Aktualitet
Rama i kërkon ndjesë Xhaferrit/ Fëmija nuk di se çfarë flet
Kuvendi i Shqipërisë është mbledhur sot në një seancë plenare, ku pritet të ratifikojë protokollin për anëtarësimin e Republikës së Maqedonisë së Veriut në NATO. I pranishëm në këtë seancë është edhe Kryetari i Kuvendit të Republikës së Maqedonisë së Veriut, Talat Xhaferi.
Kryetari i Partisë Demokratike, Lulzim Basha në fjalën e tij nga foltorja e Kuvendit, pasi shprehu ngushëllime për familjarët e viktimave, u është rikthyer akuzave ndaj qeverisë, e cila sipas tij është e lidhur me krimin e organizuar.
Ndërkohë, kryeministri Rama ka reaguar pas fjalës së kreut të PD, Lulzim Basha, i cili hodhi akuza të forta në drejtim të qeverisë.
“I dashur miku ynë, kryetari i Kuvend të Maqedonisë, ju kërkoj ndjesë për këtë shkelje të kodit të etikës. Ju siguroj që fëmija që sapo foli jo vetëm nuk i mendon ato që thotë por as nuk di se çfarë thotë”-tha Rama.
Aktualitet
Plas në Digitalb, stafi letër aksionarëve: Me detyrim të dalim në rrugë të madhe
Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.
Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.
Më poshte teksti i plotë dhe nje foto e emailit që qarkullon në Digitalb.
Aktualitet
KQZ u “mbyll derën” aleatëve të Bashës/ LSI: Nuk do të ndalemi
Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.
Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.
Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.
“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.
Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al
Aktualitet
Teuta i ‘rrëmben’ Kukësit Stivi Frashërin
Ende s’është bërë zyrtare, por Stivi Frashëri do të jetë largimi i radhës te skuadra e Kukësit. Burime të sigurta pranë futbollistit bëjnë me dije për newsport.al që titullari i portës verilindore nuk do të vijojë më bashkëpunimin me nënkampionët.
28-vjeçari korçar preferon të ndërrojë ambient në sezonin e ri dhe të njëjtat burime tregojnë se është arritur akordi me “Djemtë e Detit”. Pra, në edicionin e ri futbollistik ai do të mbrojë katërkëndëshin e skuadrës së Bledi Shkëmbit.
Kujtojmë që “gardiani” i njohur është prej dy vitesh pjesë e Kukësit. Paraqitjet e tij me verilindorët kanë qenë relativisht pozitive, por shpesh herë nuk ka mundur t’i shpëtojë edhe kritikave.
Ka një CV të pasur pasi ka kontribuar me skuadra me emër si Flamurtari, Tirana, ndërsa është formuar te ekipi i Bylisit. Tashmë pritet të shihet se si do të vijojë aventura e tij e re në portën e durrsakëve.
