Connect with Us

Kaput! Ka nisur numërimi mbrapsht për Ramën

Aktualitet

Kaput! Ka nisur numërimi mbrapsht për Ramën

Publikuar

-

numerimi mbrapsht edi rama

-Nga Enton Palushi  

Duke mbajtur një prej fjalimeve më të fuqishme në historinë e medias moderne, gazetarja e njohur e CNN, Christiane Amanpour deklaroi më shumë se dy vjet më parë se paradigma e vjetër në media ka rënë.

Mësova shumë kohë më parë, teksa po mbuloja gjenocidin dhe pastrimin etnik në Bosnjë, se nuk duhet të barazojmë kurrë viktimën dhe agresorin, se nuk duhet të krijojmë kurrë një moral fals apo një ekuivalencë të rreme faktike, sepse atëherë bëhesh bashkëpunëtor në krim. Prandaj unë besoj tek e vërteta, jo te neutraliteti, -tha ajo.

Besoj se duhet të jemi të vërtetë, jo neutralë. Besoj se duhet të ndalojmë banalizimin e së vërtetës.

Ky mesazh bëhet gjithmonë e më i rëndësishëm në situata krizash të rënda, si kjo ku është zhytur këto ditë Shqipëria. Në përpjekje për të treguar paanësi apo për të sulmuar sa më shumë opozitën, harrojmë se jo më kot na kanë thënë se jemi Pushteti i Katërt. Nuk e kemi marrë këtë cilësim se jemi në gjendje të tregojmë se është vrarë dikush në Elbasan apo është vjedhur një dyqan në Pukë. Nuk e meritojmë këtë nderim vetëm pse i mbushim studiot me tufa njerëzish ku ‘fitoren’ e ka në xhep ai që bërtet apo shan më shumë. Na kanë thënë se jemi Pushtet i Katërt sepse jemi në gjendje të monitorojmë pushtetet e tjera dhe të bëhemi akoma më të rëndësishëm kur këto pushtete mblidhen në një dorë.

Dikur eksperti i medias, Marshall McLuhan pati thënë se nëse do të shohësh progresin e një vendi, duhet të shohësh cilësinë e mediave të tij. Ndaj është momenti që të ngrihemi së paku në nivelin e raportimeve që bëjnë mediat e huaja për Shqipërinë këto ditë.

A nuk mund të themi edhe ne hapur atë që e thotë troç gazetari i Deutsche Welle-s gjermane, që raporton se mjafton skandali i Teatrit Kombëtar për t’i shkurtuar jetën politike artistit kryeministër?

A nuk mund të ngrihemi edhe në nivelin e revistës Spiegel në Gjermani, që e quan parlamentin një vend të demokracisë false, ku në vend që të bëhen ligje në të mirë të njerëzve, vetëm sa forcohet diktatura dhe oligarkia?

A nuk kemi ne këllqe që të themi pa pushuar atë që raporton ZDF gjermane se Shqipëria është nën pushtetin e mafies dhe drogës? A nuk na vjen zor kur ky kanal publik gjerman na pyet se si mund të mbajmë në këmbë një qeveri kaq të lidhur me krimin?

A nuk është e turpshme që nuk themi dot atë që shkruan prestigjiozja e jugut gjerman, gazeta me ndikim politik Suddeutsche Zeitung se kjo lëvizje, ndryshe nga sa pretendon qeveria, vjen nga poshtë dhe jo nga lart?

LEXO EDHE:  Çuçi i Ramës/ Ministër Bujqësie i ngordhin 5 lopë, ministër Rendit i vdiqën 30 njerëz!

A nuk na e mban të themi atë që po e thonë të gjithë mediat e huaja se lëvizja e studentëve, jo vetëm nuk ishte një shkëndijë e shkëputur nga kjo që po ndodh tani, por ishte shkëndija që ndezi zjarrin që po vazhdon?

A nuk mund të themi as ata që na e thotë Al Jazeera, që shkruan se në Shqipëri u larguan dy ministra të Brendshëm si të dyshuar për lidhje me trafiqet? Pse duhet të vijnë ata që të na thonë se Gjykata Kushtetuese nuk po ngrihet se qeveria synon të sundojë dhe të grabisë sa më shumë prona në jug të vendit?

Po pse duhet të na e thotë radio publike franceze RFI që klientelizmi dhe korrupsioni në Shqipëri ka kapur majat dhe se nisma të tilla si PPP-të janë të dënueshme?

