Connect with Us

“Lul Basha ka zgjedhur shokun”/ Henri Çili në panik: Më shtin të dridhurat

Aktualitet

“Lul Basha ka zgjedhur shokun”/ Henri Çili në panik: Më shtin të dridhurat

Publikuar

-

Për analistin Henri Çili, dy partitë më të mëdha në Shqipëri, PD dhe PS, janë mbi nivelin e Shqipërisë.

“Unë jam totalisht kundër estabilishmentit. Çdo zgjidhje kundër estabilishmentit mua më shtin të dridhurat. Sistemi bipartizan apo dy partizan është interes publik dhe interes kombëtar.

Pa dy partitë e mëdha ne shpërbëhemi si shoqëri. Imagjinoni që marrëveshjet ndërkombëtare t’i ketë në dorë një parti e vogël, ose që vota të varet nga këto. Unë mendoj që PD dhe PS janë mbi nivelin e Shqipërisë. Shqipëria është më poshtë se PD dhe PS.

Partia Demokratike dhe Partia Socialiste kanë sakrifikuar shumë për Shqipërinë. Dhe e fundit le t’i japim sistemit bipartizan, instrumentet e tij. Instrumenti kryesor i tij është sistemi mazhoritar. I pastër, pa kompensime, pa forma të tilla që zhvillojmë një luftë të vërtetë politike dhe të stabilizojmë spektrin politike. Estabilishmenti është i keq, anti-estabilishmenti është edhe më i keq”, ka thënë ai.

Sipas tij, PD dhe PS që në fillimin e tyre janë krijuar mbi nivelin e shoqërisë.

“PD dhe PS që nga fillimi kanë qenë krijime që janë krijuar mbi nivelin e shoqërisë dhe kanë qenë relativisht të përgjegjshme.

Ne kemi elitën politike më të mirë të mundshme. Shikoj profesorët në Shqipëri, shikoj gazetarët, shikoj intelektualët, janë nën nivelin e politikanëve.  Kush është këtu më i zoti se Berisha? Kush është këtu më i zoti se Rama?”, ka thënë më tej Çili.

I pyetur se si e mat zotësinë, Çili nuk ka dhënë një përgjigje konkrete.

“Nuk ka rëndësi, në polivalencën e vet. Nuk e kam në tërësi. Për shembull e di ti që forcat politike, qeveritë, kabinetet kanë rekrutuar forcat emë të mira universitare që nga vitet ‘90.  E di ti që niveli jonë profesional i ministrave ka qenë absolutisht nga njerëzit më të zgjedhur? Në këtë sens për mua PS dhe PD janë mbi nivelin e Shqipërisë. Çdo gjë tjetër në Shqipëri janë më poshtë”, është shprehur ai në emisionin Provokacia.

LEXO EDHE:  Rama ironizon Bashën: Ndërkombëtarët do thonë meqë po qan Luli jepi biberonin

Më tej ai ëhstë ndalur edhe tek situata politike në vend.

“Në Shqipëri po ndodhin të paktën tre zhvillime të rëndësishme. Në radhë të parë kemi ndjesinë e ngecjes, të pesimizmit, të një horizonti të mbyllur. Deri në 2015, 2016, 2013 Shqipëria ka pasur një sens prespektive, ka pasur një sens horizonti të hapur.

Elementi i dytë është fakti që në mënyrë të ngushtuar, modeli aktual, oferta ose struktura aktuale qeverisëse pothuajse i ka shteruar mundësitë e veta dhe lideri i saj, Rama. Por mbi të gjitha Shqipëria po rrezikon të rivulosë fatin e vet si një vend i prapambetur”, është shprehur ai.

Në lidhje me djegien e mandateve ai ka thënë se është dakord si akt i fundit për të shokuar demokracinë. Sipas tij, kjo është mënyra që ka zgjedhur kreu i demokratëve.

“Partnerët përgjuan disa grupe kriminale dhe na doli një gjë e caktuar, të cilën ne nuk kemi një sistem drejtësie funksional që të themi që kjo është kështu ose kështu. Atëherë çfarë ndodh? Cila është e keqja që palët të ritestohen në kushte neutrale.

Ç’do të thotë kushte neutrale? Si funksion në Shqipëri industria elektorale, funksionon në mënyrë të tillë që na ka ardhur në majë të hundës. Implikim i administratës, shfrytëzimi i pozicionit, fushatat e legalizimeve, populizmi dhe erdhëm te lidhjet e qarta me krimin dhe kandidatët. Sikur kjo mos të mjaftonte, kjo nuk po ecën, ne nuk po bëjmë hap në integrim.

Çfarë do themi në Qershor nëse do refuzohet prapë hapja e negociatave? Ka tre mënyra se si mund të përqasim një situatë me anë të profilaksisë, terapisë ose shokut. Lul Basha ka zgjedh shokun ta shokojë sistemin e demokracisë”, është shprehur Çili./CNA.al

1 Koment

1 Koment

  1. ben

    20 Mars, 2019 at 12:24 pm

    Ky te ben me vjell me kete shkrim

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Rritja e çmimit të ujit/Basha zbulon votën e demokratëve, dy politikanët që fajëson

LEXO EDHE:  Udhëtimi politik i Balilajve nga PD tek LSI dhe PS

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Ministrja e Ramës i kthehet ashpër PD-së/Zjarret e vapës s’janë njësoj si Gërdeci

LEXO EDHE:  Basha-Osmani: Avancimi i të drejtave të shqiptarëve arritje e politikës e shoqërisë maqedonase

 

LEXO TE PLOTE
Lajme të Rekomanduara: