Një kokë për një pëllëmbë tokë – CNA
Connect with us

Opinione

Një kokë për një pëllëmbë tokë

Publikuar

-

Nga Azgan HAKLAJ

* Koalicioni, apo më qartë kuarteti Putin-Erdogan-Rama-Thaçi, një aleancë antiperëdimore e antishqiptare, njëherësh kanë hyrë në dimrin e vetmisë së madhe. Dy të parët, lider autokratë dhe diktatorë kanë zgjuar ëndrrat dhe po përpiqen të jetësojnë ish-perandoritë ruso-otomane, njëherësh duan të ndajnë zonat e influencës në Ballkan përmes satelitëve të tyre Rama-Thaçi.
Edhe pak ditë festojmë 11-Vjetorin e Pavarësisë së Kosovës.
Pak ditë na ndajnë nga 20-Vjetori i Rambujesë.
Ky vit është 20-Vjetori i Çlirimit të Kosovës.

Edhe pak javë na ndajnë nga 20-Vjetori i fillimit të bombardimeve të NATO-s, Koalicionit të Lirisë, mbi Serbinë gjakatare të Millosheviçit. Në 78 ditë makineria luftarake serbe u shkërmoq si një kështjellë rëre e kasapi Millosheviç së bashku me gjeneralët e tij kanibalë u detyrua të kapitullonte pa kushte. Atë kohë Rusia e Boris Jelcinit, megjithë presionin diplomatik e Veton në OKB, nuk mundi t’u vijë në ndihmë vëllezërve serbë. Presidenti Klinton, Sekretarja e Shtetit Medlin Olbrajt, gjenerali Klark, Londra-Parisi-Roma i treguan mbarë botës se NATO dhe Perëndimi nuk do të lejonin kurrë që në zemër të Europës të ushtrohej dhunë, genocid e spastrim etnik. Makineria ushtarake kolosale e fitimtare e NATO-s mbështeti djemtë e vajzat e Kosovës e shumë bijë e bija nga mbarë hapësira etnike shqiptare që ishin rreshtuar në UÇK dhe me kurajo, vetmohim e trimëri të pashoqe rrokën armët e u hodhën si shqiponja në zjarrin e betejave për liri.

Kosova e mbretërve dardanë, e Lekë Dukagjinit, e Zhuj Selmanit, e Ymer Prizrenit, e Sylejman Vokshit, e Mic Sokolit, e Sef Koshares, e Haxhi Zekës, e Ali Ibres. Kosova e Lidhjes së Prizrenit, e Lidhjes së Pejës. Kosova e Kuvendit të Verrave të Llukës. Kosova e Kryengritjeve të mëdha 1908-1909-1910. Kosova e Kuvendit të Junikut, e trinomit të lirisë Hasan Prishtinës-Isa Boletinit-Bajram Currit më 21-25 maj 1912 hartoi Platformën e Kryengritjes së Përgjithshme që finalizoi Shpalljen e Pavarësisë së Shqipërisë dhe ngritjen e Flamurit Kombëtar Shqiptar në Vlorë nga Plaku i Vlorës, Ismail Qemali.

Kosova – ky djep i kuvendeve, besëlidhjeve e kryengritjeve të mëdha për liri e pavarësi u mbyt nga gjaku i dragojve të ri të saj: Zahir Pajaziti, Edmond Hoxha, Hakif Zejnullahu, Adem Jashari, Luan Haradinaj, Shkëlzen Haradinaj, Agim Ramadani, Sali Çekaj, Fehmi e Xhevë Lladrovci, Adrian Krasniqi, Bedri Shala, Bekim Berisha, Iliaz Kodra e mijëra djemve dhe vajzave që dhanë jetën për liri e çlirim kombëtar.
Numri i të vrarëve është aq i madh sa çdo pëllëmbë toke është e larë me gjak.
20 vjet më parë Bota e Lirë u ba dëshmitare e Masakrës barbare e çnjerëzore të Reçakut, ku dhjetra shqiptarë të pafajshëm u ekzekutuan nga falangat gjakatare të Millosheviçit dhe Arkanit. Kjo ngjarje shënoi një pikë kthese për Diplomacinë Euro-Atlantike e përmes saj për vet të ardhmen e Kosovës e të Kombit Shqiptar.

Sot kohët kanë ndryshuar në disfavor të armiqëve tanë historik serbo-sllav-ruso-otoman.
Shqiptarët në Ballkan janë një armatë 10 milionëshe e rreshtuar në krah të Aleancës më të madhe e më të fuqishme që ka njohur bota: NATO-s, SHBA e BE.
Shqipëria shënon 10-Vjetorin e antarësimit në NATO.
Këtë vit Kosova shënon 20-Vjetorin e Çlirimit dhe 11-Vjetorin e Pavarësisë.
Shqiptarët e Malit të Zi me votën e tyre përcaktuan antarësimin e Malit të Zi në NATO dhe vazhdimin e qeverisjes pro perëndimore.

Shqiptarët e Maqedonisë u banë përcaktues të rrugës së Maqedonisë në NATO dhe BE si dhe ndryshimin e emrit në Republika e Maqedonisë së Veriut dhe zyrtarizuan Gjuhën Shqipe, gjuhën e Aleksandrit të Madh, Pirros, Gjergj Kastriotit (Skënderbeut), Shenjtores Nanë Terezës.
Identiteti historik e kulturor i shqiptarëve, e drejta e tyre zakonore, vyrtytet e kodi i tyre i nderit solidariteti e humanizmi i trashëguar në shekuj, në genin e tyre, janë jo vetëm pashaportë e Identitetit Europian, por dhe themel i vlerave të Europës së civilizuar.
Beteja për Kosovën e Lirinë e saj nuk ishte vetëm betejë ushtarake.
Ajo ishte për një kohë të gjatë betejë diplomatike e morale, një gurë prove për vlerat e civilizimit perëndimor e kancelaritë e tyre.

Sot imperativ i kohës për Kombin Shqiptar është mbrojtja e Kosovës nga coptimi dhe mbrojtja e çdo pëllëmbe tokë të saj.
Kombi Shqiptar ka patur fatin të kishte nga gjaku i tij avokaten hyjnore, Nanë Terezen; gjeniun e politikës Ibrahim Rugovën; mendimtarin e filozofin, mendjendriturin, illuministin, “Volterin Shqiptar”- Ukshin Hotin, të cilin sherbimet sekrete serbo-sllave e vranë 20 vite më parë në shkurt 1999.
Kosova mbi trungun e saj ka provuar traktate, konferenca e protokolle, ka kaluar një sagë të gjatë sakrificash e kasandrash, humbjesh të mëdha jetësh njerëzore, genocid të pashembullt, shfarosje masive të popullsisë, spastrim etnik, me elaborate e operacione që nga Doktrina e Vuk Karaxhiqit – pyka shqiptare e Çubriolloviçit; elaborati i Qosiçit deri tek Operacioni “Patkoi” i Millosheviçit.
Në 11-Vjetorin e Shpalljes së Pavarësisë, në 20-Vjetorin e Çlirimit, Kosova është më afër se kurrë për t’u bërë pjesë e strukturave Euro-Atlantike dhe e Familjes Europiane.

Garante e mbrojtjes së këtyre arritjeve janë Ushtria e saj dhe SHBA. Kjo do të thotë së në trojet etnike shqiptare krahas Flamurit krenar të Gjergj Kastriotit do të valvitet edhe ai ngadhnjimtar i NATO-s, i SHBA dhe i BE.
Perëndimi e vlerat e lirisë, demokracisë e civilizimit kanë qënë gjithnjë ylli polar i shqiptarëve, të tilla janë sot e përgjithmonë.
Burrështetasit e shquar, themeluesit e shtetit të Arbërit, Gjergj Kastrioti, Ismail Qemali, Mbreti Zog. Rugova, Ramush Haradinaj, Ali Ahmeti, korifejtë e Rilindjes Kombëtare e të mendimit – Frashëllinjtë, De Rada, Mjeda, Pashko Vasa, Konica, Fishta, Arbër Xhaferi e Ismail Kadare ju kanë treguar bashkëkombasve të tyre se për shqiptarët dielli lind nga përendon.
Shqiptarët sot janë faktor madhor i pamohueshëm e fuqiplotë në trojet e tyre etnike në Ballkan.
Koha e pazarlleqeve dhe e traktateve të fshehta, siç është ky i ndryshimit të kufijve, pra shkëmbim territoresh në këmbim të njohjes, një teatër sharlatan politik, me skenaristë binomin Putin-Erdogan e aktorë trinjaket Vuçiç-Thaçi-Rama, ka perënduar përgjithmonë.

Shqiptarët në shekulln e kaluar edhe pse në kushte shumë herë më të rënda e të pafavorshme se sot kanë ditur t’u tregojnë vendin Haxhi Qamilëve dhe Esadistëve të tyre.
Edi Rama, siç shkruante me të drejtë këto ditë një analist nga Kosova, e ka shitur praktikisht Shqipërinë te Turqia. Portet, aeroportet, minierat e hidrocentralet, ajkën e pasurisë kombëtare të cilat janë mushkëritë e ekonomisë tonë, ua ka varur në qafë barbarëve të Azisë.

Edi Rama e ka pushkatuar Kauzën Çame duke ua falur grekëve sëbashku me Detin.
Teza e ndryshimit të kufijve, kjo dosje e zezë e kulisave politike ruso-turke e filluar qysh me çlirimin e Kosovës para dy dekadash, është hapur nga sivllau i Putinit, krushku i Erdoganit, nga Vuçiçi dhe po mbështetet nga dyshja kuislinge Thaçi-Rama, për interesat e tyre utilitare.
Vendosmëria e Kryeministrit Haradinaj dhe e Qeverisë së Tij, e Liderit të Opozitës së Bashkuar të Shqipërisë, z. Lulzim Basha, opinionit publik në Kosovë e në Shqipëri dhe nga patriotët e Kombit Shqiptar, për të mbrojtur çdo pëllëmbë të trojeve shqiptare qoftë dhe me jetë njerëzore, është vija e kuqe që nuk mund ta kalojnë despotët e Kremlinit e të Ankarasë dhe shërbëtorët e tyre në Beograd e në të dy anët e kufirit etnik shqiptar.

Në epilogun e Çlirimit të Kosovës, ditës së madhe të triumfit kombëtar, sikur ta parandjente skenarin ogurzi për të cilin apostrofova më sipër e madhja Shkurte Fejza këndonte në kor me piskamen e shpirtit të një Kombi:
“Pa u farue djem e çika
Jo nuk ndahet Mitrovica
Nuk i lëshojmë trojet tona
Krejt Kosova është e Jona”.

Në rivarrimin e eshtrave të Isa Boletinit në Mitrovicë, ish Presidenti i Shqipërisë, Bujar Nishani, u shpreh me këto fjalë: “Varri i Juaj Baca Isë do të jetë piramidë e kufirit me Serbinë dhe ju do të jeni gardiani i mbrojtjes së trojeve tona.”
E Drejta Ndërkombëtare ka në themel të saj sovranitetin e popujve dhe kjo është thembra e Akilit e projektit antishqiptar të ndryshimit të kufijve përmes shkëmbimit të territoreve, për të cilin punojnë prej kohësh armiqtë tanë shekullor.
Kancelaritë ruso-turke dhe ajo e Beogradit janë mëse të bindura se nuk mund ta ndalojnë zgjerimin e NATO-s e as të BE-së në Ballkan.
E provuan me skenarin malazez dhe maqedonas dhe dështuan me turp.

Në të dy rastet ishin shqiptarët që i dogjën skenarët e tyre dhe i rreshtuan këto shtete në anën e NATO-s e të Perëndimit.
Me frontin e dytë antiperëndimor e antishqiptar, me aktor kalifët Rama e Thaçi, është përpjekja e fundit e carëve të rinj ruso-turk Putin-Erdogan për ta mbajtur Ballkanin peng të politikës së tyre.

Shqipëria sot është e uzurpuar nga Edi Rama e Qeveria e Tij kriminale.
Është kjo arsyeja madhore që i bashkon opozitën dhe popullin në një flamur të vetëm, atë Kuqezi.
Më 16 shkurt është Marrshimi i pandalshëm i Lirisë.
Sovrani zbret si tajfun në sheshet “Skenderbej” e “Nanë Tereza” dhe në Bulevardin “Dëshmorët e Kombit” për të shpeëtuar demokracinë e Shtetin e së Drejtës të marrë peng nga Sulltan Rama, i cili po shet edhe trojet amtare për pushtetin e tij.

Ky uragan, me rrëzimin e Sulltan Ramës i then një këmbë oktapodit antishqiptar e antiperëndimor.
Japonezët kanë një postulat: “Më fal tokë që të shkel”. Thaçi dhe Rama trojet shqiptare të mbytur nga gjaku i derdhur nga martirët e rënë për mbrojtjen e tyre duan t’ia bajnë bonos Vuçiçit.
Mitrovica dhe çdo pëllëmbë tokë shqiptare është e jona. Ato do t’i mbrojmë me jetën tonë me moton : “Një kokë për çdo pëllëmbë tokë”.

Aktualitet

Nga Edi Rama/ Mandatet e djegura të Lulit dhe vota e shqiptarëve

Publikuar

-

By

Kryeministri Rama ne takimin e perjavshem te bashkeqeverisjes

Të nderuar bashkëqytetarë mirëmbrëma! Ky është një nga ato momente kur përtej fjalëve që thuhen, ekraneve që zhurmojnë, portaleve që bubullojnë dhe përtej konfliktit politik që buron nga interesat partiake personale të të zgjedhurve, por synon përçarjen e zgjedhëse, duke nxitur urrejtjen, dhunën, rrëmujën duhet të përpiqemi të shohim sa më qartë dhe të reflektojmë sa më thellë, duke e nisur nga vetja, secili e secila prej nesh, pastaj duke parë rreth e rrotull e përballë nesh në mënyrë që të kuptojmë e të kuptohemi sa më mirë.

Opozita parlamentare ka konsumuar një akt të panjohur ne historinë e vendeve me zgjedhje, të të gjitha vendeve të zhvilluara, apo më pak të zhvilluara që nga demokracitë perëndimore deri te regjimet hibride, një akt i paparë dhe i padëgjuar, por jo krejt i pashpjegueshëm sidoqoftë për ne, këtu në Shqipëri, të paktën në këndvështrimin tim që po e nis nga vetja.

Jam zgjedhur kryeministër i Shqipërisë dy herë.

Herën e parë me një koalicion partish pas 8 vitesh në opozitë.

Herën e dytë me shumicën absolute të shqiptarëve për partinë që udhëheq pas një palë zgjedhjesh nën një qeveri të përbashkët me opozitën. Kujtoj se opozitës iu dhamë të gjitha portofolet që kërkoi, përfshirë dhe Ministrinë e Brendshme, si dhe disa agjenci shtetërore, të lidhura, sipas saj, me ndikimin në zgjedhje, plus kryetarin e KQZ dhe gjithçka tjetër opozita kërkoi.

Kishim një synim të vetëm, mos kontestimin e rezultatit të zgjedhjeve nga humbësi dhe mos përbaltja e Shqipërisë në gjuhë të huaj.

Mbi këtë dakordësi thelbësore u firmos edhe marrëveshja e minutës së fundit që ju besoj e kujtoni mirë që të gjithë.

Herën e parë zgjedhjet nuk u kontestuan. Faji iu la popullit që e dërrmoi me 1 milionë shuplaka pushtetin e atyre që sot vetëquhet popull i zemëruar ndërkohë që akoma s’kanë reflektuar pse humbën herën e parë dhe kjo është një nga arsyet pse humbën edhe më thellë herën e dytë, kur zgjedhjet përsëri nuk u kontestuan por paqja zgjati sa ëndrra e një vere, sepse në vjeshtë rifilloi avazi, ai i vjetri i kontestimit të zgjedhjeve dhe i përbaltjes së Shqipërisë, avazi që sot ka arritur një kulm të ri.

Shqipëria e sotme ka patjetër plot halle e probleme. Unë, meqë siç thashë, secili duhet ta nisë nga vetja, nuk jam as i rënë nga qielli dhe as pagabueshëm apo as i pakritikueshëm.

Përkundrazi, kam bërë gabime por kam ditur sidoqoftë edhe të tërhiqem edhe të them edhe më fal, jo një herë.

Po ashtu, më shumë se një herë reagimet e mia ndaj atyre që më janë vërsulur, pa marrë parasysh se dhe unë jam njeri, nuk kanë qenë për t’i mbajtur mend me krenari dhe s’jam krenar për to, por, ama, në anën tjetër, jam stërmunduar për t’i dëgjuar dhe respektuar të gjithë nga dhjetëra mijëra e ndoshta edhe më shumë njerëz të kontaktuar direkt ditë për ditë, qindra, nga ora 07:00 e mëngjesit, deri në 02:00, apo 03:00 të mëngjesit tjetër dhe deri te çdo komunitet me një problem, a një grup interesit në një protestë.

Jam tërhequr duke bërë hap mbrapa më shumë se njëherë kur kam kuptuar se kanë pasur të drejtë ata që ankohen, apo që protestojnë dhe jo qeveria, apo unë personalisht dhe nga ana tjetër, kam bërë çmos tu gjendem gjithnjë atyre që më kontaktojnë për halle e probleme të 1001 llojeve, ashtu sikundër dhe t’i respektoj me përgjigje dhe me replika ata që më shkruajnë në rrjetet sociale.

Për mua nuk është qejf, as nevojë për të shtyrë kohën se koha është ajo që më mungon më shumë, por është pjesë e detyrës, pjesë e përpjekjes për t’i përfshirë njerëzit e zakonshëm dhe për tu përfshirë me ta si njëri prej tyre, edhe kur gabimisht replikat e mia në rrjetet sociale lexohen si arrogancë, apo më keq akoma si tallje. S’është as e para dhe s’është e dyta!

Sulmohem përditë e përnatë, pa pushim, jo vetëm nga gojëpërdalët e opozitës zyrtare, por nga lloj-lloj figurash e tipash, kanal më kanal, portal më portal, deri në fis e në farë.

Kam hyrë në një borxh tanimë të pashlyeshëm me fëmijët, me gruan, me nënën, që mbajnë pesha të rënda e krejt të pamerituara balte dhe stresi, por dhe me të tjerë, të afërm e miq, që s’mbahet mend kur i kam takuar herën e fundit. E kam pranuar si haraçin e madh të privilegjit të jashtëzakonshëm që shumica e njerëzve të zakonshëm të këtij vendi më ka bërë, duke më zgjedhur të drejtoj punët e vendit tim dhe të gjithkujt e gjithçkaje për të cilën dua të shërbej me zemër në këtë vend të quajtur Shqipëri.

Po kurrë nuk e kam menduar dhe jo më ta kem ngritur qoftë dhe gishtin e vogël të pushtetit ndaj kujt më ka goditur dhunshëm, me fjalë e jo vetëm, duke më baltosur e më bojatisur, si kriminel, apo bashkëpunëtor të krimit, si të droguar, apo trafikant droge, si hajdut, si mohuesi i fëmijës tim, apo si bartësi e shkaktari i njëmijë e një të zezave që as ndërmend s’i kam çuar kurrë, jo më t’i kem bërë.

Ua kam kthyer me fjalë, po, është e vërtetë! Ndonjëherë, edhe e kam humbur sensin e masës, mbase, në reagimet e mia, por ama kurrë s’do të gjeni në asnjë arkiv, që Saliut t’i kem thënë kriminel me duart me gjak, Lulzimit t’i kem thënë kusar patologjik, Ilirit t’i kem thënë horr bulevardi, Monikës t’i kem thënë hajdute me çizme, apo adashit tim me bojë në parlament t’i kem thënë idiot klasik…

Ashtu sikundër, s’do të gjeni kurrë në memorien video, apo audio të jetës sonë publike, ndonjë tytë balte drejtuar prej meje ndaj ndonjë analisti shpifarak apo gazetari elifimatrak. Sarkazma e ironi ndaj personazhit të tyre publik, por asnjëherë sulme verbale e lëre më të tjera ndaj personit të tyre. Lëre pastaj që të kem shantazhuar a të kem penguar ndonjë pronar mediash në kryerjen e detyrës së vet, pavarësisht tonelatave të baltës që shfryjnë përditë në drejtimin tim.

Nuk e di a janë a s’janë kryeministrore sarkazmat dhe ironitë e mia ndaj kundërshtarëve, analistëve e gazetarëve, apo qoftë edhe individëve të zakonshëm që nganjëherë më provokojnë në komunikimet e mia në rrjetet sociale.

Por di që, jo vetëm është shumë vonë që një njeri si unë të bëhet çun i mirë me të gjithë dhe shumë herët për mua që të bëj plakun e urtë ndaj të gjithëve, por një gjë të tillë as ua kam premtuar atyre që më kanë zgjedhur e as nuk është se nuk m’i kanë ditur qoftë huqet apo nuk m’i kanë parë qoftë dhe atletet me kostum kur më kanë zgjedhur.

Sidoqoftë, nuk është kjo pjesa më e rëndësishme, po është ajo që ka të bëjë sigurisht, jo aq me huqet e mia dhe me stilin tim, se sa me qeverisjen time.

Ky mbase s’është momenti, për të renditur se sa shumë kemi bërë në çdo fushë të djegur, të minuar a gjysmë të shkretuar që gjetëm, vetëm pesë e vjet e gjysmë më parë dhe që ndonjëherë kam përshtypjen që shumëkush harron se atje ku ishim, në një vend ku sekreti më i madh publik ishte vjedhja si sport kombëtar, që nga energjia e uji, deri tek shkumësat e shkollave dhe aspirinat e spitaleve; ishte droga si aktivitet politik e qeveritar, që nga Republika e Faqes së Zezë në Lazarat e deri tek mbulesa e heshtjes së madhe në çdo pjesë të Shqipërisë e në korridoret e pushtetit; ishte krimi si hije e jetës politike e publike, që nga vrasësit e përdhunuesit, të cilët nxirreshin me lejen e ministrit të drejtësisë për të shoqëruar deputetët e partisë në fushatat elektorale, të partisë që sot e ka drogën e krimin majë të gjuhës, e deri tek vrasjet ordinere, dyfish më shumë se sot; për të mos harruar vrasjet politike nën dritaren e Kryeministrisë, që sot as mund të imagjinohen; ishte paprekshmëria e të fortëve në tribunat e politikës e në llagëmet e krimit, falë gjykatësish e prokurorësh, që deri dje, jo nuk i prekte dot askush, po askush nuk guxonte ta imagjinonte se mund t’i çonte përpara gjykatës së Reformës në Drejtësi.

Por ky është me siguri momenti që ta them sa më troç e ta dëgjojnë sa më mirë të gjithë:

Shqipëria që unë dua dhe për të cilën kam marrë besimin e kam sot e gjithë ditën, sëbashku me Partinë Socialiste, mbështetjen e shumicës së këtij populli, nuk është kjo që kemi! Se po të ishte kjo, unë s’do të isha duke bërë këtë detyrë.

Por ama, kjo Shqipëri që kemi, jo nuk është ajo që kishim para pesë vjetësh e gjysmë, po nuk krahasohet dot në asnjë fakt, në asnjë shifër, në asnjë fushë e asnjë zonë të territorit të saj me atë Shqipëria që kishim, në kohën kur këta që sot kërkojnë kokën time, ia futën këtij populli kokën mes këmbëve të keqqeverisjes së tyre.

