmijëve tuaj.”/CNA.al
Kosova & Rajoni
Qeveria e Kosovës lehtëson masat anti-Covid/ Ndryshon orari i lëvizjes, rihapen këto aktivitete
Qeveria e Kosovës ka hequr disa kufizime të vëna më 6 prill për luftim të pandemisë së koronavirusit.
Me vendim të ri të së dielës, i cili nis së zbatuari nga 19 prilli, kufizimi i lëvizjes do të vazhdojë në periudhën 22:30 – 05:00.
Institucionet arsimore, si publike, ashtu edhe ato private të të gjitha niveleve të arsimit, do të zhvillojnë mësimin me prezencë online.
Bizneseve të gastronomisë do t’iu lejohet puna, mirëpo duket pasur parasysh mbajtjen e distancës fizike dhe kufizimin e konsumatorëve për metër katror.
Qendrat tregtare do të hapen po ashtu, duke pasur parasysh mbajtjen e distancës.
Sa i përket hyrjes në territorin e Kosovës, masa e njëjtë do të vazhdojë të zbatohet, që nënkupton se secili person që shkon në këtë shtet nga një vend me rrezikshmëri të lartë duhet të prezantojë testin PCR për koronavirus, jo më të vjetër se 72 orë.
Qeveria e Kosovës pati marrë vendim për atë që është konsideruar mbyllje e pjesshme nga data 7 deri më 18 të këtij muaji.
Masat kishin për qëllim luftimin e pandemisë, pas rritjes së numrit të të infektuarve nga muaji mars.
Prej 13 marsit, kur janë regjistruar rastet e para të infektimit, autoritetet shëndetësore në Kosovë kanë regjistruar 101,517 pacientë me këtë virus.
Prej tyre 2,072 kanë vdekur.
Kosova ka nisur procesin e vaksinimit kundër koronavirusit më 29 mars, pas sigurimit të 24,000 dozave të vaksinës AstraZeneca, përmes programit COVAX i Organizatës Botërore të Shëndetësisë, i cili ka për qëllim shpërndarjen e vaksinave në vendet e varfra.
Ky vend është thënë se do të pranojë edhe 76,800 doza tjera të vaksinës së AstraZeneca nga ky program në periudhën prill-qershor, ashtu sikurse mbi 100,000 doza të vaksinës Pfizer/BioNTech, deri në fund të qershorit.
Ministri i Shëndetësisë Arben Vitia ka thënë të dielën se një ekip negociues është duke punuar për sigurimin e vaksinave të miratuara nga Agjencia Evropiane e Ilaçeve dhe Administrata për Ushqim dhe Ilaçe (FDA) në Shtetet e Bashkuara./rel
Politikë
Video-Basha tallet me tropojanët/ Tropojsa e tropojse…
Kryetari i Republikës së Re, Lulzim Basha ka vijuar takimet në sajë të fushatës elektorale të 25 prillit.
Sot ai është ndalur në qytetin e Tropojës, ku ka ofenduar dhe është tallur rëndë me banorët e qytetit verior.
Teksa kishte hipur mbi një poltron dhe po fliste para dhjetëra militantëve të PD-së, Basha ka ofenduar vendasit duke i quajtur tropojse dhe topojsa, ndërkohë që banorëve të kësaj zone i thërrasin të gjithë tropojanë.
Kjo tregon papërgjegjshmëri nga ana e kreut të opozitës, i cili pretendon të marrë mandatin e kryeministrit dhe të drejtojë qeverinë e këtij vendi.
Basha shpeshherë ka bërë gafa në daljet publike, por deklarata e sotme mund të konsiderohet si më ofenduesja për shqiptarët dhe në veçanti tropojanët./ CNA.al