Apo duhet të na vijë gazetarja e Der Standard austriake që të na thotë se tezën për ndarjen e Kosovës e ka hedhur vetë Edi Rama në një takim me Aleksandar Vuçiç, duke ndihmuar kështu histerinë e Serbisë së Madhe dhe duke rrezikuar t’i vërë flakën rajonit dhe jo vetëm? Apo duhet ta lexojmë te gazeta e rëndësishme zvicerane, NZZ se Edi Ramës nuk i bëhet vonë nëse rajonit i del tymi, mjafton që të bëjë diçka: të mbahet me çdo çmim pas pushtetit?

Ose të paktën të guxojmë të ngremë pyetjen e analistit të Rai Due në Itali se si mund të jetë një vend normal ku shumica dërrmuese duan të emigrojnë? Pastaj nuk po kërkojmë që të bëjmë si agjencitë italiane që atë grumbull njerëzish që dalin në bulevard e quan ‘turmë oqeanike’.

Apo u desh ta shihnim te Zëri i Amerikës që ta kuptonim se zgjedhjet vidhen ditën për diell dhe se ky proces nuk ndalet fare? Ja shikoni prezantimin e pritshëm të Erion Veliajt si kandidat i PS për Tiranën, që ka nisur me presionet për nxjerrjen e administratës më përdhunë në takim. Ose shikoni shpenzimet faraonike për këtë propagandë. A nuk është ky manipulim zgjedhor i dashur ambasador i OSBE?

Për këto të gjitha, që na i kanë thënë të huajt hapur dhe që i shohim me sy përditë e ndoshta nuk duam t’i pranojmë, gazeta MAPO u bashkohet atyre zërave që thonë se ka ardhur koha: Ky kryeministër duhet të largohet. Numërimi mbrapsht ka ditë që ka nisur!

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Aktualitet

5 fëmijë të bllokuar në Siri/ 82-vjeçari jeton me shpresë: Nuk do i mbyll sytë pa i parë

Publikuar

-

Nga

Teksa kthimet e fëmijëve të bllokuar në kampin Al Hol në Siri vijojnë Dylber Shuli 82 vjeçari nga fshati Zagorçan i Pogradecit sërish nuk ka mundur të marrë lajmin e mirë se 5 mbesat e nipërit e tij po vinin.

Pas 8 vitesh pritje me shpresën se ata do kthehen tashmë ai është lodhur kjo nga mosha, sëmundjet por edhe pritja e gjatë.

Nga hera e fundit që ai ka folur për mediat është shumë herë më i lodhur dhe i zhgënjyer që ende nuk ka një lajm për kthimin e 5 fëmijëve të shtëpisë Shuli.

LEXO EDHE:  3 milionë euro për 250 mijë vaksina/ Çfarë përmban kontrata 'konfidenciale' e qeverisë shqiptare me Pfizer

Dylberi megjithatë teksa tregon në foto nipërit e tij ende ka shpresë, nuk do i mbyll sytë deri ditën që ti shoh ata në oborrin e shtëpisë thotë ai edhe pse këtë ditë e sheh të largët.

LEXO EDHE:  Meta sherr me policinë bashkiake/ Vangjel Dule: Nuk është ogur i mirë

Djali i Dylberit, Krenar Shuli ka ikur para 8 vitesh bashkë me bashkëshorten e tij dhe 4 fëmijë, sot në kamp janë 5 fëmijë pasi vajza e madhe lindi një djalë të vogël atje pasi e martuan në moshën 12 vjeçare./ CNA.al

LEXO TE PLOTE

Kosova & Rajoni

Krijimi i mediave të reja rrit keqinformimin

Publikuar

-

Nga

Keqinformimi dhe gjuha e urrejtjes janë mjaft të pranishme në mediat e Kosovës. Kjo tendencë, sipas Bordit Ndërkombëtar të Kërkimit dhe Shkëmbimeve (IREX), është veçanërisht e pranishme në mediat në internet që prodhojnë lajme me një burim të vetëm.

Jeton Mehmeti, autor i raport të IREX-it, në pjesën ku flitet për Kosovën, ka shpjeguar për Radion Evropa e Lirë, se përkundër rritjes së numrit të mediave në Kosovë, kualiteti i lajmeve është në rënie e sipër.

Ai thotë se në raport përmenden fakte se dezinformatat dhe gjuha e urrejtjes, janë mjaft prezentë në media, sidomos në vitet elektorale.

“Gjuha e urrejtjes në media është shpeshtuar. Një prej burimeve të mesazheve urrejtëse dhe dezinformatave janë edhe deputetët, të cilët duke u fshehur prapa imunitetit lëshojnë deklarata të paverifikuara gjatë diskutimeve parlamentare, e të cilat pastaj publikohen edhe nga disa media. Edhe sondazhet me qytetarët e Kosovës tregojnë se përhapja e dezinformatave, propagandës dhe gjuhës së urrejtjes, janë prej arsyeve kryesore që qytetarët nuk u besojë disa mediave”, thotë Mehmeti.

Faktorët të cilët nxisin urrejtjen kanë ardhur si pasojë e mungesës së burimeve të mjaftueshme, me ç’rast, sipas Mehmetit, një numër i madh i përmbajtjes që publikohet nga mediat ka mungesë të burimeve të shumëfishta të besueshme.

“Shumë raportime janë të bazuara në opinione apo deklarata të vetme të politikanëve apo individëve. Kjo praktikë ka bërë që shumë shkrime të kenë mungesë të kontekstit dhe elaborimit”, thotë Mehmeti për Radion Evropa e Lirë.

Megjithatë, në raport e organizatës thuhet se mediat kosovare ofrojnë informacion cilësor për një shumëllojshmëri temash dhe se mediat kryesore prodhojnë informacion bazuar në fakte.

Në raportin e IREX-it thuhet mes tjerash se kualiteti i informimit dhe konsumi dhe ndërveprimi me informacionin kanë pranuar pikët më të ulëta, duke theksuar se mediat dhe sektorët e informimit nuk kanë arritur që të plotësojnë në tërësi standardet ndërkombëtare për kualitetin e informimit.

Aty thuhet se mediat online janë rritur shpejt, duke nxitur shumëllojshmëri në kanalet e informimit. Kjo rrjedhje e informacioneve, megjithatë, nuk do të thotë që qytetarët e Kosovës kanë aftësinë dhe veglat e duhura të edukimit medial. Panelistët e përpilimit të raportit kanë theksuar se këto mangësi i lënë konsumatorët të ndjeshëm ndaj lajmeve të rreme. Megjithatë, panelistët gjithashtu shprehën besimin se keqinformimi dhe gjuha e urrejtjes janë mjaft prezentë në media.

Pikët më të ulëta nga 20 indikatorët iu dhanë indikatorit Barometri i Informimit të Pastër (VIBE) në burimet për prodhimin e përmbajtjes, duke lënë të kuptohet se mediat prodhojnë një sasi të madhe të lajmeve pa burime të mjaftueshme. Ky trend është veçanërisht prezent në mediat online, që po rriten në numër dhe që prodhojnë lajme një-burimore.

Krijimi i mediave të reja dhe nxitja e gjuhës së urrejtjes

Edhe Zekirja Shabani, njohës i mediave në Kosovës, njëherësh ish-kryetar i Asociacionit të Gazetarëve të Kosovës, thotë për Radion Evropa e Lirë, se gjuha e urrejtjes dhe keqinformimi në Kosovë, çdo ditë e më shumë po rriten.

LEXO EDHE:  Brataj në ‘reportazhin’ e Ramës/ Ironizon mjeku: U bëra xheloz për drejtorin ‘hero’

“Krijimi i mediave të reja përveç anës pozitive që ka me rritjen e pluralizmit medial, po ndikon edhe në rritjen e pakënaqësive ose nxitjen e gjuhës së urrejtjes. Mediat online, kryesisht ato që nuk kanë as adresë, as gazetar e as redaktor, po shfrytëzohen nga grupet e caktuara të interesit si mjete propagande në çështje politike apo lëmi të tjera”, thekson Shabani.

LEXO EDHE:  Intervista për televizionin italian/ Shqiptarët i nxjerrin bojën Ramës

Drejtoresha ekzekutive e Asociacionit të mediave të Pavarura Elektronike të Kosovës, Ardita Zejnullahu, thotë për Radion Evropa e Lirë, se të gjitha gjetjet e raportit të IREX-it, sa i takon Kosovës, qëndrojnë.