Shqipëria që unë dua dhe për të cilën luftoj përditë, me mish e me shpirt, nuk është Shqipëria ku ka ende plot familje që s’e arrijnë dot pa lot varfërie fundin e muajit. Po ama, në Shqipërinë që kishim, këto familje ishin shumë e shumë më tepër. Kjo shkruhet edhe në raportet e Bankës Botërore, jo vetëm në statistikat zyrtare të Shqipërisë.

Ashtu sikundër ishin shumë e shumë më tepër të papunët. Edhe kjo shkruhet jo vetëm në raportin e Bankës Botërore, po edhe në atë të Komisionit Europian.

Ashtu sikundër ishin shumë më tepër, ata që s’merrnin dot asnjë ilaç për shkak të pamundësisë për t’u siguruar. Kjo shkruhet në buxhetin e shtetit, ku tanimë, prej disa vitesh, rreth 600 mijë njerëz të pasiguruar, të cilët deri dje nuk preknin dot asnjë aspirinë pa e paguar, sot rimbursohen njësoj si gjithë të tjerët.

Ashtu sikundër ishin shumë më tepër, ata që s’i blinin dot as abetaren fëmijëve.

Po sot, abetarja dhe librat falas për të gjithë jepen deri në klasën e katërt dhe deri në fund të mandatit deri në klasën e nëntë.

Mund të vazhdoj në çdo drejtim e për çdo komunitet a grup interesi, që nga biznesi i vogël që sot paguan nga zero taksë në një të tretën e taksës që paguante deri dje dhe deri tek biznesi i madh, që sot paguan 15% taksë mbi fitimin nga 10% që paguante dje.

Po s’është ky vendi e as momenti për t’u zgjatur me krahasimin e dy kohëve qeverisje e dy forcash qeverisëse të pakrahasueshmeve; tonës që ka plot të meta e jo pak probleme, po qeveris për Shqipërinë që duam e për njerëzit e zakonshëm të saj, në radhë të parë dhe asaj të këtyre, e cila ishte e mbetet thjesht e vetëm e njëjta forcë që sa herë e pati mundësinë, prodhoi keqqeverisje me pasoja rrënuese për ekonominë, shoqërinë, Shqipërinë. Dhe sot që nuk e k mundësinë të qeverisë prodhon vetëm lajme të këqija nga Shqipëria.

Patjetër që nuk është Shqipëria që unë dua, ajo e gjendjes së shumë universiteteve dhe thuajse të gjitha konvikteve të sotme.

Po sot, studentët paguajnë vetëm 50% të tarifave dhe ata me 9 e 10, apo ndihmë ekonomike, mbulohen qind për qind nga qeveria, e cila u jep tanimë edhe 100 mijë lekë bursë çdo muaj. Ndërkohë rindërtimi i konvikteve ka nisur dhe nuk do të ndalet, deri kur të jetë rindërtuar konvikti i fundit.

E bënë studentët?

Po, studentët e bënë, duke e vënë në rendin e ditës me protestën e tyre, atë që ne ende nuk e kishim në rendin e ditës.

Ky është fakt ama, është një fakt që tregon se sa e vërtetë është për mua e për ne, fjala bashkëqeverisje; që tregon se sa i madh është dallimi mes qeverisë së atyre që sot bëjnë sikur kanë ardhur nga hëna e nga ana tjetër, qeverisë sonë. E cila është e kritikueshme sa të duash, por e dëgjon gjithnjë popullin e saj dhe jo vetëm ua garanton, po edhe ua mirëpret protestën të rinjve, duke reaguar në të mirë të tyre e njëkohësisht, duke reflektuar për të përmirësuar vetveten.

Nuk është Shqipëria që unë dua, ajo e zyrave të shtetit që nuk u përgjigjen si duhet njerëzve, as sa duhet dhe as kur duhet. Po ama në Shqipërinë që kemi sot s’ka njeri të zakonshëm që të mbetet prapa dyerve të një zyre dhe të mos gjejë në krah qeverinë, mua personalisht dhe ministrat e mi, sapo çon një sinjal përmes platformës së bashkëqeverisjes shqiperiaqeduam.al.

Patjetër që platforma e bashkëqeverisjes është si një adresë urgjence për të plagosurit nga sjellja e një administrate ende larg asaj që unë dua për Shqipërinë. Po ku ishte adresa e ndihmës së shpejtë të shtetit për ata pa emër, për ata pa miq, për ata pa kushërinj e krushq deri dje, kur thuajse pa përjashtim çdo njeri në hall me shtetin duhet të zgjidhte mes një partie dhe një ryshfeti, nëse s’ishte kushëri a krushk i një të forti në politikë, apo i një rrugaçi të njohur si i fortë?

Shqipëria që unë dua nuk është kjo Shqipëri që sot është në një udhëkryq mes të shkuarës e të ardhmes; mes kohës së atyre që sot lanë mandatet e deputetit sepse s’kanë mbrapa popullin, po hijen e frikës nga drejtësia e re dhe kohës kur drejtësia e re do të ndajë qartë akuzën nga krimet; do të ndajë përfundimisht politikanët e akuzuar se janë të gjithë njësoj, nga ata që përmes politikës kanë bërë deri banjo edhe për macen e sot i flasin turmës së fanatikëve nga maja e takave firmato, si të ishin të dërguarit këmbëzbathur të Zotit, për të shpëtuar shqiptarët nga Djalli vetë…

Është ditë e keqe për demokracinë shqiptare kjo e sotmja, s’ka dyshim.

Është e dëmshme sa të duash për produktivitetin e jetës tonë politike, kjo zgjedhje destruktive e opozitës për të hequr dorë nga mandatet e popullit.

Është fatkeqësia e përsëritur e këtij vendi që goditet nga bij ndër të vetët, kur ka përpara një mundësi reale për t’u ngjitur më lart.

Kjo është një goditje që mund edhe të rezultojë fatale për çeljen e negociatave për anëtarësim në Bashkimin Europian këtë vit.

Ashtu sikundër pamjet e turpshme të së shtunës, të cilat bënë xhiron e botës, mund të kenë pasoja jo të vogla mbi sezonin e ardhshëm turistik; pra, mbi ekonominë e punësimin e shqiptarëve dhe investimet e reja në turizëm e jo vetëm.

S’jam megjithatë këtu, sot, për të fajësuar opozitën që fajësinë e saj e ka bërë vetë botërisht publike.

S’jam po ashtu aspak i qetë që opozita jonë sot është kthyer në shqetësim real, serioz për partnerët tanë strategjikë, Shtetet e Bashkuara dhe Bashkimin Europian.

Kurrë s’më ka ardhur për shtat të flas keq për kundërshtarët politikë në gjuhë të huaj, po s’më ka ardhur ndonjëherë për shtat as boshllëku që ata kanë krijuar prej kohësh në jetën politike të vendit.

Praktikisht (dhe këtë e dinë të gjithë, edhe ata që s’e pranojnë publikisht) kjo opozitë e ka lënë prej kohësh tanimë Shqipërinë pa një sfidant të besueshëm politik të qeverisë.

Por unë e di dhe e them, që një opozitë e dobët, e cila për vizion ka përballjen muskulore me shumicën, për program ka mënyrat se si futen sendet ne parlament për të gjuajtur në drejtim të qeverisë dhe për ide ka vetëm sharjet pa hesap e për argumente ka vetëm akuzat pa kufi, nuk të motivon, nuk të energjizon, nuk të përmirëson, madje përkundrazi, siç dhe ka ndodhur ndonjëherë, të tërheq në batakun ku llokoçitet vetë dhe të bën si veten.

Megjithatë opozitën nuk e zgjedhim, thjeshtë e pranojmë, pa kushte, si shprehje të vullnetit të pakicës elektorale. E pranojmë pa kushte dhe përpiqemi t’i krijojmë kushtet që të mund të shprehet sa më qartë dhe të mund të kontribuojë sa më shumë.

A ju kujtohen tre ligjet e famshme për të cilat u bë nami në Shqipërinë që kishim nën qeverisjen e zotërinjve, të cilët sot ankohen se jetojnë në Venezuelë edhe pse çuditërisht, në Venezuelë, sot, Shtetet e Bashkuara dhe Bashkimi Europian janë me opozitën e atjeshme të muajve të fundit, ndërsa këtu janë kundër, pikërisht opozitës së ditëve të fundit.

Një nga ato tre ligjet, nuk ishte ligj, por ishte thjesht kërkesa jonë për t’i dhënë liderit të opozitës – unë nuk isha në parlament, – kohë fjale të barabartë në rregulloren e parlamentit, pasi flet kryeministri, jo në çdo rast që flet kryeministri. Jo që nuk u pranua, por u quajt me muaj të tërë si një kërkesë antikushtetuese dhe si një tentativë për t’i mbyllur gojën kryeministrit të kohës. Sapo erdhëm në qeveri, në 2013, kjo u bë realitet, e bëmë ne për ata. E sot që flasim, jo vetëm lideri i opozitës ka folur më shumë se unë në parlament, por edhe vetë opozita ka folur shumë më shumë se sa shumica e qeverisë. Po numërimi dhe votimi i famshëm elektronik që mbajtën ngritur një çadër këtu përpara me muaj të tërë, në mes të bulevardit, si kusht i panegociueshëm për të hyrë në zgjedhje, a ju kujtohet? Prej muajsh e kemi lënë në dorë të opozitës të vendosë për reformën zgjedhore dhe kemi pranuar pikë për pikë çdo rekomandim të ODIHR-it për atë reformë, siç na këshillon të gjitha palëve, raporti i Këshillit Europian, në funksion të çeljes së negociatave, ashtu sikundër kemi punuar ne, vetë ne dhe vetëm, duke studiuar dhe bërë teste për të futur votimin dhe numërimin elektronik si projekt pilot në disa njësi vendore gjatë zgjedhjeve të qershorit. Po ata? Të interesuarit për zgjedhje transparente? As nuk kanë denjuar të dëgjojnë, as për ato që kanë kërkuar vetë me këmbëngulje e duke mbajtur peng Shqipërinë me muaj të tërë e jo më pastaj të ulen në tryezë.

A mund të kishim bërë më shumë për ta ndihmuar procesin e ndërveprimit qeveri – opozitës? Nuk e di, mbase dhe mund të kishim bërë më shumë, por kemi qenë, jemi e do të jemi gati të ulemi e të dialogojmë për gjithçka që i shërben forcimit të demokracisë në vend dhe të institucioneve. Ama një, ndër shumëçka-të që mund të diskutohen e që mund t’i shërbejnë realisht forcimit të demokracisë nuk është as retorika e dhunshme, as dhuna mbi institucionet, as imponimi me dhunë i ndryshimit të raporteve politike të vendosura nga populli me votë dhe padyshim as ndërprerja e një mandati legjitim qeverisës përmes një kamikazërie politike mbi mexhlisin e jetës parlamentare.

Fatkeqësisht ata e dinë se humbjen e zgjedhjeve vendore e kanë të pashmangshme sepse e dinë që nuk kanë shumicë në popull dhe me gjithë respektin për punonjësit e bashkive që u kyçën sot për qytetarët nga Shkodra në Kamëz, e deri në Mallakastër pa harruar natyrisht Kavajën ku ka rifilluar të kthehet pisllëku për të furnizuar protestën para parlamentit, sovrani nuk është ai që del në rrugë, por ai që gjykon në zgjedhje.

U blenë zgjedhjet në 2017? E këtë e provoi Zëri i Amerikës prandaj duhet zëvendësuar argumenti me rrugën dhe sovrani me militantët që dalin në rrugë? Ndjesë, po këtë logjikë nuk e pranon jo demokracia dhe bota demokratike e cila ka dënuar me forcë tanimë, përmes deklaratave shumë të rënda për fjalorin demokratik këtë zëdhënie, por nuk e pranon dot asnjë nga ata njerëz të zakonshëm të këtij vendi që mund ta duan largimin e kësaj qeverie që sot, por nuk mund ta duan dot kurrsesi që vendi i fëmijëve të tyre të bëhet një territor i paqeverisshëm kurrë më, nëse futet rregulli i ri i padëgjuar askund në botë, i palexuar kurrë në libra, se kur një opozitë arratiset nga parlamenti, shumica duhet të ndërpresë mandatin e saj e të shkojë në zgjedhje me qeverinë që i pëlqen opozitës.

Kjo është logjikë humbësish që, jo vetëm e dinë që nuk fitojnë dot, por kanë humbur dhe arsyen nga dëshpërimi dhe dëshpërimi, lejomëni t’jua them deri në fund, lidhet jo vetëm me pushtetin që iku e nuk duket në horizont, por dhe me drejtësinë e re që po vjen dhe nuk ndalet dot me asnjë shpikje, me asnjë grup deputetësh të maskuar si popull i zemëruar, me asnjë fantazmë të rrëmujave të vjetra dhe me asnjë dhunim të institucioneve të gjithhershme demokratike.

Sa për blerjet e votave, nuk e fsheh dot që kur shoh Monikën që i thërret Zotit të mbrojë Shqipërinë nga blerësit e votave, them se me siguri i plotfuqishmi nuk merret me zgjedhje sepse përndryshe Monika do të ishte e para në listën e personave që do të shkonin në ferr për mëkatin e shitblerjes së votave. Ndërsa kur shoh kolegun e saj opozitar që i rrëmben mikrofonin nga dora të dërguarës nga qielli dhe rifillon në qiell të hapur këngën e çadrës, më kujtohet i njëjti zë, në çdo ditë të fushatës që u betohej demokratëve se do t’i çlironte përgjithnjë nga skllavëria e SHPK-së së Monikës dhe u thoshte merrjani lekët asaj, por votën përdoreni për të fituar lirinë dhe për t’u kthyer në shtëpi. Për dreq, në shtëpi erdhi ajo e lekëve, ndërsa skllevërit tani nuk janë më as popull se popull u bë Luli me Monikën. Kurse Zëri i Amerikës futet në këtë mes me idenë se shqiptarët janë budallenj e mjafton të dëgjojnë Amerikë se pastaj nuk do dëgjojnë më zërin matanë oqeanit, por zërin e çiftit opozitar që kapet si i mbyturi pas një fije telefonike, ku nuk flitet për asgjë, as për blerje, as për shitje, as për prova dhe as për vota.

Gjithsesi, askush nuk e ka mohuar se në Shqipëri nuk ekziston një fenomen i tillë. Unë jo, ka pasur dhe një sërë rastesh konkrete të zbuluara në zgjedhjet e shkuara ku u kapën sasira me para dhe u çuan në prokurori. Askush nuk flet ca bëhet me ato denoncime zyrtare, madje e panë të tërë se si u dha një zarf për mandat në Lezhë gjatë një inkursjoni elektoral të rrufeshëm të presidentit të LSI-së kur doli nëpër Shqipëri për të bërë thirrje për armatosje të popullit, shpjegimi zyrtar i partisë së motrës ishte: “andej nga ajo zonë, zarfi është një traditë popullore”.

As që më shkon ndërmend të them se unë kam zbritur nga qielli, bashkë me të dërguarën e Zotit për të mbrojtur shqiptaret nga paraja në politikë e nuk marr përsipër kurrsesi të pretendoj se askush, askund, asnjëherë nuk e ka shkelur ligjin në këtë drejtim, edhe në emër të Partisë Socialiste prandaj kam qenë dhe jemi gati ne, Partia Socialiste, të marrim çdo masë ligjore për ta rënduar dënimin mbi shitblerjen e votës, ama kjo bëhet sëbashku dhe këta të interesuarit për të gjitha këto, jo që nuk janë ulur, por nuk janë dukur, madje që sot, janë zhdukur. Ama kush më thotë se në këtë vend blihet shumica e popullit dhe fituesin e vendosin votat e shitura, ose e di për budalla këtë popull ose nuk di se çfarë flet.

Zgjedhja që kjo opozitë ka bërë sot është zgjedhja më e keqe që mund të bënte për t’i dalë zot zgjedhësve të saj, por dhe Shqipërisë që ka nevojë për një opozitë vizionare, ndërvepruese, që krijon sinergji me popullin që është alternativë dhe që është serioze, por kjo është përgjegjësia e lidershipitt të sotëm të opozitës dhe ne mund të bëjmë fare pak ose aspak për ta shmangur vetëvrasjen politike të heqjes dorë nga përfaqësimi i zgjedhësve në parlament. Zgjedhësit do ta japin gjykimin kur të vijë radha e tyre, për të folur me votë, qoftë në qershor të këtij viti, qoftë në qershor të viti 2021.

Përgjegjësia jonë është të vazhdojmë drejt në rrugën që na kanë përcaktuar zgjedhësit tanë dhe t’u shërbejmë me përkushtimin më të madh të gjithë shqiptarëve, pa asnjë dallim, aq më tepër në këto kushte kur qytetarët demokratë nuk i përfaqëson më askush në tempullin e demokracisë dhe të fjalës së popullit mes dy palë zgjedhjeve.

Kjo është një temë për t’u shteruar seriozisht më tutje, kjo e qasjes dhe ndërveprimit tonë me demokratët, njerëzit e zakonshëm, të mirë dhe të ndershëm të këtij vendi. Njëkohësisht dora e bashkëpunimit dhe e dialogut me opozitën, pavarësisht vetëpërjashtimit të saj ekstrem nga jeta parlamentare është e shtrirë dhe do të mbetet e shtrirë. Edhe kjo temë me siguri do ketë kohën e vetë të shtjellimit më herët se vonë sepse jeta parlamentare e atyre që sot lanë mandatet mesa duket mbaroi për këtë legjislaturë, por jeta politike vazhdon. Ashtu sikundër, kjo shumicë qeverisëse do të vazhdojë punët për Shqipërinë, jo sikur nuk ka ndodhur asgjë por edhe sepse kjo që ndodhi na ngarkon me një përgjegjësi edhe më të madhe në udhëheqjen me largpamësi dhe me maturi të vendit dhe me shërbimin me përulësi dhe urtësi ndaj njerëzve të zakonshëm të këtij vendi pa asnjë dalim.

Dallimi nga sot është se ata që ikën do të bëjnë çmos që të përçajnë më shumë.

Ne që jemi këtu, do bëjmë çmos që të bashkojmë më shumë.

Faleminderit!

LEXO TE PLOTE

Aktualitet

Nga Jamarber Malltezi/Pse mberritem deri ketu?

Publikuar

-

By

Situata aktuale eshte krejtesisht anormale por nuk eshte aksidentale. Kjo situate eshte pasoje e nje procesi te rende antidemokratik qe gradualisht ka cuar ne asgjesimin e shtetit ligjor, apo ne kapjen e cdo institucioni te ketij shteti nga nje njeri i vetem, jashte cdo parimi demokracie, pa asnje votim apo mendim ndryshe.
Deri ketu mberritem pasi Rama kerkoi me cdo cmim te siguroje cdo pushtet dhe cdo zyre ne kete vend. Edhe kur kete uzurpim pushtetesh ia ndalon kushtetuta, atehere ai nga njera ane asgjesoi fare Gjykaten Kushtetuese dhe askush nuk con dot asnje paudhesi te Rames te gjykohet per kushtetutshmeri, ndersa nga ana tjeter bleu me shume para nderkombetaret qe te thone nje fjale te mire si bicim “nuk u be qameti se u shkel kushtetuta edhe kesaj here”. Kete e pame shume here kur njerezit e Soros te dorovitur me pushtet diplomatik deklaruan haptaz shprehje anormale dhe antidemokratike si “le ta marre drejtesine ne dore Rama meqe fitoi zgjedhjet” ose “nuk ka nevoje per votat e opozites per reformen ne drejtesi” ose “qeveria ka te drejte te ndryshoje kushtetuten pa pyetur parlamentin ne raste te vecanta”, me tej ne gatitjen e disa drafteve te reformes ne drejtesi qe u konsideruan “Kapje e Drejtesise” nga Komisioni i Venecias, apo ne dergimin e perkthimit te fallsifikuar ne Komision te Venecias.
Jemi ne piken kur nje njeri (jo nje force politike por nje njeri i vetem me disa shoke te vet – sipas socialistes A. Dade) ka zaptuar cdo institucion qofte edhe kushtetues te pavarur te vendit dhe nuk pyet per rregulla loje. Te njejten gje beri edhe Hitleri, edhe Enveri dhe te njejten gje po bejne edhe sot shume diktatore ne bote. Opozita thjesht tani ka vendosur t’i heqe edhe fasaden dhe te tregoje hapur mungesen e shtetit ligjor.
Ne thelb sot po shihen pasojat e blerjes se zgjedhjeve te 2017. Atemot cdokush pohonte qe Rama bleu zgjedhjet POR nuk kishim fakte te pakundershtueshme. Sot i kemi fale pergjimeve te qeverive te huaja qe kishin hallin e tyre me drogen nga Shqiperia (te cilen ambasadoret e Soros nuk e shihnin dot) qe po permbyste Gjermanine. Edi Rama vijon te mohoje se e ka grabitur pushtetin me paratë dhe influencat e krimit dhe të drogës. Mohoi ekzistencën e dosjes “339”, ku vetëm nga përgjimi i një bande kriminale, rezulton se Edi Rama ka blerë vota dhe mandate deputetësh në 4 qarqe të vendit.
OSCE raportoi se 20% e votave u blene. Kush ambasador u shokua per kete fakt? Asnje. PSE? A mund te kesh zgjedhje te lira ne ndonje vend te botes demokratike ku qeveria permes bandave te droges blen 20% te votave? Po ata qe vijne ne pushtet permes bandave te krimit te organizuar per ke do punojne?
Po ne cfare drejtimi te paditur ka ikur prokuroria? Pse nuk vepron? Nuk do ishte kjo situate nese Prokuroria do kish kryer punen e vet dhe te kish hapur ceshtje penale per Gjushin, Gjiknurin, Ahmetajn dhe cilindo qe dilte ne pergjime me krimin e organizuar. Se del gjushi dhe ben budallain me pyetje “Pse cfare ka te hash dreke me kriminelet?”
Ne kete vend – me te korruptuarin dhe me te mbushurin me droge dhe trafiqe ne Evrope – nuk ka asnje zyrtar te pandehur apo denuar per korrupsion! Ngjashem me qershite e Nastradinit qe asnjera nuk ishin lagur, edhe ketu as Saja nuk ka lehtesuar trafikun e droges, as Gjushi nuk ka blere vota me trafikantet, as Gjiknuri dhe Ahmetaj nuk kane blere vota, as Elisa nuk ka vjedhur gje ne dogana e nuk ka konflikt interesi fare kur burri i jep vellait te saj 350 milione leke te taksapaguesve, dhe te gjithe dalin me duar akullore. Ketu Rama cakton kush duhet te paditet, kush duhet te arrestohet, sa duhet te denohet dhe si duhet t’a japin titullin mediat.
Nuk do ishte kjo situate nese prokuroria do kish vepruar per dosjen 339 sic PD po kerkon qysh prej 6 muajsh, por ne vend qe te hetohej Gjushi dhe banditet e tjere me pushtet, Prokuroria hapi ceshtje penale ndaj gazetares qe nuk po e linte te flinte kete dosje.
Nuk do ish kjo situate nese Prokuroria nuk do ikte ne drejtim te paditur por do hetonte perlarjen e 600 milioneve me CEZ, do hetonte aferen 178 milione euro per 3 djeges te pakerkuar dhe pacertifikuar, aferen 120 miliona euro me Vilmen, aferen 90 milione euro te sterilizimeve, aferen 80 milione euro te laboratoreve, etj. Nuk do ishte kjo situate nese Elisa do ish perballe me drejtesine per gropen miliona euroshe ne dogana, per konfliktin e interest ku burri i jep vellait 350 milione leke nga taksat tona dhe askush nuk mban pergjegjesi. Te gjithe keto miliona do kishin mundur te rriteshin pagat dhe pensionet, te hapeshin vende pune te mirepaguara qe te rinjte mos ikin ne kurbet sikur ketu te kete rene kolera.
Nuk do ishte kjo situate nese zgjedhjet do ishin te lira, nese sovrani do vendoste dhe perfaqsuesit do duhej te perfaqsonin interesat e sovranit dhe jo interesat e bandave te krimit te organizuar. Nuk do ishte kjo situate nese prokuroria do ishte e pavarur te vepronte ne respekt te shtetit ligjor dhe jo te deshirave te banditit qe vjedh zgjedhjet ne bashkepunim me krimin e organizuar dhe mban peng vendin.
Shkurt, mberritem ketu thjesht nga mungesa e shtetit ligjor dhe kapja e institucioneve. Opozita me vendimin e saj po i heq fasaden e rreme duke mundesuar te duket qarte qelbi qe mban peng kete vend.

