Connect with Us

Një qeveri që e ushqen popullin vetëm me fjalë/ Nga Dr.Bledar Kurti

Aktualitet

Një qeveri që e ushqen popullin vetëm me fjalë/ Nga Dr.Bledar Kurti

Publikuar

-

Nëse ka diçka që nuk duhet t’ia mohojmë kësaj qeverie është retorika. Një qeveri që flet me fjalë kaq të bukura nuk kemi patur kurrë. Ajo flet aq bukur, me nerv e me një pasion aq të  thellë saqë beson edhe vetë ato që shpreh. Teksa fjalët i dalin nga goja plot patos, veshët e veta i dëgjojnë ato sikur të ishin simfoni, e mendja e vet i beson sikur të ishin të gdhendura në gurë, dhe dashuria për veten nis e pjell fantazinë se vërtetë kjo qeveri po shkruan historinë e këtij vendi.

Por, e vërteta është se kjo është thjesht një qeveri llafazane dhe se ka pesë vite që e ka ushqyer këtë popull vetëm me fjalë. Vetëm me fjalë në TV, gazeta, portale, rrjete sociale, mitingje, etj, nga e agimi e përtej mesnatës, duke tentuar të pushtojë me retorikën e saj edhe gjumin e shqiptarëve të cilët tashmë po përjetojnë një makth të tmerrshëm.

Kaq e dashuruar është qeveria me fjalët e veta saqë nuk përzgjedh më ministra profesionistë por llafollogë të sprovuar. Kësisoj, sa më shumë fjalë thotë qeveria aq më pak punë bëhet. Qeveria e fjalëve të mëdha dhe e veprave të pakta ka një bilanc të jashtëzakonshëm publicistike por mban mbi supe turpin e një populli të papunë, të uritur, e tashmë i gatshëm për t’u arratisur një orë e më pare.

Askush nuk ja kalon për fjalime kësaj qeverie. Vetë kryeministri reciton gjatë, me minuta të tëra, sikur e gjithë Shqipëria të ishte e shtruar me tapet të kuq, e ai të ishte kandidat për çmimin Oscar, por pavarësisht talentit të tij teatral, paradoksi është se fjalimet më të bukura të historisë janë bërë prej diktatorëve.

Sado llafollog i mirë të jetë premieri shqiptar apo e gjitha kjo qeveri, nuk mund t’ja kalojnë dot as Hitlerit, Musolinit, Kastros, etj. Dhe e gjithë bota e di se sa vlerë kishte retorika e tyre në raport me veprat që lanë.

“Brenda katër viteve fshatari duhet të shpëtohet nga moçali në të cilin është zhytur,” ulërinte një udhëheqës, plot zemër dhe hov pasioni. “Brenda katër viteve, më në fund, papunësia do të shuhet. Ndërkohë, do sigurohen kushtet e nevojshme për një ringjallje të tregtisë dhe biznesit. Tani o populli im, na jepni katër vite e më pas na gjykoni. Ne do e nisim punën që tani. Na dhëntë Perëndia i gjithëpushtetshëm bekimin e Tij për punën tonë, të forcojë përpjekjet tona, e na pajistë me mençurinë dhe besimin e popullit tonë sepse ne nuk po luftojmë për veten por për kombin tonë.” Ky ishte fjalimi i Adolf Hitler drejtuar kombit, më 1 shkurt 1933. I njëjti ton, i njëjti mesazh. E njëjta gënjeshtër.