Klimë e rënduar e të bërit gazetari në Kosovë

Ajo thotë se për dallim nga mediat audio-vizuale, ku gjuha e urrejtjes është më pak e pranishme, në mediat online, ajo është shumë prezent.

“Në mediat online kjo dukuri është shumë prezent, pasi ato vet janë subjekt i vetrregullimit, po mendoj nuk ka ndonjë mjet sanksionues për keqinformim ose dezinformim ose për gjuhën e urrejtjes”, shprehet Zejnullahu.

Shabani thotë se Kosova ka ligje të mjaftueshme të cilat do të mund ta rregullonin mirë funksionimin e mediave në përgjithësi.

“Ka nevojë për zbatimin e rregullativës ekzistuese ligjore e cila pastaj do t’i mbronte jo vetëm gazetarët e mediat prej tendencave politike ose grupeve të interesit, por edhe palët e tjera që janë cak i mediave. Zbatimi i regullativave ligjore do t’i mbronte edhe qytetarët nga propaganda, shantazhi, e sulmet e tjera nga grupet e interesit përmes të ashtuquajturave media”, thekson ai.

Mediat e pakonsoliduar rrisin agresivitetin

Nga ana tjetër, profesori universitar dhe sociologu, Fadil Maloku, konsideron se gjuha e urrejtjes në mediat e Kosovës pa përjashtim është e tepruar. Ai mendon se ajo që është duke ndodhur ka qëllimin e përfitimeve të audiencës dhe klikimeve, gjë që sipas tij, ndikon keq në opinionin e gjerë.

“Mediat e pakonsoliduar e rrisin dozën e agresivitet me qëllim që të tregojnë se janë diku. Por, ideja dhe qëllimi është protagonizmi. Janë parë këto debate agresive, pa shije, pa kompetencë, por ky është produkt i një lloj mercenarizmi mediatik, i cili është duke u angazhuar. Tash së voni, në zgjedhjet e përgjithshme, për herë të parë në tregun medial në Kosovë kanë hyrë analistët me pagesë për të agjituar, për të mbrojtur ide dhe koncepte nga më të ndryshmet”, thotë profesori Maloku.

Me qëllim të promovimit të një shoqërie tolerante, respektimit të standardeve ndërkombëtare për të drejtat e njeriut si dhe të lirisë së shprehjes dhe për parandalimin e gjuhës së shpifjes dhe fyerjes, Kosova ka të miratuar Ligjin kundër shpifjes dhe fyerjes.

Barometri i Informacionit Aktiv nga IREX-i është një studim vjetor që shqyrton mënyrën se si prodhohet, përhapet, konsumohet dhe përdoret informacioni. Organizata jofitimprurëse IREX, me financim të Agjencisë amerikane për Zhvillim Ndërkombëtar (USAID) është e specializuar për çështje të arsimimin dhe zhvillimin global./REL

LEXO TE PLOTE

Aktualitet

Nuk respektuan orën policore/ Gjobiten 3 pronarë lokalesh në Durrës dhe 2 administratorë në Himarë

Publikuar

-

Nga

Tentoi të kalonte kufirin me dokumente false/ Policia kap në flagrancë shtetasen

Tre pronarë lokalesh në Durrës dhe dy administratorë në Himarë janë gjobitur pasi kanë shkëlur orën policore duke lejuar të vijojë aktiviteti pas mbylljes.

Masa administrative e marrë ndaj tyre është 1 milion lekë.

Në Durrës janë konstatuar dhe proceduar penalisht për veprën penale “Prishja e qetësisë publike”, A. G., 30 vjeç, pronar i një subjekti në lagjen nr.1, Durrës, pasi u konstatua duke vijuar organizmin e aktivitetit me muzikë, pas orarit të përcaktuar për mbyllje.

LEXO EDHE:  3 milionë euro për 250 mijë vaksina/ Çfarë përmban kontrata ‘konfidenciale’ e qeverisë shqiptare me Pfizer

LEXO EDHE:  Meta sherr me policinë bashkiake/ Vangjel Dule: Nuk është ogur i mirë

Në vijim të kontrolleve, janë konstatuar edhe 2 subjekte të tjera në lagjen nr.1, Durrës, me pronarë shtetasit A. Xh. dhe E. P., të cilët u ndëshkuan me masë administrative 1.000.000 lekë, pasi u konstatuan duke ushtruar aktivitet jashtë orarit të përcaktuar për mbyllje./ CNA.al

LEXO TE PLOTE