LEXO TE PLOTE

Aktualitet

Nga Jorida Tabaku/Përse djegim sot mandatet

Publikuar

-

By

Kam hyrë në sallën e këtij Kuvendi në shtatorin e vitit 2013. Hyra këtu në kushtet e një opozite të dalë nga zgjedhjet më tëmira të kryera ndonjëherë në Shqipëri. Hyra për të përfaqësuar flamurin e një partie që kish qeverisur për ta futur vendin nëNATO dhe kish luftuar deri në fund për të nisur procesin e hapjes së negociatave të mohuara nga lufta për “kryetarin e qarkut të Fierit” të udhëhequr nga kryeministri Rama. Isha njëpjesë e vogël e një armate të madhe qeverisëse që e çoi vendin shumë hapa përpara vitit 2005, ndërsa përballë nesh ishte njëmazhorancë e dalë nga votat e blera.

Beteja e parë e opozitës ishin zgjedhjet e Korçës, të cilat, siç u faktuan nga provat filmike ishin të blera dhe të manipuluara. Pak muaj më pas një deputet i mazhorancës kërcënoi gratë nëradhë përpara tij për të marrë mandatin e deputetit, i njëjti deputet që do të sulmonte fizikisht kolegun Strazimiri. Njësulm që erdhi pas një urdhëri të kryeministrit Rama përmes sms-ve dhe që sot e kësaj ditë do të mbetet në memorien e shqiptarëve, përfshirë edhe përqeshjen harbute të kryeministrit që dhunën e ushtruar e konsideroi “ledhatim”.

Në këtë Kuvend kemi evidentuar përditë e më shumëpërfshirjen e të inkriminuarve dhe përdhunuesve me precedentë penalë në grupin parlamentar të mazhorancës. Kjo mazhorancë vazhdonte përdhunshëm të uzurponte në mënyrëanti-kushtetuese institucionet, të shkelte me këmbë edhe ligjin për Nëpunësin Civil që e votoi në fund të mandatit të saj opozitar dhe të shndërronte Shqipërinë në një Kolumbi prej 28 mijë kilometrash katrorë.

Një investim personal i qeverisë dhe ministrave të saj, njëprojekt djallëzor që ishte në garë të ethshme me koncesionet klienteliste që ajo i shpërndante 11 biznesmenëve pranë saj.

Gjashtë vjet më pas shqiptarët, falë dosjes së famshme 339, morën provën më të qartë se si zgjedhjet lokale të Dibrës por edhe ato të përgjithshme të Shqipërisë 2017 ishin një farsë. Eksponentë të rëndësishëm socialistë, disa që janë bërëpublikë, dhe të tjerë që ende nuk janë publikuar, ishin përfshirë në marrëveshje mirëkuptimi dhe ndarje territoresh me bandat e Durrësit, Shkodrës, Dibrës, Tiranës, Beratit, Vlorës, Gjirokastrës dhe Korçës.

Në këtë Kuvend kam parë sesi kjo mazhorancë e timonierit pa frena, kjo mazhorancë e kusisë dhe tepsisë të shndërruar nëkazanin e grykësisë së këtij njeriu në krye të vendit shpërndaukoncesionet dhe projektet PPP me vlerë 2 miliardë euro që do të paguhen për mbi 20 vjet nga taksat e shqiptarëve, nga ne dhe nga fëmijët tanë..

Në këtë Kuvend kam parë sesi tepsia e abuzimeve rritej përherë e më shumë ndërsa institucionet e llogaridhënies zvogëloheshin gjithnjë e më shumë.

Në këtë parlament, u votua nga deputetë që e quajnë veten qytetarë, vendimi i qeverisë për të shembur Teatrin Kombëtar a thua se teatri kombëtar ishte një kioskë. Në këtë parlament, kjo qeveri përgatiti terrenin për të shkërrmoqur Gjykatën Kushtetuese. Në këtë parlament janë noterizuar ligje me emër biznesmeni që vjedhin pronën publike dhe atë private.

Përballë kësaj mungese të demokracisë dhe vlerave më elementare të parlamentarizmit funksional,
Në kushtet e një qeverie që uzurpon me përdhunë dhe dhunë çdo institucion demokratik,
Në kushtet e një pushteti që ka ardhur prej krimit dhe punon për oligarkët dhe krimin,
Në kushtet e një qeverie që është konvertuar në një qeveri-kartel,

Opozita nuk mund të jetë më një fasadë për këtë parlament.

Djegia e mandateve nuk është sakrificë,
Nuk është as edhe shqelm ndaj demokracisë.

Sot përfundoi procesin e dorëzimit të mandatit tim si deputete. 28 vjet pas ditës në të cilën pashë time më në sheshin Skëndërbej të gëzonte rrëzimin e statujës së diktatorit gjakatar Hoxha; së bashku me shqiptarët dua të luftoj për të rrëzuar një diktator të ri në lindje. Në shkurtin e vitit 1991, ne përmbysëm diktaturën komuniste, sot së bashku do të përfundojmë përmbysjen e diktaturës së narko-shtetit, diktatin e një mazhorance që punon për krimin.

Asnjë pendesë, asnjë zhgënjim. Por krenare që për fëmijët tanë hedhim hapin e duhur për të mposhtur këtë regjim. Së bashku ne mund t’ia dalim. Së bashku ne do t’ia dalim!

LEXO TE PLOTE
Reklama
Reklama
Reklama
Reklama

LAJMET E FUNDIT

Aktualitet19:35 - 21 Shkurt, 2019

Arrestohet ish Kryetari i  Parlamentit të Maqedonisë së Veriut

Policia e Maqedonisë së Veriut ndaloi në orët e vona të pasditës të së mërkurës ish-Kryetarin e Parlamentit të Maqedonisë,...

Aktualitet18:46 - 19 Shkurt, 2019

Senatori Sanders provon sërish/ Njofton kandidaturën për presidencialet

Listës së demokratëve që duan të përballen me Presidentin Donald Trump në zgjedhjet presidenciale të vitit 2020, iu shtua të...

Aktualitet09:00 - 19 Shkurt, 2019

Horror/ 18 vite në frigoriferin e së motrës

Një ngjarje e rëndë ka tronditur opinionin publik në Kroaci, ku një grua e cila ishte zhdukur që në vitin...

haradinaj nuk terhiqet nga vendimi per taksen haradinaj nuk terhiqet nga vendimi per taksen
Aktualitet16:05 - 18 Shkurt, 2019

Taksa ndaj Serbisë/ Nuk tërhiqet Haradinaj

Kryeministri i Kosovës Ramush Haradinaj gjatë një vizite në kompleksin memorial në Gllogjan ndër të tjera ka folur edhe rreth...

Aktualitet09:35 - 18 Shkurt, 2019

 “Kalova nga Tirana”/  Gruevski bën paralajmërimin e fortë

Ish-kryeministri i Maqedonisë Nikola Gruevski, i cili aktualisht ndodhet në Hungari, ku ka kërkuar azil politik ka pohuar se arriti...