Shtetarët e vërtetë nuk gjykohen nga fjalët por nga veprat. Me fjalët e qeverisë ne jemi ekonomia më e fuqishme në rajon; me numrin më të ulët të papunësisë; me numrin më të madh të turistëve; me reformën më moderne në drejtësi, shëndetësi dhe arsim; me taksa tejet të ulëta; me popullin më vital e mirë-ushqyer; me rininë të mbushur me shpresë; me pensionistë të lumtur; e me biznese të huaja që garojnë për të investuar në Shqipëri. Kjo është panorama virtuale, porsi një iluzion optik, i qeverisë llafazane, ndërkohë që vendi lëngon nga një varfëri ekstreme; papunësi galopante; mungesë totale e shpresës; pa institucionet bazë të funksionimit të një shteti; me shëndetësi e arsim katastrofik; me pensionistë që nuk kanë me çfarë të ushqehen; me taksa të larta të ujit, energjisë elektrike, pagave e shërbimeve; dhe rinia po merr arratinë bashkë me 60% të shqiptarëve që presin mundësinë më të vogël të largohen nga ky vend; dhe teksa dëshira për t’u larguar është më e zjarrtë se kurrë, asnjë investitor i huaj nuk vlon nga dëshira të investojë në këtë vend.

Teksa dëgjojmë retorikën përsëritëse të Shqipërisë së gjeneratës tjetër qeveria ka harruar vendin e brezit të sotëm që po zhytet në mjerim. Rilindje, reforma, novacion, e ardhmja, e fjalë të ngjashme me këto nuk janë aspak të reja. Ato janë një demagogji që qeveria jonë vazhdon t’i përdorë turpshëm. “Revolucioni nuk është një shtrat me trëndafila. Një revolucion është një luftë për vdekjen, midis së ardhmes dhe së kaluarës,” tha Fidel Kastro në vitin 1961. Populli e duartrokiti dhe kubanët u ushqyen me tre dollarë në muaj për gjysëm shekulli, sikurse ndodhi edhe në Shqipëri me Enver Hoxhën, sikurse ndodh edhe me fjalimet e sotme të cilat nuk zenë më vend as në zemrat e as në sofrat e zbrazura të shqiptarëve.

Fjalët boshe nuk mund t’i ushqejnë dot shqiptarët. Retorika qeveritare nuk ka më vend në zhvilllimin e mekur e të çalë të vendit. Nëse populli i thjeshtë gënjen qeverinë quhet shkelje ndërsa nëse qeveria gënjen popullin quhet politikë. Shqiptarët nuk e duan më këtë lloj politike fjalësh. Ndaj kyçeni gojën një herë të vetme e hapni sytë të shikoni vendin tuaj gjysmë të varrosur dhe hapni veshët të dëgjoni britmën e një kombi të etur për shpresë.

Nëse e keni gjuhën e gjatë dhe forca e zakonit nuk ju lë të ndaleni, atëherë shumë herët do përfundoni si xholë në estradën e përdalë të historisë ashtu siç përfundojnë gjithmonë fjalëshumët dhe punëpak

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE

Aktualitet

Teuta i ‘rrëmben’ Kukësit Stivi Frashërin

Publikuar

-

Nga

Ende s’është bërë zyrtare, por Stivi Frashëri do të jetë largimi i radhës te skuadra e Kukësit. Burime të sigurta pranë futbollistit bëjnë me dije për newsport.al që titullari i portës verilindore nuk do të vijojë më bashkëpunimin me nënkampionët.

28-vjeçari korçar preferon të ndërrojë ambient në sezonin e ri dhe të njëjtat burime tregojnë se është arritur akordi me “Djemtë e Detit”. Pra, në edicionin e ri futbollistik ai do të mbrojë katërkëndëshin e skuadrës së Bledi Shkëmbit.

Kujtojmë që “gardiani” i njohur është prej dy vitesh pjesë e Kukësit. Paraqitjet e tij me verilindorët kanë qenë relativisht pozitive, por shpesh herë nuk ka mundur t’i shpëtojë edhe kritikave.

Ka një CV të pasur pasi ka kontribuar me skuadra me emër si Flamurtari, Tirana, ndërsa është formuar te ekipi i Bylisit. Tashmë pritet të shihet se si do të vijojë aventura e tij e re në portën e durrsakëve.

LEXO TE PLOTE
Lajme të Rekomanduara: