LEXO PA REKLAMA!

SHKARKO APP

“Kur kërcej vendos një thelb hudhre në kokë!” Balerina e famshme shqiptare rrëfen 10 gjëra që nuk i kemi ditur për të

22 Shkurt 2019, 11:53, Lifestyle CNA
“Kur kërcej vendos një thelb hudhre në kokë!”

Ajo është një nga balerinat më të talentuara shqiptare.

Po flasim për 31-vjeçaren Isida Mollaymeri e cila prej kohësh është një nga solistet më të njohura të ?Teatrit kombëtar të Operas dhe Baletit.?

Për ?revistawho.com?, balerina e mirënjohur ka rrëfyer 10 gjëra që nuk i kemi ditur për të.

Për shembull e dinit që kur del në skenë, Isida gjithmonë vendos një thelb hudhre në kokë?

Me shumë mundësi nuk e dinit!  Atëherë vazhdoni leximin dhe zbuloni gjithçka?

?Unë shkruaj poezi të cilat kam dëshirë t?i botoj. Janë fragmente nga jeta ime personale dhe nga emocione të momentit. E jetoj shumë jetën sikur jam në një botë sureale, në një botë librash e përrallash.

Ditët që kam shfaqje bëj të njëjtat gjëra çdo ditë. Nëse ditën e parë të përgatitjeve bëj fillimisht grimin, pastaj kap flokët, dhe në fund vishem me rrobat e caktuara dhe tutat e nxehjes, edhe në të gjitha ditët që pasojnë ndjek të njëjtën radhë veprimesh.

Nuk postoj kurrë ?Insta Story? kur jam me pushime çift. Sigurisht që nuk publikoj as foto të jetës private në rrjete sociale. Nuk do e bëj kurrë. Më pëlqen shumë që gjërat e mëdha t?i shijoj vetëm, pa i ndarë me askënd.

Jam e sëmurë për korrektësi, madje kjo më bëhet dhe problem në shoqëri po dhe në punë. Aq elasticitet dhe fleksibilitet sa kam në trup, aq e drejtë dhe e papërthyeshme jam në kërkesa, orare, parime e në detyrat që kërkoj. Jam shumë strikte.

Kam vendosur një mur mbrojtës për veten, duke ju treguar të gjithëve me veprime se jam një ?grifshë?, një njeri që nuk ta lë mangët dhe një vajzë rebele. Ndërkohë, unë jam një njeri shumë i brishtë. Prekem shumë shpejt dhe lëndohem shumë, por askush nuk e kupton. Këto momente i kaloj gjithmonë me veten. Zakonisht bëj xhiro me makinë, ulem shoh hënën, lagem në shi (nëse është ditë me shi) ose shkoj buzë detit dhe eci.

Kam fobi nga vendet e mbyllura, dua gjithmonë të rri nga ana e dritares kur udhëtoj. Edhe lartësitë më frikësojnë shumë, madje nuk jetoj dot në pallat, gjithmonë kam jetuar në shtëpi private.

Gjithmonë, kur dal në skene, kërcej, moderoj, sfiloj, ose jam e ftuar në emisione vendos një thelb hudhre në kokë.

Deri në moshën 28-vjeçare kam fjetur në kuzhinë në një divan që hapej çdo natë e mbyllej çdo mëngjes. Pra, gjithmonë kam fjetur në ?krevat dopjo? dhe patjetër me arushin me vete. Dua shumë hapësirë rreth meje sepse ngushtica më mbyt.

Dashuria dhe liria janë shumë të rëndësishme në jetën time. Unë gjithçka që bëj dua ta bëj me shumë dashuri e përkushtim. Mundohem çdo ditë, të jem sa më pozitive dhe e qeshur. Dua të gëzoj çdo person që ndodhet rreth meje, sepse kështu jetoj e lumtur.

Jam shumë e fiksuar pas hënës, më duket sikur është pasqyrimi im, flas me të gjithmonë për gjëra që s?mund t?ia tregoj askujt. Pra për mua e vetmja që di gjithçka është Hëna.?

Lajmet e fundit nga