Aktualitet21:55 - 17 Shkurt, 2019

Paralajmërimi i Thaçit/ Herët a vonë gjenocidi i Serbisë do të ndëshkohet

Presidenti i Kosovës gjatë deklaratës së tij për 11-vjetorin e pavarsisë së Kosovës ndër të tjera u shpreh se marrëveshja...

Aktualitet18:28 - 17 Shkurt, 2019

Kosovë-Serbi/ Kryeministri maqedonas, deklaratë të fortë për ndryshimin e kufjve

Kryeministri i Maqedonisë së Veriut, Zoran Zaev, nga qyteti gjerman i Mynihu, ku mori pjesë në Konferencën Ndërkombëtare për Çështje...

Aktualitet13:21 - 17 Shkurt, 2019

Marrëveshje me Serbinë/ Tërhiqet Haradinaj?

Kryeministri i Kosovës, Ramush Haradinaj, gjatë fjalimit të tijë në seancën solemne për 11 vjetorin e pavarësisë së Kosovës është...

Aktualitet12:14 - 17 Shkurt, 2019

Seanca e pavarësisë së Kosovës/ Veseli: Kosova duhet të dëgjojë Amerikën

Sot, me rastin e 11 vjetorit të pavarësisë Kuvendi i Kosovës  ka zhvilluar seancë solemne, në të cilën merrte pjesë...

sekretari i shtetit amerikan mike pompeu sekretari i shtetit amerikan mike pompeu
Aktualitet11:29 - 17 Shkurt, 2019

Pompeo uron Kosovën/ I përmend reciprocitetin me Serbinë

Sot Kosova mbush 11 vjeç si shtet i pavarur dhe siç është bërë tanimë traditë ka marë urime zyrtare nga...

Aktualitet10:56 - 17 Shkurt, 2019

Aksidenti në Maqedoni/ Zbardhet identiteti i viktimës nga Kukësi

Nata e 13 shkurtit tashmë është shënuar si një natë e zezë për shqipëtarët e Maqedonisë. Si pasojë e një...

haradinaj, kryeminister i kosoves haradinaj, kryeminister i kosoves
Aktualitet10:36 - 17 Shkurt, 2019

11-vjetori i Pavarësisë/ Haradinaj: Pavarësia jeton me ne

Qeveria e Kosovës ka zhvilluar sot mbledhjen solemne, me rastin e 11-vjetorit të Pavarësisë së vendit,  të drejtuar nga Kryeministri...

Aktualitet21:27 - 16 Shkurt, 2019

Policia shmang sulmet terroriste

Disa zona të Maqedonisë së Veriut kanë shpëtuat nga sulme terroriste të planifikuara nga mbështetës së organizatës famëkeqe ISIS. Lajmi...

hashim thaci dhe aleksander vucic hashim thaci dhe aleksander vucic
Aktualitet21:00 - 16 Shkurt, 2019

Debati për marrëveshjen finale/ Thaçi dhe Vuçiç përballen në Mynih

Presidenti i Kosovës, Hashim Thaçi, dhe ai i Serbisë, Aleksandër Vuçiç, janë përballur ballazi në qytetin gjerman të Mynihut, në...

trump thirrje kosoves dhe serbise trump thirrje kosoves dhe serbise
Aktualitet19:08 - 15 Shkurt, 2019

Marrëveshja Kosovë-Serbi/ Trump bën thirrje për njohje të ndërsjellë

  Presidenti i Shteteve të Bashkuara, Donald Trump, u bëri thirrje presidentëve të Kosovës dhe Serbisë që të punojnë për...

Aktualitet09:57 - 15 Shkurt, 2019

Ulen tensionet me Italinë/ Franca kthen ambasadorin

Këtë të premte pritet që ambasadori i Francës në Itali, Christian Masset të kthehet në Romë. Ministri i jashtëm francez...

dorina bejko, spak dorina bejko, spak
Aktualitet15:37 - 13 Shkurt, 2019

Ngritja e SPAK/ Regjistrohet një tjetër kandidat

Një tjetër prokuror ka aplikuar ditën e sotme për t’u bërë pjesë e Strukturës së Posaçme të Antikorrupsionit. Mësohet se...

tabela ne gjuhen shqipe ne maqedoni tabela ne gjuhen shqipe ne maqedoni
Aktualitet14:24 - 13 Shkurt, 2019

Ndryshimet në Maqedoni/ Tabelat rrugore, edhe në shqip

Ndryshimi i emrit të Republikës së Maqedonisë Veriore, siç edhe pritej ka filluar të japë efektet e para në këtë...

emri i ri i Maqedonise emri i ri i Maqedonise
Aktualitet08:41 - 13 Shkurt, 2019

Hyn në fuqi emri i ri Republika e Maqedonisë së Veriut

Marrëveshja e Prespës dhe ndryshimet kushtetuese hynë në fuqi dhe prej ditës së sotme vendi quhet Republika e Maqedonisë së...

Aktualitet08:37 - 13 Shkurt, 2019

Ligji për Gjuhën Shqipë në Maqedoni/ Qeveria miraton grupin e punës

Qeveria në Maqedoni ka miratuar formimin e grupit të punës ndërministror për zbatimin e Ligjit për gjuhët. Mediat bëjnë të...

Aktualitet21:39 - 12 Shkurt, 2019

Haradinaj: Marrëdhëniet me SHBA-të të pacenueshme, tarifat nuk i heqim

Kryeministri i Kosovës, Ramush Haradinaj, i cili e kishte pranuar letrën më herët gjatë ditës nga ambasadori amerkan Philip Kosnett,...

Aktualitet21:30 - 12 Shkurt, 2019

SHBA ultimatum Kosovës/ Gati të ndihmojmë një marrëveshje me Serbinë

Ambasadori amerikan në Prishtinë, Philip Kosnett u dorëzoi të martën udhëheqësve të Kosovës një letër të nënshkruar nga tre zyrtarë...

Aktualitet10:27 - 12 Shkurt, 2019

Tiranë ndërpritet energjia elektrike/ Ja cilat zona mbeten në terr

Operatori Shpërndarjes së Energjisë Elektrike ka bërë me dije ditën e sotme se në disa zona të Tiranës do të...

ne pranga cifti shqiptar ne pranga cifti shqiptar
Aktualitet15:50 - 11 Shkurt, 2019

Trafikonin  drogë/ Në pranga një çift

Policia italiane ka vënë në pranga një çift shqiptar në zonën e Padernos në Itali. Sipas autoriteteve italiane çifti shqiptar...

presidenti serb aleksander vucic presidenti serb aleksander vucic
Aktualitet15:26 - 11 Shkurt, 2019

Vuçiç kërkesë Kosovës/ Të punojmë së bashku

Presidenti i Serbisë, Aleksandër Vuçiç ka kërkuar sërish heqjen e taksës 100% nga shteti i Kosovës. Në një komunikim me...

Aktualitet20:21 - 10 Shkurt, 2019

Taksa ndaj Serbisë/ Gjenerali amerikan anullon vizitën në Kosovë

Këshilltari i Presidentit Thaçi, Ardian Arifaj, ka konfirmuar se komandanti i Gardës Kombëtare të Iowas, gjeneral-majori Timothy Orr e ka...

Aktualitet20:10 - 10 Shkurt, 2019

“Jelekverdhët” përmbytin bulevardin “Champs Elysees”

Nё Francё sёrish lёvizja “jelekverdhёt” organizoi protesta nё rrugё pёr tё 13 herё. Disa mijёra vetё marshuan nё Paris nga...

Aktualitet19:55 - 10 Shkurt, 2019

Shkundet koalicioni qeverisës/ Qindra mijёra protestues nё Romё

Jo vetëm Serbia por edhe kryeqyteti italan, Roma, është pëtfshirë nga protesta masive ku janë pjesëmarrë qindra mijëra vetë. Sikurse...

Trending

Read previous post:
dorina bejko, spak
Ngritja e SPAK/ Regjistrohet një tjetër kandidat

Një tjetër prokuror ka aplikuar ditën e sotme për t’u bërë pjesë e Strukturës së Posaçme të Antikorrupsionit. Mësohet se...

Close