Connect with Us

Djegia e mandateve si mision i pamundur

Aktualitet

Djegia e mandateve si mision i pamundur

Publikuar

-

lulzim basha propozon djegien e mandateve

Lulzim Basha sot i kapi të gjithë në befasi pas daljes së tij në media me qëndrimin se do propozonte djegien e mandateve të deputetëve të PD-së.

Një qëndrim që i kapi “gafil” të gjithë megjithëse dje qarkulloi në qarqet gazetareske në mbremjen e protestës si një hap i ri i Lulzimit.

Por nga propozimi i Lulit, dhe deri në djegien e plotë të mandateve është një det i tërë dhe duket një mision i  pamundur.

Kjo për disa arsye që fillojnë me aleatët, kritikët, ndërkombëtarët dhe shumë faktorë të tjerë të cilët Luli i ka më shumë frikë se vetë babain e tij politik Sali Berishën.

Së pari LSI dhe Monika Kryemadhi kanë qenë kategorikisht kundër djegies së mandateve. Monika Kryemadhi ka thënë se mandatet e LSI janë mandate gjaku dhe djegia e tyre nuk është rruga e duhur për të zhvilluar betejën me Edi Ramën, pasi qëllimi i tij është që opozita të mos jetë në parlament.

Së dyti a do ketë fuqi Lulzim Basha, të bindë deputetët e tij të dorëzojnë mandatet, përfshi këtu edhe ata që i vendosi në listë familja dhe ata që Luli ju shiti vende si në tregun çam. Shumë prej atyre që Lulzim Basha u ka dhënë mandate të pameritur e dinë se nuk do jenë më pjesë e listës, prandaj kjo thellon më shumë mundësinë e kundërshtimit por edhe një çarje tjetër brenda PD-së, me gjithë ultimatumet e Berishës dhe pazaret e mundshme të Bashës për premtime se do jenë në listat e reja dhe do udhëheqin fitoren në zgjedhjet e parakohëshme.

Një problem tjetër për Bashën janë dhe aleatët në listat e tij, deri tani ka folur vetëm Agron Duka që ska asnjë mandat, të tjerët do mbajnë frymën deri të enjten me shpresën që të shpëtojnë. Foli PDIU por deputetët e kësaj force as që e pyesin Shpëtim Idrizin të tre kanë kaluar bindshëm pro qeverisë. Me gjithë qëndrimet publike se janë pro djegies së mandateve në konfidencë ata thonë se ky akt do ishte çmenduri. Dule, Ndoka, Shehi apo Mediu do jenë zërat e fortë kundër djegies së mandateve.

LEXO EDHE:  Aleati i Ramës: Basha po kërkon marrëveshjen me McAllister!

Së fundi faktori problematik dhe kryesori janë  ndërkombëtarët. Ata duket të jenë problem tjetër i madh i Lulzim Bashës, djegia e mandateve dhe dalja në rrugë e nxjerr PD nga linja politike e çon në rrugë dhe kjo do sillte një problem të madh në këto momente. Qëndrimet e tyre dje gjatë protestës treguan se Basha ka problem të mëdha me trupin diplomatik në Tiranë. Qëndrimet e llojit po për Francezët pse nuk flisni janë idiotsia e rradhës e disa infantilëve dhe idiotëve politikë që krahasojnë pozicionin politik të Shqipërisë me Francën. Për “gjelat” e Europës politikanët tanë vlejnë me pak se zoçkat e pulës e pa bëra ende klloçka. Prandaj faktorizimi duke përdorur mënyra dhe sjellje të vjetra nuk duket se e ndihmojnë Lulin. Aksioni politik real qëndron përtej propagandës që vjen nga zyra e kunatit.

Lulzim Basha e ka vendosur veten e tij përballë një problemi të madh politik. Radikalizimi me tezën se Edi Rama do ikte në 16 shkurt në të kundërt duhet të ikte ai dhe Mona, e kanë çuar në një qoshe ku është strukur për të shpëtuar. Ai po luan gjithçka me një skenar që duket të jetë i Sali Berishës. Por përballë kësaj skeme të vjetër dje qëndrojnë shumë faktore të ndryshëm, sot që dy kryetarët e PD, njëri në detyre dhe tjetri hije i dinë më mirë se kushdo tjetër.

Beteja duket të jetë një mision i pamundur  vetëm se përfundimi vështirë që të jetë njësoj si në filma./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Aleati i Ramës: Basha po kërkon marrëveshjen me McAllister!

LEXO EDHE:  Dashamir Shehi paralajmëron rrezik në Kavajë/Çfarë i kam propozuar Bashës

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Janari i trishtë i Bashës

LEXO EDHE:  Basha: Nuk bojkotojmë zgjedhjet, por s’pranojmë zgjedhje fasadë

 

LEXO TE PLOTE
Lajme të Rekomanduara: